Morgunblaðið - 16.01.2002, Side 13

HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 16. JANÚAR 2002 13
HVERFISSAMTÖK Vatnsenda,
„Sveit í borg“ gagnrýna þær vega-
áætlanir sem lagðar eru til í svæð-
isskipulagi höfuðborgarsvæðisins. Í
athugasemdum við skipulagið
leggjast samtökin gegn fyrirhug-
uðu vegstæði Elliðavatnsvegarins.
Í skipulagstillögunum eru sýndir
fjórir vegir sem eiga að hafa svo-
kallað svæðisbundið mikilvægi þar
til stærri umferðaræðar hafa verið
gerðar. Segir í athugasemdum
„Sveitar í borg“ að Elliðavatnsveg-
urinn sé sá eini þessara vega sem
ekki sé til í dag í þeirri mynd sem
fyrirhugðuð er.
Leggjast samtökin gegn veg-
stæði hans og segja að samkvæmt
gögnum Kópavogsbæjar verði
helgunarsvæði vegarins um 60
metrar og því hafi hann möguleika
á að vera stofnbraut en ekki ein-
ungis tengivegur. Óttast samtökin
að fyrirhugað vegstæði festist í
sessi sem meginumferðaræð á
svæðinu áður en Arnarnesvegurinn
tengist Breiðholtsbrautinni.
Klýfur íbúðarbyggð í tvennt
Þá er á það bent að vegurinn
muni kljúfa íbúðarbyggð í tvennt
og það muni bjóða upp á slysahættu
þar sem gangandi vegfarendur eru
annars vegar.
Gagnrýnt er að vegstæðið liggi
að stærstum hluta innan fjarsvæðis
vatnsverndarsvæðis og á vatnasviði
Elliðaánna sem er á náttúruminja-
skrá.
Loks er óskað eftir nánari útlist-
un á legu svokallaðs Ofanbyggð-
arvegar sem gert er ráð fyrir að
verði lagður á skipulagstímabilinu.
„Nánari útlistun á legu þessa vegar
í skipulagsgögnum vantar og má
jafnvel leiða rök að því að skipu-
lagsyfirvöld sjái Elliðavatnsveginn
sem hluta þessa Ofanbyggð-
arvegar,“ segir í athugasemdunum.
Er því mótmælt ef vegurinn mun
eiga að liggja gegnum hverfið.
Leggja samtökin til að vegstæði
Elliðavatnsvegarins verði fært fjær
Elliðavatni upp fyrir fyrirhugaða
íbúðarbyggð þannig að hann lægi
miðja vegu milli Vatnsendahverfis
og Seljahverfis. Segir að með þessu
væri hægt að sameina Arn-
arnesveginn á þeim stað við Elliða-
vatnsveginn og þannig ætti að spar-
ast töluvert fjármagn þar sem ein
meginæð yrði lögð um svæðið í stað
tveggja.
Morgunblaðið/Árni Sæberg
Hverfissamtök Vatnsenda segja að fyrirhugað vegstæði Elliðavatnsveg-
ar muni kljúfa íbúðarbyggðina við vatnið í tvennt og valda slysahættu.
Leggjast gegn vegstæði
Elliðavatnsvegarins
Vatnsendi
ÁKVEÐIÐ hefur verið að hækka
styrki til íþrótta- og tómstunda-
félaga í Mosfellsbæ um 55 prósent.
Bæjaryfirvöld hafa undirritað samn-
inga við sjö íþrótta- og tómstunda-
félög í bænum um barna- og ung-
lingastarf félaganna til næstu
tveggja ára.
Styrkirnir hækkuðu úr samtals 8
milljónum í 12,5 milljónir króna. Í
fréttatilkynningu frá bænum segir
að megininnihald samninganna sé að
efla samstarf milli bæjaryfirvalda og
félaganna, tryggja markvisst
íþrótta- og tómstundastarf fyrir
börn og unglinga í Mosfellsbæ, bæj-
aryfirvöld verði meðvituð um að fé-
lögin sinni öflugu forvarnarstarfi, fé-
lögin stuðli að frekari þátttöku barna
og unglinga í íþrótta- og tómstunda-
starfi, félögin hafi kynningu á starf-
semi sinni í grunnskólum bæjarins
