Morgunblaðið - 16.01.2002, Side 16

LANDIÐ
16 MIÐVIKUDAGUR 16. JANÚAR 2002 MORGUNBLAÐIÐ
Rammen om et godt liv...
ELDASKÁLINN
Invita sérverslun
Brautarholti 3, 105 Reykjavík
Sími: 562 1420 - Netfang: eldask@itn.is
Umgjörð u gott líf...
Persónulega eldhúsið
„FYRST hugsaði maður bara að allt
væri svart og þetta væri gjör-
samlega vonlaust, þar sem ég er
með konu og tvær dætur. En ég fékk
strax mikla hvatningu sem brenndi
sig inn í mig og svo komu menn frá
Össuri og sýndu að hægt er að gera
mjög margt. Ég tók strax þá ákvörð-
un að berjast og verða góður og
komast á lappirnar aftur og ég hef
haldið því striki en auðvitað komu
tímabil þegar manni fannst lítið ger-
ast,“ segir Davíð Örn Ingvason, ríf-
lega ári eftir að hann lenti í bílslysi
21. desember 2000, skammt austan
við Þjórsárbrú í svonefndri Kol-
vatnsmýri. Hann missti vinstri fótinn
fyrir ofan hné í slysinu auk þess að
meiðast illa á þeim hægri. Hann var
við dauðans dyr en rétt viðbrögð
frænda hans, Sigurðar Óla Braga-
sonar, við að stöðva blæðingu á slys-
stað urðu honum til lífs.
Davíð Örn og Sigurður Óli höfðu
stansað til þess að hjálpa fólki, lögðu
bíl sínum framan við bíl fólksins og
voru að kanna ástandið undir vél-
arhlíf bilaða bílsins þegar annar bíll
kom aðvífandi og keyrði aftan á
fólksbílinn og Davíð Örn klemmdist
á milli bílanna en Sigurður Óli slapp
með minniháttar meiðsli.
Tækjaáhuginn hjálpaði mikið
Davíð Örn og kona hans, Hulda
Margrét Þorláksdóttir, búa í Háfi,
rétt vestan við Þykkvabæ, með tvær
dætur sínar og eignuðust son 9. jan-
úar. Davíð Örn fer allra sinna ferða,
ekur bíl og hefur náð góðu lagi á að
beita gervifætinum. Hann leggur
mikla áherslu á nauðsyn þess að
horfa fram á veginn þegar áföll
dynja yfir. „Sjúkraþjálfarinn hlífði
mér ekkert sem betur fer og ég
komst fljótt upp á hækjurnar og síð-
an áfram. Ég fékk áhuga á gervi-
löppinni sem tæki og þessi tækja-
áhugi hjálpaði mér mikið, ég veit vel
hvernig hver hlutur í fætinum virk-
ar og það var góð reynsla að vera á
námskeiði hjá Össuri,“ segir Davíð
Örn en hann starfaði áður við vinnu-
vélar og vörubílaakstur.
Ofboðslegur sigur að geta keyrt
„Mér var sagt að ég hefði misst
fótinn og gæti ekki farið á vélsleða
eða fjórhjól. Þetta var köld gusa sem
ég gat ekki sætt mig við og hef
reyndar afsannað þetta þótt ég
keyri þessi tæki auðvitað öðruvísi en
áður, fer hægar yfir. Það var því of-
boðslegur sigur fyrir mig að geta
sest upp í bílinn til að keyra aftur og
ég fann að ég gat ekki bara keyrt
minn bíl heldur líka gröfur og
trukka,“ sagðir Davíð Örn og vísar
til þess að þá hafi honum fundist
hann fullfær í allt. „Ég ætlaði mér
alltaf að geta þetta, var að fikta við
að reyna þetta milli þess sem ég var í
sjúkraþjálfuninni. En besta sjúkra-
þjálfunin er gangur lífsins því lífið
heldur áfram og maður þarf að vera
virkur, hvað sem á dynur.
Ég hef lent í því að brjóta þennan
gervifót tvisvar sinnum, enda hlífi
ég honum ekkert, þar sem heili fót-
urinn er ekki nógu góður. Maður
dettur og lendir í ýmsum aðstæðum,
það er alltaf eitthvað nýtt, bara það
að labba í snjó og hálku og svo er
ótrúlega erfitt að labba í roki en það
er um að gera að hlífa sér ekki held-
ur fara í gegnum þetta allt, sama
hvernig landslagið er.“
Ég er auðvitað búinn að spá mikið
í framtíðina og sé núna fyrir mér að
geta unnið við eitthvað annað en ein-
hverja skrifstofuvinnu, sem mér
fannst erfitt að hugsa til. Næsta mál
er að koma yfir sig þaki. Við
stefnum að því að setjast að á Sel-
fossi og nú hefur litli drengurinn
bæst við svo það er um nóg að
hugsa.“
„Ég held það sé mikilvægt að geta
talað um fötlunina og ég á ekki í
neinum vandræðum með það.
Hvatningin er rosalega mikilvæg,
hún er með manni alla daga og næt-
ur. Ég á þeim mikið að þakka sem
hvöttu mig og í því sambandi nefni
ég sérstaklega nafna minn sem var
með mér á Grensásdeildinni.
