Frjáls verslun - 01.06.1987, Page 39

i4-*4'
Viö smíðar heima hjá sér. í fyrstu ætlaði Jón Þór að verða húsasmiður en smíðarnar urðu þess í stað tómstunda
gaman.
að mennta tölvufræðinga með meiri
þekkingu á viðfangsefninu. Sú leið
sem Verslunarskólinn ætlar að fara í
tölvumenntun er rétt þótt deila megi
um nafnið. Hins vegar hefur alltof
miklu púðri verið eytt í deilur um
nafnið. Það er inntak menntunarinn-
ar sem skiptir máli. Ég sé mikla þörf
í atvinnulífinu fyrir menn með þá
menntun sem Verslunarskólinn ætl-
ar að veita og ég vona að þeim takist
vel til.
Það er ekki nóg að senda starfs-
fólkið á námskeið og búast siðan við
að sjálfvirknin komi af sjálfu sér. Það
er alltof algengt að starfsmenn,
gjaman ritarar, eru sendir á tölvu-
námskeið þar sem þeir þurfa að inn-
byrða mikla þekkingu á skömmum
tíma. Þeim tekst sjaldnast að vinna
úr því magni upplýsinga sem þeir
hafa fengið. Og loks þegar þeir koma
á skrifstofuna aftur bíða þeirra svo
mörg verkefni að þeir hafa ekki tíma
til þess að nýta það sem þeir hafa
lært. Forsvarsmenn verða að móta
stefnuna um sjálfvirkni og ganga á
undan með góðu fordæmi og hag-
nýta sér hana. Það er líka nauðsyn-
legt að tölvuáhugamenn finnist
meðal starfsmanna sem hafa elju og
nennu til að læra á tæknina og miðla
samstarfsmönnum sínum af kunn-
áttu sinni. En hvatning verður að
koma ofan frá.
Hér þarf að ganga skipulegar til
verks. Það þarf að endurskipuleggja
vinnuganginn á skrifstofum með til-
liti til tölvuvæðingarinnar. Að öðrum
kosti verður tölvan og vinnan í
kringum hana meira eða minna við-
bót við allt það sem fyrir var. Hin
eiginlega sjálfvirkni á skrifstofum er
enn vel flestum framandi og trúlega
þarf nýja kynslóð til að koma sjálf-
virkninni í höfn. Sjálfvirkni á skrif-
stofum er bara fyrsta skrefið. Síðan
kemur samtenging skrifstofuhalds
og framleiðslu. Þar eigum við enn
lengra í land.
Við höfum haft oftrú á tækninni
en vanrækt mannlega þáttinn. Það er
maðurinn og tæknin sem skila ár-
angri en tæknin ein skilar engum
árangri. Við þurfum því að hrista
manninn og tæknina betur saman.“
Jón Þór segir að stjórnendur eigi
að ganga á undan með góðu for-
dæmi í tölvuvæðingunni og það hef-
ur hann sjálfur gert. Hann eins og
aðrir starfsmenn SKÝRR er með
tölvuskjá, sem hann notar við
vinnslu margvíslegra verkefna.
Hann getur til dæmis átt samskipti
við aðra starfsmenn í gegnum tölvu-
póst og hann gengur að mestu leyti
sjálfur frá eigin bréfaskriftum eins
og aðrir starfsmenn. í SKÝRR þar
sem 130 manns starfa er til dæmis
aðeins einn ritari.
Útivist og smíðar
— Hver skyldu svo vera áhugamál
stjómandans og skólamannsins Jóns
Þórs?
„Ahugamálin em mörg og sum
tengd starfinu en önnur ekki. Ég hef
mikinn áhuga á sígildri tónlist og
útivist. Mér finnst gott að hreyfa mig
úti við. Ég er þó ekki einn af þeim
sem hef gaman af golfi eða laxveiði
heldur fer ég gjaman í gönguferðir.
Ég hef einnig gaman af því að ferð-
ast. Ég hef aldrei sagt alveg skilið við
húsasmiðinn í mér og gríp oft til þess
að gera hluti í höndunum. Það hefur
komið sér vel því ég eins og fleiri ís-
lendingar hef staðið í því að koma
þaki yfir höfuðið. Jafnframt er það
mikil tilbreyting að gera eitthvað í
höndunum eftir erilsaman dag á
skrifstofunni eða í skólanum."
39