Morgunblaðið - 01.12.2001, Síða 64

KIRKJUSTARF
64 LAUGARDAGUR 1. DESEMBER 2001 MORGUNBLAÐIÐ
HÁTÍÐARMESSA verður sunnu-
daginn 2. desember kl. 11 þar sem
biskup Íslands, herra Karl Sig-
urbjörnsson, mun prédika og þjóna
fyrir altari ásamt þeim sr. Sigurði
Pálssyni og sr. Jóni Dalbú Hró-
bjartssyni.
Í messunni verður vígður nýr
skírnarfontur sem kvenfélag Hall-
grímskirkju hefur fært kirkjunni
að gjöf. Skírnarfontinn teiknaði
Leifur Breiðfjörð myndlist-
armaður og er við gerð hans tekið
tillit til forms prédikunarstólsins
sem er sexhyrndur. Skírnarfont-
urinn er gerður úr stuðlabergi og
glærum tékkneskum blýkristal.
Mótettukór Hallgrímskirkju
leiðir safnaðarsönginn undir stjórn
Harðar Áskelssonar og sunnudaga-
skólinn verður á sínum stað undir
stjórn Magneu Sverrisdóttur.
Að messu lokinni verður opnun á
nýrri myndlistarsýningu Þórðar
Hall í forkirkjunni en sýningin
markar upphaf 20. starfsárs List-
vinafélags Hallgrímskirkju.
Barna- og
unglingastarf
Hallgrímskirkju
VEGNA verkfalls tónlistarskóla-
kennara getur ekki orðið af tón-
leikum Barna- og unglingakórs
Hallgrímskirkju sem fyrirhugaðir
voru á morgun, sunnudaginn 2.
desember.
Það verður þó ýmislegt um að
vera í barna- og unglingastarfi
kirkjunnar á næstunni. Hinn 15.
desember nk. kl 14:30 verður hald-
in aðventustund. Þar munu kór-
arnir koma fram og jólasaga lesin.
Þetta verður stutt og hátíðleg
stund fyrir fjölskylduna og eru all-
ir velkomnir. Daginn eftir, þriðja
sunnudag í aðventu kl. 11 verður
fjölskylduguðsþjónusta og þar mun
barnakórinn syngja og flytja helgi-
leik.
Aðventuhátíð
í Grafar-
vogskirkju
HIN árlega aðventuhátíð haldin í
Grafarvogskirkju sunnudaginn 2.
desember kl. 20.
Að venju verður hátíðin fjöl-
breytt, Þórhildur Líndal, umboðs-
maður barna á Íslandi, flytur hug-
vekju. Flutt verður lag og ljóð eftir
Valgeir Guðjónsson sem tileinkað
er börnum á Íslandi. Matthías Jo-
hannessen, skáld og fyrrum rit-
stjóri, flytur frumort ljóð. Tónlistin
skipar stóran sess á hátíðinni, Kór
Grafarvogskirkju, Barna- og ung-
lingakór kirkjunnar og Krakka-
kórinn syngja. Einsöng syngur
Kristín María Hreinsdóttir. Flautu-
leikarar eru Berglind Tómasdóttir
og Guðrún S. Birgisdóttir. Stjórn-
endur eru Hörður Bragason org-
anisti og Oddný Þorsteinsdóttir
kórstjóri.
Aðventukvöld
í Dómkirkjunni
AÐVENTUKVÖLD verður í Dóm-
kirkjunni sunnudaginn 2. desem-
ber kl. 20.30. Ræðumaður er sr.
Þórir Stephensen, fyrrverandi
dómkirkjuprestur. Dómkórinn
syngur undir stjórn Marteins H.
Friðrikssonar organista. Einnig
syngur Barnakór Dómkirkjunnar.
Stjórnandi hans er Kristín Vals-
dóttir. Sr. Jakob Ágúst leiðir
stundina og sr. Hjálmar Jónsson
annast bænargjörð.
Að dagskrá lokinni í kirkjunni
býður kirkjunefndin upp á kaffi og
smákökur í Safnaðarheimilinu.
