Morgunblaðið - 26.06.2002, Qupperneq 14

AKUREYRI
14 MIÐVIKUDAGUR 26. JÚNÍ 2002 MORGUNBLAÐIÐ
www. .is
ÍBÚÐIR TIL SÖLU • ÍBÚÐIR TIL LEIGU • TÆKJALEIGA • ÚTBOÐ
KÍKTU
Á NETIÐ
ARCTIC-open miðnæturgolfmótið
verður sett í golfskálanum að Jaðri í
kvöld. Sjálf keppnin fer svo fram að-
faranótt föstudags og laugardags og
mótinu lýkur með lokahófi og verð-
launaafhendingu á laugardags-
kvöld. Alls eru um 160 þátttakendur
skráðir til leiks að þessu sinni, eða
heldur færri en í fyrra. Mótið hefur
verið haldið árlega frá árinu 1986.
Erlendir keppendur eru um 70
talsins og þar af 45 Bandaríkja-
menn. Einnig koma keppendur m.a.
frá Hollandi, Bretlandi, Noregi,
Finnlandi og Lúxemborg. Leiknar
verða 36 holur en að þessu sinni
verður einnig keppt í kvennaflokki
og öldungaflokki og hefur Magnús
Guðmundsson, margfaldur Íslands-
meistari í golfi og á skíðum, gefið
verðlaunin fyrir þá flokka.
Kolbeinn Sigurbjörnsson, fram-
kvæmdastjóri Golfklúbbs Akureyr-
ar, sagði að undirbúningur fyrir
mótið hefði gengið vel, enda margir
lagt hönd á plóginn. Hann er bjart-
sýnn á að veðurguðirnir verði móts-
höldurum hliðhollir og að miðnæt-
ursólin sýni sig. „Það hefur gengið á
ýmsu með veðrið eins og nærri má
geta á þessari breiddargráðu en ég
held að það hafi aldrei brugðist að
við höfum ekki fengið miðnætursól-
ina að minnsta kosti annað kvöldið.“
Kolbeinn sagði að jafnan ríkti
skemmtilegur andi við undirbúning-
inn og á mótinu sjálfu og að her
manns hefði lagt klúbbnum lið. „Það
gengur maður undir manns hönd við
að gera þetta mót sem glæsilegast.
Þetta er líka fjöður í hatt Akureyr-
inga enda stendur bærinn vel að
þessu með okkur, auk fjölmargra
fyrirtækja og einstaklinga.“
Morgunblaðið/Kristján
Hilmar Gíslason, fyrrverandi bæjarverkstjóri, og félagar hans Brynleif-
ur Hallsson og Oddur Jónsson voru að æfa sig fyrir Arctic-mótið í gær
og voru þeir félagar ánægðir með ástand vallarins.
Um 160 keppendur skráð-
ir til leiks á Arctic-open
AKUREYRARBÆR auglýsti á dög-
unum lausar til umsóknar lóðir undir
á annað hundrað íbúða í Nausta-
hverfi. Um er að ræða 18 einbýlis-
húsalóðir, 12 parhúsalóðir, sex tví-
býlishúsalóðir, þrjár raðhúsalóðir og
10 fjölbýlishúsalóðir. Einnig voru
auglýstar lausar til umsóknar tvær
einbýlishúsalóðir við Hraungerði í
Gerðahverfi.
Að sögn Bjarna Reykjalíns skipu-
lags- og byggingafulltrúa, kemur
nokkuð á óvart hversu fáir sóttu um
þessar lóðir sem auglýstar voru og þá
sérstaklega við Hraungerði. Alls bár-
ust umsóknir frá átta fyrirtækjum
um mismunandi margar lóðir í
Naustahverfi og þrjár umsóknir frá
einstaklingum um einbýlishúsalóðir.
„Ég átti von á því að slegist yrði
um lóðirnar við Hraungerði en þar
sækja aðeins þrír einstaklingar og
eitt fyrirtæki um. Maður hélt að
þetta væri óskastaður fyrir fólk sem
vildi vera inni í grónu hverfi. Nausta-
hverfi er nýtt hverfi og verktakar eru
margir hverjir með mikið af lóðum
undir. Einstaklingar virðast ætla að
halda að sér höndum og sjá hvernig
mál þróast þar og því er engin rífandi
eftirspurn eftir lóðum,“ sagði Bjarni.
Eins og komið hefur fram hefur
verið mjög líflegt á byggingamark-
aðnum á Akureyri undanfarin miss-
eri og mikið verið byggt af íbúðar-
húsnæði og á vegum hins opinbera.
Ekkert lát virðist vera á fram-
kvæmdum við íbúðabyggingar því að
byggingafyrirtæki eru komin af stað
með eða að hefja framkvæmdir við
vel á annað hundrað íbúða víðs vegar
um bæinn. Einnig er nokkuð um að
einstaklingar séu að byggja nýtt
íbúðarhúsnæði.
Áhuginn minni
en búist var við
Morgunblaðið/Kristján
Jarðvegsframkvæmdir eru í fullum gangi í Naustahverfi en gert er ráð
fyrir að lóðirnar í fyrsta áfanga verði byggingarhæfar í lok ágúst nk.
