Morgunblaðið - 28.01.2001, Blaðsíða 2

FRÉTTIR
2 SUNNUDAGUR 28. JANÚAR 2001 MORGUNBLAÐIÐ
Morgunblaðinu í dag fylgir
bæklingur frá Heimsferðum.
JÓN Steinar Gunnlaugsson
hæstaréttarlögmaður upplýsti í
þættinum Í vikulokin á Ríkisút-
varpinu í gær, að einn þeirra
hæstaréttardómara sem skip-
aði dóm Hæstaréttar í máli Ör-
yrkjabandalagsins gegn
Tryggingastofnun 19. desem-
ber, hefði haft samband við full-
trúa í nefnd á vegum ríkis-
stjórnar, sem var falið að stýra
vinnu við undirbúning á frum-
varpi til breytinga á lögum um
almannatryggingar.
Jón Steinar, sem var formað-
ur nefndarinnar, sagði í þætt-
inum að dómarinn hefði haft
samband við fulltrúa í nefnd-
inni til að lýsa ánægju sinni
með skýrslu nefndarinnar, þ.e.
þann hluta hennar, sem fjallaði
um greiningu á dóminum og
hvað í honum fælist.
Morgunblaðið leitaði eftir því
hjá Jóni Steinari um hvaða
dómara hefði verið að ræða og
upplýsti hann þá að umræddur
dómari væri Hrafn Bragason
hæstaréttardómari. Jón Stein-
ar lýsti því að sér þætti ekkert
óeðlilegt við að dómarinn hefði
haft samband við nefndina til
að tjá henni ánægju sína.
Hrafn Bragason var einn
þeirra þriggja dómara sem
mynduðu meirihluta Hæsta-
réttar í máli Öryrkjabandalags-
ins gegn Tryggingastofnun.
Jón Steinar
Gunnlaugsson
Hæstarétt-
ardómari
lýsti ánægju
sinni
SJÖ kvikmyndir hlutu vilyrði til
framleiðslu árið 2002 þegar úthlutað
var úr Kvikmyndasjóði Íslands í
gær, alls 185 milljónir króna. Þá var
150 milljónum úthlutað til fram-
leiðslu fimm kvikmynda á þessu ári
en þrjár þeirra höfðu fengið vilyrði
við úthlutun síðasta árs.
Fimm hlutu styrki til þróunar bíó-
mynda þar sem handrit liggur fyrir
og tíu aðilar hlutu framlög til hand-
ritsgerðar á árinu 2001, 300.000 kr.
hver.
Vilyrði fyrir hæstu styrkjunum á
næsta ári hlutu Sögn ehf. til fram-
leiðslu á myndinni Hafið í leikstjórn
Baltasars Kormáks, 40 milljónir, og
Íslenska kvikmyndasamsteypan til
framleiðslu á myndinni Kaldaljós í
leikstjórn Hilmars Oddssonar, einn-
ig 40 milljónir. Þá fengu Zik Zak
kvikmyndir vilyrði fyrir 35 milljón-
um til framleiðslu á myndinni Næs-
land í leikstjórn Friðriks Þórs Frið-
rikssonar. Vilyrði um 26 milljónir
fékk Sögn efh. fyrir Stormy Weath-
er í leikstjórn Sólveigar Anspach,
Íslenska kvikmyndasamsteypan 25
milljónir fyrir Ís-lending í leikstjórn
Halls Helgasonar, Magus 10 millj-
ónir til myndarinnar Differences
Alike í leikstjórn Peter Ringgard.
Íslenska kvikmyndasamsteypan
hlaut einnig 10 milljóna vilyrði fyrir
myndinni 1.0 sem Marteinn Þórsson
leikstýrir.
Árið 2000 árangursríkasta ár
íslenskra bíómynda til þessa
Í ávarpi sínu við úthlutunina gerði
Þorfinnur Ómarsson, framkvæmda-
stjóri Kvikmyndasjóðs, að umtals-
efni sínu þá miklu farsæld sem nú
ríkir í heimi íslenskra kvikmynda
sem hann sagði reyndar svo mikla
að óhætt væri að fullyrða að árið
2000 hefði verið árangursríkasta ár
íslenskra bíómynda til þessa. Þor-
finnur sagði þennan árangur sér-
staklega ánægjulegan þar sem hann
væri jafnt hér heima sem á erlend-
um vettvangi.
Kvikmyndirnar sem hljóta styrki
til framleiðslu á þessu ári að und-
angengnu vilyrði síðasta árs eru
Mávahlátur sem Ágúst Guðmunds-
son leikstýrir og Ísfilm framleiðir,
40 milljónir, Fálkar í leikstjórn
Friðriks Þórs Friðrikssonar, fram-
leiðandi Íslenska kvikmyndasam-
steypan, 40 milljónir, og Regína
mynd Maríu Sigurðardóttur sem Ís-
lenska kvikmyndasamsteypan fram-
leiðir, 30 milljónir. Myndirnar þrjár
fá allar vilyrði sitt framlengt til 1.
júlí í ár en Kvikmyndasjóður setur
þá reglu að fjármögnun sé að fullu
lokið þegar styrkurinn er greiddur
en að sögn Þorfinns gengur fjár-
mögnun myndanna vel.
Nokkur ný verkefni
fara í framleiðslu
Ný verkefni sem fara í fram-
leiðslu eru Nói Albínói sem Dagur
Kári Pétursson leikstýrir og Zik
Zak kvikmyndir framleiða, 25 millj-
ónir, og Maður einsog ég í leikstjórn
Róberts Douglas, framleidd af
Kvikmyndafélagi Íslands, 15 millj-
ónir.
