Morgunblaðið - 23.10.2001, Síða 4

FRÉTTIR
4 ÞRIÐJUDAGUR 23. OKTÓBER 2001 MORGUNBLAÐIÐ
MMC Pajero GLS 3.2 dísel, f. skrd.
06.07.2000, ekinn 28 þ. km, ssk
5 dyra upphækkaður á 33" vind-
skeið, verð 4.790.000 kr.
Nánari upplýs. hjá Bílaþingi
Heklu, sími 590 5000.
Opnunartímar: Mánud. - föstud.
kl. 10-18 og laugard. kl. 12-16.
Laugavegur 170-174 • Sími 590 5000 • Heimasíða: www.bilathing.is
Netfang: bilathing@hekla.is
LEIÐTOGAR stjórnarandstöðu-
flokkanna þriggja á Alþingi, þeir
Össur Skarphéðinsson (S), Stein-
grímur J. Sigfússon (Vg) og Sverrir
Hermannsson (F) hafa lagt fram á
Alþingi þingsályktunartillögu um
nefnd er leiti sátta um breytingar á
lögum um stjórn fiskveiða.
Í tillögunni felst að skipuð verði
nefnd þingmanna, einn frá hverjum
þeirra þingflokka sem eiga sæti á Al-
þingi, til að leita sátta um stjórn fisk-
veiða. Aðalforsendur nefndarstarfs-
ins verði fyrning veiðiréttar úr
núgildandi kerfi. Veiðiheimildum
verði endurráðstafað í formi aflahlut-
deildarsamninga á grundvelli jafn-
ræðis byggðanna og útgerðar til nýt-
ingar þeirra.
Í greinargerð með tillögunni segir
að þær hatrömmu deilur sem staðið
hafi um stjórn fiskveiða eigi aðalræt-
ur í þeirri mismunun og óréttlæti
sem felist í þeim úthlutunarreglum
sem gilda og margvíslegum fylgi-
kvillum þessa kerfis fyrir sjómenn,
verkafólk og byggðir landsins.
„Þrátt fyrir þungan áróður árum
saman frá hendi stjórnvalda um að
þetta sé besta kerfi í heimi og hag-
kvæmni þessa fyrirkomulags sé svo
mikil að ekkert annað geti jafnast á
við það hefur þjóðin verið staðföst í
andstöðu sinni og aftur og aftur hafn-
að þessari leið í skoðanakönnunum.
Þótt andstaða þjóðarinnar hafi
legið fyrir hefur stefna stjórnvalda á
undanförnum árum verið að festa
þetta fyrirkomulag í sessi. Formenn
stjórnarflokkanna lofuðu þó fyrir síð-
ustu kosningar að beita sér fyrir sátt-
um í málinu. Efndir þeirra loforða
virðast nú vera að koma í ljós með
niðurstöðu meirihluta nefndar um
endurskoðun laga um stjórn fisk-
veiða um að farin verði svokölluð
veiðigjaldsleið. Sú tillaga er ekki
framlag til sátta um þau grundvall-
aratriði sem í raun er deilt um.
Sjálfstæðisflokkurinn boðar nú
þessa tillögu sem framtíðarstefnu
sína og að minnsta kosti hluti Fram-
sóknarflokksins aðhyllist hana en
hún tekur á engan hátt á aðalágrein-
ingsefninu sem er eignarhald útgerð-
arinnar á auðlindinni. Víðtækur
stuðningur hefur hins vegar komið
fram við að leitað verði sátta um
fyrningarleið sem leiði til þess að
jafnræði komist á um nýtingu auð-
lindarinnar í framtíðinni,“ segir í
greinargerðinni.
Þar segir enn fremur að formenn
þeirra stjórnmálaflokka sem eru í
stjórnarandstöðu telji afar mikið í
húfi fyrir þjóðina og fyrir sjávarút-
veginn að friður komist á um nýtingu
auðlindarinnar og þeir vilji því freista
þess að gera tilraun til að forða
mönnum frá enn hatrammari deilum
en staðið hafa til þessa. „En í það
stefnir ótvírætt verði þeim stríðs-
hanska kastað í andlit þjóðarinnar
sem það er að ætla að festa í sessi
óbreytt kerfi, eignarhald útgerðar-
innar í reynd, með málamynda gjald-
töku,“ segja þeir í tillögunni.
„Niðurstaða þessa máls næst ein-
ungis með víðtæku pólitísku sam-
komulagi. Þessi tillaga er áskorun og
tilboð til stjórnarflokkanna um að
gerð verði úrslitatilraun til þess að ná
sáttum um þetta mikilvæga mál á
þessu löggjafarþingi. Takist það ekki
er ljóst að hatrammur ófriður mun
standa áfram um mikilvægustu auð-
lind þjóðarinnar næstu ár,“ segir
aukinheldur í þingsályktunartillögu
þriggja leiðtoga stjórnarandstöðu-
flokkanna á þingi.
