Morgunblaðið - 03.05.2002, Blaðsíða 24

ERLENT
24 FÖSTUDAGUR 3. MAÍ 2002 MORGUNBLAÐIÐ
Nýjar
vorvörur
Ítölsk barnafataverslun
Laugavegi 53, s. 552 3737
Mikið úrval
af sængurgjöfum
fyrir krakka frá 0-12 ára
15% afsláttur
af buxum
15-2
0%
afsl
áttu
r
af v
öldu
m v
öru
m
Nýjar vörur
Frábær tilboð
í báðum verslunum okkar
á löngum laugardegi
Verslun fyrir konur
Laugavegi 44 og Mjódd
Laugavegi 40, sími 551 3577.
Nýtt Nýtt
Nærfatasett í nýjum sumarlitum
frá kr. 2.380
Stífar teygjubuxur
frá kr. 890
Herraskór í úrvali á 30% afslætti
föstudag og laugardag
YFIRMENN kaþólsku kirkjunnar í
Hong Kong greindu frá því í gær að
prestum, sem gerst hefðu sekir um
kynferðislegt ofbeldi gagnvart börn-
um, yrði héðan í frá umsvifalaust vik-
ið úr embætti. Var tilefni ákvörðunar
kirkjunnar að yfirmönnum hennar
þótti sannað að þrír prestar hefðu
gerst sekir um slíkt ofbeldi.
Mál prestanna þriggja hafa ekki
komið inn á borð lögreglunnar í
Hong Kong en dagblöð greindu hins
vegar frá þeim í gær. Yfirmenn
kirkjunnar sögðu að á sl. 27 árum
hefðu borist kvartanir á hendur
þremur prestum og að þó að það væri
ekki há tala væri hún samt alltof há.
Kaþólska kirkjan hefur á undan-
förnum mánuðum þurft að bregðast
við álíka málum víða í heiminum en
hæst hefur þó borið ásakanir á hend-
ur prestum í Bandaríkjunum. Þykir
víst að í alls 17 umdæmum hafi prest-
ar beitt unga drengi kynferðislegu
ofbeldi.
Sagt var frá því í gær að einn
prestanna, sem sætt hefðu ásökun-
um um kynferðislegt ofbeldi í Bost-
on-umdæmi, hefði verið handtekinn í
San Diego og ákærður fyrir nauðg-
un. Presturinn, Paul Shanley, var
færður í fangaklefa en meint fórn-
arlamb hans mun hafa ásakað prest-
inn um að hafa ítrekað nauðgað sér á
árunum 1983–1990 þegar viðkom-
andi var sóknarbarn hans. Fylgir
sögunni að presturinn hafi byrjað of-
beldið þegar fórnarlambið var sex
ára gamalt.
Brugðist við ákærum
á hendur prestum
Hong Kong, Boston. AFP, AP.
JACQUES Chirac Frakklands-
forseti og hægriöfgamaðurinn Jean-
Marie Le Pen héldu í gær sína síð-
ustu kosningafundi en seinni um-
ferð forsetakosninga í Frakklandi
fer fram á sunnudag. Le Pen hitti
stuðningsmenn sína í borginni Mars-
eille í Suður-Frakklandi en Chirac
hélt kosningafund í Villepinte, norð-
ur af París. Ný könnun sem birt var
í Figaro í gær og gerð var síðustu
daga gefur til kynna að Le Pen fái
18-25% fylgi í síðari umferð forseta-
kosninganna á sunnudag. Um 12%
aðspurðra neituðu að svara.
Le Pen hefur átt undir högg að
sækja í kosningabaráttunni und-
anfarna daga. Benda skoðanakann-
anir til að hann muni tapa með af-
gerandi hætti fyrir Chirac og þá
tóku tugþúsundir manna víðs vegar
um Frakkland þátt í mótmælagöng-
um gegn Le Pen á frídegi verka-
manna í fyrradag.
Le Pen sagði í gær að mótmælin
hefðu lítil áhrif á hann. „Ég hlusta á
það sem kjósendur hafa að segja,
ekki mótmælendur,“ sagði hann.
Fréttaskýrendur sögðu þó augljóst
að Le Pen væri í vörn vegna um-
fangs mótmælanna á miðvikudag.
