Morgunblaðið - 07.12.2001, Side 69
FRÉTTIR
MORGUNBLAÐIÐ FÖSTUDAGUR 7. DESEMBER 2001 69
„NETIÐ markaðs- og rekstr-
arráðgjöf hefur frá því í sum-
arbyrjun séð um undirbúning og
ráðgjöf fyrir hönd Reykjavík-
urborgar vegna Gestakorts
Reykjavíkur (“Reykjavik Tourist
Card“). Kortið veitir frían aðgang
í 7 sundlaugar Reykjavík-
urborgar, í strætó og Fjölskyldu-
og húsdýragarðinn. Einnig ókeyp-
is aðgang á 11 söfn, en þar á með-
al eru sýningarsalir í Þjóðmenn-
ingarhúsinu, Listasafni
Reykjavíkur Hafnarhúsi og Lista-
safni Íslands.
Sala á kortinu hefur aukist
töluvert frá síðasta ári og hefur
það einkum verið vinsælt meðal
erlendra ferðamanna. Íslendingar
hafa ekki verið eins fljótir að taka
við sér en kortið er þó ekki síður
hugsað fyrir þá.
Því hefur verið ákveðið að
bjóða Íslendingum að fá 48 tíma
kort á sérstöku kynningarverði
eða kr. 1.000, sem er verð 24 tíma
korts. Tilboðið gildir til áramóta.
Kortin fást hjá Upplýsinga-
miðstöð ferðamála eða í Lista-
safni Reykjavíkur, Hafnarhúsinu,
en þar stendur nú yfir sýning á
verkum Erró fram að áramótum,“
segir í fréttatilkynningu frá Net-
inu.
Tilboð fyrir Íslendinga
SLYSAVARNAFÉLAGIÐ Lands-
björg gefur bókina um Núma með
geisladiski á alla leikskóla í land-
inu.
Hér á landi eru slys á börnum og
unglingum mjög algeng.
Slysavarnafélagið Landsbjörg
hefur lengi beint kröftum gegn
barnaslysum og eitt af verkefnum
félagsins núna er útgáfa bók-
arinnar um Núma og höfuðin sjö
en bókinni fylgir geisladiskur þar
sem 22 barnalög eru sungin ásamt
því að forvarnasögurnar um Núma
eru lesnar inn á milli laganna.
Tilgangurinn með því að gefa
öllum leikskólum landsins bókina
og geisladiskinn er að stuðla að
aukinni umræðu við börnin um
þær slysahættur sem leynast í um-
hverfi þeirra. Foreldrar geta keypt
bókina í leikskólum og renna þá
500 kr. af andvirði hennar í slysa-
varnasjóð fyrir viðkomandi leik-
skóla en einnig er hægt að kaupa
bókina í verslunum Bónuss og Hag-
kaupa, segir í fréttatilkynningu.
Slysavarnafélagið Landsbjörg gefur bókina um Núma með geisladiski á alla leikskóla í landinu.
Gefa bókina um Núma með geisladiski
NÁMSBRAUT í sjúkraþjálfun á 25
ára afmæli í ár. Haldið verður upp á
daginn laugardaginn 7. desember kl.
15 í Hátíðarsal HÍ í Aðalbyggingu
við Suðurgötu.
Flutt verða ávörp, og síðan mun
George I. Turnbull, prófessor við
Dalhousieháskólann flytja hátíðar-
fyrirlestur sem nefnist „Trends in
Physiotherapy Education“. Klukkan
17 – 19 verður móttaka í húsnæði
skorarinnar að Skógarhlíð 10 þar
sem m.a. verður boðið upp á léttar
veitingar. Allir velunnarar náms-
brautarinnar eru velkomnir.
George I. Turnbull er prófessor í
sjúkraþjálfun við Dalhousie háskól-
ann í Halifax í Kanada. Einnig er
hann gestaprófessor við Kuwait há-
skólann og er með rannsóknaað-
stöðu við háskóla Suður-Ástralíu.
Dr. Turnbull er upphaflega frá Ed-
inborg í Skotlandi og fékk sína
grunnmenntun í sjúkraþjálfun í
Glasgow. Eftir það hefur hann starf-
að og numið í Bretlandi, Zimbabwe,
Kanada, Suður-Afríku og Bandaríkj-
unum. Hann hefur skrifað fjölda
rannsóknagreina í virt alþjóðleg
tímarit um sjúkraþjálfun. Árið 1992
hlaut hann „The University of West-
ern Ontario Edwardson Lecture-
ship“ verðlaunin fyrir framúrskar-
andi störf sem kennari og
brautryðjandi innan sjúkraþjálfun-
ar, segir í fréttatilkynningu.
