Morgunblaðið - 17.05.2002, Qupperneq 10

FRÉTTIR
10 FÖSTUDAGUR 17. MAÍ 2002 MORGUNBLAÐIÐ
INGIBJÖRG Sólrún Gísladóttir
borgarstjóri segir að heilsurækt-
armiðstöðin, sem rísa eigi í Laug-
ardalnum, sé ekki opinber fram-
kvæmd og þar af leiðandi ekki
útboðsskyld.
„Borgin er í þessu tilviki í að út-
hluta lóð. Það er ekki verið að
byggja heilsuræktarmiðstöð fyrir
borgina,“ bendir Ingibjörg á og
segir að eftir viðræður við þá að-
ila, sem höfðu sýnt slíkri fram-
kvæmd áhuga þá hafi það einfald-
lega verið mat þeirra, sem um
þetta mál fjölluðu, að World Class
hefði burði til þess að takast á við
þetta verkefni. Samþykkti borg-
arráð einróma að semja við World
Class.
Að sögn Ingibjargar borgaði
World Class 158 milljónir króna
fyrir lóðina. Hún nefnir að lóðinni
hafi verið úthlutað þar sem borg-
aryfirvöld hafi talið ávinning af því
að heilsumiðstöð starfaði í
tengslum við sundlaugarmannvirki
borgarinnar. Það séu auðvitað
mörg dæmi þess að borgin velji og
hafni. Íslenskri erfðagreiningu
hafi til dæmis verið úthlutað eft-
irsóttri og góðri lóð í Vatnsmýr-
inni. „Þeir borguðu fyrir hana 120
milljónir og öðrum var ekki gefinn
kostur á því að sækja um hana, af
því að við töldum að það væri
styrkur fyrir háskólasamfélagið að
fá Íslenska erfðagreiningu inn á
það svæði, rétt eins og við töldum
að það væri styrkur af því að fá
starfsemi á vegum World Class
inn á sundlaugarsvæðið.“
Aðspurð segir hún að vissulega
hafi það haft áhrif á úthlutunina að
Björn Leifsson eigandi World
Class átti frumkvæði að málinu.
„Það er alveg eins og þegar Ís-
lensk erfðagreining leitaði til okk-
ar, það hefur auðvitað sitt að segja
þegar menn sýna slíkt frumkvæði.
En það var ekki eingöngu það sem
réð afstöðu borgarráðs, heldur líka
það að áhugi Björns og burðir
væru meiri heldur en annarra. Það
var samin lögfræðileg álitsgerð um
þetta af borgarlögmanni og hún
liggur fyrir,“ segir hún og vísar í
álitsgerð borgarlögmanns, sem var
lögð fram 18. febrúar 2000 og
samþykkt í borgarráði. Lögmaður
Hreyfingar bar fram kvörtun og í
framhaldi af henni var tekin
saman þessi álitsgerð. Ingibjörg
bendir á að eftir að álitsgerðin hafi
verið kynnt fyrir lögmanni
Hreyfingar, hafi ekki heyrst neitt
frekar frá forsvarsmönnum fyrir-
tækisins.
Réttlætanlegt að fara ekki
hefðbundna útboðsleið
Steinunn Valdís Óskarsdóttir
segir að það hafi verið álit borg-
arráðs að það væri réttlætanlegt
að fara ekki hefðbundna útboðs-
leið. „Það er rétt að hafa það í
huga að hugmyndin að byggingu
heilsuræktarstöðvar á þessu svæði
kemur upphaflega frá Birni Leifs-
syni í World Class,“ segir hún og
bendir á að sú umræða eigi sér
reglulega stað á vettvangi borg-
arinnar hvort leyfa eigi fólki að
njóta frumkvæðis síns eða fara í
útboð. Það hafi þótt rétt að kanna
vilja annarra til reksturs heilsu-
ræktarstöðvar í Laugardalnum og
í þeim könnunarviðræðum hafi það
verið mat borgaryfirvalda, að það
væri hægt að verja það að ganga
til samninga við Björn í World
Class, sem var og gert. Í því ferli
hafi átt sér stað ákveðin mistök,
þar sem Ágústu Johnson, fram-
kvæmdastjóra Hreyfingar, var
ekki tilkynnt um að ákveðið hafi
verið að ganga til samninga við
Björn og hún var beðin velvirð-
ingar á þeim mistökum.
