Morgunblaðið - 14.07.2001, Síða 1

158. TBL. 89. ÁRG. LAUGARDAGUR 14. JÚLÍ 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 14. JÚLÍ 2001
ALÞJÓÐAÓLYMPÍUNEFNDIN
ákvað í gær að Ólympíuleikarnir árið
2008 skyldu fara fram í Peking, höf-
uðborg Kína. Mikill fögnuður braust
út í borginni þegar úrslitin í atkvæða-
greiðslu nefndarinnar lágu fyrir, en
ýmis mannréttindasamtök lýstu yfir
vonbrigðum með niðurstöðuna.
Í fyrri umferð kosningar ólympíu-
nefndarinnar í Moskvu í gær fékk
Osaka fæst atkvæði og datt úr leik.
Strax í annarri umferðinni náði Pek-
ing meirihluta atkvæða, 56, og bar
þannig sigur úr býtum. Toronto kom
næst með 22 atkvæði, Istanbúl hlaut
18 atkvæði og París 9.
„Viðleitni okkar hefur borið árang-
ur. Heimurinn er farinn að skilja Pek-
ing og Kína betur,“ sagði Wang Wei,
formaður kínversku sendinefndar-
innar í Moskvu, eftir að úrslitin urðu
ljós. „Það er mikið starf óunnið, en ég
er sannfærður um að við getum hald-
ið framúrskarandi Ólympíuleika.“
Tugir þúsunda tóku
þátt í fagnaðarlátum
Tugir þúsunda manna komu sam-
an á Torgi hins himneska friðar í Pek-
ing í gærkvöldi til að fagna úrslitun-
um. Rauðum fánum var veifað og
flugeldar lýstu upp himininn.
„Þetta verða bestu Ólympíuleikar
sem haldnir hafa verið, því Kínverjar
eru meiri íþróttaunnendur en nokkur
önnur þjóð í veröldinni,“ hafði AP-
fréttastofan eftir Lu Kexin, 19 ára
þjóni sem hljóp út af veitingahúsi sínu
til að taka þátt í fagnaðarlátunum.
Viðbrögðin voru þó blendin víða
annars staðar.
Taívönsk stjórnvöld létu í ljósi
áhyggjur af því að leikarnir kynnu að
glæða þjóðernishyggju meðal Kín-
verja og að það gæti ógnað fullveldi
Taívans. Dalai Lama, trúarlegur leið-
togi Tíbeta sem flúði hersetu Kín-
verja árið 1959, fordæmdi valið á Pek-
ing-borg og sagði að það myndi auka
enn á kúgun kínversku þjóðarinnar.
Afstaða mannréttindasamtaka var
misjöfn. Sumar hreyfingar mótmæltu
niðurstöðunni og sögðu rangt að veita
Kínverjum þennan heiður í ljósi þess
hve ástand mannréttindamála væri
bágborið í landinu. Önnur samtök
fögnuðu úrslitunum hins vegar og
sögðu leikana geta orðið kínverskum
stjórnvöldum hvatning til að hrinda
umbótum í framkvæmd.
Gríðarlegur kostnaður
Peking, sem tapaði Ólympíuleikun-
um 2000 naumlega til Sydney, var all-
an tímann álitin líklegasta borgin til
að hreppa leikana 2008, þrátt fyrir
mótmæli ýmissa mannréttindasam-
taka.
Kínversk stjórnvöld og borgaryfir-
völd í Peking höfðu skuldbundið sig
til að verja yfir 14 milljörðum dollara,
eða um 1.400 milljörðum króna, til að
halda leikana, en byggt verður gríð-
arstórt ólympíuþorp í norðurhluta
borgarinnar.
Alþjóðaólympíunefndin ákveður að Kínverjar haldi Ólympíuleikana 2008
Mikill fögnuður í Peking
Reuters
Gríðarleg fagnaðarlæti brutust út á Torgi hins himneska friðar þegar tilkynnt var í gær að Ólympíuleikarnir
2008 yrðu haldnir í Peking.
Moskva, Peking. AFP, AP.

Fagnað/2
PERVEZ Musharraf, forseti Pak-
istans, er í dag væntanlegur til Ind-
lands, þar sem hann mun eiga við-
ræður við forsætisráðherrann Atal
Behari Vajpayee.
Fundur leiðtoganna þykir sögu-
legur, því Indverjar og Pakistanar
hafa háð þrjár styrjaldir og deila
enn um yfirráð í Kasmír-héraði í
Himalaja-fjöllum. Eru þetta fyrstu
opinberu viðræðurnar milli
ríkjanna síðan slitnaði upp úr frið-
arumleitunum þeirra árið 1999, eft-
ir að Pakistanar studdu sókn
skæruliða inn í indverska hluta
Kasmír.
