Morgunblaðið - 01.12.2001, Qupperneq 6

FRÉTTIR
6 LAUGARDAGUR 1. DESEMBER 2001 MORGUNBLAÐIÐ
MEIRIHLUTI kúabænda hafnaði
tilraunainnflutningi fósturvísa úr
norskum kúm. Atkvæði greiddu
1.334 bændur sem stunda mjólk-
urframleiðslu innan greiðslumarks
og voru 995 þeirra, eða 74,6%, and-
vígir innflutningum. Hlynntir hon-
um voru 334 bændur eða 25% og
auðir og ógildir atkvæðaseðlar voru
5 eða 0,4%.
„Þessi niðurstaða er alveg klár,
andstaðan er afgerandi og nú blasir
ekkert annað við en að loka til-
raunastöðinni í Hrísey og selja fóst-
urvísana sem við eigum úti í Nor-
egi,“ sagði Snorri Sigurðsson,
framkvæmdastjóri Landssambands
kúabænda, um niðurstöðuna.
„Úrslitin eru alveg afgerandi og
niðurstaðan segir okkur alveg hvað
gera skuli. Þátttakan er og mjög
góð, til baka komu seðlar frá 80,5%
þeirra sem fengu þá senda. Við
höfðum grun um að baklandið
vegna þessara fyrirhuguðu tilrauna
væri ekki alveg eins og menn héldu.
Því ákváðum við í samstarfi við
Bændasamtökin að fara út í þessa
atkvæðagreiðslu,“ sagði Snorri.
Til álita var hvort Bændasamtök-
in og Landssamband kúabænda
ættu að standa fyrir tilraunainn-
flutningi fósturvísa úr norskum
kúm en leyfi stjórnvalda fyrir inn-
flutningnum lá fyrir. Honum var
frestað fyrr á árinu vegna kúariðu-
fársins í Evrópu. Töku fósturvís-
anna lauk síðastliðið vor og hafa
þeir verið geymdir í frysti í Noregi.
Ásthildur Skjaldardóttir, kúa-
bóndi á Bakka á Kjalarnesi, sem
sæti á í stjórn Búkollu, samtaka
áhugafólks um íslensku mjólkurk-
úna, sagðist vera mjög ánægð með
þessa niðurstöðu. Raunar hefði
þessi niðurstaða ekki átt að koma á
óvart vegna þess að svipuð niður-
staða hefði komið fram í skoðana-
könnun sem gerð var meðal bænda
árið 1997.
„Það er margt sem veldur þessari
niðurstöðu. Stór þáttur í þessu er
að menn hafa enn trú á íslenska
kúakyninu. Meirihluti bænda var
ekki sannfærður um að hann væri
að fá neitt miklu betra með þessu
norska kúakyni. Síðan blandast
kannski inn í að margir töldu að
Landsamband kúabænda hefði ekki
hlustað á skoðanir bænda,“ sagði
Ásthildur.
Verða að hætta við tilraunina
„Nú verða menn að una glaðir við
sína íslensku kú og hugsa um það
eitt að rækta hana,“ sagði Guðni
Ágústsson landbúnaðarráðherra
þegar hann var spurður um nið-
urstöður atkvæðagreiðslunnar.
„Félagsleg niðurstaða er fengin
og hún er skýr. Atvinnugreinin hef-
ur gefið afdráttarlaust svar til sinna
forystumanna um að afskrifa þessa
samanburðartilraun. Mér sýnist að
forystumennirnir eigi fáa kosti aðra
en að hætta við tilraunina.“
Guðni var spurður hvort hann
útilokaði að taka jákvætt í umsókn
Nautgriparæktarfélagsins um að fá
að flytja inn fósturvísa frá Noregi
til kynbóta.
„Nú, þetta er nú búið að vera erf-
itt verkefni og mikil andstaða við
það meðal almennings. En þegar
bændurnir sjálfir, þrír fjórðu
þeirra, hafna tilraun, þá eru þeir
auðvitað að hafna málinu sýnist
mér. Ég vona því að menn átti sig á
þessari niðurstöðu og lúti henni,“
sagði Guðni Ágústsson.
