Frjáls verslun - 01.01.1978, Blaðsíða 59

íshúsfélag ísfirðinga
Bónuskerfið tryggir fólki
góðar dagvinnutekjur
Rætt við Jóhannes G. Jónsson, framkvæmdastjóra
Á síðari árum hafa frystihúsin á ísafirði verið þau stærstu á
landinu livað viðvíkur afurðamagni. Afkoma þeirra hefur einnig
verið betri en flestra annarra. Frjáls verzlun lagði nokkrar spurn-
ingar fyrir framkvæmdastjóra íshúsfélags ísfirðinga, Jóhannes G.
Jónsson.
F.V.: — Þið vinnið cftir bón-
uskerfi og hættið fyrr á daginn
en tíðkast víðast annars staðar.
Er það nýtilkomið?
— Yfirvinna og næturvinna
er yfirleit ekki stunduð í frysti-
húsunum á ísafirði. Allar götur
síðan 1974 og jafnvel fyrr hef-
ur það verið venjan að hætta
vinnu um 5 leytið. Bónuskerfið
hefur verið í gangi síðan 1963
eða 1964, að mig minnir.
F.V.: — Nú tíðkast það að
verkalýðsfélög mótmæli því að
tekin séu upp bónuskerfi?
— Hér hefur þetta gengið á-
takalaust þótt upp hafi komið
ýmis mál sem hefur þurft að
leysa eins cg annars staðar á
vinnustöðum, hvort sem unnið
er eftir bónuskerfi eða ein-
hverjum öðrum launakerfum.
Öll slík mál hafa verið leyst i
samvinnu og bróðerni. Nú það
má ef til vill geta þeiss að bón-
uskerfi var fyrst sett upp til
prufu í Hafnarfirði hérlendis,
síðan í Vestmannaeyjum og hér,
að mig minnir, upp úr 1960 og
hefur verið allar götur síðan
bæði hér og í Eyjum.
BÓNUSKERFIÐ ER
FORSENDAN
F.V.: — Er það bónuskerfinu
að þakka, að þínum dómi, að
þið getið séð þessu fólki fyrir
þessum tekjum á þetta stuttum
vinnutíma?
— Já, á því er ekki nokkur
vafi. Hinsvegar hefur þetta
breyzt taisvert frá því bónus-
kerfið var fyrst sett á, en þá
var það aðallega í handflökun.
Síðan er handflökunin algjör-
lega úr sögunni hér hjá okk-
ur en við það urðu karlmenn-
irnir eiginlega útundan í þessu.
Nú er í gangi premíukerfi, sem
gildir fyrir þá, en það gefur
vissa krónutölu á framleitt kíló
sem þeir síðan skipta á milli
sín, — hjá okkur um 17 manns,
en það eru þeir sem eru inni í
vinnslurásinni en ekki í bónus-
störfum. Stefnt er að því að
breyta þessu þannig að bónus-
kerfið nái til sem allra flestra
þátta og launamöguleikarnir
verði þeir sömu hjá öllum
starfsmönnunum.
F.V.: — Gerið þið út skut-
togara?
— Nei það gerum við nú
ekki, heldur eiga útgerðaraðil-
arnir frystihúsið, en það eru
fyrst og fremst Hrönn h.f. og
Gunnvör h.f. en þau félög gera
út skuttogarann GUÐBJÖRGU
og JÚLÍUS GEIRMUNDSSON
og svo bæjarsjóður sem er
einnig meðal aðaleigenda húss-
ins.
ÁRIÐ 1977 VARÐ METÁR
F.V.: — Hvernig hefur geng-
ið á síðasta ári?
— Árið 1977 er metár hjá
okkur hvað snertir hráefnis-
magn, var nálægt 8500 tonn og
úr því framleiddum við 3800
tonn af frystum afurðum, 80
tonn af saltfiski og 25—30 tonn
af skreið. Aflinn sem unninn
var á síðasta ári, þ.e. afurðir
hússins voru 76% þorskur.
F.V.: — Hefur aflaskiptingin
hreyst með tilkomu skuttogar-
anna?
Jóhannes
G. Jónsson
framkv.stj.
Ishúsfé-
lagsins.
FV 1 1978
59