Frjáls verslun - 01.04.1980, Page 60

Tvö fjölskyldufyrirtæki á
Akureyri
Við litum inn í tvö sannkölluð fjölskyldufyrirtœki á Akureyri, þegar við vorum
nyrðra fyrir nokkru. Þetta eru fyrirtœkin Tómas Steingrímsson & Co., heild-
verzlun við Furuvelli og Leðurvörur hf. við Ráðhústorgið. Bœðifyrirtœkin stunda
innjlutningsverzlun og Leðurvörur hf. einnig rekstur se'rverzlunar með skó- og
gjafavörur.
í heildverzlun Tómasar Steingrímssonar starfa saman að rekstri fyrirtœkisins
Tómas sjálfur, Leifur sonur hans, eiginkonur þeirra beggja og ennfremur Tómas
Leifsson, skíðakappi, sonarsonur stofnandans.
í Leðurviirum staifa saman þeir Bjami Sveinsson, stofnandi fyrirtœkisins og
elz.tu synir hans tveir: Sveinn, sem rekur skóverzlunina og Sigmar, sem sér um
gjafavörurnar. Þeir brœður eru nú meðeigendur ífyrirtœkinu.
Tómas Steingrímsson & Co.:
„Sérsvið okkar eru umbúðir — og
svo að sjálfsögðu Cellotape”
Tómas Steingrímsson sagði að ef hægt væri að tala um eitthvert
sérsvið þeirra í heildverzlun þá væru það fyrst og fremst um-
búðir. Fyrirtækið hefur umboð fyrir pappírsvörur frá Finnlandi og
annast dreifingu á framleiðsluvörum frá íslenzkum verksmiðjum
á því sviði eins og t.d. pappírspoka- og plastpokagerðum fyrir
norðan og sunnan. Þá er Tómas Steingrímsson & Co. einkaum-
boðsmenn fyrir hið þekkta fyrirtæki Cellotape, sem eins og
kunnugt er, framleiðir límbönd.
,,Þegar stjórnunarfélagið var
með námskeið hér fyrir nokkru
vakti það athygli þátttakenda, sem
komu að sunnan, hvað við dreifum
vörum frá mörgum innlendum
verksmiðjum", sagði Tómas.
Fyrir utan umbúðaverksmiðj-
urnar selur Tómas fyrir Akureyrar-
verksmiðjurnar Lindu, Sjöfn,
Flóru, Kjötiðnaðarstöð KEA,
Blindraiðn K.T. niðursuðuverk-
smiðju K. Jónssonar & Co. Einnig
fyrir verksmiðjur í Reykjavík, svo
sem lakkrísgerðina Kólus og sæl-
gætisgerðina Aladdín. Litlum
verzlunum úti um landið þykir
mjög þægilegt að eiga viðskipti við
heildverzlun Tómasar Steingríms-
sonar, sem rekur eins konar
pökkunarmiðstöð, þar sem vörum
í hæfilegu magni fyrir smáverzlanir
úti um land er safnað saman úr
hinum ýmsu áttum.
Af vörum, sem fyrirtækið kaupir
inn frá útlöndum má nefna, auk
pappírsvaranna frá Finnlandi,
margs konar sælgæti og kex og
einnig vefnaðarvöru eins og
prjónapeysur og blússur. Það eru
eiginkonur þeirra Tómasar og
Leifs, sem sjá aðallega um síðast-
töldu tegundirnar. Tómas yngri er
sérfræðingur í íþróttavörum, sem
fyrirtækið er líka með á boðstólum,
svo sem skíði, stafi, bindingar,
gleraugu o.fl. Þessar vörur eru
56