Morgunblaðið - 22.07.2001, Blaðsíða 8

FRÉTTIR
8 SUNNUDAGUR 22. JÚLÍ 2001 MORGUNBLAÐIÐ
NÝ útvarpsstöð, Steríó 895, tók til
starfa í fyrradag á vegum Sjálf-
stæða útvarpsfélagsins ehf. Stöðin
er með aðsetur í Kópavogi og nást
útsendingar hennar á Suðurlandi og
Faxaflóasvæðinu, frá Borgarnesi til
Keflavíkur. Einnig verður sent út á
Netinu, bæði hljóð og mynd úr
hljóðverinu, og er stefnt að því að
þær útsendingar hefjist í næstu
viku.
Dagskrárgerðarfólk fær frjáls-
ari hendur en gengur og gerist
Davíð Jónsson Sewell markaðs-
stjóri segir að stöðin sendi út allan
sólarhringinn, dagskrá sé haldið úti
af dagskrárgerðafólki frá sjö að
morgni til miðnættis og tónlist leik-
in á nóttinni. Hann segir að mark-
hópur stöðvarinnar sé fólk á aldr-
inum 15 til 40 ára með áherslu á
hópinn á milli 20 og 30 ára og að
hefðbundinni dagskrá með poppi og
dægurtónlist verði haldið úti á virk-
um dögum, en um helgar verði á
dagskrá umræðuþættir, útvarps-
leikrit og ýmiss konar óvenjulegir
útvarpsþættir. Að sögn Davíðs er
óhætt að segja að fyrirtækið sem
rekur stöðina, Sjálfstæða útvarps-
félagið, beri nafn með rentu. Hann
segir stefnt að því að dagskrárgerð-
arfólk vinni mjög sjálfstætt og að
það fái frjálsari hendur og en geng-
ur og gerist á útvarpsstöðvum hér á
landi.
Morgunblaðið/Ásdís
Föstudagur var fyrsti útsendingardagur útvarpsstöðvarinnar Steríó
895. Íris Kristinsdóttir dagskrárgerðarmaður í hljóðveri.
Ný útvarps-
stöð, Steríó
895, tekur
til starfa
Skógrækt á Héraði
Ræktunin
gengur vel
Landssamband skóg-arbænda verðurmeð aðalfund á
Hallormsstað 10. og 11.
ágúst nk. Í tengslum við
fundinn verður þess
minnst að Héraðsskógar
verða tíu ára í ár. Rúnar
Ísleifsson er skógræktar-
ráðunautur hjá Héraðs-
skógum, hann var spurður
hvernig starfseminni mið-
aði?
„Verkefnið hófst 1990
en varð formlega til með
lögum 1991. Bændur hafa
verið að gróðursetja frá
1990. Á þessum ellefu ár-
um er búið að gróðursetja
í 3.400 hektara í löndum
bænda hér á svæðinu.
Bændur hafa unnið þessi
verk fyrst og fremst sjálf-
ir.“
–Sprettur skógurinn vel?
„Almennt hefur þessi ræktun
gengið mjög vel. Elstu svæðin
sem gróðursett var í eru farin að
verða talsvert áberandi í dag.
Fólk er farið að átta sig á að hér
eru að spretta upp heilmiklir
skógar. Gróðursettar hafa verið
12 milljónir plantna á þessu tíma-
bili hér á Fljótsdalshéraði.“
–Hvaða tegundir eru þetta?
„Uppistaðan er rússalerki, eða
um 60%, þar á eftir koma teg-
undir eins og stafafura, íslenskt
birki, ýmsar grenitegundir og
alaskaösp. Við höfum á seinni ár-
um verið að minnka vægi lerk-
isins og auka vægi annarra teg-
unda?
„Hvað er helst hægt að nýta
þessar tegundir í?
„Þessar tegundir allar saman
nýtast í borðvið. Það er einnig
hægt að nýta þennan trjávið á
annan hátt. Lerki nýtist vel í
parket og veggklæðningar, sta-
fafuruna er hægt að nota á svip-
aðan hátt. Birki er meira notað
sem smíðaviður. Öspin hefur lík-
lega minnsta notagildið, í henni
er mjúkur viður en hún er mjög
fljótvaxin og margir nota ösp til
að smíða úr smærri hluti.“
–Hvað með harðvið – er hægt
að rækta hann á Íslandi?
„Það er hvorki hægt að rækta
eik né beyki í neinum mæli hér.“
–Eru bændur farnir að hafa
tekjur af skógrækt sinni?
„Já, þeir hafa tekjur af þeirri
gróðursetningu sem hér fer fram.