25 ára afmæli
námsbrautar í
sjúkraþjálfun
Röng mynd af bókarkápu
Röng mynd birtist með frétt um
bókina Álftagerðisbræður – Skag-
firskir söngvasveinar eftir Björn Jó-
hann Björnsson í blaðinu í gær. Rétt
mynd af bókarkápu birtist hér um
leið og beðist er velvirðingar á mis-
tökunum.
Ekki val á auglýsingum
Í frétt sem birtist í viðskiptablaði
Morgunblaðsins í gær var rangt far-
ið með að Adforum velji auglýsingar
á forsíðu vefsvæðis síns heldur getur
hver sem er borgað fyrir að setja
hvaða auglýsingu sem er inn á þenn-
an stað á forsíðunni. Beðist er vel-
virðingar á þessum mistökum.
Nafn misritaðist
Rangt var farið með nafn og föð-
urnafn Ólafíu Jóhannsdóttur í viðtali
í viðskiptablaði Morgunblaðsins í
gær en þar var hún nefnd Ólöf Jó-
hannesdóttir. Beðist er velvirðingar
á þessum mistökum blaðsins.
LEIÐRÉTTÍ JÓLALANDI í Smáralind er les-in upp ný jólasaga daglega kl.
15.30 og 16.30 fram að jólum. Að-
gangur að Jólalandinu og öllum
jólaskemmtunum í Smáralind er
ókeypis. Við hlið Jólalandsins er
Piparkökukaffihús með útsýni yfir
sviðið og Jólalandið og þar er
hægt að setjast niður og fá sér
kaffi.
Föstudaginn 7. desember
skemmta jólasveinar í Vetrargarð-
inum, jólaball verður með Helgu
Möller og Magnúsi Kjartanssyni.
Á laugardaginn bjóða jólasveinar
börnum í stuttar hestvagnaferðir,
síðan verður jólaball, jólasveinar
skemmta. Karlakór Kjalnesinga,
Páll Óskar og Monika, Diddú,
Buttercup og Sönglögin í leikskól-
anum skemmta. Jólalest Coca-Cola
rennur í hlaðið. Á sunnudag bjóða
jólasveinar börnun í hestvagna-
ferð, jólaball verður, Karlakór
Kjalnesinga syngur, Skólahlóm-
sveit Kópavogs leikur, einnig Jó-
hanna Guðrún og Bubbi. Jólasagan
verður lesin og jólasveinar
skemmta alla helgina, segir í frétt
frá Smáralind.
Skemmtun í
Smáralind um
helgina
MENNTAMÁLARÁÐHERRA hef-
ur skipað áfrýjunarnefnd í kærumál-
um háskólanema sem hér segir:
Ólafur K. Ólafsson sýslumaður,
Stykkishólmi, formaður, skipaður án
tilnefningar. Varamaður: Birna Sig-
urbjörnsdóttir lögfræðingur. Hjör-
dís Hákonardóttir héraðsdómari, til-
nefnd af Samstarfsnefnd háskóla-
stigsins. Varamaður: Allan V.
Magnússon héraðsdómari. Magnús
M. Norðdahl hæstaréttarlögmaður,
tilnefndur af samtökum háskóla-
nema. Varamaður: Atli Gíslason
hæstaréttarlögmaður.
Áfrýjunarnefndin er skipuð til
tveggja ára.
Nefndin er skipuð samkvæmt
reglum nr. 73/1999 um áfrýjunar-
nefnd í kærumálum háskólanema,
skv. 5. gr. laga nr. 136/1997 um há-
skóla. Með reglum þessum er kveðið
á um að ein áfrýjunarnefnd starfi
fyrir allt háskólastigið vegna kæru-
mála háskólanema, en ekki sérstak-
ar nefndir fyrir hvern háskóla.