Í úthlutunarnefnd Kvikmynda-
sjóðs árið 2001 sátu Christof Weh-
meier, Kolbrún Jarlsdóttir og Pétur
Blöndal. Í undirnefnd vegna hand-
ritsstyrkja voru Bjarni Jónsson,
Björn Vignir Sigurpálsson og Guð-
rún Vilmundardóttir.
Sjö myndir fá
úthlutun úr
Kvikmyndasjóði
SELJALANDSFOSS í V-Eyjafjallahreppi er fagur á að líta, ekki síst eftir
að sett var upp lýsing við fossinn. Hann er lýstur upp með tveim stórum
ljóskösturum og hefur fossinn í ljósabaðinu vakið athygli þeirra fjölmörgu
vegfarenda sem fara um þjóðveg 1 daglega.
Seljalandsfoss upplýstur
Morgunblaðið/Jónas Erlendsson
SAMEIGINLEG stefna Norður-
landanna um sjálfbæra þróun, sem
tók gildi í ársbyrjun, markar tíma-
mót í samstarfi landanna að mati
Magnúsar Jóhannessonar, ráðu-
neytisstjóra umhverfisráðuneytis.
Kom það fram í máli hans á umhverf-
isþingi í gær er hann kynnti stefnuna
sem hann sagði eiga rætur í yfirlýs-
ingu forsætisráðherra landanna
haustið 1998 og hún væri pólitískt
bindandi fyrir löndin.
Magnús sagði stefnuna annars
vegar vera markaða til 20 ára og hins
vegar væri sett fram aðgerðaáætlun
til fjögurra ára í senn sem yrði síðan
endurskoðuð undir lok hvers tíma-
bils. Aðild að stefnunni eiga einnig
Færeyjar, Grænland og Álandseyj-
ar. Stefnan tekur til þriggja sviða:
Verkefna í hverju landi fyrir sig;
verkefna sem falla undir hatt nor-
rænu ráðherranefndanna og unnið
verður að framgangi einstakra mála
á vettvangi alþjóðastofnana.
Fylgst verður með framkvæmd
Ráðuneytisstjórinn sagði að ætl-
unin væri að framfylgja stefnunni og
verður samráðsnefnd ætlað að fylgj-
ast með framkvæmd hennar. Fund-
inn yrði mælikvarði á árangur og
Magnús sagði einnig að mörg félaga-
samtök, sem veitt hefðu umsagnir
meðan stefnan var í mótun, hefðu
lýst áhuga sínum á þátttöku í að-
gerðum.
Meðal markmiða í orkumálum er
að ekki verði beint samhengi milli
hagvaxtar og losunar mengandi efna
um leið og orkunotkun eykst og að
stefnt verði að aukningu í nýtingu
endurnýjanlegra orkugjafa. Á sviði
samgangna og flutninga á að auka
notkun endurnýjanlegra orkugjafa,
þróa á og sameina umhverfisvænar
flutningaleiðir og í þróun borga á að
taka mið af sjálfbærri þróun og auka
rannsóknir á því sviði. Í landbúnaði á
að draga úr notkun pestaeyða og
auka nýtingu lífræns úrgangs og á
sviði iðnaðar á að auka notkun timb-
urs í stað áls, steypu og plastefna. Í
sjávarútvegi er stefnt að bættri
orkunýtingu og draga úr ólöglegum
og óheftum fiskveiðum og löndin eru
sammála um að Alþjóða hvalveiði-
ráðið verði á ný stofnun sem sinni
verndun hvalastofna, svo og rann-
sóknum og verslun.
Umhverfisþingi lauk í gær með
umræðum um drög að stefnumörkun
um sjálfbæra þróun til ársins 2020
sem kynnt var fyrri dag þingsins en
greint var frá nokkrum atriðum
hennar í Morgunblaðinu í síðustu
viku. Hægt er að gera athugasemdir
um stefnumörkunardrögin til 1. maí,
bæði almennar athugasemdir um
framsetningu og skipulag og um
hvern markmiðskaflanna 14 sem
taka til einstakra málaflokka. Er
reiknað með að stefnan verði tilbúin í
árslok.
Drög að umhverfisstefnu
ekki nógu skýr
Allmargir þingfulltrúar komu með
ábendingar og þannig vildi Jóhann
Guðmundsson líffræðikennari fá
kafla um þátt skóla og útgáfu
fræðsluefnis, Stefán Gíslason, fram-
kvæmdastjóri Landsdagskrár 21,
vildi sjá aukna áherslu á framleið-
endaábyrgð, Gesti Ólafssyni, arki-
tekt og skipulagsfræðingi, fannst
vanta stefnu um skipulagsmál, m.a. á
sviði samgangna, Tryggvi Felixson,
framkvæmdastjóri Landverndar,
vildi setja saman þá kafla er sneru að
náttúru og vildi fá inn kafla um úti-
vist og Kolbrún Halldórsdóttir al-
þingismaður sagði markmið stefn-
unnar ekki nógu skýr. Taldi hún
framkvæmdaaðila sitja í fyrirrúmi
sem hún sagði ekki til fyrirmyndar.
Þá gerði Kolbrún að umtalsefni
undirritun alþjóðlegrar yfirlýsingar
um hreina framleiðslu sem fram fór
á þinginu á föstudag. Sagði hún það
áróðursbragð að fá fulltrúa stóriðju-
fyrirtækjanna til undirritunarinnar,
með því væri gefið í skyn að stór-
iðjan væri umhverfisvæn.
Sameiginleg stefna um sjálfbæra þróun hefur tekið gildi
Pólitískt bindandi
fyrir Norðurlöndin