Morgunblaðið - 07.12.2001, Síða 14

HÖFUÐBORGARSVÆÐIÐ
14 FÖSTUDAGUR 7. DESEMBER 2001 MORGUNBLAÐIÐ
NIÐURSTÖÐUR könnunar,
sem Bílastæðasjóður lét ný-
verið gera á viðhorfum íbúa í
Þingholtunum til gjaldskyldu í
hverfinu, munu hafa áhrif á
framhaldið hvað varðar tillög-
ur um tvö ný gjaldsvæði í
hverfinu. „Ef í ljós kemur að
íbúarnir eru misjafnlega
hlynntir gjaldskyldu munum
við skoða skiptingu eftir göt-
um og verið gæti að sumar göt-
ur yrðu gerðar gjaldskyldar en
aðrar ekki,“ segir Stefán Har-
aldsson, framkvæmdastjóri
Bílastæðasjóðs. „En best væri
að gjaldsvæðið yrði heild-
stætt.“
Áður en niðurstöður verða
kynntar almenningi verða þær
lagðar fyrir samgöngunefnd
borgarinnar.
Íbúum Þingholtanna var
sendur bæklingur með tillög-
um að gjaldsvæðunum og er
þetta í fyrsta sinn sem íbúar
eru hafðir með í ráðum með
þessum hætti. „Áður bentum
við fólki sem óskaði eftir gjald-
skyldu í sínu hverfi á að safna
undirskriftum og afhenda okk-
ur. Þetta fannst fólki hvimleið
krafa og því var ákveðið að
koma til móts við íbúana með
þessum hætti.“
Eitt íbúakort
á hvert heimili
Í bæklingnum segir að ef til-
lögurnar komist til fram-
kvæmda bjóðist íbúum hverf-
isins að kaupa svokölluð
íbúakort sem veiti þeim ótak-
markaða heimild til notkunar á
bílastæðum í hverfinu.
„Samkvæmt reglunum eins
og þær eru í dag er aðeins eitt
íbúakort á íbúð,“ segir Stefán.
„Reglurnar eru hins vegar nú
til endurskoðunar og trúlega
munum við leggja til einhverj-
ar breytingar á þeim. Við
reyndum að skoða þetta mál í
könnuninni þannig að tíðinda á
því sviði gæti verið að vænta.“
Í Morgunblaðinu í gær lýsti
íbúi í Þingholtunum óánægju
sinni með þetta fyrirkomulag
og sagði það valda fjölskyldum
sem eiga tvo bíla erfiðleikum.
Stefán telur hins vegar óal-
gengt að íbúar miðborgarinn-
ar eigi tvo bíla. „Gjaldskyldan
er frá tíu til átján virka daga
og á þeim tíma er nú alla jafna
annar bíllinn að heiman. En
það geta orðið vandræði á
laugardögum, því þá er gjald-
skylt frá tíu til eitt.“
Stefán segir að úthlutunar-
reglur íbúakortanna hafi verið
átakamál frá upphafi og fólk
sem á fleiri en einn bíl hafi
kvartað. „Það er spurning
hvernig best er að hafa þetta,
það er alveg ljóst að stæðin
verða fljót að fyllast í þessum
götum ef almennt yrðu gefin
út tvö íbúakort á íbúð.“
Á haustin þegar skólarnir
byrja fyllast hin gjaldfrjálsu
stæði í Þingholtunum og hefur
það skapað vandamál. „Við
gerum engan greinarmun á
því hvort fólk er að sækja skóla
eða vinnu, heldur er þarna um
að ræða langtímanotendur á
frjálsum bílastæðum. Það er
hæpið að reyna að selja lang-
tímanotendum stæði í bíla-
stæðahúsum þegar þeim
standa til boða ókeypis stæði í
nágrenninu.“
Samkvæmt tillögunum
verða tvö gjaldsvæði í Þing-
holtunum, annars vegar
gjaldsvæði tvö, þar sem borga
þarf tímagjald og hins vegar
gjaldsvæði þrjú sem hentar til
langtímanotkunar. „Notkun á
stæði á því svæði kostar um 3–
5.000 krónur á mánuði.“
Íbúakortin kosta nú 3.000
krónur á ári en kostuðu áður
5.000 krónur.
„Íbúar á þeim svæðum sem
þegar eru orðin gjaldskyld á
þennan hátt eru ánægðir með
íbúakortin,“ segir Stefán.
„Reynslan er sú að íbúarnir
eiga auðveldara með að fá
stæði eftir að gjaldskyldu er
komið á.“
Niðurstaðna úr könnuninni
er að vænta á næstu dögum en
að öllum líkindum verða þær
ekki lagðar fyrir samgöngu-
nefnd fyrr en eftir áramót.
Úthlutunarreglur íbúa-
korta í endurskoðun
Þingholtin
Morgunblaðið/Ásdís
Samkvæmt núgildandi úthlutunarreglum er eitt íbúakort
á hvert heimili á gjaldskyldum svæðum borgarinnar.
Á LEIKSKÓLANUM Selja-
koti í Breiðholti eru allir
komnir í jólaskap. Börnin,
sem eru um 60 að tölu, hafa
undanfarna daga unað sér á
jólaverkstæðum, þar sem
bakaðar eru piparkökur,
málaðar eru galdramyndir
og skreyttir eru könglar til
að hengja á jólatréð. Líkt og
í öðrum leikskólum landsins
er starfið á Seljakoti óhefð-
bundið í jólamánuðinum en
starfsfólkið reynir að hafa
stemmninguna rólega svo
allir fái að njóta sín til fulls.
