Morgunblaðið - 03.05.2002, Side 19

SUÐURNES
MORGUNBLAÐIÐ FÖSTUDAGUR 3. MAÍ 2002 19
NEMENDUR tíunda bekkjar Heið-
arskóla í Keflavík voru í námsferð í
Reykjavík í gær, meðal annars til
að kynna sér sögustaði skáldsögu
Einars Más Guðmundssonar, Engla
alheimsins, og samnefndrar kvik-
myndar Friðriks Þórs Friðriks-
sonar. Lauk ferðinni í Grillinu á
Hótel Sögu þar sem Einar Már og
Ingvar E. Sigurðsson, aðalleikari í
kvikmyndinni, ræddu við nem-
endur.
Nemendurnir hafa lesið Engla al-
heimsins í skólanum á undan-
förnum árum og öll hafa þau séð
kvikmyndina. Samkvæmt upplýs-
ingum Steinunnar Njálsdóttur ís-
lenskukennara kom ferðin inn á
ýmsar námsgreinar, svo sem ís-
lensku, náttúrufræði, stærðfræði,
ensku og leikfimi. Markmið hennar
var meðal annars að dýpka skilning
nemenda á sagnfræðilegri skáld-
sögu, að auðga þekkingu þeirra á
sjúkrastofnunum fyrir einstaklinga
með geðhvarfasýki og öðlast já-
kvæða sýn á sjúkrastofnanir.
Farið var um söguslóðir Engla al-
heimsins, meðal annars Vogahverf-
ið í Reykjavík, Kleppsspítala, fram
hjá öryrkjablokkunum við Hátún
og Landspítalanum. Nemendurnir
kynntu sér meðal annars arkitektúr
í ferðinni enda var hluti þeirra í
hópi sem vann að hönnunarverk-
efnum í vetur hjá Sveindísi Valdi-
marsdóttur kennara. Í ferðinni var
fjallað um sjúkrastofnanir sem
Guðjón Samúelsson teiknaði og
einnig fleiri mannvirki.
Reykjavíkurferðinni lauk í Grill-
inu á Hótel Sögu þar sem nemend-
urnir fengu sér að borða. Einar
Már og Ingvar komu þar til móts
við hópinn og sögðu frá ýmsu í sam-
bandi við ritun sögunnar og tökur á
kvikmyndinni og Einar Már las upp
úr fyrstu ljóðabók sinni. Meðal ann-
ars sagði Ingvar frá upptökum á
kvöldverðinum fræga sem snilling-
arnir fengu sér í Grillinu. Sagði að
tökur hefðu staðið yfir í eina og
hálfa nótt og maturinn því verið
kaldur og ekki beint kræsilegur.
Tekið var fram að nemendurnir
gerðu upp matinn sem þeir borðuðu
í Grillinu.
Morgunblaðið/Árni Sæberg
Nemendur og kennarar Heiðarskóla ræða við Ingvar E. Sigurðsson
leikara og Einar Má Guðmundsson rithöfund í Grillinu.
Á sögu-
slóðum
Engla al-
heimsins
Keflavík
BÆJARRÁÐ Reykjanesbæjar hafn-
aði á fundi sínum í gær staðsetningu
íbúða aldraðra sem Gerðahreppur
hyggst byggja á lóð hjúkrunarheim-
ilisins Garðvangs í Garði. Þar með
hafa allir sameigendur Gerðahrepps
að Garðvangi hafnað fyrirhugaðri
staðsetningu íbúðanna.
Hreppsnefnd Gerðahrepps hefur
samþykkt deiliskipulag sem gerir ráð
fyrir byggingu íbúða aldraðra á eign-
arlóð Garðvangs og auglýst skipulag-
ið, látið teikna byggingarnar og boðið
framkvæmdina út. Bæjarstjórn
Sandgerðis og hreppsnefnd Vatns-
leysustrandarhrepps hafa áður hafn-
að hugmyndum Gerðahrepps vegna
þess að þær myndu þrengja um of að
starfsemi hjúkrunarheimilisins. Bæj-
arstjórn Reykjanesbæjar fékk full-
trúa sína úr stjórn dvalarheimilisins
og framkvæmdastjóra þess á sinn
fund til að kynna málið svo og fulltrúa
Gerðahrepps og arkitekt hans. Nið-
urstaða í málið fékkst á fundi bæj-
arráðs í gær, þar sem ákveðið var að
hafna framkomnum hugmyndum.
