Morgunblaðið - 13.02.2002, Blaðsíða 31
UMRÆÐAN
MORGUNBLAÐIÐ MIÐVIKUDAGUR 13. FEBRÚAR 2002 31
Prófkjör
Prófkjör eru nú fyrirhuguð til undirbúnings sveitarstjórnarkosningum
sem fram fara hinn 25. maí næstkomandi. Af því tilefni birtir Morgun-
blaðið hér greinar frambjóðenda og stuðningsmanna.
Greinarnar eru ennfremur birtar á mbl.is.
Í SKÓLAMÁLUM
hefur Reykjavíkur-
borg leitast við að
greina af raunsæi þau
verkefni sem standa
fyrir dyrum. Mótuð
hefur verið stefna í
sérkennslu grundvöll-
uð á viðamikilli úttekt
á stöðu þeirra mála í
grunnskólum Reykja-
víkur. Stefnan er snið-
in að þörfum og rétt-
indum
grunnskólabarna, með
það að leiðarljósi að
allir fái sín notið í hin-
um almenna grunn-
skóla.
Í þessu felst að nám verði ein-
staklingsmiðaðra með gerð einstak-
lingsnámskráa, tveggja kennara
kerfi verði í auknum mæli tekið upp
og skólastarf þróað áfram með ólík-
ar þarfir nemenda í huga, hvort sem
um er að ræða óvenjulega hæfileika
eða sérstakar þarfir.
Horfum á
staðreyndir
Könnun meðal grunnskólakenn-
ara sýnir að þeir telja að um þriðj-
ungur nemenda þurfi á sérkennslu
að halda. Þegar svo er komið að
hefðbundið bekkjafyrirkomulag full-
nægir ekki þörfum þriðjungs grunn-
skólabarna er ljóst að grípa þarf til
aðgerða innan grunnskólans. Í því
sambandi er mikilvægt að við forð-
umst kassahugsunina, sem því mið-
ur er of algeng í stjórnmálum. Þá er
spurt: „Hvað er að þessum börnum
og hvað eigum við að gera við þau?“
Við verðum að horfa á staðreynd-
ir eins og fræðsluyfirvöld í Reykja-
vík hafa kosið að gera og spyrja:
„Hvað er að þessu kerfi?“ Hvað eig-
um við að gera við kerfi sem full-
nægir ekki þörfum þriðjungs skóla-
barna? Hvernig er hægt að þróa
það og móta þannig að það taki mið
af breiðari hluta þess hóps sem það
á að þjónusta? Það er hlutverk okk-
ar og skylda okkar að spyrja slíkra
spurninga og grundvalla stefnu okk-
ar á þeim svörum sem við finnum.
Firring
ríkisvaldsins
Þetta hafa fræðsluyfirvöld í
Reykjavík horfst í augu við og
grunnskólar í Reykjavík munu
vinna sig að marki einstaklingsmið-
aðra náms á næstu þremur árum.
En það er ekki nóg. Menntamála-
ráðherra og heilbrigðisráðherra
verða að vera með í þessum leið-
angri að betra skólakerfi. Þar á bæ
verða menn að vera tilbúnir að horf-
ast í augu við þann raunveruleika
sem við blasir. Grunnskólunum ber
skylda til að taka við
öllum börnum á grunn-
skólaaldri og víkja sér
ekki undan þeirri
skyldu, en heilbrigðis-
þjónustan virðist forð-
ast það eins og heitan
eldinn að taka við
börnum sem eiga við
geðræn vandamál að
stríða. Þar virðast yf-
irvöld leggja sérstakan
metnað í að safna bið-
listum og það ekki til
meðferðar heldur til
greiningar.
Á meðan mega skól-
arnir standa ráðþrota
dag eftir dag frammi
fyrir vandamálum sem þeir eru eng-
an veginn færir um að vinna úr þar
sem vandamálin eru ekki mennt-
unarlegs eðlis heldur á sviði geðheil-
brigðis. Þegar svo loks fæst grein-
ing fyrir börnin telja
heilbrigðisyfirvöld sig „stikkfrí“ og
skólarnir eiga að taka við börnunum
án þess að boðið sé upp á meðferð.
Þessi firring er ein mesta ógn sem
steðjar að skólastarfi í grunnskólum
borgarinnar og ekki bætir úr skák
að menntamálaráðuneytið virðist í
engu telja sig þess megnugt að
mennta fólk inn í grunnskólana til
að fást við þennan vanda, sem er þó
hlutverk þess.
Afrekaskrá mennta-
málaráðherra
Áhugaleysi menntamálaráðuneyt-
isins á málefnum grunnskóla er
löngu hætt að koma á óvart enda
hafa þeir þættir grunnskólastarfs-
ins sem ráðuneytið á að sinna verið
undantekningalítið gróflega van-
ræktir. Hvort sem um er að ræða
grunnmenntun eða endurmenntun
starfsmanna eða námsgagnagerð.
