Morgunblaðið - 04.12.2001, Blaðsíða 18

SUÐURNES
18 ÞRIÐJUDAGUR 4. DESEMBER 2001 MORGUNBLAÐIÐ
Söludeildin er
opin alla virka
daga frá
kl. 8:00 - 17:00
nema á
föstudögum
þá er lokað
kl 16:00.
VEGAGERÐIN hefur lagt fram
skýrslu um mat á umhverfisáhrifum
tvöföldunar Reykjanesbrautar frá
Hafnarfirði til Njarðvíkur. Skýrslan
er til athugunar hjá Skipulagsstofnun
og gefst almenningi kostur á að skila
inn athugasemdum til 9. janúar næst-
komandi.
Fyrirhugað er að breikka Reykja-
nesbraut á um 24 kílómetra kafla frá
sveitarfélagamörkum Hafnarfjarðar
og Vatnsleysustrandarhrepps og
vestur fyrir Seylubraut í Njarðvík.
Lagðir eru fram fjórir valkostir, í
þremur þeirra fest tvöföldun braut-
arinnar og í einum felst breikkun
brautarinnar um eina akgrein. Vega-
gerðin hefur valið kost sem fest í tvö-
földun brautarinnar og fylgir núver-
andi vegstæði að mestu. Á leiðinni
verða fimm mislæg vegamót. Við ein
gatnamótin, við Vatnsleysustrandar-
veg og Keilisveg, eru lagðar til tvær
mögulegar staðsetningar og óskað úr-
skurðar Skipulagsstofnunar um báð-
ar.
Gert er ráð fyrir að framkvæmdir
geti hafist á næsta ári og að þeim
verði lokið 2010. Heildarkostnaður
við verkið er áætlaður 3 til 3,5 millj-
arðar króna, miðað við verðlag í ár, að
því er fram kemur í matsskýrslunni.
Samkvæmt vegaáætlun 2001 til 2004
eru fjárveitingar til breikkunar
Reykjanesbrautar áætlaðar 574 millj-
ónir kr. Áfangaskipting hefur ekki
verið ákveðin.
Einkum sjónræn áhrif
Það er niðurstaða Hönnunar hf.
sem gerði matsskýrsluna fyrir Vega-
gerðina að framkvæmdirnar hafi lítil
áhrif á náttúrufar og menningarminj-
ar svæðisins en umtalsverð jákvæð
áhrif á samgöngur, umferðaröryggi
og samfélag. Ekki er talið að einstæð-
um jarðmyndunum verði raskað.
Framkvæmdasvæðið er þó að stærst-
um hluta á eldhraunum sem njóta
sérstakrar verndar sem sérstæð
landslagsgerð samkvæmt náttúru-
verndarlögum. Áhrif eru einkum talin
sjónræn, ekki síst áhrif mislægra
vegamóta.
Talið er að ferðatími um brautina
muni styttast og samgöngur verða
greiðari og öruggari. Meðalhraði mun
aukast og ferðatími styttast um 6-8%.
Reykjanesbraut mun geta afkastað
þrefalt meiri umferð en nú er, eða um
25-40 þúsund bílum á sólarhring en
umferðarspá gerir ráð fyrir 15 þús-
und bílum á sólarhring árið 2020. Gert
er ráð fyrir því að umferðarslysum
muni fækka um 35-65% eftir fram-
kvæmdirnar.
Fram kemur að umferð hjólreiða-
manna verður bönnuð um brautina og
að lögð verður ný hjólreiðaleið milli
Hafnarfjarðar og Reykjanesbrautar.
Matsskýrslan liggur frammi á
skrifstofum Hafnarfjarðarbæjar,
Reykjanesbæjar og Vatnsleysu-
strandarhrepps og á bókasafni
Reykjanesbæjar. Einnig á Þjóðar-
bókhlöðunni og hjá Skipulagsstofnun
í Reykjavík. Þá er skýrslan aðgengi-
leg á heimasíðum Vegagerðarinnar,
www.vegagerdin.is, og Hönnunar hf.,
www.honnun.is. Kynningin stendur
yfir í sex vikur, til 9. janúar næstkom-
andi, en þá rennur jafnframt út frest-
ur til að gera athugasemdir.
Vegagerðin stendur fyrir kynningu
á framkvæmdinni með opnu húsi í
fundarsal Reykjanesbæjar, fimmtu-
daginn 6. desember næstkomandi, frá
kl. 16 til 19.
Tvöföldun Reykjanesbrautar
Lítil áhrif á
náttúrufar
Reykjanesbraut
SLÖKKVILIÐ Brunavarna Suður-
nesja fékk um helgina afhentan nýj-
an og öflugan slökkviliðs- og dælu-
bíl. Er afhending bifreiðarinnar
lokaáfanginn í endurnýjun tækja-
kosts slökkviliðsins og endurskipu-
lagningu sem staðið hefur yfir und-
anfarin ár.
