Morgunblaðið - 07.07.2001, Blaðsíða 45

KIRKJUSTARF
MORGUNBLAÐIÐ LAUGARDAGUR 7. JÚLÍ 2001 45
NÚ hefur verið ákveðið að breyta
tímasetningu guðsþjónusta á sunnu-
dögum í Vídalínskirkju frá og með 8.
júlí til og með 5. ágúst. Guðsþjónustur
hafa verið kl. 11, eins og kunnugt er,
en nú verður tímasetningin á ofan-
greindu tímabili kl. 20.30, á sunnu-
dagskvöldum.
Komið hafa fram óskir frá fólki sem
vill fara úr bænum um helgar í sum-
arbústaði eða annað, að því fyndist
gott að enda helgina með því að koma
í guðsþjónustu. Guðsþjónusturnar
verða með sumarsniði og eilítið styttri
en venjulegar guðsþjónustur. Mætið
vel og leyfið okkur að heyra skoðanir
ykkar á þessum breytingum.
Prestar Garðaprestakalls.
Sýningarlok í
Fella-og Hólakirkju
Sýningunni „Samræmd heildar-
mynd – kirkja, arkitektúr, glerlist og
skrúði“ – sem opnuð var 19. júní sl. í
Fella- og Hólakirkju, lýkur nk.
sunnudag, 8. júlí. Sýningin er opin
virka daga kl. 10-16 og kl. 13-18 um
helgar. Sýningin hefur hlotið afar
góðan hljómgrunn sem best sést á
þeim fjölda sem sótt hefur sýninguna.
Síðasta sýningardaginn veita lista-
mennirnir Sigríður Jóhannsdóttir og
Leifur Breiðfjörð, höfundar skrúða
og glerlistaverka kirkjunnar, leiðsögn
um sýninguna milli klukkan þrjú og
sex. Þann dag verður sýningin opin
frá kl. 13–21. Guðsþjónusta er í kirkj-
unni kl. 20 síðasta sýningardaginn
sem jafnframt er síðasta guðsþjón-
ustan í kirkjunni fyrir sumarleyfi.
Helgihald hefst svo aftur í Fella- og
Hólakirkju 12. ágúst nk.
Fella- og Hólakirkja.
Aðalsafnaðarfundur
Digraneskirkju
Aðalsafnaðarfundur Digranes-
sóknar verður haldinn í safnaðarsal
Digraneskirkju þriðjudaginn 10. júlí
kl 18. Á dagskrá er: 1. Skýrsla for-
manns. 2. Reikningar safnaðarins. 3.
Um skipan sóknarmarka í Kópavogi.
4. Kosning sóknarnefndarmanna og
varamanna. 5. Kosning skoðunar-
manna reikninga. 6. Kosning í nefndir
og ráð. 7. Önnur mál. Léttar veiting-
ar.
Danskur stúlknakór í
Hallgrímskirkju
Stúlknakór danska ríkisútvarpsins
hefur verið á tónleikaferðalagi á Ís-
landi þessa viku ásamt stjórnanda
sínum Michael Bojesen og hljóðfæra-
leikurunum Morten Bech (orgel) og
Evu Malling (bassi). Næstkomandi
sunnudag kl. 11 mun kórinn syngja
við guðsþjónustu í Hallgrímskirkju
verk eftir Bojesen, Holten og
Brahms. Ferð kórsins lýkur með tón-
leikum í Langholtskirkju kl. 16. Guðs-
þjónustuna annast séra Sigurður
Pálsson. Þá mun fyrrverandi Oslóar-
biskup, Andreas Aarflot, sem einnig
er hér á ferð, ávarpa söfnuðinn.
Messa í Borgarvirki
Næsta sunnudag, 8. júlí, kl. 14,
verður messað í Borgarvirki í Húna-
þingi vestra. Síðustu tvö sumur var
messað þar og var aðsókn afar góð.
Gönguhópur leggur upp frá Faxa-
lækjarbrú kl. 12. Þaðan er rúmlega
klukkustundar ganga í Borgarvirki.
Aðgengi að Borgarvirki er gott og
vegur fær öllum bílum. Gestir eru
hvattir til að hafa nesti meðferðis.
Allir eru velkomnir.
Sóknarprestur.
Safnaðarstarf
Hallgrímskirkja. Hádegistónleikar
kl. 12-12.30. Iain Farrington frá Eng-
landi leikur á orgel.
Fella- og Hólakirkja. Samræmd
heildarmynd, sýning á glerlistaverk-
um og skrúða kirkjunnar opin kl. 13-
18.
KEFAS: Þriðjud: Almenn bænastund
kl. 20.30. Miðvikud: Samverustund
unga fólksins kl. 20.30. Allir hjartan-
lega velkomnir.
Sumartími í
Vídalínskirkju
FRÉTTIR
NÝLEGA afhenti Búnaðarbanki Ís-
lands hf. 13 námsstyrki til félaga í
Námsmannalínu Búnaðarbankans.
Þetta var í ellefta sinn sem Bún-
aðarbankinn veitir slíka styrki og
að þessu sinni var hver styrkur að
upphæð 150.000 kr. Alls bárust 247
umsóknir.
Þeir sem hlutu styrki að þessu
sinni voru:
Halldór Ísak Gylfason sem mun
ljúka B.Sc. námi í tölvunarfræði við
HÍ í október, Hallgrímur J.
