Morgunblaðið - 23.10.2001, Side 29

SAGAN af hinum vængjaða,
blíðlynda og munaðarlausa dreng
Blíðfinni og leit hans að týnda
Barninu átti greiðan aðgang að
hjarta lesanda, jafnt eldri sem
yngri, þegar hún kom út fyrir
þremur árum. Þorvaldur Þor-
steinsson skrifaði síðan aðra bók
um Blíðfinn en leikgerð Hörpu
Arnardóttur byggist þó aðallega á
þeirri fyrri auk þess sem höfundur
hefur bætt nokkru við leikverkið,
að ósk Hörpu að mér skilst. Sög-
urnar af Blíðfinni eru óvenjulegar
barnasögur, ekki síst fyrir þá stað-
reynd að hér er um að ræða tákn-
sögur sem fullorðnir lesendur geta
skilið á allegórískan hátt, en sá
skilningur er þó ekki nauðsynlegur
til þess að boðskapurinn um mátt
kærleikans og hins barnslega þátt-
ar í tilverunni komist til skila.
Blíðfinnur hvetur okkur öll til að
glata ekki barninu (í okkur sjálf-
um) og til að takast á við óttann og
hið óþekkta.
Í mörgu tilliti sverja bækurnar
um Blíðfinn sig í ætt við hina
þekktu barnabók Litla prinsinn
eftir Antoine de Saint-Exupéry og
þau tengsl virðast ítrekuð í upp-
hafi sýningar Borgarleikhússins
þar sem Blíðfinnur vökvar blómin
heima í garðinum sínum og yfir
honum svífa hnettir. Eins og les-
endur Litla prinsins vita þá bjó
hann á lítilli stjörnu, eða hnetti,
með lambi og rós sem hann vökv-
aði af kærleika og af stjörnunni
sinni hafði hann útsýn til annarra
hnatta. Og eins og Litli prinsinn
leggur Blíðfinnur upp í ferðalag á
óþekktar slóðir. Hann leitar hins
horfna barns og áður en yfir lýkur
finnur hann það aftur – í líki gam-
als manns. Þessi fallega saga um
glataða bernsku og hætturnar sem
verða á vegi þess sem bernskan
hefur yfirgefið er skrifuð á afar
ljóðrænu máli og stemmningin í
bókunum er bæði tregafull og dul-
úðug. Harpa Arnardóttir reynir að
viðhalda þessari einstöku stemmn-
ingu bókanna í sviðsetningunni og
tekst það ágætlega með dyggri að-
stoð Snorra Freys Hilmarssonar,
sem hannar leikmyndina, Kára
Gíslasonar, sem sér um lýsingu, og
Hilmars Arnar Hilmarssonar sem
semur tónlistina við verkið. Yfir-
bragð sýningarinnar er rólegt og
yfirvegað, í anda bókanna, og í
raun má telja það mikið afrek hjá
þeim sem að þessari sýningu
standa að ná að fanga athygli
barnungra áhorfenda í heilar tvær
klukkustundir án þess að beitt sé
ærslum og hamagangi. Og það
tókst þeim svo sannarlega; ég hef
sjaldan verið á barnasýningu þar
sem börnin meðal áhorfenda voru
eins róleg og á frumsýningu Blíð-
finns.
Gunnar Hansson (í hlutverki
Blíðfinns) náði strax vel til
barnanna með einlægninni og
Smælkið (Ásta Sighvats Ólafsdótt-
ir) var hinn fullkomni félagi hans í
ferðinni um hættusvæðið sem þau
ferðuðust um. Ólafur Guðmunds-
son vakti kátínu í hlutverki Barns-
ins og börnin þekktu hann aftur í
gervi gamla mannsins undir lokin.
Þríeykið Engumlíkur (Guðrún Ás-
mundsdóttir), Söðull (Edda Björg
Eyjólfsdóttir) og Vöðull (Árni Pét-
ur Guðjónsson) átti skemmtilega
innkomu og sýndi ýmsa kunna
trúðstakta sem féllu vel í kramið.
