Frjáls verslun - 01.02.1980, Blaðsíða 51
atkvæðis víða annars staðar úti
á landsbyggðinni. Til þess að
gera þessa samlíkingu skiljan-
legri gætum við sagt að Kefla-
vík eigi jafn marga fulltrúa á
þingi og Ólafsfjörður með sína
1200 íbúa. Þegar þess er gætt
að allar ákvarðanir í sambandi
vió uþþbyggingu atvinnulífs
eru núorðið teknar í þingsölum
eða af þingmönnum í forsæti
lánastofnana, þarf ef til vill
engan að undra þótt treglega
gangi að endurnýja fram-
leiðslutækin á Suðurnesjum.
íbúum fækkaði í Kefiavík árið
1979
Frjáls verzlun leitaði til nýs
bæjarstjóra í Keflavík, Stein-
þórs Júlíussonar til þess að fá
vitneskju um hvað sé að gerast
þessa stundina í málefnum
bæjarfélagsins.
Steinþór, sem tók við af Jó-
hanni Einvarðssyni þegar sá
tók sæti á Alþingi, sagði að það
sem Keflvíkingar hefðu haft
mestar áhyggjur af á undan-
förnum árum væri erfið staða
fiskvinnslufyrirtækjanna og
þau áhrif sem það hefði á at-
vinnuöryggið. Þar kæmi margt
til, fiskiðnaður á Suðurnesjum
hefði ekki notið ámóta fjár-
magnsfyrirgreiðslu og fiskiðn-
aðurinn í öðrum landshlutum
og minnkandi fiskgengd á
Faxaflóasvæðinu hefði leitt til
minnkunar á afla síðasta ára-
tuginn.
Aðrar atvinnugreinar hafa
þrátt fyrir þetta verið nokkuð
þróttmiklar og sagði Steinþór
að þjónustuiðnaður af ýmsum
gerðum stæði nokkuð vel auk
þess sem mikil gróska hefði
veriö í byggingariðnaði að
undanförnu.
Steinþór sagðist vera nýbú-
inn að fá tölur um íbúahreyf-
ingu á svæðinu árið 1979 og
þar kæmi í Ijós að íbúum í
Keflavík fækkaöi um 19 manns
á síðasta ári. Þótt það sé ekki
mikill fjöldi þá er þetta at-
hyglisvert fyrir þá sök aö hing-
aö til hefur verið um árlega
fjölgun að ræða næstum und-
antekningarlaust um langt ára-
bil.
Hér mætti skjóta því inní, að
á sama tíma hefur íbúum fjölg-
aö um 72 í Gerðahreppi, 35 í
Vatnsleysustrandarhreppi og
41 í Grindavík.
Við spurðum Steinþór hvort
verið gæti að eitthvað af þessu
fólki séu fyrrverandi Keflvík-
ingar og annað fólk sem af
einhverjum ástæðum hefði að
öðrum kosti átt að flytja til
Keflavíkur?
Steinþór Júlíusson sagðist
ekki geta fullyrt neitt um þaö,
— það hefói ekki verið athugað
sérstaklega enn sem komið er
hvaðan fólk flytti til nágranna-
sveitarfélaganna. Hér gæti þó
ráðið einhverju um að gatna-
gerðargjöld eru verulega lægri
í þessum nágrannasveitarfé-
lögum en í Keflavík.
Atvinnumálin eru áhyggjuefni
Steinþór sagði að Keflvík-
ingar litu með vaxandi ugg á þá
þróun sem virtist ætla að verða
í rekstri Flugleiða og um leið þá
minnkun umferðar um Kefla-
víkurflugvöll, sem þegar hefur
átt sér stað. Uppsagnir starfs-
fólks hjá Flugleiðum er alvar-
legt mál á Suðurnesjum vegna
þeirra miklu umsvifa sem fé-
lagið hefur á Keflavíkurflug-
velli. Þessi samdráttur gæti
einnig, þegar til lengdar lætur,
haft áhrif í ýmsum þjónustu-
greinum t.d. í Keflavík þannig
að atvinna minnkaði.
Þá sagði Steinþór aö vart
hefði orðið við þá tilhneigingu
hjá varnarliðinu, að ráða
eiginkonur varnarliösmanna í
störf sem losnuðu og íslend-
ingar hefðu gegnt. Bæjarstjórn
Keflavíkur hefur gert sérstaka
athugasemd við þessi mál og
lítur það alvarlegum augum á
sama tíma og fyrirsjáanlegur er
samdráttur í starfsemi Flug-
leiöa.
Ýmislegt á döfinni
Steinþór Júlíusson sagði að
fjárhagsáætlun bæjarins væri
ekki fullfrágengin, verklegar
framkvæmdir hefðu ekki verið
sundurliðaðar þar sem beðið
væri eftir afgreiðslu fjárlaga á
Alþingi. Af framkvæmdum væri
þó íþróttahús einna stærst
þessa stundina, 1. áfangi yrði
tekinn í notkun í haust, en það
er sjálft íþróttahúsið og ein
búningsklefaeining. Þá væru
fyrirhugaðar framkvæmdir við
gatnagerð og holræsi veruleg-
ur liður eins og fyrri ár.
Sem kunnugt er hefur bær-
inn annast rekstur Sérleyfisbif-
reiða Keflavíkur og hefur síðan
verið hagnaður af rekstrinum.
Steinþór sagði að þessi hagn-
aður væri þó ekkert til að stæra
sig af, hann nægöi engan veg-
inn til þess að standa undir
eðlilegri endurnýjun á bifreiða-
kosti fyrirtækisins og sam-
göngunum væri í og með hag-
að þannig að sem minnstur
halli væri á rekstrinum samtím-
is því sem reynt væri að koma á
móts við þarfir byggðarlagsins.
Það gæti stundum verið erfitt
að sameina.
Steinþór sagöi að nú væri
hitaveita komin í langflest hús í
Keflavík þótt nokkur hluti væri
hitaður meö rafmagni, en hita-
veitan væri eflaust einhver
mesta kjarabót sem Keflvíking-
ar hefðu fengið fyrr og síðar
auk þess að vera verulegur
sparnaður fyrir þjóðarbúið allt.
49