Frjáls verslun - 01.11.1978, Qupperneq 70

„Menningin getur
orðið okkur æði dýr”
Á Egilsstöðum hittum við að
máli Guðmund Magnússon,
sveitarstjóra, og inntum hann eftir
málum frá sjónarhóli sveitarfé-
lagsins sjálfs.
„Það sem snýr að hreppsfélag-
inu hér er vafalítið svipað og það
sem að flestum öðrum sveitarfé-
lögum snýr“, sagði Guðmundur,
„en því er þó ekki hægt að neita
að við höfum nokkra sérstöðu hér,
því við erum þjónustumiðstöð fyrir
Austurland. Héreru ríkisstofnanir,
svo sem rafveiturnar og póstur og
sími með sínar miðstöðvarog hér
er aðalmiðstöð landbúnaðarfram-
leiðslunnar og afurðanna fyrir
þetta svæði, allt frá Vopnafirði
niður á Djúpavog.
Fólksfjölgun hefur orðið ákaf-
lega ör hérna og nú eru rúmlega
eitt þúsund íbúar í þessu hrepps-
félagi. Atvinna er meir en nóg og
ekki hægt að segja að hér hafi
komist maður á atvinnuleysisskrá
og hér starfa fyrirtæki sem hafa
talsverð verkefni á fjörðunum, auk
þeirra framkvæmda sem hér eru
fyrir hendi.
Menntaskólinn í byggingu
Það tvennt sem hæst ber hjá
okkur er Menntaskóli Austurlands,
sem hér er í byggingu og svo hita-
veitan, því við höfum fundið nóg
heitt vatn við Urriðavatnið til að
nægja Hlöðum og Egilsstöðum.
Það er Ijóst að afkoma sveitar-
félaga er erfið í dag. Þarf að end-
urskoöa algerlega afstöðuna milli
sveitarfélaga og ríkis, ekki sízt
núna, þegar ríkið seilist einfald-
lega í vasa með því að leggja við-
bótargjöld á eftir þörfum, en sveit-
arfélögin þurfa að standa viö sitt
án þess að geta bætt við tekjur
sínar. Viö getum ekki farið eftir á í
vasa skattgreiðenda, hvorki þeirra
sem versla né annarra.
Því er nauðsynlegt að annað
hvort fáum við nýjan tekjustofn,
eða losnum við gjaldaliði. Svona
gengur þetta ekki.
í því sambandi má minna á að
þegar stofnanir eins og mennta-
skóli eru byggðar á stöðum, er á-
vinningurinn ekki eins mikill fyrir
sveitarfélagið og oft er látið í veðri
vaka. Reikna má með aö hingað
flytjist um hundrað manns til bú-
setu vegna skólans og því fylgja
margar kvaðir fyrir hreppinn.
Skólinn greiðir engin fasteigna-
gjöld og ætlast er til þess að lóðir
fáist fyrir ekki neitt, þannig að
menningin getur orðið okkur æði
dýr, þegar allt kemur til alls.
Það er ekki nóg að staðurinn
verði þjónustu-, samgangna- og
menningarmiðstöð, ef hann ber
sig engan veginn fjárhagslega.“
„Vlð getum ekkl farlð eftlr á f vasa skattgrelðenda elns og ríklð", seglr Guðmundur sveltarstjóri á Egllsstöðum.
70