Morgunblaðið - 14.07.2001, Blaðsíða 9

FRÉTTIR
Engjateigi 5, sími 581 2141.
Opið virka daga frá kl. 10.00–18.00, laugardaga frá kl. 10.00–15.00.
Útsalan í fullum gangi
Neðst við Dunhaga
sími 562 2230
Ú T S A L A
Opið mán.-fös. frá kl. 10-18,
opið lau. frá kl. 10-14
ÚTSALA
Hverfisgötu 6, 101 Reykjavík , sími 562 2862
Opið í dag kl. 11-16
Útsala Útsala

 

 
    

 


   
   
á horni Laugavegs og Klapparstígs,
sími 552 2515
Sígild verslu
n
vaxtalaus afborgunarkjör
Nýkomin sending
af handsaumum
leðurhúsgögnunum
Laugavegi 56, sími 552 2201
ÚTSALA
ný
dúndurtilboð
á hverjum
degi
P.s. Oilily
vetrarbæklingurinn 2001
er kominn.
Útsalan
Laugavegi 58, sími 551 3311
Líttu við!
er hafin
Bankastræti 9, sími 511 1135
Í t ö l s k h ö n n u n
velkomin á heimasíðuna www.jaktin.is
Sérverslun með ítalskar vörur fyrir dömur og herra
Allir sumarjakkar
herra- og dömu á tilboðsverði
STJÓRN Geðhjálpar hefur undan-
farið lýst yfir áhyggjum af lokunum
geðdeilda í sumar og hefur jafnvel
verið rætt um að þær auki á fjölda
heimilislausra einstaklinga í Reykja-
vík. Einhverjir sem á geðdeildum
dveljist eigi ekki í önnur hús að
vernda. Í samtali við Morgunblaðið
segir Engilbert Sigurðsson, yfir-
læknir á Geðdeild Landspítala, að
ekki séu tengsl þarna á milli. „Ég
held að það sé mjög langsótt að telja
að það sé eitthvert neyðarástand í
miðbænum út af þessum lokunum,"
segir Engilbert.
„Það eru allir vistaðir sem þurfa
bráðameðferð og bráðaþjónustu,“
segir hann og bendir á að lokanirnar
í ár séu í rauninni mjög sambæri-
legar og verið hefur síðustu ár. Þó
hafi verið aðeins meira en undanfar-
in ár núna fyrri hluta sumars, en frá
og með mánudeginum verður svipað
ástand og síðastliðin sumur, þegar
deild 12 á Kleppspítala verður opnuð
á ný.
„Hins vegar eru óneitanlega færri
samfélagsúrræði fyrir geðsjúka,
sem margir hverjir þurfa langtíma-
meðferð. Langtímaúrræði hér á
landi eru færri heldur en í mörgum
öðrum löndum, en hefur þó fjölgað á
allra síðustu árum,“ segir Engilbert.
Hann segir að það séu fyrst og
fremst bráðadeildirnar sem loki en
meðallegutíminn þar sé í kringum
tvær vikur.
Að hans sögn ráðast þessar lok-
anir af því að geðsviðið er stórt svið,
með mikinn fjölda starfsfólks, um
650 starfsmenn og það er ekki til á
landinu sumarafleysingafólk til að
ganga inn í störf þeirra sem fara í
sumarfrí. Hjúkrunarfræðingar eru
sú stétt sem er stærst af þessum
faghópum.
Hann segir að reynt sé til hins ít-
rasta að halda þjónustunni þannig
að hún geti mætt þeim þörfum sem
séu til staðar. „Það er ljóst að það er
vaxandi ásókn í okkar þjónustu og
sá hópur sem hefur verið einna erf-
iðast að þjónusta er sá hópur sem er
bæði með vímuefnavandamál og
geðraskanir. Það kemur óneitanlega
aðeins niður á þessum hópi að það
eru færri pláss á áfengis- og fjöl-
kvilladeildinni í sumar en er yfir
vetrartímann. Það er bara sambæri-
legt við það sem var í fyrra og hefur
verið fleiri sumur,“ segir Engilbert.
Hann minnir á að óneitanlega sé
vilji fyrir hendi til að halda úti fleiri
slíkum rýmum en starfsfólk vanti til
þess að það sé hægt. „Það þarf fleiri
langtímalausnir, þetta snýst ekki um