„Ég met þessa niðurstöðu þann
veg að hún auki okkar möguleika,“
sagði Jón Gíslason, bóndi á Lundi í
Lundarreykjardal í Borgarfirði en
hann er formaður Nautgriparækt-
arfélags Íslands, sem sótt hefur um
leyfi til landbúnaðarráðherra fyrir
innflutningi á fósturvísum úr norsk-
um kúm til að kynbæta íslenska
kúastofninn.
„Við afhentum ráðherranum um-
sóknina í síðustu viku og hún fer í
lögbundið ferli þar sem leitað er
umsagnar ýmissa aðila, svo sem
dýralæknaráðs Íslands og Náttúru-
verndarráðs. Miðað við að það tók
Bændasamtökin og Landssamband-
ið tvö ár að fá leyfi þá býst ég ekki
við að fá leyfið á morgun,“ sagði
Jón.
„Við munum falast eftir stöðinni í
Hrísey hyggist Landssambandið
loka henni, innflutningurinn mun
ekki eiga sér stað nema um slíka
stöð og hún er sú eina í landinu,“
sagði Jón.
Hann sagðist vita til þess að
margir félagsmenn í Nautgripa-
ræktarfélaginu hafi greitt atkvæði
gegn innflutningnum af þeirri
ástæðu að þeir hafi talið það þróun-
arferli sem kynbæturnar áttu að
fara í óskynsamlegt.
„Þeir hafa sett út á þann langa
tíma sem þetta átti allt að taka,
vildu fá ávinninginn strax til sín frá
einangrunarstöðinni í Hrísey. Kyn-
bæturnar áttu hins vegar að vera
bundnar við einungis tvö bú í land-
inu fyrstu 10 árin eftir að þætti ein-
angrunarstöðvarinnar lyki. Það er
alltof langur tími, við viljum fá
þetta miklu fyrr,“ sagði Jón.
75% bænda höfnuðu inn-
flutningi á nýju kúakyni
Morgunblaðið/Sverrir
Góð þátttaka var í kosningunni, en um 80% kúabænda greiddu atkvæði.
Atvinnugreinin
hefur gefið af-
dráttarlaust svar,
segir landbún-
aðarráðherra
BJÖRN Bjarnason menntamálaráð-
herra telur að með viðræðum þeim
sem nú standa yfir á vegum ráðu-
neytisins um samruna Margmiðlun-
arskólans og Tækniskóla Íslands sé
verið að gera lokatilraun um það
hvort atvinnulífið sé tilbúið til að
standa að baki Tækniskóla Íslands.
Eins og fram hefur komið í Morg-
unblaðinu eru viðræður um samruna
Margmiðlunarskólans annars vegar,
sem er í eigu Prenttæknistofnunar
og Rafiðnaðarskólans, og Tækni-
skóla Íslands hins vegar, nú að hefj-
ast en markmiðið með því er að
byggja upp öflugan tækniháskóla.
