Morgunblaðið - 16.01.2002, Qupperneq 17

Nýir léttostar
Með villisveppum og með skinku og
beikoni. Fyrir voru léttostar með
grænmeti, með sjávarréttum og hreinn
léttostur. Smurostarnir eru þægilegt,
bragðgott álegg og líka spennandi í
ofnrétti, súpur og sósur.
Fjölbreytt
úrval
gómsætra
léttosta!
Hefurðu prófað
ostateninga í salatið?
Þú getur notað hvort sem er 11% eða
17% Gouda til að búa til salat sem er
fullkomin, létt máltíð. Einnig fæst sérstakur
Salatostur tilbúinn í litlum teningum.
Kotasæla,
fitulítil og freistandi!
Lágt fituinnihald og fáar hitaeiningar!
Hrein, með ananaskurli eða með
hvítlauk. Sígild á brauð, hrökkbrauð
og kex, í salöt eða ofnrétti.
Heimilisostur og
11% Gouda
Ljúffengir ofan á brauð og kex
og fínir í nestið.
VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 16. JANÚAR 2002 17
GREINT var frá því í gær að Ís-
lensk erfðagreining hefði skrifað
undir samstarfssamning við Pharm-
acia-samsteypuna um erfðafræði-
rannsóknir á hjartasjúkdómum.
Samkomulagið felur í sér að Íslensk
erfðagreining mun nota lýðerfða-
fræðirannsóknir sínar og lífupplýs-
ingakerfi til að leita erfðamarka sem
tengjast aukinni hættu á að væg
mynd tiltekins hjartasjúkdóms þró-
ist yfir í mjög alvarlega sjúkdóms-
mynd.
Bætt úrræði fyrir hjartasjúklinga
Í tilkynningu frá Íslenskri erfða-
greiningu segir að vonast sé til að
niðurstöður slíkra rannsókna leiði til
lyfjaprófana þar sem kannað verður
hvort nota megi greiningar á erfða-
mörkum, til að finna þá hjartasjúkl-
inga sem líklegastir eru til að njóta
góðs af nýju hjartalyfi sem er í þró-
un hjá Pharmacia. Þá segir að sam-
komulagið undirstriki þá möguleika
sem Íslensk erfðagreining hefur til
rannsókna í lyfjaerfðafræði sem
beinast að því að auka ávinning
sjúklinga af lyfjum sem eru í þróun.
Íslensk erfðagreining mun í gegn-
um dótturfyrirtæki sitt, Íslenskar
lyfjarannsóknir ehf., fá fastar
greiðslur fyrir rannsóknir í fyrsta
hluta samstarfsins, auk greiðslna
sem til koma ef Pharmacia nýtir sér
niðurstöðurnar til áframhaldandi
þróunarvinnu. Íslenskar lyfjarann-
sóknir munu einnig fá hlutdeild í
hugsanlegum tekjum af sölu hjarta-
lyfsins, auk hlutdeildar í tekjum af
hugsanlegri sölu greiningarprófa.
„Þetta samstarf er spennandi
áfangi í þróun lyfjaerfðafræðinnar,“
segir Kári Stefánsson, forstjóri Ís-
lenskrar erfðagreiningar. „Mark-
miðið er að auka skilning okkar á
því hver þáttur erfða er í þróun
hjartasjúkdóma og lyfjasvörun og
að nota slíka þekkingu til að finna
þá einstaklinga sem ákveðin með-
ferð gagnast best. Lokatakmarkið
er að bæta þau meðferðarúrræði
sem hjartasjúklingum standa til
boða.“
Starfsemi í yfir 60 löndum
Lyfjafyrirtækið Pharmacia var
stofnað 3. apríl 2000 við samruna
Pharmacia & Upjohn og Monsantao,
en lyfjafyrirtækið Searle er hluti af
hinu síðarnefnda. Pharmacia er með
starfsemi í yfir 60 löndum og starfa
um 59 þúsund manns hjá fyrirtæk-
inu. Höfuðstöðvar þess eru í New
Jersey í Bandaríkjunum.
Pharmaco hf. er umboðsaðili fyrir
vörur Pharmacia hér á landi en
helstu flokkar lyfseðilsskyldra lyfja
Pharmacia eru lyf við þvagleka,
gláku og þunglyndi, verkjalyf,
krabbameinslyf og vaxtarhormón.
Gengi deCODE á Nasdaq-hluta-
bréfamarkaðinum hækkaði um
2,78% í gær og endaði í 9,25 Banda-
ríkjadölum á hlut.
Íslensk erfðagreining í
samstarf við Pharmacia
DANSKI lyfjaframleiðandinn Lund-
beck hefur stefnt heilbrigðisráð-
herra og fjármálaráðherra fyrir
hönd íslenska ríkisins. Dómkröfurn-
ar eru að ógilt verði ákvörðun Lyfja-
stofnunar um að synja kröfu um aft-
urköllun á markaðsleyfi
samheitalyfsins Oropram, en lyfið
Citalopram er markaðssett undir því
heiti á Íslandi, og íslenska lyfjafyr-
irtækið Omega Farma framleiðir
það. Einnig að íslenska ríkið beri
skaðabótaábyrgð vegna ólögmætrar
veitingar markaðsleyfisins.
Málið var þingfest hjá Héraðs-
dómi Reykjavíkur nú í janúar og er
stefnan til meðhöndlunar hjá ríkis-
lögmanni sem hefur frest fram í
febrúar til að skila greinargerð til
dómstóla.