Ámundason sem lauk meistaranámi
í íslenskum fræðum frá HÍ í júní,
Magnús Fjalar Guðmundsson sem
lýkur meistaranámi í hagfræði í HÍ
næsta haust, Margrét Vilborg
Bjarnadóttir sem stundar B.Sc.
nám í iðnaðarverkfræði við HÍ og
áætlar námslok í október, Elísa Sig-
ríður Vilbergsdóttir sem stundar
nám í klassískum söng við Tónlist-
arháskólann í Lübeck í Þýskalandi,
Hanna Loftsdóttir sem stundar dip-
lomanám í sellóleik við Konunglega
Konservatioríið í Kaupmannahöfn,
Harpa Birgisdóttir sem stundar
meistaranám í umhverfisverkfræði
við Danmarks Tekniske Universi-
tet, Inga Dóra Sigfúsdóttir sem
stundar doktorsnám í rannsókn-
araðferðum og kenningum á sviði
félagsvísinda við Pennsylvania
State University í Bandaríkjunum,
Íris Þorsteinsdóttir en hún stundar
nám í tölvugrafík fyrir Netið, sjón-
varp og kvikmyndir við The Aca-
demy of Art College í San Fran-
cisco, Kaliforníu í Bandaríkjunum,
Kristín Friðgeirsdóttir sem stundar
doktorsnám í stjórnunarvísindum
og verkfræði við Stanford-háskóla í
Kaliforníu í Bandaríkjunum og Óm-
ar Ingþórsson en hann stundar
meistaranám í landslagsarkitektúr
við Guelph University í Ontario,
Kanada.
Útskriftarstyrki nemenda í ís-
lenskum sérskólum hlutu að þessu
sinni Elma Lísa Gunnarsdóttir sem
útskrifaðist með BFA-próf í leiklist
í vor frá Listaháskóla Íslands og
Hugi Guðmundsson sem stundaði
nám í tónsmíðum í tónfræðadeild
við Tónlistarskólann í Reykjavík og
útskrifaðist þaðan í vor.
Á myndinni eru styrkþegar og aðstandendur þeirra sem ekki gátu
mætt, ásamt dómnefndarmönnum.
Hlutu styrk frá
Búnaðarbankanum
ÞJÓÐLAGAHÁTÍÐ fer fram á
Siglufirði dagana 10.–15. júlí og
verður með svipuðu sniði og síðasta
sumar. Boðið verður upp á tíu nám-
skeið, bæði fyrir börn og fullorðna,
auk tónleika á hverjum degi. Þá
verður sérstök lygavaka þar sem
helstu lygalaupar norðan heiða segja
sögur, kveðnar verða vísur og sung-
inn fjöldasöngur.
Poul Høxbro og Miriam Andersen
frá Danmörku kenna norræna þjóð-
dansa, evrópska hirðdansa og ball-
öður og Kristín Valsdóttir verður
með námskeið einkum ætlað grunn-
skólakennurum þar sem hún sýnir
hvernig nýta megi þjóðlög, þulur og
kvæði í almennu skólastarfi. Gunn-
steinn Ólafsson kennir kórstjórum
að fást við þjóðlagaútsetningar fyrir
barnakóra og blandaða kóra, Sigurð-
ur Flosason og félagar í Flís-tríóinu
kenna þjóðlagadjass og Steindór
Andersen kvæðamaður leiðbeinir
um rímnakveðskap.
Einnig verður kennt gamalt hand-
verk og stunduð útivera. Þorgerður
Hlöðversdóttir mun kenna jurtalitun
og feðgarnir Davíð Jóhannesson og
Karl Davíðsson frá Egilsstöðum
sýna gerð víravirkis íslenska þjóð-
búningsins.
Hægt verður að slást í för með
Valgarði Egilssyni, en hann er gjör-
kunnugur á þessum slóðum.
Leiklistarnámskeið verður fyrir
börn 10–12 ára í umsjá Theodórs
Júlíussonar og síðan verður leikja-
námskeið fyrir 9 ára og yngri.
Námskeiðin kosta 10.000 kr. og
aðgangur að tónleikum 1.000 kr.
Hægt er að fá sérstök afsláttarkort á
alla viðburði hátíðarinnar. Barna-
námskeiðin eru ókeypis fyrir börn
þátttakenda. Hátíðin er haldin með
tilstyrk Menningarborgarsjóðs,
Siglufjarðarbæjar og menntamála-
ráðuneytisins. Nánari upplýsingar
eru á heimasíðu hátíðarinnar á
www.siglo.is/festival2001.
Þjóðlagahátíð á
Siglufirði 10.-15. júlí
SUNNUDAGINN 8. júlí verður
opið hús hjá Orkuveitu Reykjavík-
ur á Nesjavöllum frá kl. 10 til 17.
Verður gestum boðið að skoða
virkjunina og fyrir þá sem vilja
ganga fræðslustíginn hefur verið
gert sérstakt leiðakort í tilefni
dagsins. Þetta er gert í tilefni þess
að virkjunin er orðin stærsta gufu-
aflsvirkjun landsins með 90 MWe
framleiðslugetu í rafmagni og
framleiðir 1100 lítra á sek. af heitu
vatni sem jafngildir 200 MWt.
Stöðvarhúsið verður opið gestum
og farið verður í skoðunarferðir
um það. Gestir geta meðal annars
skoðað nýju vélasamstæðuna. Gott
útsýni er yfir vélasalinn úr sér-
stökum gestagangi, þar má líta
þrjár vélasamstæður sem eru eng-
in smásmíði eða um 218 tonn að
þyngd hver.
Rafallinn sjálfur er um 66 tonn,
spennirinn er 72 tonn og hverfill-
inn er um 80 tonn að þyngd.
Gestum er boðið í kaffihlaðborð í
Nesbúð. Rútuferðir á vegum Orku-
veitunnar verða frá Suðurlands-
braut 34 kl. 12.30 og 14 og til baka
frá Nesjavöllum kl. 15 og 16.30.
Opið hús á Nesjavöllum