Morgunblaðið - 03.06.2001, Page 58

FÓLK Í FRÉTTUM
58 SUNNUDAGUR 3. JÚNÍ 2001 MORGUNBLAÐIÐ
MARGIR hafa ef til vill spurtsig hvers vegna allt þettafjaðrafok er út af Svölu
Björgvinsdóttur. Reglulega hafa bor-
ist fréttir af því, síðastliðin tvö ár eða
svo, að stúlkan „standi á þröskuldi
heimsfrægðarinnar“ en síðan hefur
ekkert gerst. Enginn Íslendingur í
Bandaríkjunum hefur nokkurn tím-
ann heyrt minnst á Svölu í fjölmiðlum
þar og engin skilur neitt í neinu.
En herrar mínir og frúr, nú verður
breyting á. Boltinn sem Skífan henti
af stað fyrir fjórum árum er nú orðinn
stór og viðamikill. Fyrsta smáskífu-
lag Svölu Björgvinsdóttur í Banda-
ríkjunum kemur út 11. júlí næstkom-
andi, en lagið „The Real Me“ verður
formlega sett í útvarpsspilun um
gjörvöll Bandaríkin á morgun.
Ástæðan fyrir því að engin hefur enn
fengið að heyra neitt er sú að plötu-
vinnslan og undirbúningurinn hefur
víst tekið allan þennan tíma.
„Trallað“ inn á snældu
„Það byrjaði svona fyrir alvöru á
þessum tveimur árum áður en ég fór
á samninginn hjá Priorety Records,“
útskýrir Svala. „Platan hefur breyst
mjög mikið frá því ég byrjaði á henni
fyrst. Það eru a.m.k. 6 ný lög sem ég
vann að eftir að ég skrifaði undir
samninginn.“
– Þú vinnur mikið með lagahöfund-
um en hvað átt þú mikið í tónlistinni
sjálfri?
„Mjög mikið. Það eru 5 lög á plöt-
unni sem ég samdi með öðrum laga-
höfundum. Í þeim lögum sem ég
samdi ekki hafði ég mikið að segja
með útsetningu þeirra. Ég tek ekki að
mér lag eftir annan lagahöfund nema
að ég finni einhverskonar tengingu.
Ég vil ekki syngja eitthvað lag sem ég
„fíla“ ekki eða ef ég næ ekki sam-
bandi við textann. Mér finnst það
bara vera plat og ég myndi aldrei
gera það.“
- Hefur þú einhvern tímann spilað
á hljóðfæri?
„Ég lærði á píanó í 4 ár. Ég sem
samt ekkert á það. Ég er bara með lít-
ið snælduupptökutæki með mér sem
ég „tralla“ inn á. Svo vinn ég með
lagahöfundum sem spila á píanó eða
gítar eða eitthvað og klára með þeim
lögin. Þeir heyra bara einhverjar lag-
línur sem ég kem upp með og svo
vinnum við saman út frá henni.“
Tónlistarmarkaðurinn
– Þetta verkefni er búið að lúta
miklum markaðslögmálum frá upp-
hafi og útgáfunni m.a. frestað vegna
þeirra. Skiptir tímasetning svona
miklu máli?
„Já, rosalega miklu. Fólk kannski
gerir sér ekkert grein fyrir því að
þetta kallar á rosalega mikla sam-
vinnu. Það eru margir að vinna sam-
an í þessu, allir að gera sitt. Ef sú
vinna tekst vel þá gengur þetta upp.“
– Er þessi mikla bið ekki búin að
taka á taugarnar?
„Jú, auðvitað, þú getur rétt ímynd-
að þér. Ég er nú samt mjög ánægð að
við séum fyrst að fara af stað núna.
Við vorum ekki tilbúin til þess að gera
þetta strax vegna þess að það þurfti
að samræma alla samvinnu og svo-
leiðis. Núna er þetta komið í gang, ég
er tilbúin og allir eru í raun og veru
tilbúnir. Ég hefði aldrei verið tilbúin í
þetta fyrir tveimur árum. Platan var
ekki orðin eins góð þá og hún er
núna.“
– Finnst þér markaðslögmálin hafa
haldið tónlistarsköpun þinni niðri?
