Morgunblaðið - 23.09.2001, Blaðsíða 45

MORGUNBLAÐIÐ SUNNUDAGUR 23. SEPTEMBER 2001 45
DAGBÓK
Meðvirkni
Námskeið um meðvirkni, samskipti, tjáskipti
og tilfinningar verður haldið föstudagskvöld
28. september og laugardaginn
29. september í kórkjallara Hallgrímskirkju.
Stefán Jóhannsson,
MA, fjölskylduráðgjafiNánari upplýsingar og skráning
í síma 553 8800
Taktu mér eins og ég er, svo ég geti lært hvað ég get orðið
Gullsmiðir
Kápur og frakkar
í miklu úrvali
Engjateigi 5, sími 581 2141.
Opið virka daga frá kl. 10.00—18.00, laugardaga frá kl. 10.00—15.00.


 
 

 
 

      
        
     
 


     
VILTU KYNNAST JÓGA?
Erum að hefja vetrarstarfið.
Námskeið og opnir tímar fyrir byrjendur
sem og lengra komna.
Hugræktarskóli Ananda Marga,
Hafnarbraut 12, 200 Kópavogi.
Upplýsingar í síma 554 7434.
www.anandamarga.is
anandamarga@anandamarga.is
Árnað heilla STJÖRNUSPÁ
eft ir Frances Drake
VOG
Afmælisbarn dagsins:
Þú ert ævintýragjarn og
uppátektarsamur, sem vek-
ur öðrum gleði, þótt sumir
kunni ekki að meta þig.
Hrútur
(21. mars - 19. apríl)

Þér bjóðast ýmis tækifæri til
þess að bæta stöðu þína, en
þú þarft að gæta þess að falla
ekki í þá freistni að sýna öðr-
um yfirgang og tillitsleysi.
Naut
(20. apríl - 20. maí) 
Þú mátt finna til svolítið
meira sjálfstrausts því það
skemmir fyrir þér hversu
reikull og hikandi þú ert.
Taktu málin föstum tökum.
Tvíburar
(21. maí - 20. júní) 
Þótt þú hafir í mörgu að snú-
ast skaltu kasta mæðinni og
fara yfir gang mála í hugan-
um. Það hjálpar þér til þess
að sjá atburðarásina betur.
Krabbi
(21. júní - 22. júlí) 
Nú er lag til þess að taka upp
nýja háttu. Leggðu af alla
ósiði og taktu upp heilbrigt
líferni. Það mun strax auka
lífsfyllingu þína og lífsgleði.
Ljón
(23. júlí - 22. ágúst) 
Gefðu börnunum hlutdeild í
degi þínum. Þau eru fram-
tíðin og þau lóð sem þú legg-
ur á þeirra metaskálar munu
skila þér margföldum ávinn-
ingi.
Meyja
(23. ágúst - 22. sept.) 
Skemmtanaiðnaðurinn laðar
og lokkar, en þar sem annars
staðar er hóf best á hverjum
hlut. Þú þarft að gæta þess
að lofa ekki upp í ermina á
þér.
Vog
(23. sept. - 22. okt.) 
Þú þarft að gæta þess að láta
ekki hlutina drabbast heima
fyrir. Þú þarft að sinna þín-
um hluta ef þú vilt að aðrir
standi við sitt.
Sporðdreki
(23. okt. - 21. nóv.) 
Láttu þér ekki bregða þótt
einhver þér nákominn leiti til
þín með undarlega bón. Þótt
þér lítist ekki á málið í fyrstu
skaltu gefa því tækifæri.
Bogmaður
(22. nóv. - 21. des.)
Nú er komið að því að þú
verður að setjast niður með
fjölskyldunni og ræða þau
mál sem hafa komið upp en
verið látin dankast. Sýndu
tillitssemi.
Steingeit
(22. des. - 19. janúar)

