Frjáls verslun - 01.02.1980, Blaðsíða 7

Guðmundur Halldórsson, viðskiptafræðingur,
var um síöustu áramót ráðinn starfsmanna-
stjóri Eimskipafélags íslands.
Guðmundur er fæddur 12. júlí 1950. Hann
lauk stúdentsprófi frá Verslunarskóla Islands
1971 og síðan prófi í viðskiptafræðum frá Há-
skóla íslands 1976.
Guðmundur byrjaði snemma að vinna hjá
Eimskipafélaginu. Frá 1969 vann hann á skrif-
stofu félagsins meó sínu námi og að því loknu
hóf hann starf í skipshafnadeild. í starf starfs-
mannastjóra kemur Guðmundur úr innflutn-
ingsdeild og aðspurður kvað hann þau störf
sem hann gegndi þar gjörólík því starfi sem
hann nú hefur tekist á hendur.
„Starf starfsmannastjórans er æöi yfirgrips-
mikið. í því felst m.a. ráðningar og uppsagnir
starfsfólks, námskeiðahald fyrir starfsfólk og
fleira mætti til telja,“ sagði Guðmundur.
Nýlega fóru fram umfangsmiklar breytingar á
skipulagi Eimskipafélagsins og var þá m.a.
stjórnunarkerfi félgsins stokkað upp og fylgdu
því tilfærslur í störfum.
Magnús L. Sveinsson hefur verið kjörinn for-
maður Verslunarmannafélags Reykjavíkur.
Magnús er fæddur 1. maí 1931. Hann út-
skrifaðist frá Samvinnuskólanum og stundaði
síðan framhaldsnám í London í einn vetur. Að
loknu námi stundaði hann skrifstofustörf og frá
1960 hefur hann verið skrifstofustjóri.
Magnús hefur verið í stjórn Verslunarmanna-
félags Reykjavíkur frá 1964 og varaformaður
frá 1965. Af öðrum trúnaðarstörfum sem
Magnús hefur gegnt fyrir Verslunarmannafé-
lagið má nefna, að hann hefur verið formaöur
samninganefndar félagsins frá 1960, ritstjóri
Handbókar verkalýðsfélaganna og varafor-
maður fulltrúaráðs verkalýðsfélaganna í
Reykjavík síðan 1972. Hann hefur setið í stjórn
Menningar- og fræöslusambands alþýðu frá
1968, í stjórn verkamannabústaða og fleira
mætti telja.
Magnús hefur tekiö virkan þátt í flokksstarfi
Sjálfstæöisflokksins, setið m.a. í stjórn Heim-
dallar í 4 ár, stjórn landsmálafélagsins Varðar í
sjö ár, þar af tvö sem varaformaður. Magnús
situr nú í flokksráði Sjálfstæðisflokksins og sit-
ur fyrir hans hönd í borgarstjórn Reykjavíkur.
Varaborgarfulltrúi var hann frá 1966 til 1974 og
frá þeim tíma verið aðalfulltrúi og auk þess
setið í borgarráði frá 1974 til 1978.
Magnús tekur við formennsku VR af Guð-
mundi H. Garðarssyni.
Magnús er kvæntur Hönnu Hofsdal og eiga
þau þrjú börn.
7