„Já, mig dauðlangar að fara í hljóð-
verið aftur. Ég er náttúrlega búin að
vera ansi mikið núna í öllum þessum
markaðsmálum. Ég þarf að markaðs-
setja sjálfa mig. Ég er bara að kynna
mig, er með ímynd í gangi og allt það.
Ég er tónlistarmaður og þrái að fara
að vinna tónlist aftur en kynningin er
bara svo mikilvægur þáttur. Ameríka
er svo rosalega stór og ég er gjör-
samlega óþekkt. Ég þarf einhvern
veginn að skapa mín eigin fótspor
þannig að fólk þekki þau. Þetta er
bara mjög mikilvægur hluti og ég hef
rosalega gaman af þessu.“
Sérstaða Svölu
– Er búið að leggja mikla vinnu í
það að finna sérstöðu fyrir þig á
markaðinum?
„Já, já. Það er alveg heil mark-
aðsdeild hjá Priorety Records sem er
í því að koma með hugmyndir og
skapa allskonar vörur, auglýsingar
sem allar viðkoma mér.“
– Ertu einhvern tímann beðin um
eitthvað sem þér finnst óþægilegt?
„Mér finnst ekkert óþægilegt.
Þetta er fólk sem þekkir mig og ég fæ
alveg að hafa hönd í bagga. Ef það er
eitthvað sem mér finnst ekki sniðugt
þá geri ég það ekki. Þetta er allt borið
undir mig, umboðsmann minn og
Skífuna þannig að við erum með yf-
irsýn yfir þetta allt. Mér finnst mjög
gott að hafa stjórn á mínum eigin
ferli. Ég vil ekki að einhver gæi úti í
bæ sjái bara um þetta, það er ekki
þannig hjá mér.“
– Hver er svo þín sérstaða?
„Af því að ég er frá Íslandi þá sker
ég mig strax frá Britney, Christinu
og öllum hinum. Það er ekki aðalat-
riðið en verður samt notað til þess að
skilja mig frá öðrum. Ég er Íslend-
ingur og ætla ekkert að fara ljúga
öðru. Mér finnst gaman að tala um
landið mitt, og hvernig við Íslending-
ar erum allt öðruvísi en Bandaríkja-
menn. Þjóðerniskenndin kemur ofsa-
lega sterkt inn hér, maður verður
ofsalega mikill Íslendingur.“
– Ertu að keppa við Britney og
Christinu? Þær eru nú aðeins yngri
en þú er það ekki?
„Jú, þær eru það. Ég er 24 ára og
er að stíla inn á markhópinn frá 10
ára upp í 28 ára, ég held að þær séu
meira að stíla inn á yngri markhóp.
Ég er meira að stíla inn á sama hóp og
Jennifer Lopez. Það er breiðara svið.
Tónlistin mín er aðeins þroskaðri.“
– Maður hefur oft heyrt um það að
útgáfufyrirtæki biðji tónlistarmenn
um að ljúga til um aldur.
„Já, það er alveg satt. Þeir eru
stundum að grínast með það, af því að
það var gert hjá sumum. En ég er svo
rosalega erfið að það væri aldrei hægt
að segja mér að gera eitthvað svoleið-
is. Ekki fræðilegur möguleiki.“
Klám og popp
– Það er mikið spilað út á útlitið í
þessum poppbransa er það ekki?
„Jú alveg rosalega mikið. Það er
nóg að skoða forsíðurnar á öllum
þessum blöðum til að sjá að þær eru
allar hálfberar þessar söngkonur og
leikkonur.“
– Þú hefur greinilega ekkert á móti
því sjálf, er t.d. eiginlega ber framan
á forsíðu Mannlífs.
„Nei, ég hef ekkert á móti því. Ég
er alls ekki spéhrædd manneskja.
