Morgunblaðið - 07.12.2001, Síða 22
VIÐSKIPTI/ATHAFNALÍF
22 FÖSTUDAGUR 7. DESEMBER 2001 MORGUNBLAÐIÐ
● FIMM af sex minnihlutaeigendum í
fjarskiptafélaginu Títan hf. hafa svar-
að tilboði Íslandssíma, um kaup á
hlutabréfum þeirra í félaginu, já-
kvætt. Lína.Net hefur ekki svarað til-
boðinu.
Eiríkur Bragason, framkvæmda-
stjóri Línu.Nets, segir að ekki liggi
fyrir hvort fyrirtækið muni selja hlut
sinn í Títan. Til greina komi að eiga
hlutinn áfram, en Lína.Net á um 3% í
félaginu.
Pétur Pétursson, upplýsinga-
fulltrúi Íslandssíma, segir að stefnt
sé að því að ljúka þessu máli fyrir
áramót. Meðal annars sé verið að
endurskoða tilboðin til minnihluta-
eigendanna en gert sé ráð fyrir því að
greitt verði fyrir hlutabréfin í Títan
með hlutabréfum í Íslandssíma. Ís-
landssími keypti 34,9% hlut Nýherja
og 4,1% hlut Landsbankans-
framtaks í Títan í lok júlí síðastliðinn
og greiddi fyrir bréfin með hlutabréf-
um í Íslandssíma. Fyrir átti Íslands-
sími 57% hlut í Títan.
Fimm af sex
svara jákvætt
Tilboð Íslandssíma í
minnihluta í Títan
● KRÖFULÝSINGARFRESTUR í
þrotabú Markaðsstofunnar Mark-
húsið, sem var úrskurðað gjaldþrota
fyrir tveimur mánuðum, rennur út 10.
desember næstkomandi. Fyrst var
auglýst eftir kröfum í þrotabúið með
auglýsingu í Lögbirtingablaðinu 10.
október. Ásgeir Magnússon, hrl.,
skiptastjóri, segir að auk þess að
lýsa kröfum í búið sé verið að skoða
málefni þess að öðru leyti.
Skiptafundur verður haldinn 21.
desember.
Kröfulýsingar-
frestur að renna út
Gjaldþrot Markhússins
TIL að dýpka gjaldeyrismarkaðinn á
Íslandi er t.d. æskilegt að lífeyris-
sjóðir verði virkari á honum, að mati
Sverris Sverrissonar, hagfræðings
hjá Ráðgjöf og efnahagsspám. Þar á
Sverrir við að lífeyrissjóðirnir nýti
sér í ríkara mæli tækifæri til að
tryggja hluta erlendra eigna þegar
þeir telja gengið veikt og tímasetji
kaup á gjaldeyri til fjárfestinga er-
lendis þegar þeir telja gengið sterkt,
að því leyti sem þetta er hægt að
teknu tilliti til fjárfestingarstefnu
þeirra og stöðu markaða erlendis.
„Til þess að krónumarkaðurinn
virki almennilega við flotgengis-
stefnu þarf hann að dýpka. Við nú-
verandi aðstæður er hann of sveiflu-
kenndur. Það þurfa því að koma
fleiri stórir aðilar inn á markaðinn,
helst aðilar sem hafa ekki sömu
hagsmuni. Ég nefndi erlenda banka
og lífeyrissjóðina sem hugsanlega
stóra aðila en þetta verður samt sem
áður ávallt ákveðið vandamál, krón-
an verður alltaf lítill gjaldmiðill,“
segir Sverrir í samtali við Morgun-
blaðið.
„Með þessu móti eru lífeyrissjóð-
irnir á báðum hliðum viðskiptanna
og hafa því ekki eins einsleit áhrif á
markaðinn eins og reyndin er í dag,
þar sem þeir eru svo til eingöngu á
kauphliðinni.“ Sverrir segir þetta þó
ekkert einfalt mál. „Lífeyrissjóðirnir
eru það stórir að þeir geta haft veru-
leg áhrif á markaðinn og vegna þess
hve markaðurinn er þunnur hafa
þeir líklega haldið sig frá honum.“
Aðspurður segist Sverrir sjá það
sem mögulega þróun að lífeyrissjóð-
irnir fari að beita þeim tækjum sem
markaðurinn býður upp á til að
tryggja þá gagnvart gengissveiflum.