Það væri því við hæfi að menn þrifu
sig rækilega í sturtunni áður en þeir
færu að gera sig líklega til að troða
sér í sundskýluna og stinga sér til
metorða í sundlaugum borgarinnar.
Horfumst í
augu við raun-
veruleikann
Sigrún Elsa
Smáradóttir
Höfundur situr í fræðsluráði
Reykjavíkur og tekur þátt í
prófkjöri Samfylkingarinnar.
Reykjavík
Þeir þættir grunn-
skólastarfsins sem
menntamálaráðuneytið
á að sinna, segir
Sigrún Elsa Smára-
dóttir, hafa undantekn-
ingalítið verið
gróflega vanræktir.
SAMFYLKINGIN
heldur einn flokka
prófkjör til að velja
frambjóðendur sína
fyrir borgarstjórnar-
kosningarnar í vor.
Þessa vikuna stendur
yfir kjörfundur þar
sem fólkið velur fram-
bjóðendur Samfylking-
arinnar á Reykjavíkur-
listann.
Taktu þátt!
Prófkjörið fer fram
með tvennskonar
hætti. Annarsvegar
með póstkosningu þar
sem allir skráðir fé-
lagsmenn í Samfylkingunni fá senda
kjörseðla heim til sín. Hinsvegar
geta allir stuðningsmenn flokksins
komið fram til kl. 17 á sunnudag á
skrifstofu Samfylkingarinnar í Aust-
urstræti 14 og kosið þá þrjá fram-
bjóðendur sem það treystir best til
að vera fulltrúar okkar á Reykjavík-
urlistanum í vor.
Átta öflugir frambjóðendur, allir
með mikla reynslu af þátttöku í
stjórnmálum, bjóða sig fram. Fjórir
hafa verið farsælir borgarfulltrúar,
einn er meðal forystumanna Sam-
fylkingarinnar á landsvísu, annar
gegnir forystu í Kjördæmafélagi
flokksins í Reykjavík, og sá þriðji er
gamalreyndur úr bar-
áttu jafnaðarmanna.
Þá er ótalin ung og
efnileg kona úr við-
skiptalífinu, sem áreið-
anlega á eftir að verða
einn af stjórnmála-
mönnum Samfylking-
arinnar í framtíðinni.
Reykjavíkurlistinn
sem breiðfylking jafn-
aðarmanna og fé-
lagshyggjufólks er á
margan hátt merkis-
beri þess besta sem
jafnaðarmenn geta
áorkað, beri þeir gæfu
til að standa saman og
vinna saman. Í vor
bjóðum við fram nýjan og endurnýj-
aðan Reykjavíkurlista. Ég skora á
alla stuðningsmenn Samfylkingar-
innar að taka þátt í að velja bestu
frambjóðendurna með því að kjósa í
prófkjöri flokksins.
Engir erfðaprinsar
Stjórnmál snúast um að vinna að
því sem best er fyrir almenning.
Vinna að almannaheill í víðasta
skilningi þess orðs. Á því byggja
jafnaðarmenn alla sína stefnu; rétt-
læti og jöfnuð fyrir alla. Með sama
hætti treystum við fólkinu til að velja
frambjóðendurna. Stuðningsmenn
okkar eiga að ráða því sjálfir hverjir
eru fulltrúar þeirra á framboðslist-
um flokksins, ef þess er nokkur kost-
ur að koma við prófkjöri.
Við jafnaðarmenn treystum fólk-
inu til að velja það sem best er fyrir
flokkinn sinn. Velja þá sem eiga að
standa vaktina og bera merki flokks-
ins á opinberum vettvangi. Í Sam-
fylkingu jafnaðarmanna gerir eng-
inn tilkall til krúnunnar, og enginn
er borinn til valda. Öfugt við and-
stæðing Reykjavíkurlistans þá eru
engir erfðaprinsar hjá okkur. Fólkið
velur forystuna. Fólkið velur fram-
bjóðendurna. Taktu þátt í því vali.
Fólkið velur
frambjóðendurna
Össur
Skarphéðinsson
Reykjavík
Ég skora á alla stuðn-
ingsmenn Samfylking-
arinnar, segir Össur
Skarphéðinsson, að
taka þátt í að velja bestu
frambjóðendurna með
því að kjósa í prófkjöri
flokksins.
Höfundur er formaður
Samfylkingarinnar.
NÚ þegar nálgast
tilkynningu framboðs-
lista til borgar- og
sveitarstjórna er unn-
ið á mörgum stöðum
við að gera þá sem
best úr garði. Í því
felst m.a. að finna
hæfasta fólkið sem völ
er á til að tryggja íbú-
um allra byggðarlaga
verðuga fulltrúa
næstu fjögur árin.
