Morgunblaðið - 04.12.2001, Blaðsíða 35

LISTIR
MORGUNBLAÐIÐ ÞRIÐJUDAGUR 4. DESEMBER 2001 35
„Við þurfum að næra sálina
eins og líkamann,“ segir Hulda
Haraldsdóttir í Aloe Vera,
Reykjavíkurvegi 64, Hafnar-
firði.
„Ef við fáum ekki rétta næringu
fyrir líkamann veikist hann og
það sama gildir um sálina. Við
þurfum að þroska hugann og
næra andann til þess að okkur
líði vel.“
„Það er að verða mikil andleg vakn-
ing í heiminum og við erum að læra
að við þurfum að styrkja tengslin
við náttúruna og okkar innri mann.
Streitan og hraðinn í nútímaþjóð-
félaginu svo mikill að maðurinn
þarfnast friðar. Þennan frið finnum
við ekki í undralyfjum og töflum,
við verðum að finna hann innra með
okkur sjálfum. Vellíðan okkar kem-
ur innan frá.“
Dulmögnuð stemmning
Verslunin er mjög dulmögnuð og
þar ríkir sérstök stemmning. Fjöl-
breytnin og uppsetningin bera þess
merki að Hulda flytur sjálf inn vör-
urnar, rekur heildsölu auk þess sem
hún sendir í póstkröfu um land allt.
Orkusteinarnir draga að sér við-
skiptavininn um leið og hann kemur
inn um dyrnar. Sumir þeirra eru í
sem næst upphaflegu formi, en aðr-
ir eru formaðir í skartgripi eða aðra
smáhluti.
„Það er vísindalega sannað að í
steinunum býr mikil orka,“ segir
Hulda. „Það þarf ekki annað en að
benda á kvartz sem stillir af ná-
kvæmni gangverksins í klukkum.
Orkan í steinunum hefur áhrif á
okkur eins og allt annað í náttúrunni
og við getum notað þessa orku til að
byggja okkur upp.“
Orkusteinar og pendúlar
velja sér eigendur
„Ég er sjálf mikill sjúklingur en ork-
an frá steinunum hefur bjargað mér.
Um leið og ég fór að vinna með
steinana fékk ég mikla bót og ég
sæki gífurlega orku í þá á hverjum
degi. Ég vildi geta miðlað þessum
krafti til annarra og þess vegna fór
ég að flytja inn orkusteina.
Það er ekki endilega steinninn sem
manni finnst fallegastur sem passar
manni best. Hver og einn þarf að
finna sinn rétta stein, eða öllu held-
ur þarf steinninn að finna réttan eig-
anda, því þannig gerist það. Ég er
með mikið úrval af pendúlum og
þeir velja sér líka eiganda. Fólk not-
ar þá til að spyrja ráða og skoða
orkuflæði sitt, en til þess þarf að
finna rétta pendúlinn því þeir svara
fólki misvel.“
Að þroska hugann og byggja
upp sálina
Í versluninni er feikilegt úrval af
spilum sem í daglegu tali eru kölluð
spádómsspil.
„Ég vil heldur kalla þau leiðbein-
inga- og þroskaspil,“ segir Hulda.
„Auðvitað kaupa sumir þau til að
reyna að forvitnast um hið ókomna,
en það er meira til gamans gert.
Ég er með á fjórða hundrað gerðir af
Tarotspilum fjölda af englaspilum,
indjánaspilum og ýmsum íslenskum
og erlendum spilum sem hafa að
geyma jákvæðan boðskap og leið-
beiningar fyrir lífið. Spilin eru verk-
færi til að öðlast betra líf. Í þau get-
um við leitað leiðsagnar um það
sem hvílir á okkur og fengið hjálp
við að ráða fram úr vanda sem að
okkur steðjar. Sum þessara spila eru
einungis ætluð sem leiðsögn í gegn-
um lífið. Það er t.d. gott að draga
eitt spil úr bunkanum að morgni og
fá þar hollt veganesti fyrir daginn.
Slökun, hugleiðsla og
ilmmeðferð
„Við þurfum öll á því að halda að
tengjast okkar innri manni og það
gerum við ekki nema að ná andlegu
jafnvægi og ró. Ég held ég geti full-
yrt að hvergi annars staðar á Íslandi
sé eins stórt safn af hugleiðslu- og
slökunartónlist og hér og því ættu
allir að geta fundið eitthvað við sitt
hæfi. Ég hef líka allt sem þarf til að
stunda aromatherapíu s.s ilmolíur,
ilmjurtir, nuddolíur, kerti og margt,
margt fleira. Þeir sem vilja bæta líf
sitt með þessari aðferð þurfa að
kynna sér hana og ég býð upp á
gjafapakkningar með bókum.
