Morgunblaðið - 23.10.2001, Blaðsíða 60

OPINBER heimsókn Halldórs Ás-
grímssonar utanríkisráðherra til
Japans hófst í gærmorgun en þá
átti hann m.a. fund með Makiko
Tanaka, utanríkisráðherra Japans.
Á fundinum var rætt um samskipti
Íslands og Japans, þar á meðal
formlega opnun sendiráðs Íslands í
Tókýó á fimmtudag. Ráðherrarnir
ræddu jafnframt um leiðir til að
efla viðskipti ríkjanna og mögu-
leika á frekari tollaívilnunum í því
skyni.
„Ég lýsti miklum áhuga Íslands
og annarra ríkja EFTA á því að
gera fríverslunarsamning við Japan
og fannst því tekið vel á fundinum.
Það hafa verið ákveðnar hindranir í
veginum í útflutningi fiskafurða frá
Íslandi til Japans og ég tel afar
brýnt að styrkja þennan mikilvæga
markað,“ sagði Halldór Ásgrímsson
við Morgunblaðið í gær.
Utanríkisráðherrarnir ræddu
einnig á fundi sínum um hvalveiði-
mál og gagnkvæman stuðning og
samstarf þjóðanna innan Alþjóða-
hvalveiðiráðsins. Þá fjölluðu þeir
um baráttuna gegn hryðjuverkum
og voru sammála um mikilvægi al-
þjóðlegrar samstöðu í því efni.
Heimsókn utanríkisráðherra til
Japans hófst með opnun íslenskra
viðskiptadaga í Tókýó. Viðskipta-
þjónusta utanríkisráðuneytisins og
Útflutningsráð Íslands stóðu að
undirbúningi íslenskra viðskipta-
daga ásamt japönskum samstarfs-
aðilum. Þar verður meðal annars
efnt til þriggja málþinga þar sem
fjallað verður um hátækni, ferða-
þjónustu og sjávarútveg á Íslandi.
Fríverslun
milli EFTA og
Japans rædd
Morgunblaðið/Lárus Karl
Halldór Ásgrímsson utanríkisráðherra og Makiko Tanaka, utanríkis-
ráðherra Japans, koma af fundi sínum í Tókýó í gær.

Nýr kafli/12
Utanríkisráðherra í heimsókn í Japan
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 23. OKTÓBER 2001 VERÐ Í LAUSASÖLU 190 KR. MEÐ VSK.
FIMMTÁN manns var gefið sýkla-
lyf gegn hugsanlegu miltisbrands-
smiti eftir að hvítt duft, sem talið var
að gæti innihaldið miltisbrandsgró,
féll úr umbúðum utan af breska
tímaritinu The Economist þegar það
var opnað á skrifstofum Borgarend-
urskoðunar við Tjarnargötu 12 í
gær. Tveir starfsmenn Borgarend-
urskoðunar voru taldir hafa komist í
snertingu við efnið og voru fluttir
með sjúkrabifreið á slysadeild Land-
spítala – háskólasjúkrahúss.
Í samtali við Morgunblaðið í gær
sagði Christopher Collins, dreifinga-
stjóri The Economist, að duftið væri
að öllum líkindum meinlaust. Lík-
lega væri um að ræða duft sem notað
er til að auðvelda pökkun á tímarit-
inu. Í ljósi atburða síðustu daga og
vikna væri þó skiljanlegt að fólki
brygði þegar duft félli úr póstsend-
ingu.
Tilkynning um að torkennilegt
duft hefði fundist í póstsendingu
barst lögreglu og slökkviliði skömmu
fyrir hádegi. Tilkynningin var tekin
mjög alvarlega og var a.m.k. þremur
lögreglubílum og jafnmörgum
sjúkrabílum þegar stefnt í Tjarnar-
götu. Eiturefnakafarar frá Slökkvi-
liði höfuðborgarsvæðisins voru enn-
fremur sendir á svæðið auk annarra
slökkviliðsmanna.
Í tilkynningu frá lögreglunni í
Reykjavík kemur fram að „[í] ljósi
atburða síðustu daga er ástæða til að
taka á málinu af fullri alvöru og þar
til annað kemur í ljós verður litið svo
á að hugsanlega geti verið um milt-
isbrand að ræða“. Jafnframt var fólk
sem fær tímaritið The Economist
hvatt til að sýna fyllstu aðgæslu.
Geir Jón Þórisson, yfirlögreglu-
þjónn í Reykjavík, sagði að þrátt fyr-
ir upplýsingarnar frá The Economist
yrði áfram gert ráð fyrir að um milt-
isbrandsgró gæti verið að ræða þar
til annað kæmi í ljós. Búist er við að
niðurstöður liggi fyrir í fyrramálið.
Stjórnvöld hafa skipað starfshóp
sjö ráðuneytisstjóra sem ætlað er að
koma með tillögur að aðgerðum ef
upp koma tilvik sýkla- og eiturefna-
hernaðar hér á landi. Verði gripið til
víðtækra aðgerða gæti kostnaður
hlaupið á tugum milljóna króna,
samkvæmt upplýsingum úr heil-
brigðiskerfinu.
Jón Kristjánsson heilbrigðisráð-
herra gerði tillögu um starfshópinn
og kynnti jafnframt í ríkisstjórn þær
aðgerðir sem þegar hefði verið grip-
ið til, m.a. að rætt hafi verið við að-
stoðarmann heilbrigðisráðherra
Bandaríkjanna um hugsanlega að-
stoð ef hætta stafaði hér af sýkla- og
eiturefnavopnum.
Starfshópi ætlað að skila tillögum um
aðgerðir gegn eiturefnahernaði
15 manns gefið sýkla-
lyf gegn miltisbrandi
Morgunblaðið/Júlíus
Tveir starfsmenn Borgarendurskoðunar voru fluttir á slysadeild en þeir komust í snertingu við duft sem talið var að gæti innihaldið miltisbrandsgró.

