Frjáls verslun - 01.06.1987, Blaðsíða 51

IMEDE (International Managament
Development Institute) var stofnaður
árið 1957 og heldur því upp á 30 ára af-
mæli sitt á þessu ári. Frumkvæði að
stofnun skólans átti Nestlé fyrirtækið í
Sviss í samvinnu við Harvard Business
School í Bandaríkjunum og University
of Lausanne auk annarra fyrirtækja.
Skólinn var upphaflega ætlaður
evrópskum stjórnendum, einkum hjá
Nestlé og samstarfsfyrirtækjunum, en
fyrr en varði sóttu skólann stjórnendur
frá öllum heimsálfum. Kennslan fór þó
eingöngu fram á styttri námskeiðum og
var hugsuð sem þróun í starfsferli
stjórnenda innan fyrirtækjanna.
Árið 1972 var svo rekstrarhagfræði-
deild skólans stofnuð. Þar var boðið upp
á nám í rekstrarhagfræði (MBA-Master
of Business Administration) er spann-
aði heilt ár og var ætlað yngri mönnum
en þeim sem komu á námskeiðin, hvort
sem þeir nýttu sér menntunina innan
þess fyrirtækis sem þeir unnu hjá eða á
nýjum vettvangi. Rekstrarhagfræði-
deildin hefur nú starfað í 17 ár og aflað
skólanum þeirrar virðingar sem hann
nýtur, án verulegra breytinga á formi,
en námsskráin tekur sífelldum breyting-
um eftir þörfum atvinnulífsins.
Tilgangur og markmið
IMEDE
Tilgangur skólans er einkum tvíþætt-
ur. í fyrsta lagi að vera alþjóðlegur
skóli, þ.e. leggja áherslu á námsefni er
beinist að því að undirbúa stjórnendur
undir þátttöku í alþjóðaviðskiptum og í
öðru lagi að höfða til nemenda sem víð-
ast að úr heiminum svo hver og einn
geti miðlað af reynslu sinni og við-
skiptavenjum í sínum heimshluta. Með
þessu vill skólinn leggja áherslu á þá
staðreynd að erlendir markaðir, starf-
semi erlendis og samstarf við erlenda
aðila verða sífellt mikilvægari þættir í
starfi stjórnenda fyrirtækja samfara
auknum alþjóðaviðskiptum og víðari
markaðsskilgreiningu fyrirtækja en
áður.
í öðru lagi er tilgangur skólans að
veita menntun í stefnumótun fyrirtækja
og almennri stjórnun frekar en sérhæf-
ingu í einstökum greinum rekstrarhag-
fræðinnar, s.s. fjármálum, framleiðslu,
markaðsfærslu o.s.frv. Með þessu legg-
ur skólinn áherslu á að starf stjórnenda,
hvort heldur framkvæmdastjóra eða
stjórnenda á tilteknum sviðum fyrir-
tækisins, verður að taka mið af öllum
þáttum í starfsemi fyrirtækisins og að
innbyrðis samræmi verður að vera í
stjórnun og stefnumótun þess. Stjórn-
andinn verður því ekki aðeins að vera
sérfræðingur á ákveðnum sviðum held-
ur jafnframt að taka mið af heildar-
stefnu fyrirtækisins og samhæfa alla
þætti þess í starfi sínu. Námsefnið mið-
ar því að því að undirbúa menn undir að
takast á við verkefni á hvaða sviði sem
er og/eða að samhæfa öll svið fyrir-
tækisins.
Auk þessa er lögð áhersla á frum-
kvæði og samskiptatækni stjórnandans,
hagnýtar lausnir á vandamálum frekar
en fræðilegar og náin tengsl við at-
vinnulífið.
