Frjáls verslun - 01.02.1980, Blaðsíða 13
ordspor
Nú er svo komið að verð á mokkavör-
um úr íslenzkum skinnum er orðið svo
hátt, að útlendingar eru að mestu hættir
að kaupa vöruna. Þannig hefur sala á
skinnavöru hjá íslenzkum markaði á
Keflavíkurflugvelli hrunið úr 13,4% í
3,2% á síðustu 6 árum og er þá átt við
hlutfall af heildarsölu fyrirtækisins. Þeir
sem áttu leið um Strikið í Kaupmanna-
höfn um miðjan febrúar gátu séð, að
mikil útsala á íslenzkum ullarvörum fór
fram í verzlun Kaufmann, sem er einn
helzti smásöluaðili fyrir ullarvörur okkar
á Norðurlöndum. Kunnugir segja að
miklar birgðir hafi legið óhreyfðar í
verzluninni og þær þess vegna settar á
útsölu á hálfvirði eða svo. Háu verði er
fyrst og fremst kennt um sölutregðu.
•
Staðan í forsetakjöri gerist stöðugt
óljósari og virðast menn almennt reikna
með því að miðað við þau framboð, sem
þegar hefur verið lýst, séu allar horfur á
að næsti forseti íslands verði kjörinn með
um 30% atkvœða. Kenningar eru nú uppi
um, að í Ijósi þessa sé Ólafur Jóhannes-
son, utanríkisráðherra, enn á ný að íhuga
framboð til forseta. Samstarfsmenn Ólafs
reikna dœmið þannig að hann geti mögu-
lega smíðað sér þann stökkpall að dugi til
að hefja hann langt upp fyrir aðra fram-
bjóðendur á örskömmum tíma. Eru menn
þá með samningaviðrœður um Jan May-
en-málið í huga. Verði Jan Mayen-deilan
leyst á viðunandi hátt fyrir íslendinga
undir forystu utanríkisráðherrans yrði
það geysiþýðingarmikið veganesti fyrir
forsetaframbjóðandann Ólaf Jóhannes-
son. Framsóknarmenn spá því að Tómas
Árnason yrði líklegur arftaki Ólafs sem
utanríkisráðherra og Halldór Ásgrímsson
vœntan/egur viðskiptaráðherra í stað
Tómasar.
Undarlegrar ritskoðunartilhneigingar
gætir hjá forystumönnum bænda, þegar
landbúnaðarmálin eru annars vegar. í
einum af fréttaþáttunum frá Reykjavík-
urskákmótinu, sem Hermann Gunnars-
son flutti í léttum dúr í kvöldfréttum út-
varpsins, komst hann svo að orði, að
skákmaðurinn Miles teygaði „hvert
mjólkurglasið af öðru þó að mjólkin væri
alltaf að hækka“. Ekki varð í fljótu
bragði sé að þetta gæti farið fyrir brjóstið
á neinum. En viti menn. Formaður
Stéttarsambands bænda sá sig knúinn til
að mótmæla harðlega þessum „rang-
færslum“ að mjólkin væri alltaf að
hækka. í bréfi til útvarpsins lagði hann
þunga áherzlu á að viðkomandi frétta-
maður fengi tiltal fyrir uppátækið. Það
var svo tveimur eða þremur dögum eftir
að bréfið barst sem mjólkin hækkaði enn
á ný!
•
Við undirbúning að lóðaúthlutun í
Reykjavík samkvœmt hinu nýja
,,punktakerfi“' kemur í Ijós, að þeir sem
hafa mesta möguleika á að hljóta stœrstu
einbýlishúsalóðirnar er fólk, sem tekur
fram í umsóknum sínum að það búi nú í
leiguhúsnœði. Það kemur kannski ein-
hverjum skringilega fyrir sjónir hvernig
íbúar í leiguhúsnœði ætla að fjármagna
nýbyggingu, sem kostar fullgerð á annað
hundrað milljónir, en á því þarf tæpast að
gefa aðrar skýringar en þær, að peningar
séu til í banka. Það þarf svo ekki að fjöl-
yrða um það að ýmsir hafa séð í þessum
ákvæðum um leiguhúsnæði nýja smugu
til að fá lóð og setja ekki fyrir sig að leigja
að nafninu til um stundarsakir.
11