Morgunblaðið - 19.03.2002, Blaðsíða 23
ERLENT
MORGUNBLAÐIÐ ÞRIÐJUDAGUR 19. MARS 2002 23
WWW.SAP.COM
WWW.NYHERJI.IS
SAMLÍF
NOTAR SAP.
ÞÝSKIR Græningjar samþykktu
um helgina nýja stefnuskrá fyrir
flokkinn en þar er fallist á, að beiting
hervalds geti verið óhjákvæmileg við
vissar aðstæður. Hefur flokkurinn,
sem hefur átt undir högg að sækja
hjá kjósendum að undanförnu, fært
sig nær miðju stjórnmálanna en al-
mennar þingkosningar verða í
Þýskalandi í september. Joschka
Fischer, utanríkisráðherra og leið-
togi flokksins, lagði hins vegar
áherslu á, að enginn meirihluti væri
á þýska þinginu fyrir herför gegn
Írak.
Græningjar hafa áhyggjur af
kosningunum í haust og óttast, að lít-
ið gengi þá muni gera þá áhrifalausa
á ný. Setti þessi staða sinn svip á
þingið og umræður um stefnu
flokksins en Fischer hvatti flokks-
bræður sína til „opna augun“ fyrir
þeim breytingum, sem átt hefðu sér
stað í heiminum í kjölfar hryðju-
verkaárásanna í Bandaríkjunum 11.
september sl.
„Það er ekki Joschka Fischer, sem
fer fram á það við ykkur, heldur
sjálfur raunveruleikinn,“ sagði hann
eftir að einn þingfulltrúanna hafði
kallað hann „lygara“. Sagði Fischer,
að það væri „algerlega óhjákvæmi-
legt að stöðva íslamska hryðjuverka-
starfsemi með öllum ráðum“.
Veruleikinn annar
utan stjórnar en innan
Friðar- og umhverfissinnar stofn-
uðu Græningjaflokkinn 1980 en 1988
settist hann í stjórn með Gerhard
Schröder kanslara og jafnaðarmönn-
um. Síðan hefur flokkurinn mátt
kyngja hverju stórmálinu á fætur
öðru. Hann hefur staðið að því að
senda friðargæslulið til Balkanskaga
og Afganistans og hann hefur orðið
að sætta sig við miklu minni sam-
drátt í rekstri kjarnorkuvera í
Þýskalandi en samþykktir hans
kváðu á um.
Ákvörðunin um að taka þátt í
hernaðinum gegn hryðjuverkum
undir forystu Bandaríkjanna var
flokknum hvað erfiðust og munaði þá
minnstu, að stjórnin félli. Var það að-
eins fyrir mjög tilfinningaþrungnar
áskoranir frá Fischer, að hjá því
varð komist.
Í samþykkt þingsins nú segir, að
ekki sé hægt að útiloka valdbeitingu
ef að henni stendur löglega kjörin
ríkisstjórn og svo fremi hún sé í sam-
ræmi við alþjóðalög. Stefna Græn-
ingja var hins vegar lengi sú, að
leysa skyldi upp þýska herinn og Atl-
antshafsbandalagið, NATO. Þingið,
sem 800 manns sátu, ályktaði aftur á
móti, að þýsku stjórnarskránni
skyldi breytt þannig, að aukinn
meirihluti, tveir þriðju þingmanna,
verði að vera samþykkur beitingu
hervalds en nú þarf aðeins einfaldan
meirihluta. Þetta þýddi í raun, að
stjórnarandstaðan eða hluti hennar
yrði hverju sinni að tryggja stjórn-
völdum framgang mála af þessu tagi.
Enginn áhugi á
hernaði í Írak
Fischer lýsti því yfir við mikið
lófaklapp, að á þýska þinginu væri
enginn meirihluti fyrir hernaði gegn
Írak og Schröder hefur sagt, að for-
sendan fyrir hugsanlegri þátttöku
Þjóðverja sé nýtt umboð frá Samein-
uðu þjóðunum. Að því fengnu yrði
eftir sem áður að bera hana undir
þýska þingið.
Óbeinar yfirlýsingar Bandaríkja-
manna um að þeir hyggist ráðast á
Írak hafa farið mjög fyrir brjóstið á
þýskum ráðamönnum. Af því tilefni
varaði Fischer Bandaríkjastjórn við
í síðasta mánuði og sagði, að hún
skyldi ekki koma fram við banda-
menn sína eins og einhverja undir-
sáta. Hefur hann einnig gagnrýnt
hana fyrir að fara sínar eigin leiðir í
mörgum málum, til dæmis í afvopn-
unarmálum og hvað varðar alþjóð-
lega samninga.
Yfirlýsingar þingsins voru sam-
þykktar með miklum meirihluta at-
kvæða og tillaga þeirra, sem lengst
er til vinstri í flokknum, um að fella
út úr þeim stuðning við áframhald-
andi veru bandarísks herliðs í Evr-
ópu var felld.
Í síðustu kosningum fengu Græn-
ingjar 6,7% atkvæða en skoðana-
kannanir hafa ekki verið þeim hlið-
hollar að undanförnu þótt Fischer
sjálfur vermi oft fyrsta sætið hvað
varðar vinsældir þýskra stjórnmála-
manna.
Þýskir Græningjar venda sínu kvæði í kross á sögulegu flokksþingi í Berlín
Beiting hervalds getur
verið óhjákvæmileg
Joschka Fischer segir heiminn breyttan eftir hryðjuverkin í
Bandaríkjunum og hvetur flokksmenn til „að opna augun“
AP
Joschka Fischer, leiðtogi Græningja, er hann ávarpaði flokksþingið í Berlín. Flokksbræður hans urðu við
áskorun hans um að „opna augun“ fyrir því, að heimurinn væri breyttur eftir hryðjuverkin í Bandaríkjunum.
Berlín. AP, AFP.