Morgunblaðið - 01.12.2001, Blaðsíða 12

FRÉTTIR
12 LAUGARDAGUR 1. DESEMBER 2001 MORGUNBLAÐIÐ
SIGURBJÖRN Einarsson biskup
keypti rauðan Gevalía kaffipakka í
Bónus í Kringlunni á fimmtudag og
þar með hófst söfnun fyrir Mæðra-
styrksnefnd Reykjavíkur.
Rydenskaffi á Íslandi verður 75
ára á næsta ári og því ákvað fyr-
irtækið að styrkja Mæðrastyrks-
nefnd Reykjavíkur með því að gefa
skjólstæðingum nefndarinnar 15
krónur af hverjum seldum rauðum
Gevalía kaffipakka, en allar mat-
vöruverslanir og stórmarkaðir taka
þátt í átakinu.
Jólaaðstoð Mæðrastyrksnefndar
Reykjavíkur, Sólvallagötu 48, verð-
ur sem hér segir í desember.
Umsóknarfrestur til að sækja um
aðstoð fyrir jólin er til 5 desember.
Úthlutun á mat, matarmiðum, jóla-
gjöfum og fl hefst mánudaginn 10
desember. Opið verður alla mánu-
daga, þriðjudaga og miðvikudaga
frá kl. 13 til 17. Opið verður alla
daga vikuna fyrir jól frá kl. 13 til
17.
Fataúthlutun er alla miðviku-
daga fram að jólum frá kl. 13 til 17.
Morgunblaðið/Kristinn Ingvarsson
Við upphaf söfnunarinnar. Frá vinstri: Bryndís Guðmundsdóttir, vara-
formaður Mæðrastyrksnefndar Reykjavíkur, Sigurbjörn Einarsson
biskup og Ásgerður Jóna Flosadóttir, formaður Mæðrastyrksnefndar.
Jólasöfnun Mæðra-
styrksnefndar hafin
MORGUNBLAÐINU hefur borist
eftirfarandi athugasemd frá Tækni-
skóla Íslands:
„Hinn 29. nóvember síðastliðinn
birtist frétt í Morgunblaðinu undir
fyrirsögninni „Markmiðið að byggja
upp tækniháskóla“. Í fréttinni er
greint frá því að hafnar séu viðræður
milli menntamálaráðuneytis og
Margmiðlunarskólans um samruna
hans við Tækniskóla Íslands. Mark-
mið viðræðnanna á að vera stofnun og
uppbygging öflugs tækniháskóla, eins
og það er orðað. Þessi frétt kemur
vægast sagt undarlega fyrir sjónir og
liggja þar aðallega tvær ástæður að
baki.
Í fyrsta lagi hefur forráðamönnum
Tækniskólans ekki verið boðið að
taka þátt í þessum viðræðum né held-
ur hefur málið verið borið undir þá. Í
öðru lagi var lagt í mikla vinnu á
haustdögum hér í Tækniskólanum við
smíði nýs frumvarps til laga um
Tækniháskóla Íslands. Þessi vinna
fór af stað í kjölfar undirritunar
samnings við menntamálaráðuneytið
um fjárveitingar til skólans næstu tvö
árin, samkvæmt sama reiknilíkani og
aðrir háskólar.
Mikil bjartsýni ríkti meðal starfs-
fólks þar sem þær upplýsingar bárust
að ráðherra ætlaði að leggja frum-
varpið fyrir þingið fyrir jól, og stefnt
var að því að við yrðum Tækniháskóli
Íslands hinn 1. janúar 2002. Það gefur
augaleið að breyting á nafni og laga-
umhverfi skólans kallar á mikla vinnu
og voru settir saman vinnuhópar til að
undirbúa þessar breytingar.
Í byrjun nóvember bárust þær
fréttir að Háskólinn í Reykjavík,
Samtök iðnaðarins (enn á ný) og Raf-
iðnaðarskólinn væru komnir í viðræð-
ur við fulltrúa menntamálaráðuneytis
um framtíð Tækniskólans. Það kom á
óvart að ráðherra skyldi vera tilbúinn
að ljá þessu eyra þar sem ekki var
annað vitað en að framtíð skólans yrði
tryggð með nýju lagafrumvarpi.
