Frjáls verslun - 01.01.2000, Blaðsíða 74
VðRUÞRÓUN
Býrðu yfir hugmynd?
Nýsköpunarsjóður atvinnulífsins og
Iðntæknistofnun vinna saman að
verkefni um vöruþróun þar sem
fyrirtækjum er veitt aðstoð við að þróa
samkeppnishæfa vöru á markað innan-
lands eða til útflutnings. Impra, Þjón-
ustumiðstöð frumkvöðla og íyrirtækja,
sér um framkvæmd verkefnisins. Impra
er innan Iðntæknistofnunar og veitir
þjónustu, upplýsingar og leiðsögn fyrir
frumkvöðla - sem lítil og meðalstór iyrir-
tæki í öllum greinum íslensks atvinnu-
lífs! Hjá Impru er hægt að leita aðstoðar
um allt sem viðkemur viðskiptahug-
myndum og almennum rekstri fyrirtækja jafnframt því sem
gefin eru út leiðbeiningarit og íylgst náið með því sem er að
gerast hérlendis sem erlendis fyrir frumkvöðla og fyrirtæki.
Eitt af verksviðum Impru er að vera framkvæmdaraðili íyrir
Nýsköpunarsjóð að nokkrum verkefnum og er vöruþróunin
eitt af þeim. Anna Margrét Jóhannesdóttir er verkefnisstjóri
Vöruþróunarverkefnisins.
Fjárhagsleg og fagleg aðstoð Vöruþróun er verkefni sem hef-
ur verið í þróun hjá Iðntæknistofnun í tíu ár og er verkefnið tví-
þætt að sögn Önnu Margrétar: Annars vegar er veittur stuðn-
ingur um það hvernig best sé að standa að vöruþróun og hins
vegar er í flestum tilfellum hægt að fá áhættulán frá Nýsköpun-
arsjóði til þróunarvinnunnar. „Vöruþróun er ætlað að veita fýr-
irtækjum aðstoð við að þróa samkeppnishæfa vöru fyrir innan-
landsmarkað eða til útflutnings," segir Anna Margrét.
„Þátttakendur í verkefninu fá fjárhagslega og faglega aðstoð
við vöruþróun sem miðar að því að koma samkeppnishæfri
vöru á markað innan tveggja ára frá upphafi verkefnisins. Verk-
efnið er til tveggja ára. Það er að sjálfsögðu opið öllum fyrir-
tækjum í öllum starfsgreinum, en gert er ráð fyrir því að 24 fyr-
irtæki taki þátt í verkefninu og 24 nýjar vörur komi á markað á
Gtsli Benediktsson, Nýsköpunarsjóði, er formabur verkefnisstjórnar sem
skipuð erfulltrúm frá Iðntœknistofnun ogNýsköpunarsjóði. „Veitt eru lán
að hámarki 5 milljónir króna til hvers verkefnis fýrir sig.“
verkefnistímabilinu. í dag er unnið að 11
verkefnum."
Býrðu yfir hugmynil? Fyrirtæki sem
búa yfir hugmynd að vöru eða þjónustu,
sem þau telja að feli í sér verulegt ný-
næmi og ábata fyrir rekstur sinn, geta
sótt um þátttöku. Anna Margrét nefnir
að æskilegt sé að sú vara eða þjónusta,
sem þróa eigi, sé ákveðin nýjung og ekki
í beinni samkeppni við sambærilega inn-
lenda afurð. „Ávinningurinn er þrenns
konar: í fýrsta lagi fæst fullgerð vara við
verklok, í öðru lagi er veitt fagleg aðstoð
sem tryggir gæði vörunnar fyrir skilgreindan markað og í
þriðja lagi stytta markviss vinnubrögð þróunartíma vöru.“
Ásamt þeim þáttum, sem þegar hafa verið nefndir sem
ávinningur þátttökufyrirtækja, má nefna að stefnt er að því að
auka almenna þekkingu innan fyrirtækjanna á vöruþróun og
mikilvægi hennar fyrir því að ná forskoti á markaði. „Við leggj-
um áherslu á að í upphafi verkefnisins sé farið út í hugleiðing-
ar um markaðinn, þ.e. gerðar markaðskannanir og markaðs-
rannsóknir, til að athuga grundvöll verkefnisins. Við stillum
upp verkefnishópi, í honum sitja þeir lykilaðilar sem koma að
verkefninu, en hans hlutverk er að byggja framkæmda- og
verkáætlun ásamt fjárhagsáætlun. Hópurinn fylgist ítarlega
með verkefninu og sér til þess að ákveðnu vinnuferli sé fylgt
eftir.“
Áhættulán Nýshöpunarsjóðs Hjá Iðntæknistofnun hafa undan-
farin ár verið sett á laggirnar vöruþróunarverkefni í formi
styrkja en á síðastliðnu hausti varð breyting þar á og þau fýrir-
tæki sem sækja um þátttöku í vöruþróunarverkefni í dag hafa
flest möguleika á áhættuláni frá Nýsköpunarsjóði sem er mun
hærra en sú upphæð sem styrkirnir námu áður. Gísli Bene-
diktsson hjá Nýsköpunarsjóði er formaður verkefiiisstjórnar
en hún er skipuð fulltrúum Nýsköpunarsjóðs og Iðntækni-
stofnunar. „Með verkefninu er fyrst og fremst verið að fara í
gegnum vöruþróunarferlið hjá litium og meðalstórum fyrir-
tækjum, þ.e. fýrirtækjum sem hafa ekki burði til að kaupa
þekkinguna og hafa hana innan dyra, og með þátttöku fá fyrir-
tækin kennslu í aðferðarfræðinni í beinum tengslum við verk-
efni sem verið er að vinna að,“ segir Gísli. „Væntingar okkar
eru þær að út úr hverju verkefni komi þróuð vara sem fyrir-
tæki getur gert að framleiðsluvöru og haft af tekjur og hagnað
fýrir utan það að eftir sitji í fyrirtækinu þekking á vöruþróun til
að fyrirtækið geti haldið áfram síðar á sömu braut.“
Áhættulán að hámarhi 5 milljónir Áhættulánin, sem Nýsköi>
unarsjóður veitir, eru til afmarkaðra verkefna þar sem árangur
og væntingar tengjast því hvort vöruþróun eða markaðssetn-
ing heppnast. í lánssamningnum er ákvæði um niðurfellingar-
heimild, en samkvæmt því má breyta láninu í styrk að hluta til
Fyrirtæki sem búa yfir hugmynd
að vöru eða pjónustu, sem pau
telja að feli í ser verulegt nýnœmi
og ábata fyrir rekstur sinn, geta
sótt um pátttöku í vörupróunar-
verkefni Iðntæknistofnunar og
Nýsköpunarsjóðs atvinnulífsins!
Eftír Höllu Báru Gestsdóttur. Myndir: Geir Ólafsson.
74