Á undanförnum árum hefur verið
unnið að endurskipulagningu
slökkviliðsins og endurmati á þörf
þess fyrir mannafla og tækjakost.
Hefur þessi vinna farið fram undir
stjórn Sigmundar Eyþórssonar sem
tók við starfi slökkviliðsstjóra á
árinu 1996. Fjölgað var í slökkvilið-
inu svo nú eru þrír menn á vakt í
einu.
Sigmundur segir að á árinu 1998
hafi hann lagt fram áætlun um end-
urnýjun á útkallsbílum og búnaði
slökkviliðsins en lítil endurnýjun
hafi þá átt sér stað í 12 til 15 ár.
Meðal annars hafi verið athuguð af-
kastageta dælubíla og vatnsveitna í
byggðarlögunum og þeirri þróun
sem átt hafi sér stað og farið yfir
byggingar með tilliti til bruna-
áhættu og nauðsynlegs viðbúnaðar
slökkviliðsins. „Það hefur fjölgað
nokkuð á starfssvæðinu og áhættan
breyst með því að stærri byggingar
hafa risið og iðnaðarstarfsemi auk-
ist. Þá hefur slysum fjölgað á
Reykjanesbrautinni. Þetta endur-
mat leiddi í ljós að tækjakosturinn
hentaði ekki lengur fyrir starfsem-
ina og þær kröfur sem til hennar eru
gerðar,“ segir Sigmundur í samtali
við Morgunblaðið. Sem dæmi um
þetta getur hann þess að aðal-
slökkvibíll slökkviliðsins hafi ávallt
verið notaður í björgunaraðgerðir
vegna umferðaróhappa, meðal ann-
ars á Reykjanesbrautinni. Í því hafi
falist skerðing á viðbúnaði slökkvi-
liðsins. Þá getur hann þess að gömlu
bílarnir séu ekki eins hraðskreiðir
og nýir bílar.
Þrír nýir bílar
Stjórn Brunavarna Suðurnesja
samþykkti þriggja ára áætlun um
endurnýjun tækjakosts slökkviliðs-
ins og veita til hennar rúmum 10
milljónum króna á ári. Nota sveit-
arfélögin meðal annars arðgreiðslur
af eignarhlut sínum í Brunabóta-
félagi Íslands í þetta verkefni. Segir
Sigmundur að sveitarfélögin hafi
sýnt ábyrgð og framsýni í þessu
verkefni en það eru Reykjanesbær,
Gerðahreppur og Vatnsleysustrand-
arhreppur sem standa að Bruna-
vörnum Suðurnesja. Ráðist var í
kaup á þremur nýjum bílum á
tveimur árum. Fyrst var keyptur
körfubíll, síðan öflugur björgunar-
bíll fyrir umferðaróhöpp sem jafn-
framt er búinn slökkvidælu og nú
hefur verið tekinn í notkun nýr
dælubíll. Fyrir á slökkviliðið tvo
gamla bíla sem notaðir verða áfram,
lagna- og dælubíll og tankbíll. Nýju
bílarnir hafa verið útbúnir nýjustu
tækni en enn á eftir að bæta þar við,
að sögn Sigmundar, en hann segir
að það verði gert smátt og smátt.
Reykköfunartæki hafa verið endur-
nýjuð og tekið í notkun TETRA-
fjarskiptakerfi.
Körfubíllinn sem tekinn var í
notkun 17. júní á síðasta ári var
keyptur notaður frá Svíþjóð.
Slökkviliðið átti ekki körfubíl en
hafði aðgang að slíku tæki hjá
Slökkviliði Keflavíkurflugvallar í
neyðartilvikum. Sigmundur segir að
körfubíllinn hafi þegar sannað sig í
þeim brunum sem orðið hafa síðan
hann kom, sérstaklega í frystihús-
brunanum í Grindavík fyrr á þessu
ári. Var strax hugsað fyrir því að
hann gæti nýst þegar aðstoða þyrfti
minni slökkviliðin á svæðinu, í
Grindavík og Sandgerði, og einnig
sem viðbót við tækjakost slökkvi-
liðsins á Keflavíkurflugvelli við að-
stæður sem þar geta myndast. Þessi
fjögur slökkvilið hafa með sér form-
lega samvinnu og veita hvert öðru
aðstoð eftir því sem þörf er á.
Búinn háþrýstikerfi
Nýi björgunarbíllinn sem kom
fyrr á þessu ári hefur ekki síður
sannað sig. Hann var keyptur nýr
frá Noregi, Ford 550 sem yfirbyggð-
ur var hjá Rosenbauer í Noregi.
