Morgunblaðið - 04.12.2001, Blaðsíða 14
Nokkrir jólasveinar tóku forskot á sæluna og heimsóttu Smáralind.
ANDI jólanna ræður lögum
og lofum í verslunum á
höfuðborgarsvæðinu þessa
dagana enda ekki nema
þrjár vikur til jóla. Hver
helgi fram að jólum er dýr-
mæt fyrir verslunarfólk, en
að sögn Sigurðar Jóns-
sonar, framkvæmdastjóra
Samtaka verslunar og þjón-
ustu, fór jólasalan eilítið
rólegar af stað þessi jólin
en þau síðustu. Búast má
þó við að viðskiptin glæðist
næstu helgi, en þá hefst
nýtt kortatímabil og jóla-
stemmningin fer að ná há-
marki. Opnunartími versl-
ana er þegar orðinn lengri
en venjan er að vetri og
síðustu daga fyrir jól er
viðbúið að verslunarfólk
þurfi að standa sína plikt
frá morgni til kvölds.
„Jólasnjórinn er kominn
og það hefur líka sitt að
segja, nú er fólk að komast
í jólaskap,“ segir Sigurður.
Jólalögin eru farin að
hljóma og jólasveinar, ilm-
andi jólatré, glæsilegt jóla-
skraut og jólaljós ættu
einnig að hjálpa til að
skapa rétta andrúmsloftið
hvort sem fólk kýs að gera
jólainnkaupin innan dyra í
hlýlegum verslunarmið-
stöðvum eða rölta niður
skreyttan Laugaveginn ætti
enginn að verða svikinn.
Jólasveinarnir eru reyndar
ekki væntanlegir til byggða
fyrr en að viku liðinni, en
nokkrir þeirra gátu ekki
setið á sér og kíktu í bæinn
til að skoða mannfólkið og
athuga hvort allir séu ekki
stilltir og prúðir. Þá er
sveinunum vissulega um-
hugað um að allir fái nýjar
flíkur svo enginn fari nú í
jólaköttinn.
Líf og fjör fram að jólum
Morgunblaðið/Árni Sæberg
Á Laugavegi gleður ýmislegt augað og margir nutu þar veðurblíðunnar um helgina.
Höfuðborgarsvæðið
Jólatré er komið upp í Kringlunni og jólalögin farin að hljóma um ganga og verslanir.
HÖFUÐBORGARSVÆÐIÐ
14 ÞRIÐJUDAGUR 4. DESEMBER 2001 MORGUNBLAÐIÐ
UMFERÐ um Lönguhlíð og
Hamrahlíð er að mati um-
ferðarnefndar Foreldra- og
kennarafélags Hlíðaskóla of
hröð og á opnum íbúafundi
sem nefndin stóð fyrir á
dögunum voru lagðar fram
tillögur til að auka umferð-
aröryggi við göturnar. Til-
lögurnar fela m.a. í sér
þrengingu Lönguhlíðar og
úrbætur við Hamrahlíð til
að draga úr umferðarhraða,
en hámarkshraði við götuna
er 30 km/klst. Þá leggur
nefndin til að sett verði
girðing á eyju Kringlumýr-
arbrautar frá Miklubraut að
Sléttuvegi, að gangbraut
verði merkt í Litluhlíð við
Eskitorg og að gangbraut
verði komið upp á Skógar-
hlíð við göngustíg frá Eski-
hlíð.
Umferðanefndin hefur
sent samgöngunefnd
Reykjavíkurborgar erindi
með tillögum að úrlausnum
og kostnaðaráætlun. Er-
indinu fylgir ítarleg greina-
gerð sem byggð er á tölum
um slysatíðni og niðurstöð-
um hraða- og mengunar-
mælinga svo fátt eitt sé
nefnt. Þá sendi nefndin
einnig bréf til allra borg-
arfulltrúa þar sem tillögurn-
ar voru kynntar.
Lönguhlíðin sker
hverfið í sundur
„Segja má að Hlíðahverfið
sé rammað inn af Kringlu-
mýrarbraut, Miklubraut og
Bústaðavegi sem allar eru
miklar umferðargötur,“ seg-
ir Hafsteinn Helgason for-
maður umferðarnefndarinn-
ar. „Síðan eru innan hverf-
isins tvær vandræðagötur,
Hamrahlíð og Langahlíð. Sú
síðarnefnda klippir hverfið í
tvennt.“
Langahlíð er með tvær
akreinar í hvora átt og
breiða umferðareyju á milli.