Ég held að allir reyni að vera eins
duglegir og þeir geta og það er al-
veg klárt að maður má aldrei horfa í
svartnættið heldur í birtuna. Þetta
er eins og að ganga inn langan
dimman gang með mörgum dyrum.
Það er um að gera að opna allar
dyrnar á leiðinni því þar fyrir innan
er það sem maður þarf að takast á
við, kannski eru það hlutir sem voru
sjálfsagðir áður en eru það ekki
núna en þá er bara að finna ráð við
því og halda áfram.
Aðalatriðið er að horfa á lífið já-
kvæðum augum; það er ekkert
vandamál óleysanlegt, það er bara
að vinna í hlutunum og finna lausn-
ina,“ sagði Davíð Örn Ingvason.
Davíð Örn missti annan fótinn í bílslysi fyrir rúmu ári
„Gangur lífsins
besta þjálfunin“
Morgunblaðið/Sigurður Jónsson
Davíð Örn með nýfæddan soninn ásamt dætrunum Sylvíu Önnu, Díönu
Ösp og Huldu Margréti Þorláksdóttur konu sinni. Myndin er tekin á
fæðingardeild Heilbrigðisstofnunarinnar á Selfossi.
Selfoss
LÖGREGLAN á Patreksfirði fékk frekar und-
arlega tilkynningu laust fyrir klukkan 22 í
fyrrakvöld, en selkópur hafði komið á land á
Patreksfirði og var farinn að stjórna umferð
þar í bæ. Var selurinn búinn að koma sér fyr-
ir við gamla pakkhúsið á Eyrinni er lögreglu
og fleiri bar að og virtist ekkert ætla að
koma sér þaðan.
Ljóst var að selurinn þyrfti hjálp til að
koma sér aftur til sjávar. Vaskir menn frá
Björgunarsveitinni Blakk mættu á staðinn og
handsömuðu selinn og komu honum fyrir í
kari.
Var svo selurinn dreginn í karinu niður í
fjöru, þar sem hann varð feginn frelsi sínu og
stakk sér á kaf í fjörðinn á vit nýrra æv-
intýra.
Syndaselur á
flakki um bæinn
Patreksfjörður
Morgunblaðið/Sigurbjörn
SKÁTAFÉLAGIÐ Bjarmi á
Blönduósi tók á móti friðarljósinu frá
Betlehem hinn 20. des. sl. og hefur
varðveitt það yfir jólin. Skátarnir á
Blönduósi tóku síðan þá ákvörðun
eftir að hafa dreift ljósinu víða um
bæinn að sleppa því lausu í jökulána
Blöndu síðla fimmtudagsins 10. jan.
með þá ósk í huga að ljós þetta mætti
gera heiminn betri. Þetta friðarljós á
rætur sínar að rekja allt til ársins
1986 þegar fyrsta friðarljósið var
sótt til Betlehem og barst það í
fyrsta sinn til Íslands 19. des. síðast-
liðinn. Í millitíðinni hefur þetta ljós
borist til margra landa og ávallt með
ósk um frið á jörð.
Morgunblaðið/Jón Sig.
Skátarnir í Bjarma á Blönduósi slepptu friðarljósinu frá Betlehem í Blöndu sl. fimmtudag.
Blanda
boðberi
friðar
Blönduós
Skátafélagið Bjarmi
UNGMENNAFÉLAGIÐ Ásinn á
Norður-Héraði hefur útnefnt Elsu
Guðnýju Björgvinsdóttur íþrótta-
mann ársins.
Elsa Guðný stundar frjálsar
íþróttir, millivegalengdahlaup og
stökk, ásamt fleiri greinum, en hún
er fjölhæfur frjálsíþróttamaður.
Hún hefur unnið til margra verð-
launa á árinu, meðal annars Íslands-
meistaratitla bæði innanhúss og ut-
an.
Þetta er þriðja árið í röð sem Elsa
Guðný er útnefnd íþróttamaður
Norður-Héraðs. Auk þess var hún
valin íþróttamaður Ungmenna- og
íþróttasambands Austurlands á síð-
asta ári.
Íþrótta-
maður
ársins
Morgunblaðið/Sigurður Aðalsteins
Elsa Guðný Björgvinsdóttir með
verðlaunagripi sem fylgja
sæmdarheitum íþróttamanns
ársins hjá Ungmenna- og
íþróttasambandi Austurlands og
Ungmennafélaginu Ásnum.
Norður-Hérað
UM næstu helgi hefjast sýning-
ar á ný á Dýrunum í Hálsaskógi
eftir Torbjörn Egner í leik-
stjórn Sigurðar Blöndal, sem
leikfélagið hefur verið að sýna
frá því í haust við miklar vin-
sældir. Fyrstu sýningar verða á
laugardag og sunnudag kl. 14.
Búið er að ákveða 6 sýningar og
síðan verður bætt við eftir því
sem miðar seljast. Miðasala er
sem fyrr hjá Mörtu í Tíunni.
Hálsaskóg-
ur opnað-
ur aftur
Hveragerði