Ég hef sérpantað fræðibækur um
andleg málefni fyrir fólk auk þess
sem að ég reyni að leiðbeina við-
skiptavinum mínum af fremsta
megni. Með mörgum spilum og
pendúlum fylgja leiðbeiningar
þannig að fólk geti nýtt sér þá til
góðs. Fólk þarf sjálft að læra að
finna hvað það er sem veitir því
vellíðan.
Betra líf
Og það er nóg til af alls kyns gjafa-
vöru í Aloe Vera
„Allt það sem við bjóðum er ætlað
að bæta mannlífið og gera okkur að
heilbrigðara og hamingjusamara
fólki. Hér er mikið af trúarlegum
hlutum sem tengjast bæði kristinni
trú, búddatrú og kaþólskri trú. Feng
Shui kristallar, - bækur og -spil og
listmunir eftir frumbyggja Ameríku
s.s. draumfangarar, mandölur og
hringlur fást í miklu úrvali og þarna
má jafnvel fá sett til að rækta sína
eigin kristalla. Tækifæriskortin,
seglarnir, myndirnar, bollarnir, kert-
in og sápurnar; allir þessir smáhlut-
ir flytja jákvæðan boðskap og bera
með sér kærleika og velvild. Hingað
koma margir sem eru að leita að
einhverju handa sjálfum sér eða
öðrum sem eru að ganga í gegnum
erfið tímabil í lífinu og margir koma
til að kaupa gjafir handa þeim sem
þeim þykir mjög vænt um og vilja
gera gott. Það er ekki hægt að gefa
ástvinum sínum betri gjöf en ávísun
á vellíðan,“ segir Hulda að lokum.
Heilbrigðari og hamingjusamari
„Fólk notar pendúla til að spyrja ráða og skoða orkuflæði sitt, en til
þess þarf að finna þann rétta, því þeir svara fólki misvel,“ segir Hulda
Auglýsing
Nú kemstu í sólina fyrir jólin á
hreint ótrúlegu verði. Beint flug
til Kanarí þann 13. desember þar sem þú nýtur 25 stiga hita og
veðurblíðu við frábærar aðstæður á þessum vinsælasta
vetraráfangastað Evrópu. Þú bókar ferðina núna og tryggir þér
síðustu sætin og 4 dögum fyrir brottför, hringjum við í þig og
látum þig vita hvar þú gistir, og á meðan á dvölinni stendur
nýtur þú þjónustu reyndra fararstjóra okkar allan tímann.
Verð kr. 29.905
Verð fyrir manninn, m.v. hjón með 2
börn, 2–11 ára, flug, gisting og skattar.
13. desember, vikuferð.
Skógarhlíð 18, sími 595 1000. www.heimsferdir.is
Verð kr. 39.950
Verð fyrir mann, m.v. 2 í íbúð, gisting,
skattar. 13. desember, vika.
Ferðir til og frá flugvelli kr. 1.800.
Aðeins 28 sæti
Stökktu til
Kanarí
13. desember
í viku
frá kr. 29.905NÆSTSYÐSTA sveitarfélag höf-uðborgarsvæðisins lauk hátíðaárisínu vegna 25 ára afmælis kaup-
staðarréttinda með glæsibrag á
sunnudaginn var, þegar stórsöngv-
arinn Kristinn Sigmundsson efndi
til hátíðartónleika ásamt Sinfóníu-
hljómsveitinni í sal nýja fjöl-
brautaskólahússins að Skólabraut
við fjölmenni. Á mörkum var að
salurinn bæri þetta stóra hljóm-
sveit, líklega mest vegna þess hvað
lágt var til lofts, því þó að hljóm-
burður væri skýr, skorti töluvert
upp á hljómfyllingu, og áherzlur og
stakkatónótur urðu að sama skapi
heldur þurrpumpulegar. Það kom
samt ekki í veg fyrir prýðisgóðan
flutning á Töfraflautuforleik Moz-
arts, er undirstrikaði glaðlegan há-
tíðarblæ þegar í upphafi. Kristinn
Sigmundsson söng tignarlega aríu
Sarastros, In diesen heil’gen Hallen
við hægt en stíllegt tempó hljóm-
sveitarinnar, og að því loknu var
komið að frumflutningi „Kaldalóns
(2000)“ eftir Hróðmar I. Sigur-
björnsson, samið 1999–2000 að
beiðni S.Í. í minningu þessa sann-
kallaða náttúruafls í íslenzkri söng-
lagagerð á 20. öld.
