Morgunblaðið - 17.05.2002, Qupperneq 18

SUÐURNES
18 FÖSTUDAGUR 17. MAÍ 2002 MORGUNBLAÐIÐ
STJÓRN Hafnasamlags Suðurnesja
samþykkti í fyrrakvöld fyrir sitt
leyti samning um lóðar- og hafn-
argjöld við bandarískt fyrirtæki
sem hyggst reisa stálpípuverk-
smiðju við Helguvíkurhöfn í
Reykjanesbæ. Um er að ræða 4
hektara lóð og mun samningurinn
fara til afgreiðslu bæjarstjórnar
Reykjanesbæjar, sem kölluð hefur
verið saman til aukafundar í kvöld
vegna þessa. Að sögn Ellerts Ei-
ríkssonar, bæjarstjóra í Reykja-
nesbæ, bárust samningsdrögin frá
Bandaríkjunum í gærmorgun, und-
irrituð af fulltrúum stálfyrirtækis-
ins.
Fyrirtækið hefur nýlega stofnað
einkahlutafélag hér á landi, Inter-
national Pipe&Tube á Íslandi ehf.,
sem er með áform um að hefja
framkvæmdir í haust að lokinni
fjármögnun. Uppbygging verk-
smiðjunnar er talin kosta um 4
milljarða króna og hátt í 240 ný
störf gætu skapast í Reykjanesbæ.
Fáist samningurinn samþykktur í
bæjarstjórn, sem miklar líkur eru
taldar á, verður fjármögnun verk-
efnisins sett í fullan gang, sam-
kvæmt upplýsingum Morgunblaðs-
ins frá lögmanni fyrirtækisins hér á
landi, og verður fyrst og fremst um
erlent lánsfé að ræða. Íslenskir fjár-
festar hafa ekki verið inni í mynd-
inni til þessa.
Ellert sagði að ef af byggingu
verksmiðjunnar yrði, þá myndi hún
mestu skipta fyrir tekjur hafnarinn-
ar af sjóflutningum með stálið.
Einnig gæti þetta skipt sköpum í at-
vinnulífi sveitarfélagsins en um 240
manna starfsliði væri krafist tækni-
og/eða iðnmenntunar starfsmanna.
Könnuðu aðra kosti í Evrópu
Eigendur stálfyrirtækisins settu
sig í samband við íslensk stjórnvöld
og bæjaryfirvöld í Reykjanesbæ
fyrir áramót, eftir að hafa kannað
nokkra kosti í Evrópu á uppsetn-
ingu verksmiðju sem þessarar.
Telja þeir Helguvík hagkvæman
kost en ætlunin er að flytja inn hrá-
efnið, stálrúllur, til framleiðslunnar
frá Austur-Evrópu, framleiða stál-
rör og -pípur til sérstakra iðnaðar-
nota og flytja sjóleiðis á markaði í
Evrópu og jafnvel í Bandaríkjunum.
Framleiðslan fellur undir tolla-
ákvæði EES-samningsins og telja
Bandaríkjamenn það til tekna við
sölu á Evrópumarkaði, líkt og haft
var eftir Valgerði Sverrisdóttur iðn-
aðarráðherra í Morgunblaðinu í lok
mars sl. er hún kynnti málið í rík-
isstjórn. Hún sagði þetta áhuga-
verðan kost sem stjórnvöld myndu
leggja sig fram við að ná í höfn.
Pétur Jóhannsson, hafnarstjóri í
Reykjanesbæ, sagði við Morgun-
blaðið í gær að verksmiðjan kallaði
ekki á frekari hafnarframkvæmdir
við Helguvík til að byrja með, síðar
gæti lenging viðlegukantsins mjög
líklega koma til greina. Pétur sagði
að sprengja þyrfti talsvert magn af
bergi til að koma verksmiðjunni fyr-
ir en framkvæmdin ætti ekki að
kalla á sérstakt mat á umhverfis-
áhrifum. Ekki kæmi mengun frá
verksmiðjunni þar sem stálið væri
valsað í pípur og rör og framleiðslan
væri heldur ekki mjög orkufrek.