En það er ekki síst hin frábæra
leikmynd og búningar Snorra
Freys og lýsing Kára, ásamt stór-
skemmtilegum leikgervum Sigríð-
ar Rósu Bjarnadóttur, sem ljær
sýningunni lit og ævintýrablæ.
Sérlega sniðug voru gervi Gúbb-
anna, dverganna höfuðstóru (Árni
Pétur Guðjónsson, Edda Björg
Eyjólfsdóttir, Guðrún Ásmunds-
dóttir, Jón Hjartarson og Ólafur
Guðmundsson) og Klóbítanna
(Ásta Sighvats Ólafsdóttir, Diljá
Ámundadóttir og Sóley Kristjáns-
dóttir), svo og gervi Spekingsins
(Jón Hjartarson) og óvættarinnar í
helli Akademónanna í Háskahelli.
Katla Margrét Þorgeirsdóttir
heillaði bæði Blíðfinn og börnin
meðal áhorfenda í hlutverki Merlu,
en óneitanlega var hún skemmti-
legri í hlutverki Drullumalla.
Í heild er hér um afar fallega
leiksýningu að ræða með boðskap
sem höfðar á einfaldan og skýran
hátt til barnanna. Hins vegar er
það skoðun mín að hið tvöfalda
táknsæi sem er ótvírætt til staðar í
bókunum um Blíðfinn fari nokkuð
forgörðum í þessari sviðsetningu
verksins. Að því leyti er ekki eins
auðvelt að yfirfæra heim Blíðfinns
á leiksviðið og heim Skilaboða-
skjóðunnar, eftir sama höfund,
sem sviðsett var á Stóra sviði
Þjóðleikhússins fyrir nokkrum ár-
um. En það kemur kannski ekki að
sök því það sem helst glatast er
tvíræðnin sem sérstaklega var ætl-
uð hinum fullorðnu lesendum. Sýn-
ingin í Borgarleikhúsinu er fyrst
og fremst gerð fyrir börnin og ef
marka má frumsýninguna féllu
þau öll fyrir Blíðfinni og vinum
hans.
Í leit að týndu barni ...
LEIKLIST
L e i k f é l a g
R e y k j a v í k u r
Höfundur: Þorvaldur Þorsteinsson.
Leikgerð: Harpa Arnardóttir.
Leikstjóri: Harpa Arnardóttir.
Leikarar: Árni Pétur Guðjónsson,
Ásta Sighvats Ólafsdóttir, Diljá
Ámundadóttir, Edda Björg
Eyjólfsdóttir, Guðrún Ásmunds-
dóttir, Gunnar Hansson, Jón
Hjartarson, Katla Margrét
Þorgeirsdóttir, Ólafur Guðmunds-
son og Sóley Kristjánsdóttir.
Leikmynd og búingar: Snorri Freyr
Hilmarsson. Leikgervi: Sigríður
Rósa Bjarnadóttir. Tónlist og
hljóðmynd: Hilmar Örn
Hilmarsson. Lýsing: Kári Gíslason.
Stóra svið Borgarleikhússins,
19. október.
BLÍÐFINNUR
Soff ía Auður Birgisdótt ir
Morgunblaðið/Þorkell
„Í heild er hér um afar fallega leiksýningu að ræða með boðskap sem
höfðar á einfaldan og skýran hátt til barnanna.“
LISTIR
MORGUNBLAÐIÐ ÞRIÐJUDAGUR 23. OKTÓBER 2001 29
DRAUMALEIKARINN nefnast
umræðurnar sem fram fara á
þriðju hæð Borgarleikhússins í
kvöld kl. 20. Hver er list leikarans?
Í hverju er starf hans fólgið?