Þetta hefur aldrei verið neitt mál fyr-
ir mér. Ef manneskja vill vera kapp-
klædd þá er það fínt líka, þetta er
bara spurning um persónulegt frelsi.
Svo lengi sem þetta verður ekki
ómerkilegt. Ég myndi aldrei fara og
vera í einhverju klámblaði eða eitt-
hvað þannig. Ég hef mjög gaman af
fallegum, kynæsandi myndum sem
eru kvenlegar. Mér finnst það ógeðs-
lega flottar myndir og er algjör
stelpa. Ég les þessi blöð eins og
Vogue, Cosmo og finnst því bara
mjög gaman að fara í svona mynda-
töku. „Playing dressup“, það er
ógeðslega gaman.“
– Það hefur kviknað umræða um
það að nú sé orðin fremur þunn lína á
milli klám- og poppiðnaðarins, hvað
finnst þér um það?
„Það er mjög mikið spilað upp á
kynlíf, það er bara svoleiðis. Ég veit
ekki alveg hvað ég á að segja. Ég get
ekki farið að koma með einhverja
heimspekilegar athugasemdir um
það og hef ekkert hugsað mikið út í
þetta. Tíminn er bara svona í dag.
Hefur þetta ekki alltaf verið svona?
Núna er þetta bara í öðruvísi formi. Á
hippatímabilinu var slagorðið „Free
love“ og allir áttu að sofa hjá öllum.
Núna er voðalega mikið í tísku að
vera í stuttum pilsum og þröngum
fötum. Ég hef ekkert á móti þessu,
svo lengi sem ekki er farið yfir strikið
í þessum málum og ekki sé verið að
niðurlægja neinn á einhvern hátt.
Þetta eru bara mjög flott myndbönd,
flottar stelpur í flottum fötum sem
dansa vel. Ég sé eiginlega ekkert að
því. Þetta er bara augnakonfekt,
aukabónus sem gaman er að horfa á.
Ég held samt að þegar fólk fer að
kaupa geislaplötur þá pælir það
meira í tónlistinni. Það er a.m.k. það
sem ég geri, ég kaupi ekki plötur út af
því að myndbandið er svo flott. Bara
ef mér finnst tónlistarmaðurinn hæfi-
leikaríkur og ef tónlistin er góð. Ég
held að þetta sé meira gert fyrir yngri
og óþroskaðri krakka. Þannig var
maður allavega sjálfur – ef manni
fannst eitthvað meiriháttar flott, þá
var það „kúl“.“
– Þið gerðuð sex plötu samning,
voru þið ekkert smeyk við skuldbind-
inguna?
„Nei, alls ekki. Þeir eru að leggja
sig svo mikið fram. Ég er eini hvíti
popptónlistarmaðurinn á Priorety
Records. Þetta er í fyrsta skipti sem
þeir eru að fara inn á poppmarkaðinn
þannig að þetta er sameiginleg
áhætta. Báðir aðilar eru því að fara út
í þetta í fyrsta skiptið sem er svolítið
skemmtilegt. Það eru allir æðislega
spenntir. Plötufyrirtækið er þekkt
fyrir að gefa út Snoop Doggy Dogg,
IceCube og N.W.A. – allt rapp. Þeir
eru hæfileikaríkir í því að gefa út hipp
hopp-listamenn. Ég er eiginlega eins
og litla barnið í fjölskyldunni, algjört
dekurbarn.“
– Hvenær kemur breiðskífan út?
„Smáskífan fer í útvarpsspilun
núna 4. júní og svo í búðir 11. júlí.
Breiðskífan kemur svo 14. ágúst.“
Landsmenn óska vonlega velgengni.
Nú beinast allra augu að Svölu.
„Flottar stelpur
í flottum fötum
sem dansa vel“
Verður Svala næsta stórstjarna okkar
Íslendinga? Birgir Örn Steinarsson
spurði hana allra spurninganna sem
hafa brunnið á vörum manna.
Svala undirbýr sig fyrir rússibanareiðina.
biggi@mbl.is
Svala Björgvins gefur út sína fyrstu smáskífu í Bandaríkjunum