Samningur liggur fyrir um hafnar- og lóðargjöld stálpípuverksmiðju í Helguvík
Bæjarstjórn kölluð saman
til aukafundar í kvöld
Morgunblaðið/Hilmar Bragi
Bandaríska fyrirtækið þarf 4 hektara lóð við Helguvíkurhöfn undir stál-
pípuverksmiðjuna og síðar gæti þurft að lengja viðlegukantinn.
Helguvík
TÓNLEIKAR, til minningar um Sig-
uróla Geirsson, fyrrum orgainsta og
skólastjóra Tónlistarskóla Grinda-
víkur, verða haldnir í Grindavíkur-
kirkju að kvöldi hvítasunnudags kl.
20.
Í frétt frá aðstandendum tón-
leikanna segir að Siguróli hafi verið
afkastamikill
starfsmaður
kirkjunnar og
áhugasamur um
kirkjulegt starf,
sérstaklega tón-
listarstarf. Á
yngri árum stofn-
aði hann barnakór
og æskulýðskór
við Keflavíkur-
kirkju, þar sem
hann starfaði þá.
Víst er að á þessu sviði var hann
brautryðjandi og voru æskulýðskór-
ar hans afar vinsælir í mörg ár. Hann
kenndi við tónlistarskóla Njarðvíkur
og Keflavíkur áður en hann flutti til
Grindavíkur og stjórnaði einnig
Karlakór Keflavíkur um tíma. Í
Grindavík var hann skólastjóri og
organisti, með starfandi kirkjukór og
einnig barnakór í samvinnu við eig-
inkonu sína, Vilborgu Sigurjónsdótt-
ur. Starf þeirra var afar farsælt.
Nokkrir vinir Siguróla ásamt
ekkju hans hafa skipulagt tónleikana,
en á þeim koma fram kirkjukórar
Grindavíkur og Keflavíkurkirkna
undir stjórn Arnar Falkner og Há-
kons Leifssonar, Karlakór Keflavík-
ur undir stjórn Smára Ólasonar,
Kammerkór Hafnarfjarðar undir
stjórn Helga Bragasonar, Barnakór
Seljakirkju undir stjórn Gróu
Hreinsdóttur, einsöngvararnir Einar
Örn Einarsson, Guðmundur Sigurðs-
son og Steinn Erlingsson, Gunnar
Kvaran sellóleikari og Haukur Guð-
laugsson orgelleikari. Siguróli var
menntaður tónmenntakennari og
tréblásarakennari og á tónleikunum
verður leikið á þau hljóðfæri sem
hann lærði og kenndi á. Á fagott leik-
ur Rúnar Vilbergsson, á klarinett
Gunnar Kristmannsson, á þverflautu
Gunnar Gunnarsson og á saxófón
Rúnar Georgsson. Píanóleikarar
verða Ester Ólafsdóttir, Frank Her-
lufsen, Gróa Hreinsdóttir og Helgi
Bragason. Þá kemur fram harmón-
ikkuklúbburinn Stormur, en harmón-
ikkan var eitt af hljóðfærum Sigur-
óla.
Ágóði rennur í sálmabókasjóð
Grindavíkurkirkju
Kynnir á tónleikunum verður
Kjartan Már Kjartansson. Á eftir
verður kaffi í boði bæjarstjórnar
Grindavíkur. Grindavíkurkirkja býð-
ur ókeypis afnot af kirkjunni, allir
flytjendur gefa sína vinnu og að-
gangseyrir sem verður 1.000 kr.
rennur óskiptur í sálmabókasjóð
Grindavíkurkirkju.
Tónleikar í
minningu
Siguróla
Geirssonar
Grindavík
Siguróli
Geirsson
HLJÓMSVEITIN Rými heldur út-
gáfutónleika í Frumleikhúsinu að
kvöldi hvítasunnudags kl. 21 vegna
nýútkominnar plötu, Unity for the
first time. Rými er keflvísk hljóm-
sveit skipuð fjórum strákum á aldr-
inum 19–21 árs, þeim Sveini, Tómasi,
Ævari og Oddi. Aðgangseyrir er 300
krónur og verður platan leikin í heild
sinni. Allir gestahljóðfæraleikararn-
ir á plötunni munu spila.
