Frjáls verslun - 01.06.1987, Side 7

Frjáls
verslun
Stofnuð 1939
Sérrit um viðskipta-,
efnahags- og atvinnumál
RITSTJÓRIOG
ÁBYRGÐARMAÐUR:
Kjartan Stefánsson
LJÓSMYNDIR:
Grímur Bjarnason
Gunnar Gunnarsson
Kristján Einarsson
AUGLYSINGASTJÓRI:
Sjöfn Sigurgeirsdóttir
UTGEFANDI:
Frjálstframtakhf.
Tímaritið er gefið út í samvinnu
við samtök í verslun og viðskiptum
SKRIFSTOFA OG
AFGREIÐSLA:
Ármúli 18, simi 82300
Auglýsingasími 31661
RITSTJÓRN:
Bíldshöfði 18, sími 685380
STJÓRNARFORMAÐUR:
Magnús Hreggviðsson
AÐALRITSTJÓRI:
Steinar J. Lúðviksson
FRAMKVÆMDASTJÓRI:
Halldóra Viktorsdóttir
ÁSKRIFTARVERÐ:
1155 kr. 4 blöð
(eintak í áskrift 288,75 kr.)
LAU SASÖLUVERÐ:
297 kr.
SETNING, PRENTUN OG
BÓKBAND:
Prentstofa G. Benediktssonar
LITGREININGAR:
Prentmyndastofan hf.
m
itstjórnargrein
Öll réttindi áskilin varðandi efni
og myndir.
Heimamarkaður
Evrópu
Fáar þjóðir heims eru eins háðar utanríkisviðskiptum og við Is-
lendingar. Við þurfum að fylgjast grannt með öllum hræringum á
erlendum mörkuðum því minnstu breytingar geta haft áhrif á kjör
okkar til hins betra eða verra. Fyrirhugað er að Evrópubandalags-
þjóðirnar komi á einum markaði, heimamarkaði Evrópu, árið
1992. Þessi áform eru án efa stærsta einstaka breytingin á erlend-
um mörkuðum sem haft getur áhrif á viðskiptakjör þjóðarinnar á
næstu árum.
Þegar verið er að ræða um einn markað í Evrópu er ekki aðeins
átt við að landamæri ríkja verði opnuð fyrir vörum og þjónustu.
Um er að ræða gagnkvæman aðgang að mörkuðum jafnt sem auð-
lindum, þar með talið náttúruauðlindir og vinnuafl. Menn hafa
stundum í þessu samhengi talað um Bandaríki Evrópu.
Einn markaður er kærkomið tækifæri fyrir mörg fyrirtæki því
þar fá þau aðgang að stærri markaði en þau höfðu áður haft og
vaxtarmöguleikar þeirra aukast. Stór evrópskur heimamarkaður
mun einnig verða lyftistöng fyrir tækni, rannsóknir og vöruþróun.
Búast má við því að Evrópa verði miklu sterkari heild tæknilega
og efnahagslega en áður og mun hún því standa betur að vígi
gagnvart Bandaríkjunum og Japan. Það er einnig þjóðhagslega
hagkvæmt að ryðja úr vegi þeim leifum hindrunum sem verið hafa
á viðskiptum milli Efnahagsbandalagslandanna. Þessar hindranir
hafa verið lagðar þrátt fyrir yfirlýsta stefnu um fríverslun og þær
hafa haft ýmsan aukakostnað í för með sér.
íslendingar hafa átt mikil og vaxandi viðskipti við Efnahags-
bandalagslöndin á undanförnum árum og það er mikilvægt fyrir
okkur að geta haldið þeim viðskipum áfram ekki síst eftir stækkun
bandalagsins. Eins og málin standa í dag er ekki boðið upp á sam-
bærilega samninga og við höfum nú við bandalagið eftir 1992. Við
virðumst því standa frammi fyrir tveimur kostum: Vera fyrir utan
Efnahagsbandalagið og taka á okkur verðlækkun á mikilvægum
útflutningsvörum í formi tolla eða ganga í bandalagið með þeim
réttindum og skyldum sem því fylgja.
Hvorugur þessara kosta er góður fyrir okkur. Það er ekki nema
rétt rúmur áratugur síðan sigur vannst í landhelgismálinu og
mönnum hrís hugur við þeirri tilhugusun að opna landhelgina fyr-
ir erlendum veiðiskipum. Ekki eru nema fjögur ár til stefnu þar til
við verðum að gera upp hug okkar í þessu máli. Sjálfsagt er að
reyna til þrautar að fá sérstöðu okkar viðurkennda þannig að við
getum notið sambærilegra viðskiptakjara og áður en auðvitað
verður þar á brattann að sækja.
Á hinn bóginn þurfum við að breyta starfsskilyrðum atvinnu-
lífsins á þann veg að þau líkist sem mest starfsskilyrðum í helstu
samkeppnislöndum okkar. Með því sláum við tvær flugur í einu
höggi. Innleiðum hagkvæmt fyrirkomulag í atvinnulífið, sem er
auðvitað sjálfstætt markmið, og búum íslensk fyrirtæki betur und-
ir samkeppni við erlend fyrirtæki hvort sem við tengjumst Efna-
hagsbandalaginu að einhverju leyti eða ekki.
7