Morgunblaðið - 10.04.2001, Blaðsíða 33

LISTIR
MORGUNBLAÐIÐ ÞRIÐJUDAGUR 10. APRÍL 2001 33
Hollt og huggulegt í hádeginu!
Súpa og salat
Hádegishlaðborð
+ súpa og salatbar
alla virka daga
Fjölbreyttur matseði l l a l la daga!
Simi: 553 9700
EINSTAKA unglingamynd frá
Hollywood gengur upp vegna þess
að hún tekur sig ekki of alvarlega og
leikur sér á frísklegan hátt með
klisjurnar. Drop Dead Gorgeous og
Election eru tvær slíkar myndir úr
seinni tíð og þótt Sykur og krydd,
eða „Sugar & Spice“, nái þeim
kannski ekki að gæðum, er hún
prýðileg skemmtun vegna þess að
hún tekur öðruvísi á efninu, í henni
er raunverulegur húmor og skop-
leikurinn er fínn.
Hún segir frá menntaskólastúlku
sem verður ólétt og fer að búa með
helsta gæjanum í skólanum, íþrótta-
goði sem er ekki mikið gáfaðri en
strigaskórnir sem hann gengur í.
Ráðahagur þeirra mætir andstöðu
foreldranna en stúlkan er ekki af
baki dottin og fær vinkonur sínar,
þær eru allar klappstýrur, í lið með
sér til þess að bæta lítillega fjár-
hagsstöðuna; þær ákveða að ræna
banka.
Hópur ungra leikkvenna fer með
aðalhlutverkin og falla býsna vel inn
í söguna. Marley Shelton er eigin-
lega í bjartsýniskasti frá upphafi til
enda sem verðandi móðir og ástkona
íþróttagoðsins. James Marsden er
heimskingi með hjarta úr gulli.
Mena Suvari, sem var svo ágæt í
Amerískri fegurð, er harðjaxlinn í
hópnum sem á móður í fangelsi
(Sean Young í örhlutverki) og svo
mætti áfram telja.
Leikstjórinn, sem kemur frá Ástr-
alíu og heitir Francine McDougall,
heldur utan um hópinn og söguna af
kostgæfni og gerir vitræna skop-
sögu um ódrepandi bjartsýni ungra
stúlkna. Þær eru næstum of barna-
legar eða fávísar til þess að geta
staðið í bankaráni, í von um að geta
lært hvernig fremja á bankarán
horfa þær á bankaræningjamyndir,
en í leiðinni skemmtilega frakkar.
Það er þetta sakleysi í bland við
áræðni og meinlausan húmor sem
lyftir Sykri og kryddi (heitið er
fengið úr hressilegum rokkara) yfir
meðalmennskuna.
Þær deyja ekki
ráðalausar
KVIKMYNDIR
L a u g a r á s b í ó
Leikstjóri: Francine DcDougall.
Aðalhlutverk: Marley Shelton,
James Marsden, Rachel Blanchard,
Mena Suvari, Sean Young og Sara
Marsh. 90 mínútur.
SYKUR OG KRYDD/
„SUGAR & SPICE“

1 ⁄2
Arnaldur Indriðason
ÞÁTTURINN er einn af fimm í
þáttaröð um norræna sakamála-
sagnahöfunda sem unnir eru í sam-
vinnu norrænu sjónvarpsstöðvanna.
„Hugmyndin að þáttaröðinni er
komin frá Danmörku,“ segir Lars
Helander, sem er vel þekktur fyrir
störf sín hjá Sænska sjónvarpinu síð-
astliðna þrjá áratugi, meðal annars
þætti sína um verðlaunarithöfunda
Nóbels.
Yfirumsjón með framleiðslu þátt-
anna hefur Gitte Rabøl frá Danska
sjónvarpinu. Rithöfundunum og
verkum þeirra er lýst frá sjónarhóli
gestsins, þannig að Svíi gerir þátt um
íslenska höfundinn, Íslendingur um
þann sænska, en það er Lárus Ýmir
Óskarsson sem gerir þáttinn um
Håkan Nesser, Norðmaður gerir
þátt um danska höfundinn Leif Dav-
idsen, og Dani um norska höfundinn
Anne Holt. Eina undantekningin frá
reglunni um auga gestsins er að þátt-
urinn um finnska rithöfundinn Matti
Jounsuu verður gerður af landa hans.