það að opna nokkur rúm og vandinn
er leystur, það er ekki svoleiðis,“
segir hann.
Ekki hefur dregið úr
leguplássi umfram
það sem venjulegt er
„Ég efast ekki um að það er mikið
af sjúklingum af ýmsum toga niðri í
bæ um mitt sumar. En það eru eng-
ar meiriháttar breytingar frá því
sem verið hefur varðandi lokanirn-
ar,“ segir Sveinn Magnússon, skrif-
stofustjóri í heilbrigðis- og trygg-
ingamálaráðuneytinu. Hann telur að
ekki hafi verið dregið úr leguplássi
nú í sumar umfram það sem venju-
legt sé.
Hann segir að einhver tengsl
þarna á milli séu mjög veikbyggð
fullyrðing og hann hafi engar tölur
um að ástandið sé svona. Hann viti
ekki til þess að þetta hafi verið
kannað formlega. „Geðhjálp myndi
væntanlega þurfa að hitta þá geð-
deildarmenn til að finna út hvað sé
að gerast. Það hefur náttúrlega
margt verið að gerast á sviði þessara
mála núna síðustu mánuðina. En að
innlagnir inn á bráðadeildir komi
eitthvað inn í þetta, það virðist ekki
stemma ef miðað er við það pláss
sem vanalega er um þetta leyti,“
segir Sveinn.
Hann bendir á að sífellt sé verið
að reyna að leita einhverra lang-
tímalausna á málefnum geðfatlaðra
og menn séu mjög meðvitaðir um
þessi mál. Skoða þurfi þau í heild
sinni. Sveinn segir að fleiri þættir
komi inn í fjölgun heimilislausra,
geðfatlaðra og annarra. Greinilegt
sé að tilfærsla hafi orðið á þeim stöð-
um sem þetta fólk sæki og nú sé það
sýnilegra niðri í miðbæ.
Yfirlæknir á geðdeild Landspítalans – háskólasjúkrahúss
„Langsótt að telja að
neyðarástand sé í mið-
bænum út af lokunum“
VERKTAKI á vegum borgarverk-
fræðings er nú að rífa tvo bragga
við Rauðavatn, nánar tiltekið á
gatnamótum Breiðholtsbrautar
og Suðurlandsvegar. Verkinu
mun ljúka síðar í mánuðinum.
„Við erum einfaldlega að
hreinsa til. Það hefur staðið til
lengi að fjarlægja braggana. Við
buðum verkið út og verktaki er að
hreinsa þetta fyrir okkur,“ segir
Guðmundur Pálmi Kristinsson,
forstöðumaður byggingardeildar
borgarverkfræðings, og bætir við
að braggarnir hafi lengi vel verið
notaðir sem geymslur fyrir aðila
sem leigði þá en ákveðið hafi ver-
ið að segja samningnum upp.
Aðspurður hvað eigi að koma í
stað þeirra segir hann ekkert
ákveðið í þeim efnum. „Sam-
kvæmt skipulagi átti að rífa þá
því þeir eru það nálægt göt-
unum.“
Guðmundur segir að brögg-
unum hafi verið lítt við haldið og
því hafi þeir verið orðnir ryðgaðir
og illa útlítandi. Inntur eftir því
hve margir braggar séu á landinu
segist hann ekki þora að fara með
það. Hann viti m.a. um bragga á
nokkrum stöðum í sveitum þar
sem heimamenn hafi keypt þá á
sínum tíma af hernum og notað
sem geymslur. Hann segir að
þeim fari þó ört fækkandi.
En hafa engar ábendingar kom-
ið um að varðveita þó ekki væri
nema annan braggann þar sem
um er að ræða sögulegan minja-
grip? „Nei það hefur ekki komið
til þess. Við eigum góðar myndir
og teikningar af þessu. Það má
því alltaf endurbyggja bragga.“
Braggar rifnir við Rauðavatn
Morgunblaðið/Billi
Bröggunum tveimur, sem áður voru notaðir sem geymslur, var lítt
haldið við og voru þeir því orðnir ryðgaðir og illa útlítandi.
MORGUNBLAÐIÐ LAUGARDAGUR 14. JÚLÍ 2001 9