Morgunblaðið - 13.02.2002, Blaðsíða 17
VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 13. FEBRÚAR 2002 17
SPARISJÓÐUR Mýrasýslu skilaði
81,4 milljóna króna hagnaði árið 2001
samanborið við 106,4 milljónir króna
árið áður. Skattskuldbinding er
tekjufærð árið 2001 og nemur hagn-
aður fyrir skatta því 53 milljónum
króna en hann nam 152 milljónum
króna árið 2000, sem er 65% sam-
dráttur á milli ára.
Vaxtatekjur sjóðsins jukust um
69,7% frá fyrra ári og vaxtagjöld
hækkuðu um 78,1%. Hækkun hreinna
vaxtatekna nemur alls um helmingi,
fer úr 207 í 316 milljónir króna. Hins
vegar dragast aðrar rekstrartekjur
saman um 76,7%. Lækkun hreinna
rekstrartekna nemur því 13,2%.
Framlag í afskriftarreikning útlána
hækkaði um 61,2% frá fyrra ári.
Rekstrarkostnaður sjóðsins sem
hlutfall af hreinum rekstrartekjum er
52,2% miðað við 46,0% fyrir árið 2000.
Rekstrarkostnaður sem hlutfall af
eignum er nú 2,1% miðað við 2,95%
árið 2000.
Innlán Sparisjóðs Mýrasýslu hafa
aukist um 28,9% á árinu og námu
rúmum 3,9 milljörðum króna í árslok
2001. Útlán hafa aukist um 40,2% og
námu þau rúmum 6,8 milljörðum
króna í árslok. Eiginfjárhlutfall
Sparisjóðsins samkvæmt CAD-
reglum var 13,1% í árslok 2001 og hef-
ur hækkað úr 12% frá árslokum 2000.
Í ársreikningi kemur fram að ef tekið
væri tillit til eignarhluta sparisjóðsins
í SP eignarhaldsfélagi, sem er félag í
eigu nokkurra sparisjóða um eignar-
hlut í Kaupþingi hf., myndi það leiða
til 2,2% lækkunar eiginfjárhlutfalls.
!
"##!
$%!&%&#&#'(#
&
)&& %*
+#,-%*%(!&
)&&#%(.%/01
%!##%&
234
533
32
367
82
52
!"#$#
7982
4
34;4
3;
!
"!
#!
!
#!
!
$!
$ !
#!
#"!
!
%!
#"!
"!
!
&
'
'
'
(
&
Hagnaður fyrir skatta
dróst saman um 65%
Sparisjóður Mýrasýslu skilar 81,4 milljóna hagnaði
HÖFUÐSTÖÐVAR Lyfjaverslunar
Íslands hf. í Lynghálsi 13 voru
formlega opnaðar á föstudag og við
það tilefni var kynnt tillaga stjórn-
ar félagsins um að nafn Lyfjaversl-
unar Íslands verði lagt niður og
nýtt nafn félagsins verði Líf hf.
Einnig var kynnt tillaga að nýju
merki fyrir félagið. Aðalfundur fé-
lagsins, sem haldinn verður í lok
mars, mun taka ákvörðun um hvort
þessar tillögur nái fram að ganga.
Í nýjum höfuðstöðvum Lyfja-
verslunar eru móðurfélagið og átta
dótturfélög þess komin undir eitt
þak en alls eru félögin ellefu sem
starfa að innflutningi og dreifingu
lyfja auk annarrar heilsutengdrar
þjónustu. Félögin í Lynghálsi eru
auk móðurfélagsins: Thorarensen
Lyf, Gróco, Ísfarm, Ísmed, J.S.
Helgason, Heilsuverslun Íslands, Ís-
lensk fjallagrös og Lettís. Önnur
dótturfélög Lyfjaverslunar eru A.
Karlsson, Ísteka og Lyfjadreifing.
Lyfjaverslun Íslands er stærsti
lyfjadreifandi á íslenskum markaði
með um 54% markaðshlutdeild.
Jón Kristjánsson, heilbrigðis- og
tryggingaráðherra, og Ingibjörg
Sólrún Gísladóttir borgarstjóri
voru viðstödd opnun nýju höf-
uðstöðvanna og opnaði ráðherra
þar sýningu sem endurspeglar
lyfja- og heilbrigðisframfarir frá
upphafsdögum Lyfjaverslunar rík-
isins, sem var undanfari Lyfjaversl-
unar Íslands.