Stefnt er að því að sýna þættina á
norrænu ríkissjónvarpsstöðvunum á
hausti komanda.
Sjöunda Íslandsheimsóknin
Helander kveðst strax hafa verið
spenntur fyrir að taka fyrir íslenskan
sakamálasagnahöfund og varð Árni
Þórarinsson fyrir valinu. „Ég hafði
lesið bók hans, Nóttin hefur þúsund
augu, í danskri þýðingu og þótti hún
býsna góð,“ segir hann. Hvítu kan-
ínuna kveðst hann hins vegar ekki
hafa lesið ennþá, enda sé íslensku-
kunnáttan ekki upp á marga fiska.
Þetta er í sjöunda sinn sem Hel-
ander kemur hingað til lands og segir
hann mjög gaman að koma hingað
eina ferðina enn. Hann var ekki nema
19 ára gamall þegar hann dvaldi hér
fyrst í nokkra daga árið 1959 á leið
heim frá Bandaríkjunum. Seinna hef-
ur hann gert þætti um íslenska
menningu, álfa, huldufólk og yfirnátt-
úruleg fyrirbæri. Einnig gerði hann
þátt um Thor Vilhjálmsson eftir að
hann hlaut bókmenntaverðlaun
Norðurlandaráðs.
Isaac Bashevis Singer
áhrifamestur
Það var árið 1972 sem Lars Hel-
ander gerði fyrsta Nóbelsþáttinn.
Heinrich Böll og verk hans voru
fyrsta viðfangsefni hans í þeirri röð.
Vart er það ofsagt að fáir hafi komist í
jafn náin kynni við jafn mörg nób-
elsskáld og Helander, en þættirnir
eru nú orðnir tuttugu um jafnmarga
höfunda. Hann segist eiga margar
góðar minningar um kynni sín af rit-
höfundunum en vissulega séu sumir
minnisstæðari en aðrir. Að öðrum
ólöstuðum segir hann að Isaac
Bashevis Singer sé sá þeirra sem hafi
haft mest áhrif á hann. „Við hittum
hann í íbúð hans á Manhattan og þar
var greinilega maður sem hafði blik í
auga og mikinn húmor,“ segir hann.
„Auðvitað eru þetta mjög ólíkir ein-
staklingar sem ég hef komist mjög
misnærri. En á stundum hef ég kom-
ist í mjög gott samband við þá og þeir
gefið okkur góðan tíma,“ segir Hel-
ander og nefnir þar sérstaklega til
sögunnar Derek Walcott, Kenzaburo
Oe og Seamus Heaney. „Allir gáfu
þeir sér góðan tíma í verkefnið og
voru með okkur í marga daga. Við
ferðuðumst um með þeim, hittum
æskuvini og nágranna og komumst í
verulega nána snertingu við daglegt
líf þeirra. Svo eru aðrir sem ég hef
kannski bara getað tekið við hálftíma
viðtal á hótelherbergi – rétt eins og
þú ert að taka við mig núna,“ segir
hann.
Sænska sjónvarpið næstum
jafnfínt og Sænska akademían
Þegar hann lítur til baka til fyrstu
ára sinna í faginu segir hann að þá
hafi verið mun auðveldara að komast
í samband við fólk til að fá viðtöl. „Í
þá daga var Sænska sjónvarpið næst-
um jafnfínt og Sænska akademían –
en nú eru sjónvarpsstöðvarnar orðn-
ar svo margar og samkeppnin meiri,“
bætir hann við.
Nú hyggst Helander láta gott
heita, enda líður að því að hann fari á
eftirlaun. „Ég er að verða 62 ára og er
búinn að vinna hjá Sænska sjónvarp-
inu í þrjátíu ár,“ segir hann. Nú hugs-
ar hann sér gott til glóðarinnar að
hætta í föstu starfi og geta gert það
sem hann lystir í lausamennsku.