Berðu framtíðarplön þín
undir einhvern þér nákom-
inn og sjáðu hvaða undir-
tektir þú færð. Þó þær séu
ekki einhlítar máttu læra af
þeim.
Vatnsberi
(20. jan. - 18. febr.) 
Auðgaðu andann með því að
lesa eitthvað óvenjulegt sem
þú hefur ekki lagt þig eftir
áður. Láttu athugasemdir
annarra sem vind um eyru
þjóta.
Fiskar
(19. feb. - 20. mars) 
Taktu þér tíma til þess að
fara í gegnum bókhaldið og
athuga hvort þar er ekki allt
með felldu. Þá kemur líka í
ljós hvar þú stendur.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
SUÐUR spilar þrjú grönd
í sveitakeppni og fær út
smáan tígul:
Norður gefur; allir á
hættu.
Norður
♠ ÁK
♥ 1083
♦ 54
♣ KD9873
Suður
♠ G7643
♥ Á65
♦ ÁG9
♣Á2
Vestur Norður Austur Suður
-- 1 lauf Pass 1 spaði
Pass 2 lauf Pass 3 grönd
Pass Pass Pass
Austur lætur tígulkóng,
sem er drepinn með ás.
Og nú er það spurningin:
Hvernig verða níu slagir
best tryggðir?
Hættan í spilinu felst í
því að austur stoppi laufið
og komist inn til að spila
tígli í gegnum G9. (Það
þýðir ekkert að dúkka tíg-
ulinn tvisvar, því vörnin
ræðst þá á hjartað.) Þetta
er dæmigert „bókarspil“,
enda fengið að láni hjá
skoska höfundinum Hugh
Kelsey. Lausn Kelseys er
nokkuð fyrirsjáanleg – að
spila lauftvisti að blindum
í öðrum slag …
Norður
♠ ÁK
♥ 1083
♦ 54
♣ KD9873
Vestur Austur
♠ D952 ♠ 108
♥ G94 ♥ KD72
♦ D10762 ♦ K83
♣G ♣10654
Suður
♠ G7643
♥ Á65
♦ ÁG9
♣Á2
… og dúkka ef vestur
sýnir gosann.
Þetta er „rétt“ spilað í
þessari legu, en það má
velta fyrir sér öðrum
möguleikum. Líkur á því
að vestur sé með stakan
laufgosa eru á bilinu 2-3%.
Sem er ekki mikið og því
væri fengur í því ef annar
möguleiki væri til staðar.
Segjum að austur hafi
byrjað með Dx í spaða. Þá
má tryggja fjóra spaða-
slagi með því að taka fyrst
ÁK í spaða, fara svo heim
á laufás og spila spaða-
gosa og meiri spaða. Vest-
ur lendir inni á spaðatíu
og getur engan óskunda
gert. Ef spaðinn liggur
þannig duga þrír slagir á
lauf.
Líkur á því að austur sé
með drottninguna tvíspil í
spaða eru 8-9%.
BRIDS
Umsjón Guðmundur
Páll Arnarson
70 ÁRA afmæli. Nk.þriðjudag 25. sept-
ember verður sjötugur Karl
Finnbogason, matreiðslu-
meistari og fyrrverandi
bryti hjá Eimskipafélagi Ís-
lands. Hann tekur á móti
ættingjum og vinum í sal
Stangaveiðifélags Hafnar-
fjarðar, Flatahrauni 29,
Hafnarfirði, kl. 18 á afmæl-
isdaginn.
70 ÁRA afmæli. Ámorgun, mánudag-
inn 24. september, verður
sjötugur Jón Ólafsson, Lá-
gengi 12, Selfossi. Eigin-
kona hans er Gunnþórunn
Hallgrímsdóttir. Þau hjón
verða að heiman á afmælis-
daginn.
50 ÁRA afmæli. Í dag,sunnudaginn 23.
september, er fimmtug Guð-
björg Eygló Þorgeirsdóttir,
snyrti-, nudd- og fótaað-
gerðarfræðingur, Rauða-
læk 31, Reykjavík. Eigin-
maður hennar er Sveinbjörn
Reynir Pálmason. Þau
verða að heiman í dag.
LJÓÐABROT
ÍSLANDS MINNI
Ísland ögrum skorið,
eg vil nefna þig,
sem á brjóstum borið
og blessað hefur mig
fyrir skikkun skaparans;
vertu blessað, blessi þig
blessað nafnið hans.
Eggert Ólafsson.
STUNDUM getur notkun
orða verið vandmeðfarin
og engan veginn sama,
hvernig þau koma fyrir í
umhverfi sínu. Vissulega
er smekkur manna ekki
alltaf hinn sami og það svo,
að það orð, sem einhverj-
um finnst ágætt á einum
stað, finnst öðrum tæplega
eða ekki nothæft. Ég vil
hér minnast á dæmi um
þetta. Í nýlegri bók er frá-
sögn um helför, sem farin
var um Kjöl árið 1780 og
kennd er við bræður frá
Reynistað í Skagafirði,
enda voru þeir langyngstir
í ferðinni. Þar segir svo
orðrétt, þar sem bein
þeirra fundust. „Hóllinn
sá, við austurenda Kjal-
fells, er vettvangur um
frægasta harmleik sem
gerst hefur á íslenskum
fjallvegum.“ Hér er það lo.
frægur, sem ég hnýt um á
þessum stað og finnst óvið-
felldið að nota um þennan
hörmungaratburð. Fræg-
ur er oftast a.m.k. jákvætt
orð. Við tölum um frægan
sigur, fræga ferð eða fræga
ræðu, ekki sízt, þegar svo
vel tekst til, að atburðurinn
eða ræðan lifir í minningu
manna, jafnvel um aldir.
En einhvern veginn finnst
mér tæplega unnt að tala
um frægan dauðdaga, og
allra sízt, þegar hann hefur
orðið með hryggilegum
hætti. Í því sambandi má
áreiðanlega nota önnur lýs-
ingarorð, t.d. eftirminni-
legur eða hryggilegur. Í
dæminu hér að ofan um
Reynistaðabræður mætti
jafnvel tala um þekktasta
eða kunnasta harmleik á ís-
lenzkum fjallvegi. Ég vil
taka það fram, að ég hef al-
veg nýlega séð í blaði lo.
frægur notað á svipaðan
hátt og hér hefur verið
rætt um. Engu að síður
kemur þetta lo. illa við mál-
tilfinningu mína í því um-
hverfi, sem það er notað.
JAJ
ORÐABÓKIN
Merking orða
Þeir úr kvörtunardeildinni eru komnir ...
MORGUNBLAÐIÐ birtir
tilkynningar um afmæli,
brúðkaup, ættarmót og
fleira lesendum sínum að
kostnaðarlausu. Tilkynning-
ar þurfa að berast með
tveggja daga fyrirvara virka
daga og þriggja daga fyrir-
vara fyrir sunnudagsblað.
Samþykki afmælisbarns
þarf að fylgja afmælistil-
kynningum og/eða nafn
ábyrgðarmanns og síma-
númer. Fólk getur hringt í
síma 569-1100, sent í bréf-
síma 569-1329, eða sent á
netfangið ritstj @mbl.is.
Einnig er hægt að skrifa :
Árnað heilla,
Morgunblaðinu,
Kringlunni 1, 103
Reykjavík