Lagt til að Lyfjaverslun
Íslands verði Líf hf.
Morgunblaðið/Sverrir
AFKOMA Norsk Hydro á síðasta ári
var í takt við væntingar forsvars-
manna fyrirtækisins og sérfræðinga á
fjármálamarkaði. Hagnaðurinn nam
7,9 milljörðum norskra króna eða um
90 milljörðum íslenskra króna. Norsk
Hydro náði þó ekki arðsemismark-
miðum sem sett voru fyrir síðasta ár,
en fyrirtækið gaf m.a. út afkomuvið-
vörun fyrr á þessu ári.
Afkoman er mun lakari en árið
2000 þegar hagnaðurinn nam um 14
milljörðum norskra króna en hagnað-
urinn nú er samt sá næstmesti sem
Hydro hefur skilað frá upphafi. Minni
hagnaður stafar aðallega af lægra ol-
íuverði og slæmri afkomu léttmálma-
sviðsins, þ.e. álframleiðslunnar. End-
urskipulagning sem staðið hefur yfir
á landbúnaðardeild Hydro, Agri, hef-
ur skilað sér og var afkoma hennar
góð.
„Á árinu 2001 hefur stefnumótun
innan Hydro styrkt allar þrjár meg-
instoðir félagsins,“ segir Eivind Reit-
en, forstjóri Norsk Hydro, en stoð-
irnar eru á sviði olíu og gass,
landbúnaðar og léttmálma. Hann seg-
ir að hafnar séu aðgerðir til að bæta
rekstur léttmálmadeildarinnar.
Alcan og VAW
deila um verksmiðju
Eftir að Norsk Hydro keypti þýska
álfélagið VAW er ljóst að aðaláhersla
fyrirtækisins er orðin á álframleiðslu,
eins og bent er á í Dagens Nærings-
liv. Samt sem áður býst Hydro við
veikum álmarkaði á fyrri helmingi
þessa árs.
Forstjóri Norsk Hydro hefur ekki
áhyggjur af yfirvofandi dómsmáli í
Þýskalandi, þar sem meðeigandi
VAW að einni álverksmiðju heldur
því fram að hann hafi forkaupsrétt að
henni. Meðeigandinn er Alcan, eig-
andi ÍSAL. Eivind Reiten telur ólík-
legt að Alcan fái forkaupsréttinn við-
urkenndan, en talið er að umrædd
álverksmiðja sé afar verðmæt fyrir
VAW og ein af ástæðunum fyrir því
að Hydro keypti VAW fyrir sem sam-
svarar um 280 milljörðum íslenskra
króna.
Minni hagnaður Norsk Hydro
HAGNAÐUR SP-Fjármögnunar
hf. eftir skatta á síðasta ári nam 253
milljónum kóna. Hagnaðurinn árið
2000 nam 142 milljónum króna eftir
skatta, að því er fram kemur í til-
kynningu til Verðbréfaþings Ís-
lands.
Heildarútlán uxu um 15,6% á
árinu, úr 8.147 milljónum króna í
9.419 milljónir. Heildarniðurstaða
efnahagsreiknings nam 10.100 millj-
ónum króna 31. desember sl., en
var 8.647 milljónir ári áður. Starf-
semi SP-Fjármögnunar er tvíþætt.
Annars vegar er um að ræða eign-
arleigusamninga við fyrirtæki, ríki,
sveitarfélög og aðra rekstraraðila
og hins vegar bílalán til einstak-
linga. Heildarfjárhæð eignarleigu-
samninga um síðustu áramót nam
4.707 milljónum króna og bílalána
4.684 milljónum króna.
Eigið fé SP-Fjármögnunar um
áramót var 1.285 milljónir króna.
Eiginfjárhlutfall skv. CAD var
14,9% og eiginfjárhlutfall 12,9%.
Framlag í afskriftareikning útlána
var 187 milljónir króna sem er
1,98% af útlánum miðað við 31. des-
ember. Í afskriftasjóði voru 416
milljónir króna sem nemur 4,2% af
útlánum. „Þetta er talsvert hærra
hlutfall en á fyrra ári þegar sjóð-
urinn nam 3,3% af útlánum og hefur
verið hækkað til að mæta aukningu
vanskila,“ segir í tilkynningunni.
Hagnaður og útlán SP-
Fjármögnunar aukast