Morgunblaðið - 04.12.2001, Blaðsíða 62
62 ÞRIÐJUDAGUR 4. DESEMBER 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Á AÐVENTU er sérstaklega vand-
að til dagskrár fyrir dvalargesti
Heilsustofnunar NLFÍ í Hvera-
gerði, en margir dveljast hér í friði
og ró sér til heilsubótar um jól og
áramót.
Fram eftir desembermánuði er
boðið upp á kórsöng, helgileiki og
lestur úr nýjum bókum. Þeir sem
gleðja munu dvalargesti fyrir þessi
jól eru m.a. Söngsveit Hveragerðis,
börn úr Grunnskóla Hveragerðis,
Skálholtskórinn og Kór aldraðra í
Reykjavík. Auk þessa verður helgi-
stund um jól og áramót. Jólaball
starfsmanna og dvalargesta er hald-
ið milli jóla og nýárs.
Margir stíga á stokk um áramótin
og heita sjálfum sér og jafnvel sínum
nánustu því að taka nú upp betri siði
með breyttum lífsstíl. Í Heilsustofn-
un er boðið upp á tvenns konar vik-
unámskeið. Annað þeirra er nám-
skeið til að hætta reykingum en hitt
Heilsudagar – vikunámskeið gegn
streitu, þar sem breytt er um lífsstíl
til betri heilsu með fræðslu og lík-
amsrækt. Ekki þarf tilvísun frá
lækni á þessi námskeið. Næsta viku-
námskeið til að hætta reykingum
hefst 6. janúar 2002.
Mikil áhersla er lögð á það í öllu
starfi Heilsustofnunar NLFÍ að
koma til móts við þarfir dvalargesta
og er gæðaráð starfandi sem m.a.
tekur við ábendingum dvalargesta
um það sem betur má fara að þeirra
mati. Einkunnarorð Heilsustofnun-
ar eru „Berum ábyrgð á eigin heilsu“
og er leitast við að hjálpa dvalargest-
um við að ná eins góðri heilsu og
verða má miðað við ástand hvers og
eins. Fjölbreytt meðferð er í boði um
jólin, sem fyrr, undir handleiðslu
fagfólks. Þar má nefna sjúkraþjálf-
un, umræðufundi, slökun, hug-
leiðslu, sjúkranudd, leir- og heilsu-
böð. Flestir sem koma í Heilsu-
stofnun NFLÍ dveljast þar í þrjár til
fjórar vikur í senn, en fólk kemur
helst til dvalar vegna gigtsjúkdóma,
ofþyngdar, hjarta- og æðasjúkdóma,
síþreytu og bakveiki. Endurhæfing
er einnig í boði eftir skurðaðgerðir
og meðferð vegna krabbameins, eft-
ir mjaðma- og hnjáliðaaðgerðir,
beinbrot o.fl. Allir geta notið þjón-
ustu Heilsustofnunar NLFÍ að
nokkru leyti á göngudeild stofnunar-
innar þar sem boðið er upp á leirböð
og nudd fyrir einstaklinga og hópa.
ANNA PÁLSDÓTTIR,
upplýsingafulltrúi HNLFÍ.
Aðventa og jól í
Heilsustofnun NLFÍ
Frá Önnu Pálsdóttur:
Það er oft margt um manninn í matsalnum.
ENN og aftur er Tækniskóli Ís-
lands, TÍ, kominn í umræðuna. Að
þessu sinni hefur Birni Bjarnasyni
menntamálaráð-
herra tekist að fá
Margmiðlunar-
skólann í um-
ræðuna um yfir-
töku á stofnun
sem ríkið kærir
sig kollótta um.
Hafa nú margar
tilraunir fyrr-
nefnds ráðherra
mistekist um yfir-
töku einkaaðila á TÍ. Á sama tíma og
talað er um að efla tæknimenntun í
landinu þá fá menn þá bráðsnjöllu
hugmynd að fá Margmiðlunarskól-
ann til að taka yfir rekstri skóla á
HÁSKÓLASTIGI. Gera stjórnend-
ur Margmiðlunarskólans sér grein
fyrir hvað TÍ er? Tækniskóli Íslands
er skóli sem útskrifar nemendur af
flestum sviðum með B.Sc gráðu.
Sjálfur er ég að ljúka námi í bygg-
ingartæknifræði og get ekki betur
séð, en setið sé um okkur sem eru að
klára tæknifræði við TÍ. Enda erum
við eftirsóttir tæknimenn á verk-
fræðistofur, hvort sem það er við
burðarþolshönnun, byggingareðlis-
fræðilegar deililausnir, úttektir,
kostnaðaráætlanir, ástandsmat á
mannvirkjum, lagnahönnun, eftirlit
o.s.frv. Svo tala forsvarsmenn Marg-
miðlunarskólans um að koma tækni-
menntun á hærra stig. Væri ekki
rétta byrjunin að Margmiðlunar-
skólinn kæmi sér sjálfum fyrst á
sama stig og TÍ er í dag þ.e.a.s. há-
skólastigið og þá hefðu þeir ein-
hverja hugmynd um hvað tækninám
á háskólastigi er. Við byggingardeild
eru fimm fastráðnir kennarar og til
viðbótar eru um 40 kennarar úr at-
vinnulífinu. Þó að atvinnulífið vilji
ekki standa að rekstri skólans eins
og sakir standa, þá er ekki þar með
sagt að TÍ hafi ekki í tengsl við at-
vinnulífið. Fyrst nemendur úr
tæknifræði við TÍ eru svona eftir-
sóttir sem raun ber vitni hvað er þá
vandamálið? Er það kennslan sem er
vandamálið? Nei, það er hún sem
gerir okkur eftirsótta starfskrafta.
Hver er möguleiki útskrifaðra
tæknifræðinga um framhaldsnám?
Það er fjöldinn allur af tæknifræð-
ingum frá TÍ sem hafa fengið beina
inngöngu í M.Sc nám við virtustu
verkfræðiháskóla vestanhafs og
komið heim sem fullgildir verkfræð-
ingar. Ef það er ekki vitnisburður
um gæði náms við TÍ, þá veit ég ekki
hvað þessi skóli þarf að sanna fyrir
Birni Bjarnasyni.
SÆVAR ÞÓR ÓLAFSSON,
nemandi við Tækniskóla Íslands.
Tækniskóli Íslands
Frá Sævari Þór Ólafssyni:
Sævar Þór
Ólafsson