Morgunblaðið - 19.03.2002, Blaðsíða 2

FRÉTTIR
2 ÞRIÐJUDAGUR 19. MARS 2002 MORGUNBLAÐIÐ
Fylgstu
með
nýjustu
fréttum
www.mbl.isGunnar skiptir um
félag í Sviss / B1
Vernharð hampaði enn einum
meistaratitlinum / B4
12 SÍÐUR48 SÍÐUR
Sérblöð í dag
Á ÞRIÐJUDÖGUM
MAÐURINN sem lést í bílslysinu
við Móa á Kjalarnesi á föstudag hét
Helgi Andrésson. Helgi var 68 ára að
aldri, búsettur á Esjubraut 26 á
Akranesi. Hann lætur eftir sig eig-
inkonu og fjögur uppkomin börn.
Helgi Andrésson
Lést í bílslysi
á Kjalarnesi
KONA, sem var farþegi í jeppabif-
reið við Dalakofa vestan Laufafells
skammt sunnan við Heklu á laug-
ardag, liggur á gjörgæsludeild
Landspítalans í Fossvogi eftir slys
sem varð eftir að bifreiðinni var ekið
fram af snjóhengju og hafnaði ofan í
gili. Konan hálsbrotnaði og var flutt
með TF-LÍF, þyrlu Landhelgis-
gæslunnar, til Reykjavíkur. Að sögn
læknis á gjörgæsludeild gekkst hin
slasaða undir aðgerð og er líðan
hennar eftir atvikum góð. Er talið
að þörf sé á áframhaldandi legu á
gjörgæsludeild að sögn læknis.
Í bifreiðinni var ökumaður ásamt
hjónum með tvö ung börn. Mjög
blint var er slysið varð og mun öku-
maðurinn ekki hafa áttað sig á
gilinu sem framundan var og ók því
fram af bakkanum og féll 5 metra í
fríu falli uns bifreiðin hafnaði á stalli
og féll síðan um 3 metra til viðbótar.
Konan sat í aftursæti bifreiðarinnar
ásamt 5 og 7 ára börnum sínum og
mun þak bifreiðarinnar hafa gengið
saman við fallið með þeim afleiðing-
um að hún hlaut alvarleg meiðsl.
Börnin sluppu ómeidd sem og öku-
maður og eiginmaður konunnar.
Ökumaðurinn mun þó hafa kvartað
undan eymslum í hálsi eftir slysið.
Björgunarsveitir Slysavarnafélags-
ins Landsbjargar frá Hvolsvelli,
Hellu og Álftaveri voru kallaðar á
vettvang og einnig þyrla Landhelg-
isgæslunnar sem var kölluð út kl.
17.30. Þyrlan kom á slysstað kl.
18.46 og lenti með hina slösuðu við
Landspítalann kl. 19.49.
Ljósmynd/Kristín Elfa Bragadóttir
Bifreiðin var óökufær eftir veltuna, en yfirbyggingin skemmdist mikið.
Slasaðist alvarlega í
bílveltu við Laufafell
ELDUR varð laus milli þilja í frysti-
togaranum Hamrasvani SH 201 þar
sem hann var í slipp í minni flot-
kvínni í Hafnarfjarðarhöfn skömmu
fyrir hádegi í gær. Samkvæmt upp-
lýsingum frá Slökkviliði höfuðborg-
arsvæðisins urðu ekki miklar
skemmdir á togaranum.
Verið var að logsjóða á vinnslu-
dekki þegar eldur kviknaði í klæðn-
ingu og skömmu síðar logaði á milli
þilja. Starfsmenn slippsins reyndu
að slökkva eldinn en án árangurs.
Reykkafarar slökkviliðsins fóru nið-
ur á millidekkið. Eftir að þeim tókst
að rjúfa klæðningu sóttist slökkvi-
starfið greiðlega. Enginn meiddist í
eldsvoðanum.
Hamrasvanur er 475 brúttótonna
frystitogari, gerður út af Sigurði
Ágústssyni ehf. í Stykkishólmi.
EFNT verður til íbúaþings í vest-
urbæ Reykjavíkur 2. maí næstkom-
andi. Þetta kom fram í máli Ingi-
bjargar Sólrúnar Gísladóttur
borgarstjóra á hverfafundi sem
haldinn var í Melaskóla í gær. Íbúa-
þingið í maí verður haldið í tengslum
við opnun Vesturgarðs, nýrrar fjöl-
skyldu- og skólaþjónustu í vesturbæ.
Á íbúaþingum er notuð ákveðin
aðferðafræði til að ná til íbúanna og
nálgast þeirra sjónarmið. Aðferða-
fræðin er kölluð „community plann-
ing“ og miðar að samráði við íbúa um
stefnumótun í uppbyggingu þjón-
ustu hverfisins.
Borgarstjóri hefur talað um að í
tengslum við nýja hverfaskiptingu
borgarinnar sé æskilegt að um leið
og þjónusta borgarstofnana er sam-
þætt í hverfunum verði leitað með
skipulegum hætti eftir viðhorfum
íbúa um hvernig þeir vilji sjá upp-
byggingu í hverfunum og þá þjón-
ustu sem þar verði. Íbúaþing er ein
af þeim leiðum sem hægt væri að
fara í því sambandi. Vistvænt íbúa-
þing var haldið á Kjalarnesi í janúar
og var þátttaka í því mjög góð.
