Frjáls verslun - 01.02.1980, Blaðsíða 18

Gunnar Snorrason, formaður
Kaupmannasamtakanna: ,,Við
teljum það ranga stefnu, að í
kjarasamningum skuli vera
ákvæói sem takmarki opnunartím-
ann. Slíkar reglur eiga heima í
reglugerðum eða lögum og það er
brýnt að ákvæði kjarasamningsins
samrýmist reglugerðinni."
Árni Árnason framkvæmdastjóri
Verslunarráðsins: ,,Mér þykir það
óeðlilegt, að kjarasamningar skuli
geta takmarkað opnunartíma
verslana. Launþegafélög eiga að
semja um laun umbjóöenda sinna.
Ef starfsfólk og vinnuveitendur
vilja breyta vinnutímanum eitt-
hvað, þá á það að vera mögulegt."
Neytendur
Hvar standa neytendur í þessum
málum? Er það til hagræðis fyrir
neytendur að hafa afgreiðslutím-
ann takmarkaðan? Nei, segja sum-
ir. Fólk á að geta farið til innkaupa
þegar því hentar, en þurfa ekki að
taka sér frí í vinnutímanum til þess.
Sá tími sem kaupmaðurinn hefur
opið hlýtur um síðir að markast af
þeim viðskiptum sem hann á von
á.
Andstæðingar frjáls opnunar-
tíma segja hins vegar að frjáls
opnunartími skapi rugling fyrir
neytendur. Þeir geti aldrei verið
öruggir, hvenær verslanir séu
opnar og þurfi ef til vill að ferðast
vítt og breitt um borgina, til þess
að kaupa í matinn. Að því leytinu til
er betra að hafa einn samræmdan
Oþnunartíma fyrir allar verslanir.
Lokaorð
Nágrannasveitarfélögin hafa
rýmri opnunartíma en gerist í
Reykjavík. Fjöldi Reykvíkinga leit-
ar því bæði til Seltjarnarness,
Hafnarfjarðar eða Mosfellssveitar
um helgar til innkaupa. Af því er
það Ijóst að þörf er á kvöldverslun í
Reykjavík. Hér má minna á skoð-
anakönnun sem gerð var í Dag-
blaðinu 6. apríl 1979 og voru þá
62.6% fylgjandi frjálsum af-
greiðslutíma, en aðeins 37.4% á
móti honum. Samkvæmt þessum
tölum er breytinga á núverandi
ástandi þörf.
Hér má einnig geta þess að
samkvæmt lögunum frá 1936 um
lokunartíma sölubúða sem reglu-
gerðin um afgreiðslutímann hér í
Reykjavík byggir á, falla reglu-
gerðir um afgreiðslutímann úr gildi
hafi þær ekki verið endurnýjaðar
innan tíu ára eða þeim breytt á
einhvern hátt.
Eins og landið virðist liggja í dag
er greinilegt að vilji er fyrir ein-
hverjum breytingum á reglugerð-
inni og það í frjálsræðisátt. Hins
vegar vilja ýmsir áhugamenn um
málið vara við því að breytingarnar
séu gerðar of flóknar með aðal-
reglum, undantekningum og und-
antekningum frá undantekning-
um. Þaö sé brýnasta málið að ein-
föld en fortakslaus regla verði
fundin og sú lausn feli ekki í sér
þvinganir gagnvart þeim sem
treysta sér tii þess að vinna fyrir
sínum tekjum.
UNDIR
VÖRUBÍLINN
LYFTARANN
EINKABÍLINN
er heimsþekkt gæðavara
Ávallt fyrirliggjandi
Eigum einnig fyrirliggjandi
allar stærðir af
TUDOR rafgeymum
Hjólbarðaverkstæðið s/f
Hafnargötu 89 Keflavík
Sími 92-1713
16