Frjáls verslun - 01.04.1980, Síða 11

ordspor
Að undanförnu hefur mikið verið rætt
um erfiðleika Flugleiða og fækkun ferða
á þeirra vegum yfir Norður-Atlantshafið.
Hætt er þó við að of fáir geri sér grein
fyrir því sem er að gerast á Keflavíkur-
flugvelli á sama tíma og samdráttur er
hjá Flugleiðum. Erlcnd flugfélög eru sem
óðast að hætta að nota völlinn og ís-
lenzka ríkið, sem lætur bandaríska her-
inn greiða megnið af reksturskostnaði
vallarins, hefur ekkert gert til þess að
stilla lendingargjöldum og öðrum þjón-
ustukostnaði í hóf í því skyni að hvetja
erlend flugfélög til þess að auka lending-
ar sínar í Kcflavík. „Transit“-farþegar
um Keflavíkurflugvöll voru t.d. rúmlega
374 þús. árið 1971 en voru einungis rúm-
lega 261 þús. árið 1979. Fækkunin á
þessum 8 árum er rúmlega 113 þús. far-
þegar. Farþegar Flugleiða eru þarna
meðtaldir. Sé litið á þróunina í lending-
um erlendra flugfélaga sést m.a. að vélar
frá leiguflugfélaginu Pacific Western
lentu 137 sinnum á Keflavíkurflugvelli
1971 en 10 sinnum 1979. Félagið Uni-
versal lét vélar sínar lenda 114 sinnum á
Keflavíkurflugvelli árið 1971, 14 sinnum
1977 en aldrei 1979
•
Það mun vera opinbert leyndarmál innan
Seðlabankans, að dr. Jóhannes Nordal
hœtti innan skamms störfum sem aðal-
bankastjóri þeirrar virðulegu fjármála-
stofnunar. Er sagt að Jóhannes hafi
augastað á mikilvægu embœtti hjá Al-
þjóðagjaldeyrissjóðnum, sem honum
bjóðist nú. Miklar bollaleggingar eru að
sjálfsögðu í gangi um vœntanlegan eftir-
mann Jóhannesar og er fyrst og fremst
veðjað á Erlend Einarsson, forstjóra
Sambandsins. Hann mun lengi hafa haft
áhuga á að breyta til eftir langt ogfarsœlt
starf íþágu samvinnuhreyfingarinnar. Þá
vaknar spurningin um arflaka Erlends, og
í samvinnuhreyfingunni er talað um tvo
líklegasta, þá Val Arnþórsson, kaitpfé-
lagsstjóra hjá Kaupfélagi Eyfirðinga og
Sigttrð Markússon, framkvœmdastjóra
sjávarafurðadeildar Sambandsins. Valur
mun njóta stuðnings kaupfélagsstjóranna
en Sigurður er óskabarn æðstu forvígis-
manna innan Sambandsins sjálfs.
m
Úti í löndum hefur það tíðkazt um langt
skeið, að veðurspár væru gerðar til langs
tíma, allt upp í einn mánuð eða jafnvel
enn lengra fram í ókomna tíð. Ekki hefur
þessi háttur verið á hafður í veðurspám
hérlendis til þessa en nú mun þó verða
nokkur breyting á, að því er óstaðfestar
fréttir herma. Hér hefur verið sænskur
sérfræðingur að störfum fyrir Veðurstofu
íslands og kannað möguleika á að hún
gefi út veðurspár til finun sólarhringa í
senn. Hefur sá sænski komizt að þeirri
niðurstöðu, að ekkert ætti að vera í vegi
fyrir slíkum nýjungum hér og er Veður-
stofan að vinna að undirbúningi málsins.
•
Töluverðar hræringar eiga sér nú stað
innan Alþýðuflokksins og hafa orðið þar
nokkrar breytingar á gengi og áhrifum
einstakra foringja. Sagt er að stjarna
Vilmundar Gylfasonar hafi farið mjög
lœkkandi að undanförnu í innsta hring
flokksmanna og sömuleiðis séu uppi há-
værar raddir um að Benedikt Gröndal eigi
að víkja úr formannssæti. Ekki hafa
heyrzt neinar ákveðnar tilnefningar á eft-
irmanni en þeir Kjartan Jóhannsson og
Eiður Guðnason eru af mörgum taldir
heppilegustu leiðtogaefni, sem flokkur á
nú völ á. Þá vekur það athygli að Sjöfn
Sigurbjörnsdóttir, borgarfulltrúi, er ekki
lengur í stjórn Alþýöuflokksfélagsins í
Reykjavík eftir nýafstaðinn aðalfund.
11