Frjáls verslun - 01.02.1986, Síða 28

og snæða hádegisverð i leiðinni.
Þetta gerir hann einungis af hag-
kvæmnisástæðum. „Maður reynir að
nýta hverja einustu stund og þess
vegna getur verið ágætt að sameina
þetta tvennt" — segir Davíð. Hann
segist t.d. hafa þennan háttinn á þeg-
ar hann situr bankaráðsfundi hjá
Iðnaðarbankanum og stjórnarfundi
hjá Lífeyrissjóði verslunarmanna.
„Business lunch sem slíkan tel ég
ekki árangursríkan" — bætir Davíð
við. „Aftur á móti getur verið
ánægjulegt að fara út með góðum
viðskiptavini og snæða kvöldverð
eftir að viðskipti hafa farið fram.“
Halldór Einarsson, framkvæmda-
stjóri Henson telur það hins vegar
vera mjög jákvætt að menn hittist
yfir kaffibolla eða málsverði og ræði
markaðs- eða viðskiptamál. Hann
segir afslappað andrúmsloft í nýju
umhverfi geta auðveldað mjög fyrir
samningum. Halldór segist oft borða
með viðskiptavinum sínum erlendis.
Þessar ferðir séu oft mjög skipulagð-
ar og þá nýti hann gjarnan tímann á
meðan hann snæðir til þess að hitta
sína viðskiptamenn. Hann segist þó
gera lítið af þessu hér heima — þess
í stað hitti hann reglulega vini sína i
Félagi íslenskra grjónapunga sem
hittast daglega á Torfunni.
Gagnkvæmt traust
mikilvægt
Frjáls verslun hafði samband við
Helga Baldursson, kennara við
Verslunarskólann sem kennt hefur
sölutækni og mannleg samskipti í
viðskiptalífinu á námskeiðum fyrir
sölumenn, stjórnendur minni fyrir-
tækja og annað starfandi fólk í at-
vinnulífinu. „Á þessum námskeiðum
leggjum við áherslu á mikilvægi þess
að „selja sjálfan sig“ fyrst þ.e. kynn-
ast viðskiptaaðilanum og vinna upp
gagnkvæmt traust“ — segir Helgi og
telur það eitt að breyta um umhverfi
geti auðveldað þessi samskipti og
því sé hádegis- eða kvöldverður á
veitingahúsi kjörinn vettvangur til
þess að kynnast eða styrkja þá stöðu
sem áunnist hefur.
Blaðið leitaði einnig álits sálfræð-
inga á gildi þess að skipta um um-
hverfi, loka skrifstofunni og fara út
og borða í hádeginu. Voru þeir sam-
mála um að allar breytingar á hinum
hversdagslegu venjum væru til góðs.
Mörg störf væru leiðigjörn og vana-
bundin og því ekki einungis líkamleg
hvíld að breyta til — hvíldin væri
ekki síður andleg.
Þrátt fyrir að menn séu ekki á eitt
sáttir um gagnsemi þess að snæða
málsverð á veitingahúsi á rúmhelg-
um degi — þá geta allir verið sam-
mála um að óneitanlega hlýtur það
að teljast tilbreyting frá grámyglu
hversdagsleikans og þörf hvíld frá
samlokunni eða pylsunni.
Frjáls verslun fór á stúfana og
hitti að máli tvo hópa sem koma
reglulega saman í hádeginu. Ekki
kváðust meðlimir þessara hópa ræða
viðskiptamál — heldur væri tilgang-
urinn annar og skemmtilegri.
„Léttruglaðar
umræður“
Undir þakskeggi veitingahússins
Torfunnar hittu blaðamaður og ljós-
myndari Frjálsrar verslunar sjö eld-
hressa félaga. Þeir kváðust vera fé-
lagar í samtökum sem nefna sig „Fé-
lag íslenskra grjónapunga" og voru
frekari skýringar á nafngiftinni ekki
gefnar. Bergur Guðnason var í for-
svari fyrir hópinn og sagði kjarnann
í félagsskapnum vera Valsara sem
fyrst hefðu komið saman á Tröð sál-
ugu. Þegar Tröðin hætti var þeim
gefið borðið sem þeir sátu jafnan við
og fluttu þeir það með sér á Torfuna
þegar hún hóf starfsemi sína. í milli-
tíðinni hefðu þeir flækst á milli veit-
ingastaða. Umræðuefnið yfir matn-
um? „Það er svona léttruglað um-
ræðuefni um allt milli himins og jarð-
ar — í rauninni allt annað en við-
skipta- og efnahagsmál" — sagði
Bergur og hinir tóku undir. Þeir fé-
lagar sögðust mæta flesta daga vik-
unnar í hédeginu en núna væru þeir
fremur fáir en oftast mættu 10-15
manns.
„Hér reddum við
gærdeginum“
Við hornborð á veitingahúsinu
Óðinsvé eða gamla Brauðbæ hittum
við annan hressan hóp fastra við-
skiptavina. Forsvarsmaður hópsins
Sævar Baldursson verslunarmaður í
Plaza kvaðst hafa verið fastagestur í
hartnær 20 ár og eins og hjá Grjóna-
pungunum væri kjarninn 10 manns.
Allir væru þeir á einhvern hátt
tengdir verslun eða viðskiptum en
umræðan yfir matnum væri þó allt
önnur. „Hér reddum við gærdegin-
um“ — sagði Sævarviðmikinn fögn-
uð viðstaddra. „Ásgeir Kristinsson
er formaður og hefur 10 atkvæði um
þau málefni sem rædd eru. Vara-
forðmaðurinn hefur 9 atkvæði en við
hinir bara eitt. Nei annars taktu ekki
mark á okkur“ — sagði Sævar þetta
er allt í gamni — alvaran fær ekki
rúm í hádeginu."
ALEX
er veitingahús með fjölbreyttan matseðil
en umfram allt þœgilegt umhverfi þar sem þú getur slakað á,
notið góðs matar og notalegrar þjónustu hvenær dags sem er,
frá morgni til miðnættis.
/1111
v/Hlemm
SÍMI24631
28