Frjáls verslun - 01.01.1981, Page 34

Ofurstinn frá Kentucky látinn
Harland Sanders, ofurstinn frá
Kentucky, upphafsmaður Ken-
tucky Fried Chicken, sem reisti sér
minnisvarða út um öll Bandaríkin
og víðar, lést nýlega.
Auglýsingaskilti ofurstans blasa
við vítt og breitt um Bandaríkin og
ekki er svo hægt að aka eftir þjóð-
vegi að maður rekist ekki á eitt-
hvert þeirra. Fígúran á skiltunum
er Sanders ofursti sjálfur. Hann er í
hvítum fötum með slaufu og
heldur glaðhlakkalega á fötu með
Kentucky Fried kjúklingi.
Fyrirtæki Sanders byrjaði smátt.
Hann átti lítinn veitingastað sem
stóð við þjóðbraut í fjöllunum í
Kentucky. Árið 1929 uþþgötvaði
hann blöndu af 11 jurtum og
kryddtegundum. Þessi blanda
gerði, að því er honum fannst,
eitthvað magnþrungið fyrir kjúk-
linga.
1935 bauð Sanders fylkisstjóra
Kentucky að bragða á þessum
rétti. Sá síðarnefndi varð svo hrif-
inn að hann sæmdi Sanders
ofursta titli á staðnum, að breskum
hirðsið. Sanders ofursti varð um
kyrrt í heimafylki sínu næstu 20
árin, eða þar til að hann áleit að
tími væri kominn til að kynna Ken-
tucky Fried Chicken undrauþp-
skriftina víðar.
Sanders seldi einkaleyfi á upp-
skriftinni og fékk fimm cent fyrir
hvern kjúkling sem seldist. Hjólin
fóru að snúast og ekki leið á löngu
þar til fyrirtækið var orðið að stór-
veldi. Sanders ofursti varð þekktur
fyrir hversu ötullega hann gekk
fram við að auglýsa kjúklingana
sína.
Sanders seldi fyrirtækiö árið
1964. Samt sem áður hélt hann
áfram aö ramba á milli sölustað-
anna til að kanna gæði framleiösl-
unnar. Eftir því sem Kentucky Fri-
ed Chicken stöðunum fjölgaði,
jukust áhyggjur Sanders af að
gæðin kynnu að fara veg allrar
veraldar.
A meöan Sanders stjórnaöi
fyrirtækinu var slagorð þess:
„Corn and Cluck for a buck“. Því
var hins vegar breytt eftir að hann
hætti í mun ófrumlegra slagorð:
,,lt’s so nice to feel so good about
a meal.”
Kentucky Fried Chicken stað-
irnir í Bandaríkjunum losa nú fjög-
ur þúsund að tölu. Fyrirtækið er
enn stærst á þessu sviði, en keðjur
af sama tagi, eins og Poþey’s
Famous Fried Chicken og Tom
Sawyer’s Old-Fashioned Krispy
Chicken fylgdu í kjölfarið.
Aðalstöðvar Kentucky Fried
Chicken eru í Louisville, Kentucky,
í gömlu glæsilegu húsi. Fundar-
herbergi stjórnar fyrirtækisins er í
sama stíl og skrifstofa forseta
Bandaríkjanna. Ronald Reagan
vildi sjálfsagt óska þess að hann
ætti eins greiða leið að hjarta
fólksins í landinu eins og ofurstinn
frá Kentucky sem heldur á rauðu
og hvítu fötunni með kjúklingnum
í.
34