Í Reykjavík er vinn-
an langt á veg komin.
Flestir hafa samþykkt
að innanbúðarfólk
ákveði uppröðun á
lista á meðan Sam-
fylkingin býður fleirum að koma að
því vali. Prófkjörið sem opið verður
dagana 13.–17. febrúar er liður í því
að virkja fleiri til þátttöku. Því
fylgir sú ábyrgð að hver og einn
þátttakandi verður að gæta þess að
virða og fara eftir
þeim samskipta- og
sambýlisreglum sem
gilda í íslensku þjóð-
félagi, ekki hvað síst
varðandi jafnrétti
kynjanna.
Þegar þátttakand-
inn stendur með kjör-
seðilinn í höndunum
er það á hans eða
hennar valdi að axla
ábyrgðina sem því
fylgir að velja fólk á
lista sem talist geta
fulltrúar allra sam-
félagshópa. Og þar
sem góð vísa er aldrei
of oft kveðin er rétt að
minna á að rúmlega helmingur íbúa
höfuðborgarinnar eru konur og að
samkvæmt könnunum eru konur
líklegir kjósendur Reykjavíkurlist-
ans.
Ég hvet alla til að velja konur á
lista. Sérstaklega hvet ég þó þátt-
takendur í prófkjöri Samfylkingar-
innar í Reykjavík til að forða okkur
frá því skipulags-, menningar- og
jafnréttisslysi sem það yrði að karl-
ar skipuðu öll efstu sæti Reykjavík-
urlistans í vor. Það er í okkar hönd-
um að sýna að við meinum það sem
við segjum og að okkur er alvara
með því að tryggja jafna stöðu og
kjör karla og kvenna. Borgarstjórn
verður að vera blandaður kór og
raddir kvenna verða að heyrast þar
jafn skýrt og greinilega og bassinn,
því ef ekki er lagið falskt. Verum til
fyrirmyndar, verum framsýn og
ábyrg um það að jafnréttissjónar-
mið séu í heiðri höfð í borginni!
Borgarstjórn er
blandaður kór
Hólmfríður
Garðarsdóttir
Reykjavík
Ég hvet alla, segir
Hólmfríður Garð-
arsdóttir, til að velja
konur á lista.
Höfundur er háskólakennari og situr
í framkvæmdastjórn Samfylking-
arinnar.
STUÐNINGS-
MENN Reykjavíkur-
listans vita að nú er
að duga eða drepast.
Það er mikilvægt að
allir átti sig á því að
þeir geta tekið þátt í
prófkjörinu sem hefst
í dag, óflokksbundnir
eins og aðrir. Sjálf-
stæðisflokkurinn fer
hamförum, heimtar
að Reykjavík verði
aftur hornsteinn í
valdakerfi sínu. Ingi-
björg Sólrún og
Reykjavíkurlistinn
valda þann reit sem
gerir okkur öllum
fært að sýna fram á
að hugsjónir jafnaðar og jafnréttis
eigi mikilvægt erindi í samfélag-
inu.
Frá því Reykjavík-
urlistinn varð til hef
ég stutt hann af heil-
um hug, verið sjálf-
boðinn fótgönguliði
til verka – eða kall-
aður til fulltrúum
hans til halds og
trausts. Að þessu
sinni hef ég ákveðið
að bjóða mig fram og
standa í fremstu víg-
línu.
Ég býð mig fram í
fyrsta sæti. Sem bet-
ur fer er nægt mann-
val af reyndu fólki í
prófkjörinu svo ekki
verður vandi að velja
sterkt framboð. Það er skoðun mín
að Reykjavíkurlistinn hafi víða
staðið vel að verki, og Ingibjörg
Sólrún reynst farsæll borgarstjóri.
Borgarfulltrúar okkar hafa gott
forskot og geta lagt verk í dóm. Að
sama skapi geta hinir sem vilja
slást í hópinn beðið fólk að íhuga
hvernig sigurstranglegasta sveitin
lítur út. Ykkar er valið. Hverjum
treystum við best til sigurs? Og til
verka í borgarstjórn? Ég hvet alla
stuðningsmenn Reykjavíkurlistans
til að gefa sitt svar í prófkjörinu.
Reykvíkingar:
Allir geta kosið
Stefán Jón
Hafstein
Reykjavík
Að þessu sinni, segir
Stefán Jón Hafstein, hef
ég ákveðið að bjóða mig
fram og standa í
fremstu víglínu.
Höfundur er formaður fram-
kvæmdastjórnar Samfylkingarinnar
og gefur kost á sér í 1. sæti í próf-
kjöri Samfylkingarinnar.
Taska
aðeins 750 kr.
NETVERSLUN Á mbl.is