Íbúaþing í
vesturbæ í vor
FULLTRÚAR Samfylkingarinnar í iðnaðarnefnd
Alþingis styðja frumvarp ríkisstjórnarinnar um að
Alþingi heimili að Landsvirkjun fái leyfi til að reisa
Kárahnjúkavirkjun og stækka Kröfluvirkjun, en
orkunni sem fæst með þessum framkvæmdum er
ætlað að knýja álver í Reyðarfirði. Hjálmar Árna-
son, formaður nefndarinnar, segir að hagnaður af
virkjuninni verði 14-16 milljarðar á 25 ára samn-
ingstíma. Nefndarálitið verður lagt fyrir Alþingi í
dag og verður frumvarpið tekið til annarrar um-
ræðu innan tíðar.
Árni Steinar Jóhannsson, fulltrúi Vinstrihreyf-
ingarinnar – græns framboðs, er andvígur frum-
varpinu og mun skila séráliti. Fulltrúar Samfylk-
ingarinnar styðja frumvarpið en með fyrirvörum.
Ekki var ljóst í gærkvöldi hvort Samfylkingin
myndi skila séráliti eða skrifa upp á álit meirihlut-
ans.
14–16 milljarða hagnaður
á 25 ára samningstíma
Hjálmar sagði að gert væri ráð fyrir að hagnaður
af virkjuninni yrði 14–16 milljarðar á 25 ára samn-
ingstíma. Skv. arðsemismati sem hafi verið staðfest
af innlendum og erlendum sérfræðingum yrði arð-
semi innri vaxtar 6,4% og raunávöxtun eigin fjár
14,5%. Þá yrðu skuldir vegna virkjunarinnar
greiddar upp á 30 árum en líftími slíkra virkjana
væri allt að 80–100 ár. Eftir 30 ár ætti Landsvirkjun
mannvirkið því skuldlaust og virkjunin myndi eftir
það mala „viðbótargull“. Innan við 1% líkur væru á
því að tap yrði á virkjuninni.
Aðspurður um forsendur fyrir þessu mati sagði
Hjálmar að það byggðist á umsömdu raforkuverði,
kostnaði við framkvæmdina og spá sérfræðinga í ál-
heiminum á þróun álverðs á næstu 25 árum. Al-
mennt væri gert ráð fyrir að verð á áli lækkaði um
0,4% á ári og héldist á bilinu 1.500–1.600 dollarar á
tonnið.
Hjálmar segir að langtímaáhrif af framkvæmd-
inni séu afar jákvæð, þjóðarframleiðsla muni aukast
um 1% og byggð styrkjast mjög á Austurlandi.
Fórnarkostnaðurinn felist í raski á náttúru en sýnt
hafi verið fram á að eins mikið tillit hafi verið tekið
til náttúrunnar eins og hægt var, án þess að skaða
arðsemi virkjunarinnar.
Fréttir um að Norsk Hydro vilji fresta byggingu
álvers voru ræddar í iðnaðarnefnd en Hjálmar seg-
ir að þrátt fyrir þessi tíðindi sé á hreinu að Alþingi
verði að vinna sína heimavinnu. Með samþykki
frumvarpsins verði hægt að leyfa virkjunina en
ekkert verði af framkvæmdum ef álverið rís ekki.
Hann hafi á hinn bóginn fulla trú á því að álverið rísi
og virkjun verði að veruleika enda sé um afar hag-
kvæma kosti að ræða.
Hálendinu norðan Vatnajökuls
verði ekki raskað frekar
Bryndís Hlöðversdóttir og Svanfríður Jónasdótt-
ir sitja fyrir Samfylkinguna í iðnaðarnefnd. Bryndís
sagði í samtali við Morgunblaðið að þær styddu
frumvarpið. Í gærkvöldi var þó ekki ljóst hvort þær
myndu skrifa upp á nefndarálit meirihlutans eða
skila séráliti. Bryndís sagði fyrirvara sem þær settu
fyrir virkjanaleyfi einkum vera þá að tryggt yrði að
framkvæmdin yrði þjóðhagslega hagkvæm og arð-
söm. Þá lægi fyrir ákvörðun Alþingis um að hálend-
inu norðan Vatnajökuls yrði ekki raskað frekar en
meirihlutinn hefði tekið vel í þá hugmynd.
Iðnaðarnefnd hefur afgreitt frumvarpið um Kárahnjúkavirkjun
Samfylkingin styður að
virkjunin verði heimiluð
MIKIL og góð þátttaka hefur verið
á námskeiðum á vegum Hunda-
ræktunarfélags Íslands, HRFÍ, þar
sem hundum er kennt að sækja
hluti.
Á slíkum námskeiðum eru hund-
arnir þjálfaðir til að nota meðfædda
eiginleika sína til að sækja bráð og
eigendunum kennt að lesa og skilja
hegðun hundanna.
Um 80% af þeim retriever-hvolp-
um sem fæddust á síðasta ári og
hafa jafnframt verið færðir í ætt-
bók, hafa sótt grunnnámskeið í að
sækja og flestir höfðu áður sótt
hvolpanámskeið á vegum HRFÍ.
Námskeiðin eru haldin í Sól-
heimakoti, skammt frá Hafravatni.
Á myndinni má sjá þá Sigurð Magn-
ússon hundaþjálfara, Ara Svav-
arsson hundaeiganda og Sigurmon
Hreinsson hundaþjálfara leggja
labradorhundinum Kolkuósi Loga
lífsreglurnar. Sigurður fékk nýlega
dómararéttindi og mun í fyrsta sinn
dæma á veiðiprófi sem verður hald-
ið á Akranesi 27. apríl nk.
Morgunblaðið/Ingólfur
Námskeið
fyrir hunda
og menn
♦ ♦ ♦
Eldur laus
milli þilja