Verið velkomin.
Kirkjunefnd kvenna
Dómkirkjunnar.
Kirkjudagur
Árbæjarkirkju
FYRSTA sunnudag í aðventu er
kirkjudagur Árbæjarkirkju. Á
þeim degi er margt gert til hátíð-
arbrigða frá morgni til kvölds.
Byrjað verður á barnaguðsþjón-
ustu kl. 11 í kirkjunni. Guðsþjón-
usta verður kl. 14. Dr. Sigurður
Árni Þórðarson, verkefnastjóri
guðfræði og þjóðmála, prédikar.
Prestar safnaðarins þjóna fyrir alt-
ari. Gospelkór kirkjunnar ásamt
kirkjukórnum syngja.
Eftir guðþjónustunni er kirkju-
gestum sem og öðrum boðið að
njóta kaffiveitinga gegn vægu
verði, sem kvenfélag kirkjunnar
ber veg og vanda af. Á sama tíma
er líknarsjóðsnefnd með svokallað
líknarsjóðshappdrætti í safn-
aðarheimilinu. Um er að ræða
happdrætti þar sem allur ágóði
rennur til líknarmála í söfnuðinum.
Fjöldi góðra og eigulegra vinninga
er í boði sem fyrirtæki í og utan
prestakallsins hafa gefið til styrkt-
ar góðu málefni.
Um kvöldið verður síðasta létt-
messa ársins. Berþór Pálsson
söngvari mun syngja. Ungt fólk
flytur bænir og jólasaga lesin. Á
eftir verður kaffi og ávaxtasafi í
safnaðarheimilinu.
Líknarsjóðs-
happdrætti
Árbæjarkirkju
HIÐ árlega líknarsjóðshappdrætti
verður á kirkjudegi Árbæjarsafn-
aðar sunnudaginn 2. desember. Af-
rakstur happdrættisins rennur
óskiptur til líknarmála innan safn-
aðarins. Vill líknarsjóðsnefndin
þakka þeim fjölmörgu ein-
staklingum og fyrirtækjum sem af
rausnarskap hafa styrkt þessa
starfssemi ár eftir ár. Er það von
okkar og ósk að sem flest safn-
aðarfólk láti sjá á þessum degi og
láti af hendi rakna fé sem mætti
vera til þess að hjálpa þeim sem
eru hjálpar þurfi.
Léttmessa
Árbæjarkirkju
LÉTTMESSA verður sunnudaginn
2. desember kl. 20. Bergþór Páls-
son syngur, létt jólalög. Kyrrlát
stemmning með kertaljósum. Bæn-
ir, ritningalestur og jólasaga. Á
eftir er boðið upp á hressingu í
safnaðarheimili kirkjunnar.
Aðventukvöld
í Grensáskirkju
AÐVENTUKVÖLD verður í Grens-
áskirkju sunnudagskvöldið 2. des.
Barnakór Grensáskirkju syngur
undir stjórn Heiðrúnar S. Há-
konardóttur og Kirkjukór Grens-
áskirkju syngur undir stjórn Árna
Arinbjarnarsonar. Klara Hilm-
arsdóttir guðfræðingur flytur hug-
vekju. Í upphafi aðventu er tilvalið
að koma til kirkju og eiga þar
stutta en uppbyggilega stund, rifja
upp tóna aðventunnar og teyga til
sín frið og gleði fagnaðarboðskap-
arins. Að venju verður messa og
barnastarf kl. 11 um morguninn
fyrsta sunnudag í aðventu, 2. des-
ember næstkomandi, eins og und-
anfarin ár.
Aðventukvöld
í Fella- og
Hólakirkju
AÐVENTUKVÖLD verður í Fella-
og Hólakirkju kl. 20. Á þessum
kvöldum hafa sóknarbörn, á öllum
aldri, úr báðum sóknum kirkj-
unnar, átt saman helga og gleði-
lega stund í upphafi aðventu.