Fjölmargar lóðir undir íbúðarhúsnæði í boði í Naustahverfi á Akureyri
SAMTÖK um náttúruvernd á Norð-
urlandi, SUNN, hafa sent frá sér
ályktun um þjóðgarð á hálendinu
norðan Vatnajökuls. Þar er skorað á
stjórnvöld að flýta undirbúningi þess
að stofna þjóðgarð á þessum slóðum.
Jafnframt fagna samtökin þeirri
ákvörðun Norsk Hydro að draga sig
út úr álversviðræðum og skora á
önnur álfyrirtæki og íslensk stjórn-
völd að hætta áformum um álver og
virkjun við Kárahnjúka og koma
þannig í veg fyrir stórfelldustu nátt-
úruspjöll Íslandssögunnar, segir í
ályktuninni. „Þjóðgarður á miðhá-
lendinu er mikilvægt framlag Ís-
lands til náttúruverndar á heims-
mælikvarða. Slíkur þjóðgarður mun
laða að sér ferðafólk og því þarf að
undirbúa hann vel, jafnvel stofna
hann í nokkrum áföngum,“ segir þar
einnig.
Samtök um náttúruvernd á Norðurlandi
Flýtt verði undirbúningi
þjóðgarðs á hálendinu
UNDIRRITAÐUR hefur verið til-
raunasamningur um stafræna ein-
takagerð á milli Fjölís og Háskól-
ans á Akureyri. Ragnar Aðal-
steinsson, formaður stjórnar
Fjölís, og Þorsteinn Gunnarsson,
rektor Háskólans á Akureyri, und-
irrituðu samninginn í vikunni.
Um er að ræða fyrsta samning
sinnar tegundar, en hann tekur til
skönnunar útgefins íslensks efnis
inn á stafrænan gagnagrunn Há-
skólans á Akureyri. Gagnagrunn-
urinn nefnist Hlaðan í daglegu tali.
Með þessum samningi þurfa há-
skólayfirvöld á Akureyri ekki að
leita heimildar einstakra rétthafa
til stafrænnar eintakagerðar innan
þess ramma sem samningurinn
setur. Mun hann einfalda aðgengi
nemenda og kennara Háskólans á
Akureyri að ítarefni í einstökum
námsgreinum og jafnframt tryggja
íslenskum rétthöfum sanngjarnt
endurgjald fyrir stafræna eintaka-
gerð verka þeirra.
Alls eiga sex félög aðilda að
Fjölís; Blaðamannafélag Íslands,
Félag íslenskra bókaútgefenda,
Hagþenkir, Myndstef, Rithöfunda-
samband Íslands og STEF. Meg-
intilgangur samtakanna er að gæta
fjölföldunarréttar á útgefnum
verkum með samningum sem
heimila takmarkaða ljósritun eða
aðra sambærilega eintakagerð
gegn endurgjaldi. Stærsti samn-
ingur Fjölís er við menntamála-
ráðuneytið vegna ljósritunar í
skólum.
Fjölís og Háskólinn á Akureyri
Skönnun inn á
gagnagrunn
KARLMAÐUR um fertugt hefur í
héraðsdómi Norðurlands eystra ver-
ið dæmdur í 30 daga fangelsi og þá
var hann sviptur ökurétti ævilangt
og honum gert að greiða skaðabæt-
ur að upphæð tvö þúsund krónur.
Maðurinn var ákærður fyrir að hafa
gefið út og notað tékka í viðskiptum
við veitingahúsið Café Amour á Ak-
ureyri að upphæð tvö þúsund krón-
ur en tékkinn var úr hefti eiginkonu
hans. Einnig var maðurinn ákærður
fyrir að hafa ekið bifreið undir áhrif-
um áfengis á Akureyri þar til lög-
regla stöðvaði för hans.
Við þingfestingu ákæru var fallið
frá ákæru um að maðurinn hefði
tekið umræddan tékka í heimildar-
leysi.
Maðurinn játaði aðra liði ákær-
unnar fyrir dómi. Hann hefur tví-
vegis áður gerst sekur um ölvunar-
akstur, árið 1994 þegar hann missti
ökuréttindi í eitt ár og síðan 1997 er
hann missti ökuleyfi í þrjú ár. Var
höfð hliðsjón af því við ákvörðun
refsingar nú.
Fangelsi í 30
daga vegna
ölvunar-
aksturs
SÆNSKA hljómsveitin Jazzin
Dukes leikur á heitum fimmtu-
degi í Deiglunni kl. 21.30 annað
kvöld, 27. júní. Sveitin flytur
tónlist í anda Dukes Ellington.
Hljómsveitin leikur einnig í Ak-
ureyrarkirkju á sunnudag kl. 17.
Nína Mjöll Þormóðsdóttir hef-
ur opnað sýningu í Café Karól-
ínu.
Sýningin Ferðafurða stendur í
Ketilhúsinu og 170xhringinn í
Deiglunni en þær eru opnar frá
kl. 14 til 18. Sýningar standa
einnig yfir á Safnasafninu á
Svalbarðsströnd og Ragnar
Gestsson sýnir verk unnin með
myndbandstækni í Kompunni.
Söguganga verður um Odd-
eyri á laugardag, 29. júní, og
verður lagt af stað frá Gránu-
félagshúsunum kl. 14.
Dagskrá Listasumars
Malasia - BALI - Singapúr
Algjört heimsklassa - Tækifæri
Sími 56 20 400
Heimsklúbbur Ingólfs-PRÍMA