Það er þó töluverð til-
hlökkun í börnunum enda
nálgast jólin óðfluga. Jóla-
sveinarnir eru væntanlegir
einhvern næstu daga og þá
vakna spurningar um þá
sem starfsfólk og börn leggj-
ast á eitt um að svara. Mögu-
leikhúsið kom í heimsókn
fyrr í mánuðinum og sýndi
jólaleikrit en í gær voru það
börnin sjálf sem spreyttu sig
á leiklistinni og var öllum
foreldrum boðið í aðventu-
kaffi á leikskólanum.
Dustað hefur verið rykið
af bókum, sögum og söngv-
um sem tengjast hátíðinni
sem senn fer í hönd og hvert
einasta barn syngur hástöf-
um um Snæfinn snjókarl og
önnur hressileg jólalög oft á
dag. Þann 21. desember
halda börnin síðan að vanda
til kirkju og að þessu sinni
verður helgileikurinn flutt-
ur af börnum Seljakots, en
leikskólarnir í Seljahverfi
skiptast á flytja hann ár
hvert. Í kirkjunni mun einn-
ig syngja kór samsettur af
öllum leikskólabörnum
hverfisins.
Róleg jólastemmning
Morgunblaðið/Árni Sæberg
Þessi ungi herramaður átti ekki í erfiðleikum með að töfra fram galdramynd.
Piparkökubakstur er meðal þess sem börnin á Seljakoti
hafa fengist við að undanförnu.
Seljahverfi
Í DRÖGUM að rannsóknar-
skýrslu vegna fornleifaupp-
graftar við Aðalstræti í
Reykjavík kemur m.a. fram
að við Grjótagötu hafa fundist
leifar af garðlagi sem er eldra
en landnámsgjóskan frá 871
og er því elsta þekkta mann-
virki á Íslandi. Drögin voru
lögð fyrir fund borgarráðs í
vikunni en áætlað er að loka-
skýrsla um uppgröftinn liggi
fyrir næsta sumar.
Samkvæmt drögunum kom
ýmislegt í ljós við uppgröftinn
sem ekki var áður vitað. Á 10.
öld var reistur skáli þar sem
nú er Aðalstræti 14–16 og er
hann sá stærsti af þremur vík-
ingaaldarskálum sem vitað er
um á bæjarstæði Reykjavík-
ur. Skálinn virðist að flestu
leyti vera dæmigert íveruhús
frá víkingaöld en í honum er
þó óvenju veglegt eldstæði.
Einnig er sérstakt að grjót er
í veggjum og er skálinn elsta
þekkta dæmið um slíkt bygg-
ingarlag, en það varð seinna
alls ráðandi í gerð íslenskra
torfhúsa.
Nær samfelld bygging-
arsaga frá 15. öld
Eftir að skálarnir voru yf-
irgefnir á 11. öld var ekki
byggt aftur á staðnum en auk-
in ummerki um mannaferðir
sjást þó í lok 15. aldar og á 16.
öld er líklega byggður þar
hjallur. Á 18. öld voru byggð-
ar á lóðinni á vegum Innrétt-
inganna tauverksmiðja og ló-
skurðarstofu og fundust leifar
þeirrar síðarnefndu í upp-
greftinum í ár auk leifa tengi-
byggingar þeirra á milli.
Hús þessi brunnu í elds-
voða sem varð 1764 og í stað
þeirra voru byggð hús sem
tóku ýmsum breytingum á 18.
og 19. öld. Húsið virðist eiga
samfellda byggingarsögu þó
ekki sé hægt að útiloka að það
hafi verið tekið niður alger-
lega, jafnvel oftar en einu
sinni.
Saga húsanna við
Aðalstræti 14–16
Morgunblaðið/Árni Sæberg
Efri hæðir hússins við Aðalstræti 16 voru fyrr á árinu flutt-
ar um set til að greiða fyrir fornleifarannsóknunum en
húsið er talið hafa samfellda byggingarsögu frá 18. öld.
Miðborg
EIÐISTORG á Seltjarn-
arnesi er komið í spari-
fötin og á torginu verða
haldnir tónleikar alla
laugardaga fram að jól-
um. Það er Karlakórinn
Stefnir úr Mosfellsbæ
sem ríður á vaðið á
morgun, laugardag, með
blönduðu tónlistarefni,
kórsöng og fjöldasöng
með hljómsveitarundir-
leik. Eiginkonur kór-
félaga sem kalla sig
Stefnur, munu baka
vöfflur og selja með
heitu súkkulaði til
styrktar kórnum. Fyrir
þá, sem þyrstir í meira
af söng Stefnis, býðst að
kaupa nýjan geisladisk
kórsins „Með söngvaseið
á vörum“ á staðnum.
Jólatón-
leikar
á Eiðis-
torgi
Seltjarnarnes
HEFÐ er fyrir því víða um
heim og Ísland er þar engin
undantekning, að fjölskyldur
fari saman í jólamánuðinum
út í skóg og höggvi sitt eigið
jólatré.
Í Hamrahlíðarlandi í Mos-
fellsbæ, rétt eftir að komið er
inn fyrir bæjarmörkin frá
Reykjavík, hefur skógræktar-
félag bæjarins ræktað skóg
og árlega býðst Mosfellingum
og öðrum áhugasömum að
heimsækja skóginn og velja
sér sitt eigið jólatré til að
höggva.
Félagar úr skógræktar-
félaginu eru á staðnum og að-
stoða við val á tré. Um helgina
munu hópar leikskólabarna
mæta galvösk í skóginn þar
sem jólasveinar taka á móti
þeim og öðrum gestum með
sprelli og skemmtilegum
uppátækjum eins og þeim ein-
um er lagið.
Sérvalið jólatré
Mosfellsbær