Ýmsir aðilar innan skólans hafa lagt á
sig mikið og metnaðarfullt starf við
aðlögun að nýjum háskólalögum en
nú virðist það starf vera í uppnámi.
Hvað er framundan?
Enn einu sinni standa nemendur
og starfsfólk frammi fyrir því að hafa
enga hugmynd um framtíð Tækni-
skóla Íslands. Hinn 23. nóvember sl.
var ráðherra send skýrsla um stöðu-
mat og framtíðarsýn Tækniskólans
en engin viðbrögð hafa komið við
henni. Svo birtist áðurnefnd frétt hér
á síðum blaðsins hinn 29. nóvember,
og þykir nokkuð merkileg í ljósi þess
sem hér hefur verið rakið og verður
nú mælirinn að teljast fullur.
Það hlýtur að vera réttmæt krafa
allra sem við skólann starfa að fram-
tíð og velferð hans verði tryggð og að
vinnufriður fáist til að viðhalda og efla
nám við skólann. Í stefnuskrá skólans
segir m.a.: „Tækniskóli Íslands sé vel
metinn fagháskóli sem kappkosti að
veita nemendum sínum þá bestu
fræðslu sem völ er á innan sérsviða
skólans.“
Að sjálfsögðu er fullur vilji innan
skólans til að stofna til öflugs sam-
starfs við aðra skóla sem og fulltrúa
atvinnulífsins, til að uppfylla þessi
markmið, en það er ekki hvetjandi að
lesa fréttir um slíkt í blöðunum án
þess að hafa nokkuð um það að segja.
Hér með er skorað á ráðherra að taka
ákvörðun um framtíð skólans þegar í
stað, með hag nemenda, starfsfólks
og framtíð tæknináms á Íslandi að
leiðarljósi.“
Tækniháskóli
eða ekki
tækniháskóli
BÚSTAÐAKIRKJA var vígð 1.
sunnudag í aðventu árið 1971.
Þessa verður minnst við hátíð-
arguðsþjónustu í kirkjunni
næsta sunnudag kl. 14. Biskup
Íslands, Karl Sigurbjörnsson,
flytur ávarp og þjónar fyrir alt-
ari ásamt prófastinum Jóni
Dalbú Hróbjartssyni. Hátíðar-
ræðu flytur Ólafur Skúlason,
biskup og fyrrum sóknarprest-
ur kirkjunnar. Þá mun fyrsta
barnið, sem skírt var í kirkj-
unni, nývígðri, lesa ritningar-
lestra.
Fyrsti sunnudagur í aðventu
hefur jafnan verið kirkjudagur
Bústaðakirkju. Hann hefst með
barnamessu kl. 11 og þar verð-
ur kveikt á fyrsta kerti aðven-
tukransins.
Eftir hátíðarguðsþjónustu
kl. 14 er kirkjugestum boðið í
kaffi í safnaðarheimilinu, þar
sem karlarnir í sóknarnefnd sjá
um bakstur og þjónustu.
Hver og einn ber
ljós trúarinnar
Aðventukvöld verður kl. 20,
þar munu sex kórar í kirkju-
starfinu syngja og leika fyrir
kirkjugesti undir stjórn organ-
istanna Sigrúnar Steingríms-
dóttur og Helga Bragasonar en
stjórnandi yngri kóranna er Jó-
hanna Þórhallsdóttir og undir-
leikari Pálmi Sigurhjartarson.
Einnig munu félagar úr Kór
Bústaðakirkju syngja. Tromp-
etleikari er Guðmundur Ingi
Rúnarsson.
Ræðumaður kvöldsins er
Valgerður Sverrisdóttir, iðnað-
ar- og viðskiptaráðherra.