Lyfjastofnun veitti Omega Farma
markaðsleyfi á samheitalyfinu Oro-
pram í árslok 2000 en Oropram inni-
heldur virka efnið Cítalópram.
Lundbeck þróaði frumlyfið Cipramil
sem inniheldur virka efnið Cítaló-
pram. Samkvæmt upplýsingum frá
Lyfjastofnun stóðst Oropram kröfur
þeirra reglna sem gilda á Evrópska
efnahagssvæðinu vegna skráningar
lyfja, m.a. um hreinleika. Á fyrri
hluta ársins 2001 gerði Lundbeck
kröfu um að Lyfjastofnun afturkall-
aði markaðsleyfið og fóru nokkrar
bréfaskriftir fram á síðasta ári þess
efnis. Lyfjastofnun hafnaði kröfunni
og er íslenska ríkinu nú stefnt til að
ógilda ákvörðun Lyfjastofnunar.
Tekjur af útflutningi
rúmir 2 milljarðar í ár
Í gær sendi Omega Farma frá sér
fréttatilkynningu þar sem fram kem-
ur að þunglyndislyfið Citalopram
kom á markað í Hollandi á mánudag.
Telur Omega Farma að tekjur fé-
lagsins af útflutningi á Citalopram
muni nema ríflega tveimur milljörð-
um króna í ár.
Fram kemur í tilkynningunni að
íslensk lyfjayfirvöld samþykktu lyfið
í lok ársins 2000 og það kom á mark-
að hér á landi í byrjun síðasta árs.
„Lyfið var skráð í Hollandi í sept-
ember síðastliðnum eftir ítarlegt
mat hollenskra heilbrigðisyfirvalda.
Citalopram er samheitalyf af frum-
lyfinu Cipramil sem er eitt mest not-
aða þunglyndislyf í heimi. Omega
Farma var fyrst allra lyfjafram-
leiðslufyrirtækja til að þróa og fá
skráð samheitalyf þessa þekkta
þunglyndislyfs.“
Omega Farma hóf í lok síðasta árs
útflutning á lyfinu til 10 fyrirtækja á
meginlandi Evrópu og munu þau
hefja markaðssetningu á lyfinu á
næstu dögum og vikum. „Forsögu
útflutnings Citalopram má rekja til
ársins 1997 þegar Omega Farma hóf
samstarf við lyfjafyrirtækið Tiefen-
bacher í Þýskalandi. Fyrirtækin
fengu í sameiningu tímabundinn
einkarétt til kaupa á virka lyfjaefn-
inu Citalopram frá ítalska fyrirtæk-
inu VIS. Til stóð að skrá lyfið í Hol-
landi síðla árs 2000 en þá keypti
danska lyfjafyrirtækið Lundbeck
ítalska fyrirtækið og stöðvaði sölu á
virka lyfjaefninu til Omega Farma.
Við það tafðist skráning lyfsins í
Hollandi um níu mánuði. Omega
Farma fékk í kjölfarið annan birgi
samþykktan og gat þannig haldið
skráningarferlinu áfram.
Lyfið Citalopram er framleitt
samkvæmt ströngustu gæðakröfum
og hefur verið sýnt fram á með
óyggjandi hætti að lyfið frá Omega
Farma er jafngilt frumlyfinu Cipra-
mil með tilliti til hreinleika, innihalds
og annarra þátta,“ segir í fréttatil-
kynningu frá Omega Farma.
Citalopram sett á
markað í Hollandi
Lundbeck krefst að
íslenska ríkið beri
skaðabótaábyrgð
BÚNAÐARBANKI Íslands hf. hefur
samið við JP Morgan Fleming, sem
er sjóðastýringarfyrirtæki JP Morg-
an Chase & Co. um að Búnaðarbank-
inn annist sölu, kynningu og vörslu
sjóða fyrirtækisins á Íslandi.
Búnaðarbankinn fær með þessu
einkarétt á að bjóða sjóði JP Morg-
an Fleming hérlendis auk þess að fá
aðgang að sérfræðiþekkingu JP
Morgan sem spannar öll svið fjár-
mála um allan heim, að því er segir í
fréttatilkynningu frá bankanum.
„JP Morgan Fleming er leiðandi
sjóðastýringarfyrirtæki með yfir
600 milljarða dollara til stýringar.
Fyrirtækið er með skrifstofur í 38
löndum og var valið besta eigna-
stýringarfyrirtæki Bretlands árið
2001 af Bloomberg.
JP Morgan Chase & Co. er leið-
andi alþjóðleg fjármálasamsteypa
sem veitir alhliða fjármálaþjónustu.
Eignir fyrirtækisins nema 799 millj-
örðum dollara og það rekur starf-
semi í 50 löndum en höfuðstöðvar
þess eru í New York. JP Morgan
Chase & Co. á viðskipti við yfir 99%
af 1000 stærstu fyrirtækjum Banda-
ríkjanna (Fortune 1000) og þjónar
yfir 30 milljónum viðskiptavina um
allan heim. Fyrirtækið er myndað
úr tveimur þekktum fjármálafyr-
irtækjum, Chase Manhattan og JP
Morgan & Co. en sameiningu fyr-
irtækjanna lauk 31. desember
2000,“ segir í tilkynningunni.
Búnaðarbanki Íslands
í samstarf við JP Morgan
Gary Dugan frá JP Morgan og Sólon R. Sigurðsson, bankastjóri
Búnaðarbankans, handsala samstarfssamninginn milli fyrirtækjanna.