Barna- og unglingakór Fella- og
Hólakirkju, ásamt börnum úr
barnastarfi kirkjunnar, munu
flytja helgileik í umsjón Elínar El-
ísabetar Jóhannsdóttur. Kórstjóri
er Þórdís Þórhallsdóttir. Kór
Fella- og Hólakirkju leiðir almenn-
an söng. Organisti er Lenka Mát-
éová. Valdimar Ólafsson meðhjálp-
ari les jólasögu og kirkjugestir
tendra hver fyrir sig kertaljós. Sr.
Guðmundur Karl Ágústsson og
Lilja G. Hallgrímsdóttir, djákni
þjóna fyrir altari.
Eftir stundina er boðið upp á
kaffiveitingar í safnaðarheimilinu.
Allir eru hjartanlega velkomnir.
Prestar, djákni, starfsfólk og
sóknarnefndir Fella- og Hóla-
kirkju.
Aðventustund
í Neskirkju
EINS og venja hefur verið á sl. ár-
um er mikið um að vera í Neskirkju
á fyrsta sunnudegi í aðventu sem
nú ber upp á 2. desember. Klukkan
11 annast væntanleg ferming-
arbörn guðsþjónustuna, „Ljósahá-
tíð“ með ritningarlestri, frásögum
og söng undir stjórn Jónu Hansen
kennara og Reynis Jónassonar org-
anista.
Aðventustund hefst síðdegis kl.
17. Drengjakór Neskirkju syngur
undir stjórn Friðriks S. Krist-
inssonar við undirleik Reynis Jón-
assonar og Jóhann Friðgeir Valdi-
marsson tenórsöngvari syngur
nokkur lög. Einar Karl Haraldsson
ritstjóri, formaður Hjálparstarfs
kirkjunnar, flytur hugleiðingu og
sr. Frank M. Halldórsson flytur
lokaorð.
Aðventuhátíð
í Langholtskirkju
AÐ venju er fyrsti sunnudagur í
aðventu haldinn hátíðlegur í Lang-
holtssöfnuði með guðsþjónustu og
aðventudagskrá um kvöldið.
Um morguninn kl. 11 verður fjöl-
skylduguðsþjónusta þar sem að
Gradualekór Langholtskirkju
syngur í stund sem er sniðin fyrir
alla fjölskylduna.
Kl. 20 um kvöldið er síðan kvöld-
dagskrá þar sem að Kór Langholts-
kirkju syngur og Kór kórskólans
flytur Lúsíuhelgileik. Séra Krist-
ján Valur Ingólfsson er ræðumaður
kvöldsins.
Eftir stundina mun kvenfélag
Langholtssafnaðar bjóða upp á
kaffisopa og meðlæti í safn-
aðarheimilinu á kr. 500. Allir eru
að sjálfsögðu velkomnir og er
minnt á mikilvægi þess að ungir
sem gamlir sinni hinum innra þætti
jólaundirbúnings ekki síður en hin-
um ytra.
Sænsk aðventu-
guðsþjónusta
SÆNSKA félagið á Íslandi gengst
fyrir aðventuguðsþjónustu í Dóm-
kirkjunni fyrsta sunnudag í að-
ventu, 2. desember kl. 14.
Um þetta hefur skapast kær-
komin venja margra fjölskyldna
sem eiga uppruna sinn í Svíþjóð
eða hafa tengst sænskri menningu
tryggðaböndum. Nú vill svo vel til
að hér á landi er sænskur prestur
Kjell Fridberg og mun hann pré-
dika og leiða guðsþjónustuna þessu
sinni. Maria Cederborg mun leika á
flautu og Marteinn H. Friðriksson
á orgel. Ritningarlestra annast
Lars Göran Johansson, Stig A.
Wadentoft og Herman af Trolle,
sendiherra Svía á Íslandi. Kærir
aðventu og jólsöngvar verða
sungnir og tilvalið tækifæri skap-
ast til þess að hittast og rifja upp
kynnin.