„Ég tel að misskilningurinn liggi
í því og það er í raun ekkert meira
um þetta mál að segja. Ég stend
við allt sem ég hef sagt í þessu
máli varðandi samskipti við World
Class, það er ekkert óeðlilegt
þarna. Þetta eru vinnubrögð sem
eru fullkomlega eðlileg og hafa oft
verið tíðkuð. Það áttu sér stað
ákveðin mistök varðandi bréfa-
skipti, það hefur verið beðist af-
sökunar á þeim mistökum og
þannig liggur málið,“ segir Stein-
unn Valdís að lokum.
Borgarstjóri segir að væntanleg heilsuræktarmiðstöð í Laugardal sé ekki útboðsskyld
Styrkur að fá starf-
semi World Class á
sundlaugarsvæðið
JÓN Magnússon í
Skuld, Lynghvammi 4,
Hafnarfirði, lést 10.
maí sl. á hundraðasta
aldursári.
Jón Magnússon
fæddist í Skuld í Hafn-
arfirði 19. september
1902. Hann var sonur
hjónanna Guðlaugar
Björnsdóttur og Magn-
úsar Sigurðssonar,
bónda í Skuld og sjó-
manns.
Skógræktarfélag
Hafnarfjarðar var
stofnað 25. október
1946 og var Jón einn af stofnendum
þess. Á stofnfundinum var hann
kosinn í stjórn félagsins og sat í
stjórn þess óslitið til ársins 1986.
Jón var útnefndur heiðursfélagi
Skógræktarfélagsins á 40 ára af-
mæli þess það ár og var hann fyrsti
heiðursfélagi þess.
Jón rak í áratugi gróðrarstöð, þar
sem Hafnfirðingar og aðrir keyptu
trjáplöntur. Árið 1991
var Jón gerður að
heiðursfélaga í Rót-
arýklúbbi Hafnar-
fjarðar. Árið áður
hafði Rótarýumdæmið
á Íslandi veitt Jóni
verðlaun úr Starfs-
greinasjóði umdæmis-
ins.
Árið 1935 stofnaði
hann með bróður sín-
um og fleirum fyrir-
tækið Áætlunarbíla
Hafnarfjarðar hf. Fyr-
irtækið tók upp áætl-
unarferðir milli
Reykjavíkur og Hafnarfjarðar og
stundaði þær ásamt fleiri fyrirtækj-
um allt til ársins 1947. Hann rak
eigin skógræktarstöð áratugum
saman við heimili sitt, Skuld.
Jón var sæmdur riddarakrossi
hinnar íslensku fálkaorðu 1. janúar
árið 1986 fyrir ræktunarstörf sín.
Eiginkona Jóns var Elín Björns-
dóttir og eignuðust þau tvö börn.
Andlát
JÓN
MAGNÚSSON
TVEIR norskir ofurhugar ætla að
sigla á opnum hraðbát frá Björg-
vin í Noregi til Reykjavíkur um
helgina. Þeir reikna með 30
klukkustundum í ferðalagið og
ætla með því að setja hraðamet á
siglingarleiðinni sem er 1.700 kíló-
metra löng.
Thomas Guttormsen og Lars
Naverud gera ráð fyrir að leggja
af stað klukkan tvö aðfaranótt
laugardags og gangi allt að óskum
búast þeir við að koma í Reykja-
víkurhöfn um klukkan átta á
sunnudagsmorgun. Bátur þeirra er
af 32 feta langur hraðbátur með
uppblásnum hliðum og með öfl-
ugum 8,2 lítra utanborðsmótor.
Miðað er við að báturinn haldi
meira en 75 hnúta meðalhraða á
leiðinni. 3.000 lítrar af eldsneyti
verða um borð þeir hyggjast koma
við í Þórshöfn í Færeyjum til að
taka eldsneyti.
„Það verður erfiðast að halda
sér vakandi,“ er haft eftir Gutt-
ormsen á netútgáfu sænska dag-
blaðsins Expressen. Veðrið gæti
einnig orðið þeim erfitt en þeir
urðu einmitt að fresta ferðinni í
fyrra vegna veðurs. „Báturinn
hefði ráðið við veðrið, en við hefð-
um þurft að draga úr hraðanum til
að vera vissir um að lifa af. Og þá
hefðum við ekki sett neitt met,“
segir Guttormsen.
Fyrir nokkrum árum settu þeir
Lars Naverud og Thomas Gutt-
ormsen hraðamet á leiðinni frá
Osló til Kaupmannahafnar og þeir
hyggja nú á frekari afrek. Blanda
af brjálsemi, norskri ævintýraþrá
og viljinn til að sigrast á nátt-
úruöflunum rekur þá áfram, að
sögn tvímenninganna.
Hægt er að fylgjast með ferðum
þeirra á Netinu. Heimasíða þeirra
er: www. guttapatur.com.