Verkið byggði Hróðmar á átta
sönglögum Sigvalda og skipti í þrjá
þætti með lögin Sofðu,
sofðu góði og Sandur
um kvöld sem efni
hægs milliþáttar. Í I.
þætti var farið hönd-
um um Þú eina hjart-
ans yndið mitt, Draum
hjarðsveinsins og Vor-
vinda, og í lokaþætti
lagt út af Ísland ögr-
um skorið, Kveldriður
og Svanurinn minn
syngur. Í örskammri
hljómsveitarbók-
menntasögu landsins
er, burtséð frá ofur-
litlu nýklassísku til-
hlaupi á 5.–6. áratug,
nánast stokkið beint
inn í módernismann úr engu. Skort-
urinn á þjóðlegum rómantískum
tónverkum er því næsta áþreifan-
legur, einkum ef tekin eru mið af
ríkulegu úrvali bókmenntaverka á
19. öld. Og kannski ekki síður ef
haft er í huga, að á sama tíma
reistu nágrannaþjóðirnar í land-
suðri sér margan sinfónískan
bautastein úr arfleifð sögulegra við-
fangsefna, m.a.s. ósjaldan fengin
frá forníslenzkum bókmenntum.
Tímans þunga nið verður að vísu
ekki við snúið, en í ljósi áðurnefndr-
ar sinfónískrar eyðu var vissulega
búbót að framlagi sem þessu, sem
Sigvaldi hefði efalítið fagnað að fá
að heyra um sinn dag, hefðu tök
verið á – og því frekar sem verkið
var auðheyranlega unnið af smekk-
vísi og vandvirkni. Munu útvarps-
hlustendur og síðar e.t.v. hljóm-
diskakaupendur njóta afrakstursins
enn gerr í hljóðritun færra tækni-
manna RÚV, sem væntanlega hafa
bætt upp skraufþurrð
salarins með raftækni-
legum ráðum. Hljóm-
sveitin lék þessar inn-
blásnu Kaldalóns-
fantasíur Hróðmars af
mikilli natni undir
dýnamískri stjórn
Bernharðs Wilkinson.
Síðast fyrir hlé lék
sveitin undir með
Kristni í Þótt þú lang-
förull legðir (Kalda-
lóns) og Sverrir kon-
ungur (Sveinbjörn
Sveinbjörnsson) í við-
eigandi samræmi við
höfugan einsönginn,
þrátt fyrir smá ósam-
fylgni hljómsveitar og söngvara í
tíma á einum stað.
Seinni hluti tónleikanna var að
mestu undir formerkjum óperunn-
ar. Fyrst var reiddur fram rjúkandi
Rossini-forleikur að Rakaranum frá
Sevillu, og Kristinn tók gráglettni
aríunnar La Calunnia úr sömu óp-
eru með lymskulegu trompi. Eftir
gustmikla úttekt S.Í. á frægasta
valsi óperusviðsins, þeim úr Evg-
eníj Onegin Tsjækovskíjs, söng
Kristinn hina eðalbornu aríu Ljúbví
vsé vozrasty pokorný úr sama verki
með afburðafáguðu píanissimói í
seinni hluta. Loks lék hljómsveitin
þrjá vinsæla dansa úr Hnotubrjótn-
um, Blómavalsinn, Reyrflautna-
dansinn og hinn rússneska Trepak
af ýmist dreymandi þokka eða sóp-
andi snerpu og leysti þakkláta
áheyrendur úr hlaði uppfulla af dill-
andi jólagáska.
TÓNLIST
Fjölbrautaskólinn í Garðabæ
Verk eftir Mozart, Sigvalda Kaldalóns,
Hróðmar I. Sigurbjörnsson, Sveinbjörn
Sveinbjörnsson, Rossini og Tsjækovskíj.
Kristinn Sigmundsson bassi; Sinfón-
íuhljómsveit Íslands u. stj. Bernharðs
Wilkinson. Laugardaginn 1. desember kl.
17.
SINFÓNÍUTÓNLEIKAR
Lagrænt jólakonfekt
Kristinn
Sigmundsson
Ríkarður Ö. Pálsson