Frjáls verslun - 01.03.1980, Blaðsíða 20

Meira öl í Fríhöfninni
Fleiri tegundir
stærri flöskur
Liðið er nú hátt á annan mánuð síðan heimilað var að selja
áfengan bjór í Fríhöfninni á Keflavíkurflugvelli. Menn segja
sín á milli að tæplega tveir mánuðir séu liðnir frá því að
Davíðssálmar voru kyrjaðir, en sem kunnugt er var það út af
mótmælum Davíðs Scheving Thorsteinssonar, iðnrekenda,
sem yfirvöld ákváðu að afnema það óréttlæti að selja einungis
áfengan bjór til flugáhafna og skipsáhafna. Nú getur því hver
sem er keypt sér bjór, að vísu einungis þegar hann kemur í
landið eftir dvöl erlendis.

Hvernig hefur svo salan í áfeng-
um bjór verið? Til að fá svar við
þeirri spurningu og fleirum skyld-
um leitaði Frjáls verslun til Ágústs
Ágústssonar, framkvæmdastjóra
Fríhafnarinnar á Keflavíkurflug-
velli.
Aðeins helmings aukning
,,Þegar við vorum búnir að hafa
bjórinn á boðstólum í um fjörutíu
daga þá höfðum við selt 3200 tólf
flösku kassa. Á sama tíma í fyrra
seldum við 1600 tólf flösku kassa,
svo að þetta er ekki nema helm-
ings aukning á sölunni," sagði
Ágúst, og bætti við að inni í þess-
um tölum væri sala á barnum, sem
einungis farþegar á leið til útlanda
fá að versla við.
Þær tegundir, sem hægt er að
velja á milli eru enn sem komið er
aðeins þrjár, Beck’s, Löwenbrau
og Carlsberg
Bjórinn hefur yfirleitt kostað um
2.500 krónur, eða 6.50$, en verður
nú hækkaður upp í 3.200 krónur
eða 8$ og er það aðallega vegna
hins mikla kostnaðar við að hafa
hann á boðstólum. Á móti þessum
tíöindum kemur þó ein góð frétt
fyrir bjóráhugamenn:
Stærri flöskur á sama verði
„Þær bjórflöskur sem við höfum
á boðstólum í dag eru 33 senti-
lítra, en samkvæmt reglugerðinni
um bjórsölu til flugfarþega, þá
megum við selja allt að 50 cl flösk-
ur í Fríhöfninni og sú stærð af
flöskum kemur nú innan skamms á
markaðinn og verða þær á þessu
sama nýja veröi, átta dollarar, tólf
flöskur.
20