Í lok aðventukvöldsins eru
ljósin tendruð og þess beðið að
hver og einn beri ljós trúarinn-
ar með sér út í eril dagsins og
láti það lýsa þar, segir í frétta-
tilkynningu frá Bústaðakirkju.
30 ára vígslu-
afmæli
Bústaðakirkju
MORGUNBLAÐINU hefur borist
eftirfarandi athugasemd frá Sinfón-
íuhljómsveit Íslands:
„Í fréttum blaðsins 27. og 28. nóv-
ember sl. var frásögn af ólátum og
átökum milli hljóðfæraleikara úr
Sinfóníuljómsveit Íslands og nem-
enda úr Hagaskóla. Af gefnu tilefni
viljum við að komi fram, svo ekkert
fari á milli mála, að um var að ræða
tvo hljóðfæraleikara sem í þessu
lentu. Þótt það sé tveimur of mikið,
þá var ekki um að ræða einhver alls-
herjar átök milli hljóðfæraleikar-
anna og nemendanna, enda hafa
skólinn og hljómsveitin búið í
hnökralitlu nágrenni um áratuga
skeið.“
Tveir hljóðfæraleikarar
FORSETI Finnlands, Tarja Halon-
on, hefur veitt Haraldi Björnssyni
stórriddarakross Hvítu rósarinnar.
Haraldur hefur til fjölda ára verið
aðalræðismaður Finnlands á Íslandi
og hefur unnið mjög ötullega að því
að efla góð samskipti á milli Finn-
lands og Íslands í rúm þrjátíu ár.
Haraldur var útnefndur ræðis-
maður í Reykjavík árið 1965 og árið
1968 varð hann aðalræðismaður.
Jóni Friðgeiri Einarssyni, ræðis-
manni í Bolungarvík síðan 1987, og
Þórarni B. Jónssyni, ræðismanni á
Akureyri frá 1991, voru einnig veitt
fyrsta stigs riddarakross finnsku
Ljónsorðunnar.
Sendiherra Íslands, Timo Kopon-
en, afhenti heiðursorðurnar í mót-
töku sem haldin var í finnska sendi-
ráðinu í Reykjavík 29. nóvember
síðast liðinn.
Morgunblaðið/Sverrir
Sendiherra Finnlands, Timo Koponen, afhenti Haraldi Björnssyni að-
alræðismanni, Jóni Friðgeiri Einarssyni og Þórarni B. Jónssyni, ræð-
ismönnum, heiðursorður frá forseta Finnlands.
Heiðursorður frá
forseta Finnlands
BORGARSTJÓRI segir enga sjálf-
stæða stefnumótun hjá ríkinu um
hlutverk borgarinnar og höfuðborg-
arsvæðisins í atvinnu- og efna-
hagsþróun 21. aldarinnar. „Ég leyfi
mér að auglýsa eftir borgarstefnu
ríkisins,“ sagði Ingibjörg Sólrún
Gísladóttir borgarstjóri meðal ann-
ars í ræðu sinni á fundi borgarstjórn-
ar í fyrradag þegar hún fjallaði um
frumvarp að fjárhagsáætlun borgar-
innar fyrir næsta ár.
Ástæðuna fyrir því að ríkið hefði
enga borgarstefnu sagði borgarstjóri
eflaust vera þá að hér væri bara eitt
borgarsvæði. Hún sagði að ríkið ætti
að hafa stefnu um hvar og hvernig
það ætti að byggja upp stofnanir sín-
ar á höfuðborgarsvæðinu, svo sem
menntastofnanir, rannsóknastofnan-
ir og sjúkrastofnanir og varpaði því
fram hvort og hvernig ríkið ætti að
tryggja vöxt og viðgang borgarinnar,
hvaða stofnanir þess væru best
komnar í miðborginni, hverjar geti
átt betur heima annars staðar og
hvort ríkið hafi yfirhöfuð einhverjum
skyldum að gegna gagnvart miðborg-
inni í höfuðborg allra landsmanna.
