Frjáls verslun - 01.01.1978, Blaðsíða 54
eru í Noregi og talsvert eru
notuð hérlendis.
Auk þessara tækja eru ýmis
önnur fullhönnuð og bíða þess
að unnt verði að hefja fram-
leiðslu á, en vegna fjárskorts
hefur það tafist nokkuð.
SÉRSTAKT STÝRITÆKI
FYRIR RAFORKUNOTKUN
EFTIR MARKTAXTA
Eitt af þeim rafeindatækjum
sem þegar hafa verið hönnuð
og reynd hjá Pólnum hf., er sér-
stakt stýritæki sem tryggir að
raforkunotkun fari ekki upp
fyrir hámarksálag eins og víða
er samið um, t.d. í sveitum og
í ýmsum stærri framleiðslufyr-
irtækjum. Þessi tækni byggist
á því að stýringin virkar á tvö
eða fleiri tengiþrep, en þá eru
hin ýmsu tæki sem ganga fyrir
raforku tengd inn í þrepum sem
stýritækið slær sjálfvirkt út
þegar nálgast hámarksálag, en
síðan inn aftur þegar álagið
minnkar. Sem dæmi má nefna
að tækið gæti slegið út elda-
vél um leið og mjaltavélar eru
notaðar og síðan inn aftur þeg-
ar mjöltum er lokið. Þannig má
tryggja að ekki sé farið yfir
þau mörk sem taxtaskipting
miðast við og því hægt að halda
raforkukostnaði í lágmarki. Á
sama hátt mætti nota þetta
tæki víða til að skipta sjálfvirkt
á milli rafhitunar og olíukynd-
ingar, þannig að ávallt væri
tryggt að olíukynding væri í
lágmarki en afgangsraforka
nýtt til hins ýtrasta við upphit-
un. Ekki er nokkur vafi á því
að þetta tæki er þjóðhagslega
hagkvæmt og gæti, ef það væri
almennt notað þar sem kostur
er á raforku utan álagstíma til
upphitunar, sparað þjóðinni
gfurlegar upphæðir.
RAFEINDAVOG SEM AUKIÐ
GÆTI NÝTINGU í
FISKVINNSLU
Annað merkilegt rafeinda-
tæki sem Póllinn hf. hefur þró-
að upp og gert tilraunir með er
sérstök sjálfvirk rafeindavog
sem ætluð er til þess að nota
í vinnslurásum frysti- og fisk-
vinnsluhúsa. Hér er um að ræða
að vigta það sem fer í kláfi
frá fiskmóttöku inn að vélum
og síðan aftur frá vélunum og
þannig fylgjast mjög náið með
nýtingu hráefnisins á algjör-
lega sjálfvirkan hátt og án þess
að nokkrar tafir verði á vinnslu-
rásinni af þeim sökum. Tölvu-
búnaður sem tengdur er vog-
inni skráir jafnóðum magnið
að og frá vélunum og reiknar út
nýtingarhlutfallið. Á þennan
hátt má fylgjast með stillingu
vélanna og tryggja að frávikum
sé haldið í lágmarki. Með þessu
móti er talið mega auka með-
alnýtingu hráefnis um a.m.k.
1%, sem þýddi 4 milljón króna
sparnað á ári í rekstri frysti-
húss sem framleiddi úr 5000
tonnum á ári. Ef tækist að auka
þannig nýtingu í fiskiðnaði
landsmanna um einunis 1% af
ársaflamagni sem væri nálægt
300 þúsund tonnum þá væri
fræðilegur möguleiki á 240
milljón króna sparnaði á ári í
rekstri fiskiðnaðarins.
Frystihúsamenn hafa mikinn
hug á að auka nýtingu aflans
og því ekki að furða þótt marg-
ir þeirra hafi sýnt mikinn á-
huga á þessu nýja tæki frá fsa-
firði. Póllinn hf. hefur þegar
varið röskum 4 milljónum til
hönnunar og tilrauna á þessari
rafeindavog en vantar nú nauð-
synlegt fjármagn til þess að
hrinda af stað framleiðslu.
FYRIRGREIÐSLU AÐ
VÆNTA?
Póllinn hf. sótti um fram-
leiðslustyrk til Framkvæmda-
sjóðs í nóvember 1977 í því
skyni að koma af stað fram-
leiðslu á rafeindavoginni. Þar
§em það mun vera eitt af við-
fangsefnum Framkvæmdasjóðs
að stuðla að aukinni nýtingu
sjávaraflans og um leið aukinni
framleiðni í fiskiðnaðinum,
binda ísfirðingar vonir við að
þar muni fást sú fyrirgreiðsla
sem nauðsynleg er til þess að
gera þessa framleiðslu að veru-
leika og væri vissulega
skemmtilegt til þess að vita að
á fsafirði eigi ef tii vill eftir að
rísa vísir að beim iðnaði sem
hineað til hefur vart verið tal-
inn á valdi fslendinga og kallast
háþróuð rafeindatækni.
SJÁVARFRÉTTIR
koma nú út í hverjum
mánuði.
Upplag
SJÁVARFRÉTTA
er nú á sjöunda
þúsund eintök.
Fjórfalt stærra blað en
nokkuð annað
á sviði
sjávarútvegsins.
SJÁVARFRÉTTIR
er lesið af beim, sem
starfa við
sjávarútveginn og
faka ákvarðanir
um innkaup vöru og
þjóniustu fyrir
útgerð, fiskiðnað, skipa-
smíðastöðvar, vél-
smiðjur og aðra aðila á
sviði sjávarútvegs
og þjónustu-
greina hans.
•
Eflið viðskiptin við
sjávarútveginn
og kynnið vörur
og þjónustu í
SJÁVARFRÉTTUM.
SJAVARFRÉTTIR
Ármúla 18.
SÍMAR 82300 OG 82302.
54
FV 1 1978