Hann kveðst vera búinn að gera sinn
síðasta Nóbelsþátt, hann var um kín-
verska rithöfundinn Gao Xingjian.
„Mér þykir við hæfi að hætta meðan
ég hef ennþá gaman af þessu,“ segir
hann.
Af sakamálasagna-
höfundum og
nóbelsskáldum
Morgunblaðið/Golli
masv@mbl.is
Lars Helander hefur kynnst tveimur tugum nóbelsverðlaunarithöfunda
og hefur nú snúið sér að norrænum sakamálasagnahöfundum.
Sænski sjónvarpsmað-
urinn Lars Helander
vinnur nú að gerð heim-
ildarþáttar um Árna
Þórarinsson og bækur
hans. Margrét Svein-
björnsdóttir hitti mann-
inn þegar hann var hér
staddur í sinni sjöundu
Íslandsheimsókn.
ÞAÐ var fullt út úr húsi á tón-
leikum Háskólakórsins og Vox
academiae á sunnudagskvöldið.
Fyrri hluti tónleikanna var blönd-
uð söngdagskrá með lögum héðan
og þaðan; þar á meðal voru Lilja,
Silfursvanurinn eftir Gibbons
(jólasálmurinn!), Hodie Christus
natus est eftir Healey Willian; O,
magnum mysterium eftir Victoria,
negrasálmurinn Deep River og
Faðir vor eftir Albert Malotte.
Söngur Háskólakórsins var um
margt þokkalegur en talsvert
vantaði á að hann stæði jafnfætis
því besta í íslenskum kórsöng.
Kórinn á í erfiðleikum með að
fylgja taktslagi kórstjórans og í
upphafi var söngurinn óöruggur
og daufur. Silfursvanurinn var
ónákvæmur í rytma og loðinn og
vantaði meiri fágun. Fyrsti sópran
er greinilega burðarás kórsins og
þar eru söngkonur með reynslu og
kunnáttu. Aðrar raddir falla í
skuggann af fyrsta sópran, sér-
staklega karlaraddirnar sem oft
voru illgreinanlegar. En þótt sópr-
aninn tæki hlutverk sitt alvarlega
átti hann það til að gera um of,
eins og í Faðirvorinu, þar sem
raddbeitingin varð allt of klemmd
þegar ris verksins jókst og hærra
fór í tónstigann. Undir lok verks-
ins var sópraninn skerandi falskur
og sterkur. Besta verkið fyrir hlé
var negrasálmurinn Deep River,
þar sem kórinn söng í fallegum
blæbrigðum frá piano til forte.
Eftir hlé var flutt Sálumessa
Faurés (í annað sinn þessa helgi) –
en hér með fulltingi Vox academi-
ae og kammersveitar í stað orgels.
Flutningur verksins var daufur og
fremur litlaus og náði sjaldan
flugi. Óöryggis gætti oft í inn-
komum radda og það var eins og
verkið væri einfaldlega ekki nógu
vel æft – hnökrarnir voru þess eðl-
is. Einsöngvararnir stóðu sig með
mikilli prýði þótt ekki fari jafn-vel
á því að heyra kvenmann syngja
Pie Jesu og dreng. Bestu þættir
messunnar í flutningi kóranna og
kammersveitar voru Sanctus og
Agnus Dei, þar sem söngurinn reis
hæst.
Fauré fluttur í
annað sinn
TÓNLIST
S e l t j a r n a r n e s k i r k j a
Háskólakórinn söng íslensk og er-
lend lög og Háskólakórinn ásamt
Vox academiae og kammersveit
fluttu Sálumessu eftir Gabriel
Fauré. Einsöngvarar voru Loftur
Erlingsson baríton og Hulda Björk
Garðarsdóttir sópran; kons-
ertmeistari Greta Guðnadóttir,
stjórnandi Hákon Leifsson.
Sunnudag kl. 20.00.
KÓRTÓNLEIKAR
Bergþóra Jónsdótt ir
alltaf á miðvikudögum