„Í öðrum löndum, þar sem fleiri
borgarsvæði er að finna heldur en
hér, hefur ríkisvaldið víða stefnu um
hvernig það vill stuðla að varðveislu
þes menningararfs sem er í miðborg-
um. Reyndar mætti hægast hugsa
sér stefnu ríkisins hér á þessu sviði,
sem tæki þá til gömlu bæjanna eins
og Akureyrar, Ísafjarðar, Hafnar-
fjarðar og Seyðisfjarðar auk Reykja-
víkur. Hún gæti falist í því að styðja
við endurbyggingu og fjárfestingu og
jafnframt sett uppbyggingu úti á
jaðrinum takmörk, þar sem hún veg-
ur að miðbæjarsvæðunum,“ sagði
borgarstjóri einnig.
Hefur óbilandi trú
á miðborginni
Borgarstjóri gerði miðborgina
einnig að sérstöku umræðuefni. „Ég
hef óbilandi trú á miðborginni og sé
styrk hennar vaxa mjög á næstu ár-
um. Ég hef mjög ákveðna sýn á mið-
borgina og mun stuðla að því með öll-
um tiltækum ráðum að hún verði að
veruleika,“ sagði Ingibjörg Sólrún.
Borgarstjóri sagði að í þeirri sýn
mættust nýi tíminn og sá gamli.
„Ný og metnaðarfull mannvirki
sem svara kröfum nútímans í bland
við gömlu Reykjavík með sínum lág-
reistu og fallegu timburhúsum og
einstaka andrúmslofti,“ sagði hún og
sagði miðborgina vera óumdeilda
miðstöð stjórnsýslu, dómstóla, menn-
ingar og skemmtanalífs. Laugaveg-
urinn héldi áfram að vera aðal versl-
unargata landsins þótt verslun hefði
látið undan síga í Kvosinni.
Borgarstjóri sagði fyrirsjáanlega
uppbyggingu vera í Aðalstræti þar
sem minjavernd væri að endurbæta
gamla Geysishúsið og Innréttingarn-
ar að byggja hótel sem félli inn í götu-
myndina. Hún sagði tvennt sýna
sóknarfærin og sérstöðu miðborgar-
innar. Annað væri fundur fornminj-
anna á horni Aðalstrætis og Túngötu
og hitt tækifærið sagði hún vera
byggingu tónlistar- og ráðstefnuhúss
og hótels í Austurhöfninni.
Íbúar taki þátt
í stefnumótun
Einnig gerði borgarstjóri hverfis-
ráð að umtalsefni í ræðu sinni. Sagði
hún frekari skref verða stigin í sam-
þættingu þjónustu í hverfum borgar-
innar, færa ætti þjónustuna nær íbú-
um og íbúalýðræði og þátttaka
borgarbúa í stefnumótun og ákvörð-
unum þróuð frekar.
Ingibjörg Sólrún Gísladóttir borg-
arstjóri minnti á að hverfisráðum
ætlað að vera samráðsvettvangur
íbúa, hverfasamtaka, athafnalífs og
borgaryfirvalda í hverfum borgarinn-
ar og vettvangur stefnumótunar í
málefnum viðkomandi hverfis. „Öll
hverfisbundin félög og stofnanir eigi
fulltrúa í hverfisráðinu auk þriggja
fulltrúa sem kjörnir verða af borg-
arstjórn. Einn fulltrúanna sem kjör-
inn verður í borgarstjórn mun gegna
formennsku í ráðinu,“ sagði borgar-
stjóri.
Telur hún mikilvægt að skapa sam-
ræðuvettvang borgaryfirvalda og
íbúa þar sem m.a. gefist kostur á að
kynna framkvæmdir og önnur verk-
efni og leita skipulega eftir ábending-
um hverfisbúa um það sem betur
megi fara. Kveðst Ingibjörg Sólrún
leggja áherslu á að leggja áherslu á
að stjórnkerfisnefnd borgarinnar út-
færi nánar þá stefnumörkun sem
liggi fyrir.
Borgarstjóri í umræðum um fjárhagsáætlun
Lýsir eftir borgar-
stefnu ríkisins