Þegar Björn Bjarnason var
spurður álits á þessum viðræðum
sagði hann: „Það hefur oftar en einu
sinni komið fram mikill áhugi hjá at-
vinnulífinu á því að taka að sér
rekstur Tækniskóla Íslands. Taldi
ég að það væri fullreynt og hef látið
vinna að breytingum á lögum um
skólann sem ríkisskóla. Margmiðl-
unarskólinn sneri sér hins vegar í
haust til ráðuneytisins og óskaði eft-
ir tvennu; annars vegar óskaði hann
eftir því að hann fengi viðurkenn-
ingu sem skóli á háskólastigi og hins
vegar óskaði hann eftir viðræðum
um málefni Tækniskóla Íslands og
lét í ljós áhuga á því að koma að
þeim rekstri ef mál þróuðust á þann
veg.“
Menntamálaráðherra segir að
hann hafi ekki séð ástæðu til annars
en að fallast á ósk um slíkar við-
ræður. „Ég tel að með þeim við-
ræðum sé gerð lokatilraun til að átta
sig á því hvort atvinnulífið komi að
rekstri skólans en bakvið Margmiðl-
unarskólann standa mjög öflugir að-
ilar í atvinnulífinu, s.s. Prenttækni-
stofnun og Rafiðnaðarsambandið
sem hafa reynslu af rekstri skóla.“
Bætir ráðherra því við að sér finnist
að það eigi að fást niðurstöður í
þessum samningaviðræðum á „mjög
skömmum tíma.“
Mikilvægt skref
Ráðherra segir að gangi það eftir
að Margmiðlunarskólinn komi inn í
rekstur Tækniskólans verði það
mikilvægt skref og í samræmi við
það sem margir hafa viljað, þ.e. að
atvinnulífið komi að skólanum.
„Gangi það á hinn bóginn ekki eft-
ir mun ég strax í upphafi þings eftir
áramót búa mig undir að leggja
fram frumvarp um að Tækniskólinn
verði ríkisskóli á háskólastigi en
mér þykir það lakari kostur miðað
við þau
markmið, sem forráðamenn
Margmiðlunarskólans hafa kynnt.“
Björn Bjarnason menntamálaráðherra
Lokatilraun um þátt-
töku atvinnulífsins í
rekstri Tækniskólans

Tækniháskóli eða.../12
ENGAR ákvarðanir voru teknar í
gær um sölu á eignum úr þrotabúi
Samvinnuferða-Landsýnar. Ragn-
ar H. Hall skiptastjóri sagði að það
hefði ekki unnist tími til að ljúka
neinum samningum í gær. Þetta
væru flókin mál og það tæki tíma
að ná utan um þau. Hann útilokaði
hins vegar ekki að eitthvað yrði að
frétta af málinu um helgina.
Ragnar sagði að fleiri fyrir-
spurnir hefðu borist í gær en vildi
ekki greina frá hverjum eða um
hve marga aðila væri að ræða.
Þingvallaferðir endurnýjuðu til-
boð í eignir Samvinnuferða í gær.
Ragnar sagðist ekki hafa svarað
því. Hann staðfesti hins vegar að
fyrra tilboð fyrirtækisins í eign-
irnar, sem hann hafnaði, hefði
hljóðað upp á ríflega 15 milljónir
króna. Hann sagði aðslíkt tilboð
fæli ekki í sér umræðugrundvöll.
Ragnar sagðist ekki telja líkur á
því að starfsemi undir merkjum
Samvinnuferða hæfist að nýju í
húsnæðinu í Sætúni. Búið væri að
selja það hús og segja upp leigu-
samningi.
Þingvallaleið
dregur tilboð til baka
Tryggvi Agnarsson, lögmaður
Þingvallaleiðar, sagði í samtali við
Morgunblaðið að fyrra tilboðið
hefði hljóðað upp á 35 milljónir og
ber því honum og Ragnari ekki
saman. Undir hádegi í gær gerði
Þingvallaleið annað tilboð, sem að
sögn Tryggva hljóðaði upp á 45
milljónir. Tryggvi segir að þar sem
ekkert hafi heyrst frá skiptastjór-
anum síðdegis í gær hafi Þingvalla-
leið dregið tilboð sitt til baka.
Tryggvi segir að Þingvallaleið
hafi boðist til að taka yfir starfs-
samninga allra starfsmanna Sam-
vinnuferða. Að auki vildu þeir fá
þann búnað sem þyrfti til að reka
ferðaskrifstofu. Miklar skuldbind-
ingar fælust í þessu tilboði þar sem
fyrirsjáanlegt væri að ekki fengj-
ust tekjur af starfseminni fyrr en í
vor.
Engar
ákvarðan-
ir teknar
um sölu
Skiptastjóri
Samvinnuferða