Viðræður Vajpayees og Mushar-
rafs munu fyrst og fremst snúast
um stöðu Kasmír-héraðs, en einnig
er búist við að þeir ræði viðkvæm
mál á borð við kjarnorkuáætlanir
landanna og skipti stríðsfanga.
Indverjar og Pakistanar hafa
tvisvar barist um yfirráð í Kasmír
og vopnahléslína, sem dregin var
eftir síðustu styrjöld þeirra árið
1971, skiptir nú héraðinu. Tveir
þriðju hlutar tilheyra Indlandi en
þriðjungur Pakistan. Íslamskir
skæruliðar, sem vilja aðskilnað frá
Indlandi, hófu uppreisn árið 1989
og talið er að síðan hafi um 30.000
þúsund manns fallið í Kasmír.
Gríðarlegur öryggis-
viðbúnaður
Musharraf mun í dag eiga fundi
með indverskum ráðamönnum í
höfuðborginni Nýju Delhí, en
þriggja daga viðræður hans og
Vajpayees hefjast í borginni Agra á
sunnudagsmorgun.
Gríðarlegur öryggisviðbúnaður
er í Agra vegna fundarins og verður
hið fræga grafhýsi Taj Mahal, sem
stendur þar í grennd, lokað meðan á
fundinum stendur.
Viðræður leiðtoga Indlands og Pakistans að hefjast
Reuters
Indverskir lögreglumenn ræða saman fyrir framan grafhýsið Taj Mah-
al, nálægt borginni Agra, en þar er nú mikill öryggisviðbúnaður vegna
fundar leiðtoga Indlands og Pakistans.
Munu ræða
stöðu Kasmír
Nýja Delhí, Srinagar. AFP, AP.
ÆÐSTI áfrýjunardómstóll Frakk-
lands staðfesti í gær skaðabótarétt
barna sem fæðast þroskaheft vegna
þess að læknum láðist að lesa rétt
úr einkennum á meðgöngunni og
gáfu mæðrunum ekki tækifæri til
fóstureyðingar.
Talsmenn hagsmunafélags fatl-
aðra í Frakklandi mótmæltu úr-
skurðinum í gær, en málið hefur
hrint af stað mikilli umræðu í land-
inu. Hafa sumir sagt að með þessu
sé dómstóllinn að draga í efa rétt
fatlaðra barna til að koma í heim-
inn.
Áfrýjunardómstóllinn staðfesti
með úrskurði sínum grundvallarnið-
urstöðu úrskurðar lægra dómstigs
frá því í nóvember, en sá kvað á um
að barn sem fæddist alvarlega fatl-
að vegna þess að móðirin fékk
rauða hunda á meðgöngunni ætti
rétt á skaðabótum.
Fötluð börn
eigi skaða-
bótarétt
París. AP.
EINN Ísraeli lést í gær og 23 Palest-
ínumenn særðust í verstu átökum
sem orðið hafa síðan þjóðirnar
sömdu um vopnahlé fyrir milligöngu
Bandaríkjamanna fyrir um mánuði.
Ísraelski herinn gerði skyndiárás
á skriðdrekum á palestínskt svæði í
borginni Hebron á Vesturbakkanum
í kjölfar dauða Ísraelans. Þrjár lög-
reglustöðvar Palestínumanna voru
lagðar í rúst og 21 palestínskur borg-
ari og tveir lögreglumenn særðust í
árásinni.
Þá skutu ísraelskir hermenn Pal-
estínumann til bana, sem sagður var
hafa verið við það að kasta hand-
sprengju í átt að ísraelskri eftirlits-
sveit.
„Aðgerðir Ísraelshers eru einung-
is sjálfsvörn, nú þegar ógn af hryðju-
verkum fer vaxandi,“ sagði talsmað-
ur ísraelska hersins. Þá var haft eftir
forsætisráðherra Ísraels, Ariel
Sharon, sem nú er í opinberri heim-
sókn á Ítalíu, að viðbrögð ísraelska
hersins myndu harðna í réttu hlut-
falli við fjölda árása Palestínumanna.
„Við gerum allt sem í okkar valdi
stendur til að forðast ofbeldi,“ sagði
Sharon og kallaði eftir aðstoð al-
þjóðasamfélagsins við að þrýsta á
Arafat um að „bregðast við hryðju-
verkum af alvöru“.
Ásakar Sharon skömmu
fyrir fund með Peres
Utanríkisráðherra Egyptalands,
Ahmed Maher, sakaði Sharon í gær
um að leiða Mið-Austurlönd inn í
„vítahring ofbeldis“. Þá varaði hann
Sharon við því að þolinmæði heims-
byggðarinnar gagnvart honum væri
á þrotum. Þetta lét Maher hafa eftir
sér fyrir fund hans og utanríkisráð-
herra Ísraels, Shimons Peres, sem á
að fara fram í Kaíró á morgun.
Mestu
átökin
í mánuð
Hebron, AFP. AP.
Mið-Austurlönd