og samstarf verði um starfsemi
íþrótta- og tómstundaskóla í
tengslum við frístundastarf eftir að
skóladegi lýkur hjá 6–12 ára börn-
um. Ákvæði er í samningunum um að
félögin verði að halda aðskildu bók-
haldi barna- og unglingastarfs og
bókhaldi meistaraflokka.
Styrkir til íþrótta- og
tómstundastarfs hækka
Mosfellsbær
NEMENDUM 5.–7. bekkjar
Háteigsskóla býðst nú að
kaupa sér heitan mat í hádeg-
inu eftir lagfæringar sem gerð-
ar hafa verið í eldhúsi og í sal.
Geta nú 7 árgangar af 10 notið
heitra máltíða í skólanum.
Í fréttatilkynningu frá skól-
anum segir að foreldrar hafi
tekið þessu vel og að nemendur
hafi verið háttprúðir í salnum
sem sé skilyrði þess að hægt sé
að veita þessa þjónustu.
Heitur
matur í
5.–7. bekk
Hlíðahverfi
UMHVERFIS- og heilbrigðisnefnd
Reykjavíkur hefur samþykkt að út-
hluta Vélhjólaíþróttaklúbbnum
(VÍK) svæði til bráðabirgða fyrir
mótorhjólaíþróttir. Svæðið sem um
ræðir er við Hólmsheiði sunnan
Langavatns og notað sem jarðvegs-
losunarstaður á vegum gatnamála-
stjóra.
Kemur fram í bréfi VÍK til for-
manns umhverfisnefndar að um 900
manns stundi mótorhjólaíþróttir, þar
af séu keppendur um 120 talsins.
Segir að gífurleg aukning hafi orðið í
ástundun íþróttarinnar á síðastliðn-
um árum, meðal annars vegna lækk-
unar á aðflutningsgjöldum úr 70% í
30%.
„Með því að fá framtíðarsvæði er
hægt að beina keppnistækjum fé-
lagsmanna og annarra á eitt afmark-
að svæði, en ekki út um víðan völl
eins og nú er. Teljum við það miklu
gæfulegra en að félagsmenn séu í
óleyfi út um holt og hæðir, eða lendi í
árekstrum við annað útivistarfólk,“
segir í bréfinu. Kemur fram í öðrum
gögnum frá VÍK að fyrir einu og
hálfu ári hafi klúbburinn sótt um
framtíðarsvæði til allra sveitarfélaga
á höfuðborgarsvæðinu en það hafi lít-
inn árangur borið.
Hefur manngert yfirbragð
Í umsögn frá garðyrkjustjóra seg-
ir að umrætt svæði hafi ýmsa kosti til
að bera sem vélhjólaíþróttasvæði.
Svæðinu verði hvort eð er raskað
með fyllingum vegna jarðvegslosun-
arinnar, aðkoma að því sé ágæt, það
sé í nokkru hvarfi á milli hæða, það sé
utan vatnsverndarsvæða og stýra
mætti lögun fyllinganna til að ná auk-
inni hljóðskermun. Þá er á það bent
að svæðið hafi manngert yfirbragð:
„að norðanverðu er heitavatnslögn
og dæluhús, að vestanverðu gnæfa
tankar Orkuveitunnar og að austan-
verðu er rafmagnslína og vegur.“
Helstu gallar eru taldir þeir að
með þessu verði hljóðmengandi
starfsemi sett á nýjan stað á Aust-
urheiðum, svæðið auki þangað bíla-
umferð, uppbygging og notkun VÍK
sé háð framvindu og skipulagi losun-
ar, starfsemi klúbbsins rekist á við
aðra útivist, sérstaklega vegna há-
vaðamengunar og leggja þurfi reið-
leið austar en áætlað var.
Segir í samþykkt umhverfis- og
heilbrigðisnefndar að hún geri ekki
athugasemd við að VÍK verði heim-
iluð notkun svæðisins til bráða-
birgða. Áfram verði þó leitað leiða til
að finna eitt sameiginlegt svæði fyrir
slíka starfsemi á höfuðborgarsvæð-
inu.



 


    




 

 


    Úthlutað
svæði til
bráða-
birgða
Hólmsheiði
Vélhjólaíþróttaklúbburinn óskar eftir akstursaðstöðu