Hann dró nokkuð í land í helstu
stefnumálum sínum, tók t.a.m. fram
að franski frankinn yrði ekki sam-
stundis tekinn upp að nýju í stað
evrunnar, en úrsögn úr mynt-
bandalagi Evrópu og raunar Evr-
ópusambandinu sjálfu er á stefnu-
skrá Le Pens.
Alain Juppé, samflokksmaður
Chiracs og fyrrverandi forsætisráð-
herra, sagði í gær að baráttunni lyki
ekki á sunnudag. Var hann þar lík-
lega að vísa til þingkosninga sem
fara fram í Frakklandi í byrjun júní
en margir óttast að þar muni hægri-
öfgaflokkar ná góðum árangri.
Chirac hefur í fimm ár þurft að
stýra Frakklandi í samvinnu við
sósíalista, sem haft hafa meirihluta
á þingi. Ekki er hins vegar víst að
sósíalistar tryggi sér áframhaldandi
meirihluta á þingi, m.a. vegna þeirr-
ar yfirlýsingar Lionels Jospins for-
sætisráðherra, sem galt afhroð í
fyrri umferð forsetakosninganna,
að hann muni hætta afskiptum af
stjórnmálum.
AP
Þúsundir manna komu saman á útifundi í Marseille í gær þrátt fyrir
mikla rigningu og mótmæltu stefnu forsetaframbjóðandans Jean-Marie
Le Pens. Á spjaldinu stendur: 100% gegn Le Pen. Greiðum atkvæði!
Le Pen í vörn
París. AFP.
GEORGE W. Bush Bandaríkjafor-
seti ræddi á miðvikudag við Hu
Jintao, sem talið er að verði forseti
Kína þegar Jiang Zemin lætur af
embætti.
Lítið er vitað um viðhorf Hu í ut-
anríkismálum og bandarískir emb-
ættismennirnir fengu tækifæri til
bæta þar úr og ræða við hann um
ágreiningsefni ríkjanna. Er Hu flutti
ávarp á fundi með um 600 kaupsýslu-
mönnum og menntamönnum varaði
hann því að aukinn stuðningur
Bandaríkjamanna við Taívan gæti
valdið vandræðum í samskiptum
Kínverja og Bandaríkjamanna.
Stjórn Bush seldi Taívönum mikið af
vopnum í fyrra. Chen Shui-bian, for-
seti Taívans, sagði í gær að með
vopnakaupunum væri markmiðið að
tryggja frið á svæðinu og lýðræði á
Taívan en alls ekki að efna til vopna-
kapphlaups.
Hu gagn-
rýnir
Banda-
ríkjamenn
Washington. AFP.
DÓMSTÓLL í Bretlandi dæmdi
í gær þrjátíu og þriggja ára
gamlan mann í fjögurra ára
fangelsi fyrir að hafa stolið gíf-
urlegum fjölda verðmætra bóka
og handrita úr ýmsum helstu
bókasöfnum Bretlandseyja.
Samanlagt verðmæti bókanna,
sem maðurinn hafði stungið á
sig, er talið nema meira en einni
milljón punda, rúmlega 135
milljónum ísl. króna.
„Bókaræninginn“ svonefndi
[„Tome Raider“ á ensku], Will-
iam Jacques, var fyrir rétti
sagður hafa framið glæpi sína í
skjóli þess, að hann þætti ólík-
legur til að brjóta af sér með
þessum hætti en Jacques er með
háskólagráðu í hagfræði frá
Cambridge. Hann er sagður
hafa rænt meira en fimm hundr-
uð bókum, þ.m.t. ýmsum sjald-
gæfum útgáfum gamalla meist-
araverka.
Bókunum stal Jacques úr
bókasafni Cambridge-háskóla,
Lundúna-bókasafninu og úr
þjóðarbókhlöðunni bresku og
var oftar en ekki um að ræða
bækur, sem takmarkaður að-
gangur er veittur að. Síðan seldi
hann meirihluta þeirra í gegn-
um virt uppboðsfyrirtæki.
Meðal bóka, sem Jacques
hafði stolið, var handrit að bók
eftir Galileo frá árinu 1610, ein-
tak af stjörnufræðibók Keplers
frá 1609 og tvö eintök af verki
Isaac Newtons, Principia Math-
ematica, frá árinu 1687.
Bíræfinn
bóka-
ræningi
London. AFP.