Tillaga leiðtoga stjórnarandstöðunnar til þingsályktunar
Nefnd allra flokka leiti
sátta um fyrningarleið
ÁSTÆÐA þess að ekki hefur verið
samið við tónlistarkennara á svipaðan
hátt og aðra kennara er sú að launa-
nefnd sveitarfélaga segir að ekki sé
um sambærileg störf að ræða. Því sé
ekki hægt að gera samskonar samn-
inga og gerðir hafi verið við aðra
kennara. Verkfall tónlistarkennara
hófst í gær.
Launanefnd sveitarfélaga á sam-
kvæmt lögum að semja um kjör tón-
listarkennara. Tónlistarkennarar eru
í nokkrum stéttarfélögum en lang-
flestir í Félagi tónlistarskólakennara
og Félagi íslenskra hljómlistar-
manna. Jafnframt er verið að semja
við starfsmannafélag Akureyrarbæj-
ar vegna tónlistarskólakennara og
starfsmannafélag Akraness, en síðast
nefnda félagið getur ekki farið í verk-
fall, samkvæmt samningi.
Launanefnd sveitarfélaga hefur
jafnframt það hlutskipti að semja um
kjör þeirra sem starfa hjá einkarekn-
um tónlistarskólum og tónlistarskól-
um sem eru sjálfseignarstofnanir.
Þetta skipulag er bundið lögum og
tengist því að sveitarfélögin eiga líka
mikilla hagsmuna að gæta gagnvart
einkareknu skólunum þar sem þau
styrkja greiðslu til þessara skóla
vegna launaliðarins.
Rökin gegn því að tónlistarkennar-
ar fái ekki sömu laun og aðrir kenn-
arar eru þau, samkvæmt heimildum
Morgunblaðsins, að ekki sé um sam-
bærilega hluti að ræða og ekki hægt
að setja samansemmerki á milli starf-
anna. Störfin séu gerólík og einnig
starfshættirnir og lengd skólatíma.
Önnur starfsemin sé lögbundin og hin
ekki. Kennarar semji í Félagi grunn-
skólakennara, Félagi framhalds-
skólakennara og Félagi tónlistar-
kennara.
Mikið nám að baki
Foreldrar nemenda við Suzukitón-
listarskólann mættu í Ráðhúsið í gær
og afhentu Birgi Birni Sigurjónssyni,
formanni launanefndar sveitarfélaga,
undirskriftalista rúmlega 140 for-
eldra þar sem lýst er yfir áhyggjum
vegna verkfallsins og skorað á launa-
nefnd sveitarfélaga að ganga strax til
samninga. Birgir Björn sagði við það
tilefni að reynt væri að vinna um-
rædda vinnu faglega og vel. Hann gat
þess jafnframt að það sem sveitar-
félögin hefðu boðið tónlistarkennur-
um væri dýrara fyrir sveitarfélögin
en það sem þau hefðu áður boðið.
Gabríella Sigurðardóttir, talsmað-
ur foreldra í skólanum, segir að með
verkfalli verði hlé á námi barnanna og
það sé ekki gott. Ef um væri að ræða
grunnskólakennara þætti öllum
ástandið mjög slæmt en sama ætti að
gilda um tónlistarnám. Tilhneiging
hafi verið, einkum hjá Reykjavíkur-
borg, að líta svo á að tónlistarnám
væri tómstundaiðja en um væri að
ræða alvarlegt nám. Ef vilji væri til
þess að hafa aðgang að tónlistarfólki í
framtíðinni væri ekki um annað að
ræða en senda börnin í tónlistar-
skólana því þar byrjaði námið.
Gabríella segir að markmið borg-
arinnar um eiturlyfjalaust Ísland
hljómi undarlega þegar ekki sé lögð
áhersla á að hlúa að tónlistarskólun-
um því þar sé unnið mikið forvarn-
arstarf. Í fyrra hafi verið mikil tónlist-
arstarfsemi á menningarári borgar-
innar en svo virtist sem enginn vildi
eiga tónlistarskólana og tónlistar-
kennarana nema þegar komi að því að
njóta afraksturs vinnu þessa fólks.
Hins vegar sé ljóst að sé vilji til að
hafa þennan þátt menningarinnar
verði að hlúa að honum frá byrjun.