Lífeyrissjóðirnir
tryggi sig gagnvart
gengissveiflum
HREIÐAR Már Sigurðsson, fram-
kvæmdastjóri Kaupthing New York
Inc., mun flytjast um áramótin frá
New York og hefja störf að nýju í
höfuðstöðvum Kaupþings í Reykja-
vík þar sem hann mun gegna áfram
starfi aðstoðarforstjóra Kaupþings.
Við starfi Hreiðars Más sem fram-
kvæmdastjóri Kaupthing New York
Inc. tekur Robert Gibbons. Robert
hefur starfað hjá Kaupþingi síðan á
fyrri árshelmingi þessa árs sem for-
stöðumaður fyrirtækjaþjónustu í
New York. Áður en Robert kom til
starfa hjá Kaupþingi starfaði hann
hjá American Corporate Services
(ACS) sem framkvæmdastjóri á fyr-
irtækjaþjónustusviði, en ACS sér-
hæfir sig í ráðgjöf við samruna og yf-
irtökur félaga á milli landa. Þar áður
hafði hann starfað hjá Lehman Brot-
hers og AIG Trading. Robert lauk
MBA-námi frá Stern-háskólanum í
New York og BS-gráðu í fjármálum
og markaðsfræðum frá Muhlenberg-
háskóla.
Nýr framkvæmdastjóri
Kaupþings í New York
GJALDEYRISFORÐI Seðla-
banka Íslands jókst fyrstu ellefu
mánuði ársins um 2,7 milljarða
króna, en minnkaði um 3,2 millj-
arða króna í nóvember og nam 37
milljörðum króna um síðustu
mánaðamót.
Erlend skammtímalán bankans
drógust saman um 2,8 milljarða
frá áramótum og út nóvember og
þar af um tæpar 600 milljónir
króna í þeim mánuði.
Þau námu 13 millj-
örðum króna um síð-
ustu mánaðamót.
Nettógjaldeyris-
staða, sem er erlend-
ar skammtímaeignir
að frádregnum er-
lendum skammtíma-
skuldum, nam því 24
milljörðum króna í
lok nóvember. Nettógjaldeyris-
staða lækkaði um 2,6 milljarða
króna í nóvember, en hækkaði um
5,5 milljarða króna frá áramótum
og til síðustu mánaðamóta. Í
fréttatilkynningu Seðlabankans
kemur fram að breytingar á gjald-
eyrisforða og gjaldeyrisstöðu stafi
af lánahreyfingum ríkissjóðs.
Markaðsskráð verðbréf í eigu
bankans námu 5,1 milljarði króna
á markaðsverði í lok nóvember.
Þar af voru verðbréf ríkissjóðs að
andvirði 2,1 milljarður króna, og
höfðu þau lækkað um 1,5 milljarða
króna, og verðbréf í eigu annarra
að verðmæti 3 milljarðar króna,
og höfðu þau hækkað um tæpar
eitt hundrað milljónir króna.
Kröfur Seðlabankans á innláns-
stofnanir lækkuðu um rúmar 600
milljónir króna og námu rúmum
54 milljörðum króna í lok nóvem-
ber. Allt árið hækkuðu þessar
kröfur um rúma 15 milljarða
króna. Kröfur á aðrar lánastofn-
anir hækkuðu um 3 milljarða í
nóvember og höfðu
því hækkað um 13
milljarða frá ára-
mótum. Alls námu
þær rúmum 26
milljörðum króna
um síðustu mán-
aðamót.
Nettókröfur
Seðlabankans á
ríkissjóð og stofn-
anir ríkisins hækkuðu um 3,8
milljarða króna í nóvember en
voru neikvæðar um rúma 39 millj-
arða króna í lok mánaðarins. Sam-
tals lækkuðu þær um rúma 27
milljarða króna frá áramótum til
síðustu mánaðamóta.
Grunnfé bankans, sem er seðlar
og mynt í umferð auk innstæðna
innlánsstofnana í Seðlabankan-
um, hækkaði um 3,3 milljarða
króna í síðasta mánuði og nam
rúmum 32 milljörðum króna í lok
hans. Breyting þess frá áramótum
og til síðustu mánaðamóta var
hins vegar óveruleg.
Gjaldeyrisforð-
inn minnkar um
3,2 milljarða