Þeim er greitt af ríkinu fyrir
gróðursetningu, áburðargjöf og
ýmis önnur störf, tengd skóg-
ræktinni. Bændur fá framlög frá
ríkinu vegna skógræktarinnar
hér sem þeir eiga síðan að end-
urgreiða síðar, þegar þeir fara að
fá nytjar af skóginum. Nytjar af
skóginum eru aðeins farnar að
koma til. Það er Fljótsdalsáætlun
sem er undanfari þessa, menn
hafa tekjur af að grisja skóginn.
Úr þessari grisjun koma fyrst og
fremst girðingarstaurar en einnig
örlítið magn af borðvið sem
bændur hafa verið að
selja í einhverjum
mæli. Sá viður hefur
fyrst og fremst nýst í
parket og smíðavið.“
–Hver eru helstu
vandkvæðin á því að rækta skóg í
verulegum mæli á Íslandi?
„Fyrst og fremst er það skjól-
leysið. Vindurinn er okkur erf-
iður. Síðan eru allnokkur svæði
sem veðurfarslega séð bjóða ekki
upp á möguleika til nytjaskóg-
ræktar – svæði eins og annnes
sem liggja að opnu hafi. Bestu
svæðin til skógræktar eru fjarð-
arbotnar og dalir, þ.e. svæði sem
liggja tiltölulega langt inn til
landsins.“
–Í hve mikilli hæð er hægt að
rækta skóg?
„Íslenskt birki getur náð upp í
300 til 400 metra hæð. En hér á
Héraði förum við ekki hærra en í
200 til 300 metra með skógrækt-
ina.“
–Hvað með sjúkdóma í trjáviði,
erum við laus við þá?
„Nei, sveppasjúkdómar eru til
hér í trjáviði, t.d. barrviðaráta og
greminiella, þessir sveppir geta
drepið greinar eða jafnvel heilu
trén. Þetta hefur þó ekki verið
mjög alvarlegt. Þá eru hér skor-
dýr sem gera usla, svo sem sitka-
lús, furulús, fiðrildalirfur og
fleira.“
–Hvað er áætlað að rækta mik-
ið á næstu tíu árum?
„Í sambandi við Héraðsskóga
þá má búast við að ræktunin
verði ívið meiri en hún var síðasta
áratug eða eitthvað yfir 12 millj-
ónir plantna. Þetta er talsverð
aukning frá því sem var upphaf-
lega áætlað. Annars staðar á
landinu má ætla að ræktunin
verði þre- til fjórföld á við Hér-
aðsskógana, þetta er gróflega
áætlað.“
–Er í bígerð að gera tilraunir
með nýjar tegundir?
„Það erum við alltaf að gera í
einhverjum mæli. Búið er að
prófa flestar þær tegundir sem til
greina koma. Hvað nýjungar
snertir má t.d. nefna fjallalerki,
sem er býsna spennandi planta.
Tegundin vex eins og nafnið gef-
ur til kynna hátt til
fjalla í sínum heim-
kynnum sem eru í
Norður-Ameríku. Það
er hins vegar ekki
komin reynsla á hve
vel hún vex hér. Við höfum ára-
tuga reynslu af ræktun lindifuru
hér á Hallormsstað, hún er ekki
komin í almenna ræktun hjá okk-
ur en það stendur til að koma
henni í útplöntun.“
– Sáið þið til plantna?
„Plöntur eru keyptar til rækt-
unar af gróðrarstöðvum, Barri,
sem er einna stærst slíkra, verð-
ur tíu ára nú í ár.“
Rúnar Ísleifsson

Rúnar Ísleifsson fæddist 30.
apríl 1962 á Akureyri en ólst upp
á Vöglum í Fnjóskadal (Vagla-
skógi). Hann lauk stúdentsprófi
frá Menntaskólanum á Akureyri
og prófi sem skógverkfræðingur
frá Landbúnaðarháskólanum í
Svíþjóð. Hann hefur starfað sem
skógræktarráðunautur hjá
Skógrækt ríkisins og síðan 1997
hjá Héraðsskógum. Rúnar á sex
ára gamla dóttur.
Trjárækt verð-
ur ívið meiri
næsta áratug
♦ ♦ ♦
HAGSTOFAN hefur reiknað út vísi-
tölu byggingarkostnaðar eftir verð-
lagi um miðjan júlí í ár.
Vísitalan hækkaði um 0,8% frá
fyrra mánuði og samsvarar hækkun
hennar síðastliðna þrjá mánuði
11,5% hækkun á ári. Síðastliðna tólf
mánuði hefur vísitala byggingar-
kostnaðar hækkað um 6,7%.
Þá hefur Hagstofan reiknað út
launavísitölu miðað við meðallaun í
júní 2001. Vísitalan er nú 211,7 stig
og hefur hækkað um 0,8% frá fyrra
mánuði.
Vísitala bygging-
arkostnaðar
Hækkaði
um 6,7% á
síðustu 12
mánuðum
Að sjálfsögðu er fluga í súpunni, herra. Þetta er nú grænmetissúpa.