Ellert Eiríksson, bæjarstjóri
Reykjanesbæjar, segir að allir stjórn-
armenn Reykjanesbæjar í stjórn
dvalarheimilanna hafi lagst gegn
staðsetningunni og það sé einnig álit
meirihluta bæjarfulltrúa. Hann tekur
það fram að bærinn leggist ekki gegn
byggingu íbúða aldraðra en menn
telji að betur fari á að koma þeim fyrir
annars staðar í landi Gerðahrepps.
Sigurður Jónsson, sveitarstjóri
Gerðahrepps, segist hafa orðið fyrir
vonbrigðum með að önnur sveitar-
félög telji sig þess umkomin að skipta
sér af deiliskipulagi í hreppnum og að
hann vonist til að þetta sé ekki end-
anleg niðurstaða enda hafi tvær af
sveitarstjórnunum tekið afstöðu án
þess að leita eftir kynningu frá Gerða-
hreppi. Hann segir að með fyrirhug-
aðri staðsetningu íbúðanna sé ekki á
nokkurn hátt verið að þrengja að
starfsemi Garðvangs, þvert á móti
muni íbúðir í nágrenninu styrkja
starfsemi stofnunarinnar.
Á fundi byggingarnefndar íbúða
aldraðra í Gerðahreppi árdegis í dag
verða opnuð tilboð í byggingu íbúð-
anna, það er að segja fyrri hluti tilboð-
anna þar sem gera á grein fyrir fyr-
irkomulagi en ekki verði. Sigurður
segir að væntanlega verði þá tekin af-
staða til þeirrar nýju stöðu sem komin
er upp í málinu. Hann tekur þó fram
að meirihluti hreppsnefndar sé stað-
ráðinn í því að láta framkvæmdina
verða að veruleika.
Allir sameigendur
leggjast gegn stað-
setningu íbúða
Garður
FÉLAG myndlistarmanna í
Reykjanesbæ opnar sumargall-
erí í Svarta pakkhúsinu að
Hafnargötu 2 í dag, föstudag-
inn 3. maí. Galleríið verður opið
alla daga frá kl. 13 til 17. Mynd-
ir eftir ýmsa félagsmenn verða
til sýnis og sölu.
Sumargallerí
opnað
Keflavík
FANNEY Snæbjörnsdóttir, fyrr-
verandi verkakona, var heiðruð í 1.
maí-kaffi Verkalýðs- og sjómanna-
félags Sandgerðis á baráttudegi
verkalýðsins. Baldur Matthíasson,
formaður félagsins, afhenti Fann-
eyju grip því til staðfestingar.
Verkalýðs- og sjómannafélagið
bauð öllum bæjarbúum í kaffi á há-
tíðisdaginn og var fjölmenni. Ým-
islegt var til skemmtunar, auk hefð-
bundinna dagskráratriða.Morgunblaðið/Reynir Sveinsson
Verkakona
heiðruð
Sandgerði
Sumum er ætla›
a› vera saman!
G l i t n i r e r h l u t i a f Í s l a n d s b a n k a
K i r k j u s a n d i • 1 5 5 R e y k j a v í k • g l i t n i r . i s • S í m i 5 6 0 8 8 0 0
Frjáls bílafjármögnun Glitnis
kemur flér í samband vi› rétta bílinn
• fiú ræ›ur hvar flú tryggir
• Ábyrg›armenn allajafna óflarfir
• Hagkvæm fjármögnun
• Hægt a› fá lánslofor›
• Sameiningarlán gó›ur kostur
• Einfalt, fljótlegt og flægilegt