Morgunblaðið - 13.02.2002, Blaðsíða 2

FRÉTTIR
2 MIÐVIKUDAGUR 13. FEBRÚAR 2002 MORGUNBLAÐIÐ
Fylgstu
með
nýjustu
fréttum
www.mbl.isViggó stjórnar Haukum í bikar-
úrslitaleiknum / B1
Dagný Linda í 31. sæti eins og
Jakobína árið 1956 / B1
4 SÍÐUR
Sérblöð í dag
RÍKISSTJÓRNIN hefur nú til
skoðunar ný áform Íslenskrar erfða-
greiningar og þann atbeina sem hún
kann að þurfa að hafa að því máli,
sagði Davíð Oddsson forsætisráð-
herra á Viðskiptaþingi Verslunar-
ráðs Íslands í gær. „Er þar um mjög
áhugavert mál að ræða, sem getur
haft mikla þýðingu,“ bætti Davíð við.
Þá sagði hann það mikið ,,ánægju-
efni að sjá hvernig tekist hefur til við
uppbyggingu þessa mikla fyrirtækis
og ástæða til að vænta mikils af því
og starfsemi því tengdri á næstu ár-
um.“
Páll Magnússon, upplýsinga-
fulltrúi ÍE, sagði að Davíð væri
væntanlega að vísa til þess sem fram
kom þegar tilkynnt var um kaupin á
bandaríska fyrirtækinu MediChem
8. janúar. „Við sögðum frá því þá að
hluti af sömu viðskiptaáætlun væri
að setja á stofn nýja lyfjaþróunar-
deild með um 250 manna starfsliði.
Jafnframt að ekki væri búið að taka
ákvörðun um það hvort þessi
lyfjaþróunardeild yrði sett niður á
Íslandi eða í Bandaríkjunum. Sú
ákvörðun hefur ekki enn verið tekin,
en verður tekin á næstu vikum.
Stjórnvöld hafa verið upplýst um
stöðu þess máls,“ sagði Páll.
Davíð Oddsson forsætisráðherra
Áform ÍE mjög
áhugaverð
UMBOÐSMAÐUR Alþingis hefur í
nýju áliti komist að þeirri niður-
stöðu að úrskurður yfirskattanefnd-
ar í máli fyrrverandi framkvæmda-
stjóra fyrirtækis, sem var gert að
greiða sekt vegna brots á lögum um
tekju- og eignaskatt, hafi ekki verið
í samræmi við lög. Umboðsmaður
átelur þær tafir sem urðu á meðferð
málsins hjá skattayfirvöldum en
rúm sex ár liðu frá því að fram-
kvæmdastjórinn var fyrst sakaður
um refsiverða háttsemi í skýrslu-
töku hjá skattrannsóknastjóra þar
til að málinu lauk með sektarúr-
skurði yfirskattanefndar. Þar af var
mál mannsins til meðferðar í þrjú og
hálft ár hjá yfirskattanefnd.
Umboðsmaður hefur vegna þessa
máls ákveðið að vekja athygli Al-
þingis og fjármálaráðherra á rétt-
aróvissu sem hann telur fylgja því
að ekki sé með skýrum hætti kveðið
á um það í 6. málsgrein 108. greinar
laga nr. 75 frá 1981, um tekju- og
eignaskatt, að rannsókn skattrann-
sóknastjóra ríkisins rjúfi fyrningar-
frest þann sem ákvæðið mælir fyrir
um. Beinir umboðsmaður þeim til-
mælum til ráðherra að hann láti fara
fram athugun á þessu ákvæði. Einn-
ig er þeim tilmælum beint til yf-
irskattanefndar að taka mál fram-
kvæmdastjórans fyrrverandi til
endurskoðunar, óski hann þess, og
við þá endurskoðun verði tekið mið
af áliti umboðsmanns.Maðurinn leit-
aði til umboðsmanns í ágúst árið
2000 og kvartaði yfir úrskurði yf-
irskattanefndar frá því í júní sama
ár þar sem honum var gert að
greiða sekt, 1 milljón króna, vegna
brota á lögum nr. 75/1981 um tekju-
og eignaskatt. Var honum gefið að
sök að hafa staðið skil á röngum
skattframtölum fyrir hlutafélag sitt
á árunum 1990 til 1992 og ekki gert
þar grein fyrir tekjum upp á alls
rúmar 8 milljónir króna. Leiddi það
til lægri álagningar tekjuskatts sem
nam alls rúmum 3 milljónum.
Í kvörtun til umboðsmanns held-
ur lögmaður framkvæmdastjórans
því einkum fram að við meðferð
málsins hjá skattayfirvöldum hafi
orðið slíkar tafir á ákvörðun refs-
ingar að ekki hefði verið hægt að
lögum að miða fyrningarrof þeirra
brota við upphaf rannsóknar máls-
ins frá skattrannsóknastjóra, eins
og lagt hefði verið til grundvallar af
hálfu yfirskattanefndar. Voru gerð-
ar athugasemdir við þá niðurstöðu
nefndarinnar að ekki hefðu orðið
„óeðlilegar tafir“ á rannsókn máls-
ins eða ákvörðun refsingar í merk-
ingu fyrrnefnds ákvæðis laga um
tekju- og eignaskatt frá 1981. Þar
segir að sök fyrnist á sex árum mið-
að við upphaf skattrannsóknar. Við
umfjöllun sína taldi umboðsmaður
Alþingis nokkra réttaróvissu fylgja
því að í umræddu lagaákvæði væri
ekki kveðið með skýrum hætti á um
aðkomu skattrannsóknastjóra að
rannsókn mála.