Þetta er báturinn sem þeir Thomas Guttormsen og Lars Naverud ætla að sigla á 30 tímum frá Björgvin til Íslands.
Sigla frá Björg-
vin til Reykja-
víkur á 30 tímum
HANNES Guðmundsson, fram-
kvæmdastjóri Frumafls hf., fagnar
því að heilbrigðisráðherra, Jón
Kristjánsson, hafi fyrir hönd ríkis-
ins ákveðið að hækka framlag sitt til
byggingar hjúkrunarheimilis í
Sogamýri, austan við Mörkina, úr
40% af byggingarkostnaði í 70%.
Eygló Stefánsdóttir, formaður
sjálfseignarstofnunarinnar Markar-
holts, vill lítið tjá sig um þetta mál
að svo stöddu. Fyrst vilji hún ræða
við heilbrigðisráðuneytið um það
hvernig Markarholt geti komið að
byggingu nýja hjúkrunarheimilis-
ins.
Eins og fram kom í Morgun-
blaðinu á þriðjudag hafa Jón Krist-
jánsson heilbrigðisráðherra og Ingi-
björg Sólrún Gísladóttir borgar-
stjóri undirritað sameiginlega vilja-
yfirlýsingu um endurbætur og upp-
byggingu nýrra hjúkrunarrýma í
Reykjavík á árunum 2003 til 2007. Í
yfirlýsingunni er m.a. gengið út frá
því að reist verði fyrrgreint hjúkr-
unarheimili með 100 rýmum. 70% af
kostnaði við bygginguna verði
greiddur af heilbrigðis- og trygg-
ingamálaráðuneytinu og 30% af
Reykjavíkurborg. Eignarhlutur
hvors aðila um sig verði í sömu hlut-
föllum. Í yfirlýsingunni segir enn-
fremur: „Rekstur þjónustunnar
verði annaðhvort boðinn út eða
greitt verði fyrir þjónustuna sam-
kvæmt reiknilíkani ráðuneytisins ef
gengið verður beint til samninga við
Félagsþjónustu Reykjavíkurborgar
eða þriðja aðila um rekstur heimilis-
ins.“
Með þessari viljayfirlýsingu féll
úr gildi sameiginleg viljayfirlýsing
Reykjavíkurborgar, Frumafls hf. og
sjálfseignarstofnunarinnar Markar-
holts, frá 26. apríl sl., um að stofna
félag til að reisa hjúkrunarheimili
við Sogamýri, austan við Mörkina.
Hannes, sem ritaði undir þá yf-
irlýsingu fyrir hönd Frumafls hf.,
ásamt borgarstjóra og Eygló Stef-
ánsdóttur, formanni Markarholts,
segir að með henni hafi verið gengið
út frá því að ríkið greiddi 40% af
byggingu hjúkrunarheimilisins, en
Reykjavíkurborg allt að 30%. Hins
vegar hafi félagið átt eftir að finna
aðila til að fjármagna þau 30% sem
eftir voru. Hannes segir að gert sé
ráð fyrir að bygging umrædds
hjúkrunarheimilis kosti um einn og
hálfan milljarð og því megi segja að
með því að bæta á sig 30% til við-
bótar hafi ríkið verið að taka á sig
skuldbindingar um 450 milljónir til
viðbótar því sem það hefði ella þurft
að borga miðað við fyrri yfirlýs-
inguna. Taka skal þó fram að fram-
kvæmd síðari yfirlýsingarinnar er
m.a. háð því að nauðsynlegt fé fáist
úr fjárlögum á tímabilingu.
„Ég fagna því að ríkið hækki sitt
framlag,“ segir Hannes, „fyrri vilja-
yfirlýsingin gekk út á að kanna það
hvernig við gætum fjármagnað
þessi 30%, þ.e. um 450 milljónir en
sú vinna var ekki komin af stað. En
nú hefur ríkið boðist til að hækka
sitt framlag um 450 milljónir og hlýt
ég að fagna því.“ Hannes tekur þó
fram að hann vonist að sjálfsögðu til
þess að ákveðið verði að bjóða út
rekstur heimilisins. „Ég vonast til
þess að þeir bjóði þetta út. Þannig
var það með hjúkrunarheimilið í
Sóltúni og við fengum það verkefni
eftir útboð.“ Hannes segir að rekst-
ur Sóltúnsheimilisins gangi mjög vel
og að Frumafl ætli sér frekari verk-
efni á þessu sviði.
Fagnar því að ríkið
hækki framlag sitt
Framkvæmdastjóri Frumafls hf. um hjúkrunarheimili