Um götuna fara um 9.000
bílar á hverjum degi. Á
álagstímum er mikil gegn-
umakstursumferð um göt-
una, en utan álagstíma er
umferðin mun minni. „Við
lítum svo á að það fyrir-
komulag sem er í Lönguhlíð
nú sé í raun gamalt og úrelt
skipulagsfyrirbrigði,“ segir
Hafsteinn.
Settar verði upp
umferðareyjar
„Gatan þarf ekki að vera
svona breið, hún myndi bera
þessa daglegu umferð þótt
hún væri aðeins með einni
akrein í hvora átt, en með
því móti teljum við að hrað-
inn myndi minnka.“ Sam-
hliða þrengingu götunnar
þarf að endurnýja gang-
stéttir en þær eru að mati
nefndarinnar hættulegar á
köflum og allar ónýtar. Bið-
stöðvar strætisvagna þarf
að bæta sem og bílastæða-
aðstöðu framan við verslan-
ir. Í greinagerð nefndarinn-
ar kemur fram að hrað-
framúrakstur sé mikill í göt-
unni og í sumar varð þar
mjög alvarlegt umferðarslys
er stúlka varð fyrir bíl.
Hamrahlíðin sker Hlíða-
hverfið bæði frá Mennta-
skólanum við Hamrahlíð og
Hlíðaskóla. Um götuna er
áætlað að fari um 8-9.000
bílar á hverjum degi og að
drjúgum hluta er um að
ræða gegnumstreymisakst-
ur, þ.e. umferð annarra en
þeirra sem búa eða eiga
annað erindi inn í hverfið.
„Nær öll börn sem eru í
Hlíðaskóla þurfa að fara yfir
Hamrahlíð á hverjum degi.
Það er 30 kílómetra há-
markshraði í Hamrahlíð, en
fáir virðast vita af því. Það
er mikil gegnumakstursum-
ferð á morgnana og í raun
allan daginn og því er keyrt
mjög hratt um þessa götu.
Gatan er mjög opin fyrir
slíkri umferð, nokkuð er um
framúrakstur og á svæðinu
á móts við skólann er blind-
beygja.“
Að mati Hafsteins hefur
Hamrahlíð ekki það yfir-
bragð sem gata með 30 kíló-
metra hraða þarf að hafa.
Hugmyndir nefndarinnar
varðandi Hamrahlíð fela
m.a. í sér að tryggt verði að
hámarkshraði sé virtur og
að merkingar séu góðar þar
að lútandi. Þá leggur nefnd-
in til að fleiri umferðareyjar
verði settar á götuna sem
myndu bæði draga úr hraða
og hættulegum framúr-
akstri.
Umferðarnefndin hefur
einnig gert tillögur varðandi
úrbætur við Kringlumýrar-
braut en margir gangandi
vegfarendur freistast til að
stytta sér leið yfir götuna á
móts við Suðurver og hlýst
af því mikil slysahætta. Um-
ferðarþungi er mikill á
Kringlumýrarbraut svo og
hraði. Nefndin telur að nú
þegar eigi að reisa girðingar
á umferðareyjum til að
sporna við umferð gangandi
vegfarenda. Þá telur nefnd-
in að reisa þurfi brú yfir
götuna eða undirgöng í
framtíðinni.
Á fundinn mættu um 70
íbúar auk fulltrúa borgar-
innar, þeirra Helga Péturs-
sonar formanns samgöngu-
nefndar Reykjavíkurborgar,
Sigurðar Skarphéðinssonar
gatnamálastjóra, Stefáns
Finnssonar sérfræðings frá
umferðardeild Reykjavíkur-
borgar og Sigrúnar Magn-
úsdóttur borgarfulltrúa.
„Fundurinn var skemmti-
legur og mjög málefnaleg-
ur,“ segir Hafsteinn. „Borg-
aryfirvöld hafa í gegnum
árin hlustað á raddir Hlíða-
búa um úrbætur í hverfinu
og hafa margar þeirra skilað
sér í bættu umferðaröryggi.
Við reyndum að undirbúa
okkur vel fyrir fundinn og
ég trúi ekki öðru en að
borgaryfirvöld sjái mögu-
leika á því að standa að úr-
bótum á þessum þáttum í
hverfinu þar sem ekki er um
mjög kostnaðarsamar fram-
kvæmdir að ræða.“
Þrenging Lönguhlíðar
dregur úr slysahættu
Morgunblaðið/Golli
Börn á leið yfir Lönguhlíð á leið sinni heim úr Hlíðaskóla.
Hlíðar
Umferðarnefnd Foreldra- og kennarafélags Hlíðaskóla kynnti tillögur að úrbótum í umferðarmálum