Hvernig (starfs)kraftur er drauma-
leikarinn? Er hann skapandi eða er
hann strengjabrúða? Sýnir hann
frumkvæði eða undirgefni? Hvert
er hlutverk hans í tilurð leiksýn-
ingar? Hvernig vinnur hann með
leikstjóra? Hver er ábyrgð hans í
leikhúslífi almennt?
Frummælendur verða Benedikt
Erlingsson, leikari og leikstjóri,
Brynhildur Guðjónsdóttir, leikkona,
Halldóra Geirharðsdóttir, leikkona,
Pétur Einarsson, leikari og formað-
ur félags leikstjóra á Íslandi.
Aðgangur ókeypis.
Rætt um list
leikarans
Á HÁSKÓLATÓNLEIKUNUM í
Norræna húsinu á morgun, miðviku-
dag, kl. 12.30, syngur Kristín Ragn-
hildur Sigurðardóttir, sópran, við
píanóundirleik Láru S. Rafnsdóttur.
Á efnisskránni eru lög eftir Edvard
Grieg og Jean Sibelius.
Tónleikarnir taka um það bil hálfa
klukkustund.
Aðgangseyrir er kr. 500. Ókeypis
er fyrir handhafa stúdentaskírteinis.
Sibelius og
Grieg á háskóla-
tónleikum
HAGSMUNAFÉLAG UM
EFLINGU VERK- OG
TÆKNIMENNTUNAR Á
HÁSKÓLASTIGI Á ÍSLANDI
Hagsmunafélag um eflingu verk- og tæknimenntunar á háskólastigi á Íslandi
boðar til opins félagsfundar miðvikudaginn 24. október um:
Tilgangur reiknilíkans
Áhrif reiknilíkans á tækninám
Áhrif reiknilíkans á tækninám
Reiknilíkan og breytt
rekstrarform tækniháskóla
Fyrirspurnir og umræður....... Bergþór Þormóðsson, formaður Hagsmunafélagsins stýrir fundi
........................................ Gísli Þór Magnússon, menntamálaráðuneyti
............ Guðbrandur Steinþórsson, rektor Tækniskóla Íslands
....... Sigurður Brynjólfsson, deildarforseti verkfræðideildar HÍ
................................... Davíð Lúðvíksson, Samtökum iðnaðarins
Dagskrá:
Versalir - veislusalur, Hallveigarstíg 1, miðvikudaginn 24. október, kl. 8:30 til 10:00.
Staður og tími:
ÁHRIF REIKNILÍKANS
Á VERK- OG TÆKNIMENNTUN Á HÁSKÓLASTIGI
D
a
u
ð
a
d
a
n
sin
n
í B
o
rg
a
rle
ik
h
ú
sin
u
NÁMSKEIÐ um ítalskt þjóðlíf hefst
hjá Endurmenntunarstofnun Há-
skóla Íslands nk. þriðjudag. Fjallað
verður í máli og myndum um menn-
ingu á Ítalíu fyrr og nú og ljósi varp-
að á helstu verk í ítalskri bók-
menntasögu. Námskeiðið miðast við
að þátttakendur skilji ítölsku ef hún
er töluð hægt og skýrt og verður
lögð megináhersla á að þjálfa talmál.
Kennari er Mauro Barindi stunda-
kennari við HÍ.
Mál og mannlíf
á Ítalíu
 JÓGA fyrir byrjendur er eftir
Guðjón Bergmann. Hann hefur
með skrifum sínum, kennslu og
sjónvarpsþáttum kynnt jóga fyrir
fjölda fólks. Í bókinni er grunn-
hugsun jógafræðanna kynnt og
helstu stöður í Hatha-jóga kennd-
ar með myndskreytingum.
Útgefandi er Forlagið.
Nýjar bækur
i8-gallerí
Málverkasýningu Kristjáns Dav-
íðssonar lýkur á laugardag.
i8-gallerí er opið þriðjudaga til
laugardaga frá 13–17.
Sýningu lýkur