Inntökuskilyrði
Á hverju ári berast um 400 umsóknir
um skólavist. Aðeins 65 geta hins vegar
komist að og því eru inntökuskilyrði
mjög ströng. Við mat á umsóknum er
m.a. tekið tillit til tungumálakunnáttu,
aldurs, fyrra náms, starfs og starfs-
aldurs, þjóðernis, niðurstaðna úr
GMAT-prófi, meðmæla, persónugerðar
og fyrirætlana umsækjanda. Krafist er
flugfærni í ensku og kunnáttu í a.m.k.
einhverju öðru tungumáli en kennslan
fer þó eingöngu fram á ensku.
Tveir þriðju nemenda tala a.m.k. þrjú
tungumál. Meðalaldur nemenda er 30
ár, en þeir eru frá 23-38 ára. Meðal
starfsreynsla eftir síðasta háskólanám
er 5-6 ár, en krafist er a.m.k. 2 ára
starfsreynslu að loknu viðurkenndu
háskólanámi. Nær helmingur þeirra
sem hljóta inngöngu hefur viðskipta-eða
hagfræðimenntun að baki en aðrir
koma úr ýmsum greinum tengdum við-
Einar Kristinn Jónsson.
Höfundur þessarar greinar er Einar
Kristinn Jónsson. Einar stundar nám
við IMEDE skólann og féllst hann á að
skiptum, s.s. verkfræði, lögfræði o.fl.
Reynt er að dreifa nemendum sem mest
eftir þjóðerni og eru þeir nú frá 30 lönd-
um úr öllum heimsálfum. Krafist er
góðra niðurstaðna úr GMAT (Graduate
Management Admission Test) og með-
mæla tveggja einstaklinga. Þá eru um-
sóknareyðublöð mjög ítarleg og þannig
úr garði gerð að hægt sé að meta per-
sónueinkenni og fyrirætlanir umsækj-
anda auk þess sem leitað er eftir viðtöl-
um við umsækjendur og þeir jafnframt
hvattir til að verja degi við skólann til að
kynna sér námsefni og tilhögun.
Námsáfangar
Námið tekur 12 mánuði, hefst í byrj-
un janúar og lýkur um miðjan desem-
ber. Námsefnið er samt sem áður um
990 kennslustundir sem jafngildir 2
kennsluárum í flestum skólum með sam-
bærilegt námsefni. Þetta fyrirkomulag
gefur því nemendum tækifæri á að
leggja á sig tvöfalt álag en spara sér eitt
ár í töpuðum launum.
Námsárið skiptist í 10 áfanga, sem
hver er um 4-5 vikur, og spannar sífellt
víðtækari svið eftir því sem líður á
námsárið. Fyrstu þrír áfangarnir leggja
grunninn að þekkingu á almennri
stjórnun og helstu stjórntækjum, næstu
þrír fjalla um stefnumótun og fram-
kvæmdastjórn og þeir síðustu um al-
þjóðamarkaði, samningatækni og ýmis
afmörkuð svið stjórnunar. Námsefni
kynna starfsemi skólans fyrir lesendum
Frjálsrar verslunar.
Einar Kristinn Jónsson lauk stúdents-
prófi frá Verslunarskóla Íslands árið
1977 og viðskiptafræðiprófi frá Há-
skóla íslands 1981 og hóf hann síðan
nám í IMEDE á þessu ári. Með námi
starfaði Einar hjá Arnarflugi og Endur-
skoðun hf. Að námi loknu varð hann
sölu- og markaðsstjóri hjá Pennanum sf.
1981 til 1984 og framkvæmdastjóri hjá
SÁÁ 1984 til 1987.
Á námsárum tók Einar mikinn þátt í
félagsmálum. Hann var formaður Mál-
fundafélags Verslunarskólans, forseti
Nemendafélags Verslunarskólans og
sat í deildarráði Viðskiptadeildar Há-
skóla íslands sem fulltrúi nemenda. Auk
annarra félagsstarfa á hann nú sæti í
stjórn Foreldrasamtakanna Vímulaus
æska og Samtaka um frjálsan útvarps-
rekstur þar sem hann hefur verið for-
maður frá 1985.
Um höfundinn
51