Hann er fjórhjóladrifinn og hrað-
skreiður. Auk góðs björgunarbún-
aðar fyrir umferðaróhöpp, svo sem
klippur, er hann búinn öflugri
slökkvidælu og dælukrafti til að
tryggja aðgerðir reykkafara við lífs-
björgun við fyrstu aðkomu að
brunastað. Hugmyndin með þessum
bíl er meðal annars að stytta útkalls-
tíma slökkviliðsins til jaðarbyggð-
anna, svo sem Hafna, Voga og
Garðs, um 30%
Síðasti bíllinn, sá sem afhentur
var um helgina, er stór og öflugur
slökkviliðs- og dælubíll, eingöngu
ætlaður til slökkvistarfa. Hann er af
Scania-gerð, yfirbyggður af Rosen-
bauer. Gamli dælubíllinn var seldur
til Vestmannaeyja. Við athöfnina um
helgina flutti Ellert Eiríksson bæj-
arstjóri, formaður BS, Eyjamönnum
sérstakar kveðjur og hamingjuóskir
með bílinn.
Með tilkomu þessa bíls, sem
hannaður hefur verið frá grunni til
sinna verka, verða ýmsar nýjungar
innleiddar í slökkvistarfi hjá Bruna-
vörnum Suðurnesja. Sigmundur
getur þess að bíllinn sé á loftpúða-
fjöðrum þannig að hægt sé að lækka
hann í vinnuhæð á brunastað en það
auðveldi alla vinnu og hækka hann
sérstaklega í akstri við erfið skil-
yrði. Þetta er fyrsti slökkvibíllinn
sem búinn er myndavélakerfi í ör-
yggisskyni. Í honum er háþrýst og
lágþrýst brunadæla. Með honum er
slökkviliðið að taka í notkun há-
þrýstikerfi sem er talið betra við
vissar aðstæður.
Vantar mengunarvarnabúnað
Sigmundur segir að slökkviliðið sé
nú mjög vel búið til að takast á við
þau verkefni sem því er ætlað, full-
yrðir raunar að það hafi aldrei verið
jafnvel útbúið. Segir slökkviliðs-
stjórinn að með þessum nýja tækja-
kosti nái slökkviliðið betri árangri í
störfum, menn gangi ákveðnari og
öruggari til verks. Hann getur þess
að þekking og þjálfum slökkviliðs-
manna sé einnig grunnforsenda
þess að vel takist til og þar standi
slökkvilið Brunavarna Suðurnesja
vel að vígi. Menntunarstig starfs-
manna þess sé tiltölulega hátt.
Nefnir hann sem dæmi að allir
starfsmenn hafi lokið námi í Bruna-
málaskóla ríkisins og allir stjórn-
endur, þar á meðal varðstjórar, sótt
að minnsta kosti tveggja vikna
stjórnendanámskeið í Svíþjóð. Þeir
hafi tekið að sér kennslu í Bruna-
málaskólanum, meðal annars tvö
námskeið fyrir skólann. Þá getur
hann þess að slökkviliðið annist
sjúkraflutninga á svæðinu og séu
allir sjúkraflutningamenn með rétt-
indi til neyðarflutnings.
Í slökkviliðinu eru 30 menn, þar af
17 atvinnumenn í fullu starfi.
Hann segir að næsta verkefnið sé
að koma upp lágmarksbúnaði til að
takast á við nýjar skyldur slökkvi-
liða til að bregðast við mengunar-
óhöppum á landi. Það hefur búnað
til að bregðast við minniháttar efna-
slysum, svo sem ammoníaksleka og
að hreinsa upp olíu eftir umferðar-
óhöpp, en þarf að bæta við þann
búnað til fullnægja nýlegum reglum
um mengunaróhöpp. Það segir Sig-
mundur að verði gert á næstu árum.
Endurnýjun tækjabúnaðar Brunavarna Suðurnesja lokið
Ljósmynd/Hilmar Bragi
Sigmundur Eyþórsson stendur við slökkviliðsbílinn og fjær er björgunarbíllinn.
Slökkviliðið aldrei
betur útbúið
Reykjanesbær/Garður/Vogar
LITLU mátti muna að olíubifreið
færi í Sandgerðishöfn síðdegis síð-
astliðinn föstudag.
Bílnum var ekið eftir Suðurgarði,
að olíuafgreiðslu fyrir smábáta.
Rann hann til í hálku en stöðvaðist á
brún grjótgarðsins sem vegurinn
liggur eftir. Ekki mátti miklu muna
að bíllinn færi í sjóinn en í honum
voru nokkur þúsund lítrar af
brennsluolíu.
Til öryggis voru keðjur og bönd
sett á bílinn, þar til hægt var að dæla
olíunni yfir á annan bíl. Þá var feng-
inn stór krani til að hífa bílinn aftur
inn á veginn.
Olíubifreið í vanda
Sandgerðishöfn
Morgunblaðið/Reynir Sveinsson
Keðjur og bönd voru sett á olíu-
bílinn til að halda honum á
þurru landi.