Kostnaður/6
ÍSLENDINGARNIR tveir
sem voru handteknir á Spáni í
sumar með tæplega 200 kíló
af hassi hafa verið dæmdir í
þriggja ára fangelsi hvor,
samkvæmt upplýsingum frá
utanríkisráðuneytinu.
Mennirnir voru handteknir
10. júní sl. Þeir voru þá á leið
til Costa Brava, sem er vin-
sæll ferðamannastaður
skammt frá Barcelona. Tæp-
lega 200 kíló af hassi fundust í
bifreið þeirra en því hafði ver-
ið komið fyrir í skókössum.
Hassið var ýmist í kúlum eða
töflum og af mismunandi
stærðum og gerðum. Í bílnum
fundust jafnframt tæki og tól
til að pakka hassinu í sölu-
umbúðir en talið var að hassið
hafi verið ætlað til sölu á
Costa Brava-svæðinu.
Þriggja ára
fangelsi
á Spáni
Enginn
árangur á
sáttafundi
SAMNINGANEFNDIR tónlistar-
kennara og sveitarfélaga sátu á
samningafundi í húsakynnum Rík-
issáttasemjara um helgina og frá
klukkan tíu í gærmorgun og fram
til kvölds án þess að nokkur telj-
andi árangur næðist. Verkfall um
620 félagsmanna í Félagi tónlistar-
kennara og Félagi íslenskra hljóm-
listarmanna hófst á miðnætti í
fyrrinótt. Talið er að um 11 þúsund
nemendur í landinu séu nú án tón-
listarkennslu.
Þórir Einarsson ríkissáttasemjari
hefur boðað annan samningafund
þessara deiluaðila á hádegi í dag.
Hann sagði við Morgunblaðið í
gærkvöldi að þrátt fyrir lítinn ár-
angur í gær vildu menn hittast
áfram til að reyna að finna lausn.
Samninganefndir sjúkraliða, rík-
isins og sveitarfélaga áttu stuttan
en árangurslausan fund hjá sátta-
semjara í gær. Boðaður hefur verið
fundur með sjúkraliðum og fulltrú-
um Reykjavíkurborgar á föstudag
og með launanefnd sveitarfélaganna
á þriðjudag í næstu viku.

Mismunandi/4
Mun dýrara
að skipta um
hjólbarða
MEÐALKOSTNAÐUR við að
skipta um hjólbarða á fólksbíl hef-
ur hækkað um 21% frá því á sama
tíma í fyrra, samkvæmt könnun
Samkeppnisstofnunar. Stofnunin
kannaði hinn 15. október síðastlið-
inn verð á ónegldum og negldum
vetrarhjólbörðum hjá 26 hjólbarða-
verkstæðum á höfuðborgarsvæð-
inu.
Athygli vekur að á sama tíma og
meðalkostnaður við að skipta um
hjólbarða hækkar um 21% hefur
vísitala neysluverðs hækkað um 8%
og launavísitalan um 9,1%, bendir
Samkeppnisstofnun ennfremur á.

21% dýrara/23
♦ ♦ ♦