Rýmispiltar voru einnig með tón-
leika í Holtaskóla í gær og stefna að
útgáfutónleikum á Gauki á Stöng í
Reykjavík í lok mánaðarins.
Rými með út-
gáfutónleika
Keflavík
♦ ♦ ♦
STARFSMANNAFÉLAG Suð-
urnesja hefur falið lögmanni sín-
um, Gesti Jónssyni, að innheimta
laun ellefu ófaglærðra starfs-
manna Garðvangs, hjúkrunar-
heimilis fyrir aldraða, sem félagið
telur að séu vangreidd vegna
námskeiðs sem starfsmennirnir
sóttu.
Starfsmannafélagið íhugar
einnig að grípa til mótmælaað-
gerða á Garðvangi vegna málsins
en hátt í 20 starfsmenn heimilisins
eru í félaginu. Starfskjaranefnd
sveitarfélaga á Suðurnesjum hef-
ur úrskurðað að Garðvangi beri að
hækka umrædda starfsmenn um
launaflokk.
Stjórn Dvalarheimila aldraðra
á Suðurnesjum kom saman til
fundar á þriðjudag og þar var lögð
fram tillaga frá öðrum fulltrúa
Reykjanesbæjar og fulltrúa
Gerðahrepps um að greiða þessi
laun, samkvæmt beiðni Starfs-
mannafélags Suðurnesja. Tillagan
var felld af fulltrúum Sandgerðis
og Vatnsleysustrandarhrepps og
hinum fulltrúa Reykjanesbæjar í
stjórninni. Hins vegar var sam-
þykkt að fela framkvæmdastjóra
Garðvangs, Finnboga Björnssyni,
að skoða málið nánar og í samráði
við lögfræðing ef með þyrfti.
Finnbogi vildi í samtali við
Morgunblaðið ekki tjá sig um
þetta að öðru leyti en því að hann
ætlaði að ræða við formann starfs-
mannafélagsins í því skyni að
finna lausn í málum starfsmann-
anna. Ekki væri búið að loka nein-
um dyrum í málinu.
„Tefja á málið enn frekar“
Ragnar Örn Pétursson, formað-
ur Starfsmannafélags Suður-
nesja, sagði við Morgunblaðið að
það væru forkastanleg vinnu-
brögð af hálfu stjórnenda Garð-
vangs að hundsa enn niðurstöðu
starfskjaranefndar, æðsta valds
sem færi með málefni kjarasamn-
inga á gildistíma þeirra.
„Það hefur tekið á annað ár að
fá þessa lagfæringu í gegn. Af-
greiðslan á stjórnarfundi Dvalar-
heimilis aldraðra á Suðurnesjum
er svo hreint með ólíkindum. Það
er alveg ljóst að framkvæmda-
stjóri Garðvangs virðist stjórna
því sem meirihluti stjórnarinnar
samþykkti. Að fá lögfræðing til að
skoða málið er bara gert til að
tefja málið enn frekar,“ sagði
Ragnar Örn.
Ragnar Örn minnti á yfirlýs-
ingu í kjarasamningi félagsins frá
febrúar 2001 þar sem samninga-
nefnd gerði þá kröfu að starfs-
kjaranefnd og Samband sveitarfé-
laga á Suðurnesjum sæju til þess
að starfsfólk á Garðvangi, sem
sótt hefði námskeið en ekki fengið
launaflokkahækkun, fengi leið-
réttingu aftur til þess tíma er
námskeiðunum lauk.
Starfsmannafélagið hefur einn-
ig falið lögmanni sínum að inn-
heimta laun fyrrum starfsmanns
Garðvangs sem ekki hefur fengið
metna afturvirka launaflokks-
hækkun.
Starfsmannafélag Suðurnesja leit-
ar til lögmanns vegna Garðvangs
Telur 11 starfs-
menn eiga inni
vangreidd laun
Garður