Aðventukvöld
í Áskirkju
AÐVENTUSAMKOMA verður í
Áskirkju sunnudaginn 2. desember
kl. 20. Kirkjukór Áskirkju syngur
aðventu og jólasöngva en söng-
stjóri er Kári Þormar organisti.
Einnig flytur kór og organisti að-
ventutónlist ásamt flautuleik-
urunum Hildi Þórðardóttur og
Magneu Árnadóttur. Ennfremur
mun Ásdís Vilhelmsdóttir lesa ljóð
og flutt verður hugvekja. Þá verð-
ur almennur söngur og samkom-
unni lýkur með ávarpi sókn-
arprests og bæn. Eftir samkomuna
í kirkjunni mun kirkjugestum boð-
ið upp á súkkulaði og smákökur í
safnaðarheimili kirkjunnar. Íbúum
dvalarheimila og annarra stærstu
bygginga sóknarinnar gefst kostur
á akstri til og frá kirkju. Aðventu-
kvöld og aðrar samverustundir í
kirkjunum á aðventu hafa reynst
mörgum dýrmætur þáttur í und-
irbúningi jólanna og verða vonandi
sífellt fleirum sjálfsagður hluti
jólaundirbúningsins. Komu aðvent-
unnar mun og fagnað í guðsþjón-
ustum sunnudagsins í Áskirkju en
barnaguðsþjónusta er kl. 11 og
guðsþjónusta kl. 14.
Árni Bergur Sigurbjörnsson.
Aðventuhátíð
fjölskyldunnar
í Hjallakirkju
FYRSTA sunnudag í aðventu, 2.
desember, verður aðventuhátíð
fjölskyldunnar í Hjallakirkju kl. 17.
Þetta er skemmtileg stund fyrir
alla fjölskylduna með léttri jóla-
dagskrá, söngvum og sögum.
Barnakór úr Hjallaskóla syngur
fyrir viðstadda undir stjórn Guð-
rúnar Magnúsdóttur og við fáum
að sjá skemmtilegt brúðuleikrit,
Pönnukakan hennar Grýlu. Hér er
á ferðinni falleg jólasaga sem
brúðuleikarinn Bernd Ogrodnik
hefur sett saman úr evrópskri
þjóðsögu sem flestir ættu að kann-
ast við. Sagan segir frá sniðugri
pönnuköku sem nær að flýja steik-
arpönnu Grýlu með það fyrir aug-
um að ferðast alla leið í arma Jesú
litla og foreldra hans sem dvelja
svöng og köld í fjárhúsi í Betlehem.
En á vegi hennar verða margir sem
vilja fá sinn skerf af kökunni.
Brúðuleikritið Pönnukakan henn-
ar Grýlu byggist að verulegu leyti
upp á lifandi tónlist og virkri þátt-
töku áhorfenda. Auk þessa munum
við öll syngja saman jólasöngva og
njóta stundarinnar í kirkjunni.
Að henni lokinni verður boðið
upp á kakó og piparkökur í safn-
aðarsal kirkjunnar. Við hvetjum
fjölskyldur til að fjölmenna á að-
ventuhátíðina og leyfa jólaboð-
skapnum að leika um sig.
Í fjölskylduguðsþjónustu um
morguninn koma krakkar úr Sala-
skóla í Kópavogi í heimsókn og
leika á blokkflautur undir stjórn
Þórdísar Heiðu Kristjánsdóttur.
Allir eru velkomnir.
Aðventukvöld í
Seltjarnarneskirkju
ER ekki vel til fallið að koma í Sel-
tjarnarneskirkju sunnudags-
kvöldið 2. desember kl. 20:30 í upp-
hafi aðventu, hlýða á fallega
tónlist, uppbyggjast í orðinu og
eiga samfélag hvert með öðru? Þar
getum við átt stund með Guði,
tendrað ljós og fundið frið frá öllu
amstri hversdagsins. Ræðumaður
kvöldsins er Þorgerður Katrín
Gunnarsdóttir alþingismaður.
Morgunblaðið/Ásdís
Aðventuhátíð í
Hallgrímskirkju