Yfirskattanefnd fór ekki að lögum að mati umboðsmanns
Athygli Alþingis og
fjármálaráðherra
vakin á réttaróvissu
ÓVENJU mikið hefur verið að
gera hjá barnalæknum í Domus
Medica í Reykjavík undanfarna
daga vegna árvissra veirusýk-
inga s.s. inflúensu, að sögn Ólafs
Gísla Jónssonar barnalæknis.
Ekki síst hefur verið mikið að
gera hjá barnalæknaþjónustunni
í Domus Medica sem er opin frá
kl. 17 til 22 á kvöldin. „Reynslan
er sú að það er mikið að gera hjá
okkur í janúar, febrúar og mars
en það hefur verið óvenju mikið
að gera hjá okkur undanfarna
daga,“ segir Ólafur. Hann segir
foreldra aðallega koma með börn
sem hafi veikst skyndilega og fái
háan hita. Hann segir að börn-
unum séu gefin lyf sem lækki hit-
ann en einnig sé minnt á mik-
ilvægi þess að börnin drekki vel.
Morgunblaðið/Golli
Örtröð var hjá barnalæknaþjónustunni þegar Morgunblaðið leit þar inn síðdegis í gær.
Börnin veik fyrir inflúensu
VEÐURSTOFA Íslands sendi frá sér
viðvörun í gær um að búist væri við
stormi, meira en 20 metrum á sek-
úndu, vestan til á landinu og á miðhá-
lendinu í nótt og í fyrramálið. Með-
fylgjandi gervitunglamynd var tekin
kl. 13.39 í gær. Þá var léttskýjað víða
um land en stöku él við austurströnd-
ina. Samkvæmt upplýsingum frá Veð-
urstofunni eru hvítu veðurskilin vest-
an við landið úrkomusvæði á leið inn
til landsins í gær. Er gert ráð fyrir því
að því fylgi rigning eða slydda ásamt
stormi. Mun úrkomusvæðið færast
austur yfir landið í dag en lægja mun
síðdegis vestan til og á miðhálendinu.
Storm-
urinn
á leiðinni
LÖGREGLA heldur ýmsar persónu-
tengdar skrár sem hafa allar verið til-
kynntar til Persónuverndar og hlotið
þar ítarlega skoðun.
Skrárnar eru m.a. skrá til að halda
saman upplýsingum um aðila sem
tengjast alþjóðlegum glæpasamtök-
um, skrá í tengslum við rýmingu húsa
vegna snjóflóðahættu á Patreksfirði,
skrá um mannshvörf á Íslandi, öku-
skírteinaskrá, skotvopnaskrá, brota-
mannaskrá, skrá um allar handtökur,
málaskrá um allar kærur sem berast
til lögreglu, skýrslugerð lögreglu sem
heldur utan um skráningar skýrslna í
tengslum við verkefni og rannsóknir
mála og dagbók lögreglu, þar sem
skráð eru öll verkefni lögreglunnar.
Þetta kemur fram í svari Sólveigar
Pétursdóttur dómsmálaráðherra við
fyrirspurn Rannveigar Guðmunds-
dóttur á alþingi. Rannveig óskaði
upplýsinga um skrár á vegum lög-
reglunnar, á hvaða heimildum þær
byggðust og hvaða fyrirtæki, ríkis-
stofnanir og/eða almenningur hefði
aðgang að þeim.
Í svari dómsmálaráðherra kemur
fram sú meginregla, að miðlun upp-
lýsinga úr gagnagrunnum lögreglu til
annarra aðila er óheimil, nema þar
sem lög um persónuvernd og reglu-
gerð um meðferð persónuupplýsinga
hjá lögreglu heimila slíkt. Embætti
ríkislögreglustjóra og embætti toll-
stjórans í Reykjavík hafi t.d. gert með
sér samkomulag um miðlun upplýs-
inga á fíkniefnasviði. Þá kemur fram í
svarinu, að ríkislögreglustjóri getur
heimilað lögreglustjórum að halda
aðrar skrár en kveðið er á um í reglu-
gerð um meðferð persónuupplýsinga
hjá lögreglu og er hann um leið
ábyrgur fyrir þeim.
Persónutengdar skrár lögreglunnar
Vopn, snjóflóð
og mannshvörf
STÓRT snjóflóð féll á Óshlíðarveg
milli Ísafjarðar og Bolungarvíkur á
tólfta tímanum í gærkvöldi. Engan
sakaði, að sögn lögreglu, en nokkrir
bílar urðu frá að hverfa. Ekki var tal-
in ástæða til að ryðja veginn fyrr en í
dag.
Snjóflóð lokaði
Óshlíðarvegi