„Hlutverk áfrýjunarnefndarinnar
er að úrskurða í málum, þar sem
námsmenn í ríkisháskólum eða há-
skólum, sem hlotið hafa staðfestingu
menntamálaráðherra, telja brotið á
rétti sínum varðandi:
a. námsmat, þ.m.t. fyrirlögn prófa,
tilhögun einkunnagjafar, skipun
prófdómara, birtingu einkunna,
b. mat á námsframvindu, þ.m.t.
rétt til endurtektarprófs,
c. afgreiðslu umsókna um skóla-
vist, þ.m.t. tilhögun mats á námi á
milli skóla.
Nefndin mun ekki endurmeta
prófúrlausnir eða faglega niðurstöðu
kennara, dómnefnda eða prófdóm-
ara. Málum verður ekki skotið til
áfrýjunarnefndarinnar nema kæru-
leið, skilgreind og samþykkt af há-
skólaráði viðkomandi háskóla, hafi
verið tæmd eða þrír mánuðir liðnir
frá því að kæra var fyrst skriflega
lögð fyrir háskólaráðið.
Áfrýjunarnefnd í kærumálum há-
skólanema getur með úrskurðum
sínum staðfest, breytt eða fellt úr
gildi ákvarðanir háskóladeilda eða
háskólaráðs í þeim málum, þar sem
nemendur telja á rétt sinn hallað sbr.
1. gr. Úrskurðir nefndarinnar eru
endanlegir á stjórnsýslustigi og
verður þeim ekki skotið til mennta-
málaráðherra,“ segir í fréttatilkynn-
ingu frá menntamálaráðuneytinu.
Skipun í
áfrýjunar-
nefnd í kæru-
málum há-
skólanema
fyrsta skipti og var það samdóma
álit allra í Ferðamálaráði að Bláa
lónið skyldi hljóta verðlaunin,“
sagði Sturla m.a.
Hann rakti jafnframt sögu fyr-
irtækisins sem stofnað var árið
1992 og tók við rekstri baðstað-
arins tveimur árum síðar. Nýi bað-
staðurinn var opnaður formlega
15. júlí 1999 og frá þeim tíma hafa
800 þúsund manns sótt staðinn
heim. Sturla sagði Bláa lónið gott
dæmi um hvernig náttúran og auð-
lindir hennar nýtast okkur á marg-
víslegan hátt. Í lóninu er jarðsjór
Í TENGSLUM við ráðstefnu Ferða-
málaráðs Íslands um heilsutengda
ferðaþjónustu, sem haldin var í
gær, voru í fyrsta skipti afhent
hvatningarverðlaun Ferða-
málaráðs í heilsutengdri ferðaþjón-
ustu. Þau komu í hlut Bláa lónsins.
Sturla Böðvarsson sam-
gönguráðherra afhenti verðlaunin
og í máli hans kom fram að eins og
ávallt þegar verðlaun eru veitt eru
margir kallaðir en fáir útvaldir.
„Eitt fyrirtæki þykir þó standa
uppúr þegar kemur að veitingu
þessarar viðurkenningar nú í
sem fyrst var notaður til að fram-
leiða rafmagn og hita upp fersk-
vatn. Glöggir menn uppgötvuðu
síðan sem kunnugt er jákvæð áhrif
lónsins fyrir þá sem eru með psori-
asis og framleiddar eru húðvörur
sem byggjast á hinum einstöku
hráefnum lónsins. „Einkanlega er
Bláa lónið þó heilsulind þar sem
allir, jafnt ungir sem gamlir, njóta
vellíðunar og slökunar á sál og lík-
ama,“ sagði Sturla Böðvarsson
samgönguráðherra, segir í frétta-
tilkynningu frá Ferðamálaráði Ís-
lands.
Ferðamálaráð Íslands afhendir hvatningarverðlaun í
heilsutengdri ferðaþjónustu
Bláa lónið stóð uppúr
Morgunblaðið/Árni Sæberg
Ráðstefna um heilsutengda ferðaþjónustu var haldin í Svartsengi í gær.
FUNDUR um stöðuna í alþjóðamál-
um verður hjá Vinstri hreyfingunni –
grænu framboði laugardaginn 8. des-
ember kl. 11 – 13. Ögmundur Jónas-
son hefur framsögu um ástandið í
Afganistan og segir frá ferð sinni til
kosningaeftirlits í Kosovo fyrir
skömmu. Umræðum stjórnar Erla B.
Sigurðardóttir. Allir eru velkomnir.
Laugardagskaffi
hjá Vinstri grænum
♦ ♦ ♦
♦ ♦ ♦