Að sögn Gabríellu hafa tónlistar-
kennarar ekki verið metnir að verð-
leikum. Þeir séu sérfræðingar í hljóð-
færaleik, en grunnskólakennarar
með þriggja ára háskólanám að baki
séu ekki sérfræðingar í einstökum
fögum. Íslenskukennari sé ekki sér-
fræðingur í íslensku heldur fræðing-
ur um kennslu íslensku í grunnskóla.
Tónlistarkennarar hafi almennt mjög
langt nám að baki og margir séu með
mastersgráðu en það sé áhyggjuefni
að námið sé ekki virt. Hún segir enn-
fremur að tónmenntakennarar í
grunnskólum með BEd.-gráðu frá
Kennaraháskólanum fái grunnskóla-
kennaralaun en tónlistarkennari með
annað próf ekki síðra í hljóðfæraleik
fái mun lægri laun, því sérfræðiþekk-
ing þeirra sé ekki metin. Það sé fárán-
legt.
Nemendur styðja
kennarana
Ýmir, nemendafélag Tónlistarskól-
ans í Reykjavík, gekkst í gær fyrir
kröfugöngu nemenda frá skólanum í
Skipholti í húsnæði ríkissáttasemjara
við Borgartún og þaðan í Ráðhús
Reykjavíkur.
Tinna Sigurðardóttir, formaður
Ýmis, segir að verði verkfallið langt
hafi það áhrif á námsframvindu nem-
enda. Það hafi áhrif á þá sem eigi að
fara að útskrifast, þá sem þurfi að
taka inntökupróf vegna náms erlend-
is og þá sem séu að fara að taka stúd-
entspróf, þar sem stigspróf sé hluti
námsins. Hvað yngri krakka varði sé
meiri hætta á að þeir hætti, því þeir
þurfi meira eftirlit við æfingar. Hún
segir að verkfallsstjórn sé mjög hörð.
Kennslustofum sé lokað og nemendur
fái ekki aðgang að þeim og hafi þarf af
leiðandi ekki æfingaaðstöðu en marg-
ir treysti á þessa aðstöðu.
Erfið staða í deilu tónlistarkennara og launanefndar sveitarfélaga
Mismunandi samningar
við mismunandi félög
Morgunblaðið/Þorkell
Nemendur Tónlistarskólans í Reykjavík fjölmenntu í kröfugöngu í gær til stuðnings tónlistarkennurum.
Morgunblaðið/Kristinn
Kristín Björg Guðmundsdóttir afhendir Birgi Birni Sigurjónssyni, for-
manni launanefndar sveitarfélaga, undirskriftalista 140 foreldra nem-
enda við Suzukitónlistarskólann í Ráðhúsi Reykjavíkur í gær.
PÁLL Gunnar Pálsson, forstjóri
Fjármálaeftirlitsins, sagði á árs-
fundi eftirlitsins í síðustu viku að
í rekstri lífeyrissjóðanna megi
stundum sjá þess merki að nokk-
uð skorti á nauðsynlegt aðhald
sem flest fyrirtæki njóti frá eig-
endum sínum.
„Í tengslum við fjárfestingar
lífeyrissjóða hefur Fjármálaeftir-
litið leitast við að styrkja eftirlit
með stjórnun þeirra. Það er
reynsla Fjármálaeftirlitsins að í
rekstri lífeyrissjóða megi stund-
um sjá þess merki að nokkuð
skorti á nauðsynlegt aðhald sem
flest fyrirtæki njóta frá eigend-
um sínum. Þetta stafar eflaust af
því að sjóðsfélagar hafa í flestum
tilvikum takmarkaða möguleika
til áhrifa á stjórnun viðkomandi
sjóðs auk þess sem skylduaðild
gerir það að verkum að hann get-
ur ekki flutt réttindi sín, mislíki
honum rekstur sjóðsins.
Vegna þess hefur Fjármálaeft-
irlitið fyrir sitt leyti reynt að
auka aðhald með stjórnum lífeyr-
issjóða og átt fund með þeim til
að ræða ábyrgð þeirra og hlut-
verk og atriði sem úrskeiðis hafa
farið,“ sagði Páll Gunnar.
Skortir
aðhald frá
eigendum
Forstjóri Fjármála-
eftirlitsins
um lífeyrissjóðina
RÚM 39% landsmanna telja að
þeir muni draga úr ferðalögum
utanlands í kjölfar hryðjuverk-
anna í Bandaríkjunum 11. sept-
ember síðastliðinn.
Þetta er niðurstaða könnunar
sem PricewaterhouseCoopers
framkvæmdi í lok september.
Könnunin leiddi ennfremur í ljós
að konur eru ragari við að ferðast
utanlands eftir árásirnar en karl-
ar, rúmlega 48% kvenna ætla að
draga úr utanlandsferðum á móti
30,8% karla.
Hryðjuverkin
draga úr
ferðalögum